نداء الى الاسكندرانية

[SunSet]

طب ممكن تقولى انتى عاوزه عزومه من اى نوع
اكل مشاريب كده يعنى ولا فسحه بالعربيه فقط
فى حاجات كتير

فيه ناس صحابي حيجوا يزوروني من محافظة تانية يومين كدة وحيسبوا عربيتهم ومش حيجوا بيها اكيد
وانا لسة بادور على عربية( امال انا في المنتدى ليه ) فعاوزة حاجة كدة عزومة غدا وياار يت قريبة من ميامي

ولو ممكن افكار عشان افسحهم لاني اصلا انا في العادة مش باخرج كثير فمش عارفة اماكن كثير غير الاماكن العادية ماكدونالدز كنتاكي النوادي وكدة

[mtgalx]

الكافتريريات الى على البحر فى المعموره والمنتزه دى حضرتك صيف فقط
وحتى لما بتتتعمل فى الشتا محدش بيقعد عليها وبتبقى كأنها فى حته مقطوعه ودول بنات يعنى صعب يقعدو فيها
خليهم فى الاماكن المشهوره والمزدهمه شويه

يا باشا مالك داخل حامي علينا كده ليه و بعدين انا مقولتش كافيتريا علي البحر ولا جبت سيرة المعمورة ولا المنتزة انا قولت مطعم سمك في ابو قير نفسها علي شط البحر و و اسمه محمد عبد المنعم و ده جنب زفريون علي طوووووول يعني ماليش دعوة بالمعمورة ولا بالمنتزة و بعدين ده غداء يعني الضهر مش بليل و الكافيه الي بقول عليه ده قدام كبري ستانلي مش تحتيه و اظني معرووووف ده جنب كوستا خبط لزق

[mtgalx]

وفيه كمان محل اسمه الشيخ وفيق بتاع ايس كريم و ام علي و كسكسي والكلام ده و محل محترم اسعاره كويسة شوفي ايه الكلام

[Samah AbdAllah]

فيه ناس صحابي حيجوا يزوروني من محافظة تانية يومين كدة وحيسبوا عربيتهم ومش حيجوا بيها اكيد
وانا لسة بادور على عربية( امال انا في المنتدى ليه :e_braces[1]:) فعاوزة حاجة كدة عزومة غدا وياار يت قريبة من ميامي

ولو ممكن افكار عشان افسحهم لاني اصلا انا في العادة مش باخرج كثير فمش عارفة اماكن كثير غير الاماكن العادية ماكدونالدز كنتاكي النوادي وكدة

مسلمة انتى من اليكس ؟؟؟؟؟؟؟؟؟؟؟
وساكتة كل ده
وبما انك فى ميامى فلو عاوزة تغديهم سمك
عندك حسنى وقدورة فى المندرة اخر جمال عبدالناصر
ولوكافيهات ميامى كلها كافيهات عندك دوار جحا وفى فرع ل سلطنة ستانلى بعد فندق 26 يوليو

[zahaan]

ايه يا جماعه ده ضيوف عندنا و مش عارفين يتفسحم

بيتهيالى مش حقدر اضيف حاجه لان الناس قامت بالواجب الا انى الفت نظر الناس الى قريه عبد الوهاب للمشويات و الاسماك اللى فى السيوف وميتو اللى ى ميامى عند الاكاديميه شارع جمال عبد الناصر


وكشرى التحرير هههههههههه

[viper911s]

كويس من ناحية ايه حضرتك :ka_che1[1]:

اولا نيجى نتكلم فى الموضوع اكلة السمك معروفة انها غالية جدا
فا فى المطاعم الكبيرة تلاقى الموضوع دخل معاكى من 300 الى 700 مش اقل من كدة وفى النهاية سمك مزارع
دى فئة من الناس ممكن تدفع المبلغ دة فى اكلة سمك عادية
ممكن تاخدى زيها فى مكان تانى بس بتستغنى عن حاجات زى الشكل العام للمكان بيكون سعر معقول بردو بالنسبة لسمك المزارع
يعنى الفكرة فى التفاوت
انا بقالى مدة مش طويلة مش بروح جندل بس رحت كتير لية وبصراحة انا عمرى ما شفت صراصير ولا الكلام دة ممكن المكان وحش ومش حلو زى المطاعم الكبيرة
يعنى دة رئى الشخص

[Samah AbdAllah]

اولا نيجى نتكلم فى الموضوع اكلة السمك معروفة انها غالية جدا
فا فى المطاعم الكبيرة تلاقى الموضوع دخل معاكى من 300 الى 700 مش اقل من كدة وفى النهاية سمك مزارع
دى فئة من الناس ممكن تدفع المبلغ دة فى اكلة سمك عادية
ممكن تاخدى زيها فى مكان تانى بس بتستغنى عن حاجات زى الشكل العام للمكان بيكون سعر معقول بردو بالنسبة لسمك المزارع
يعنى الفكرة فى التفاوت
انا بقالى مدة مش طويلة مش بروح جندل بس رحت كتير لية وبصراحة انا عمرى ما شفت صراصير ولا الكلام دة ممكن المكان وحش ومش حلو زى المطاعم الكبيرة
يعنى دة رئى الشخص

ماهى الفكرة حضرتك انى انزل من بيتى عشان اكل سمك فى رستوران
يبقا لازم المكان يكون يستاهل انى اضحى بالاكل فى البيت براحتى
بمعنى انى مادمت هنزل عشان اكل برة يبقا لازم يكون المكان شيك
الهدف الاساسى من الاكل فى رستوران هى الاستمتاع بمكان مختلف وفيو رائع

[misoalex]

انا عندي ليكي فسحة جنان تكليسمك في مطعم علي رملة البحر علي طووول في ابو قير اسمه محمد عبد المنعم و بعدين لو دخان الشيشة مضيققك في سلطنة في كافيه برضه دورين اسمه زانيليز علي كوبري ستانلي علي طوووول و دووورين يعني عندك فيو جامد وفيها وير ليس و باقي اليوم سهل تظبيطه لو[gdwl] عايزة تدخلي المنتزة او المعمورة او بحري فيه هناك قعدات علي البحر علي طووووول [/gdwl]شوفي انتي عايزة ايه و انا تحت امرك (محمد عبد المنعم حظبطلك الاسعار هناك علشان ليا ناس كتير اوي من ابوقير

يا باشا مالك داخل حامي علينا كده ليه و بعدين انا مقولتش كافيتريا علي البحر ولا جبت سيرة المعمورة ولا المنتزة انا قولت مطعم سمك في ابو قير نفسها علي شط البحر و و اسمه محمد عبد المنعم و ده جنب زفريون علي طوووووول يعني ماليش دعوة بالمعمورة ولا بالمنتزة و بعدين ده غداء يعني الضهر مش بليل و الكافيه الي بقول عليه ده قدام كبري ستانلي مش تحتيه و اظني معرووووف ده جنب كوستا خبط لزق

داخل حامى !!!! ايه اسلوب الكلام الى انت بتقوله ده هو انا غلط فيك ولا كلمتك بأسلوب مش كويس عشان تقولى داخل حامى وداخل بارد
وبعدين مش ده كلام حضرتك الى فوق ده وانت بتقول ملكش دعوه بالمعموره والمنتزه يعنى انا جبت الكلام من عندى
ويا سيدى انا لو فهمت كلامك غلط فيه اسلوب احسن من كده تفهمنى بيه
ياريت تاخد بالك من كلامك

[SunSet]

ايه يا جماعة اللي حصل بس

مفيش حاجة تستاهل والالزهايمر كلنا بنعاني منه عادي

قال كلام ونسى ما حصلش حاجة وهو ما اتكلمش باسلوب وحش ولا حاجة

احنا جايين نهدي النفوس

[misoalex]

ايه يا جماعة اللي حصل بس

مفيش حاجة تستاهل والالزهايمر كلنا بنعاني منه عادي

قال كلام ونسى ما حصلش حاجة وهو ما اتكلمش باسلوب وحش ولا حاجة

احنا جايين نهدي النفوس

لا واضح واضح انك بتهدى النفوس

[SunSet]

لا واضح واضح انك بتهدى النفوس

اكيد طبعا ومما لاشك فيه

حد عنده اعتراض

[aif]

وفيه كمان محل اسمه الشيخ وفيق بتاع ايس كريم و ام علي و كسكسي والكلام ده و محل محترم اسعاره كويسة شوفي ايه الكلام

عارفه ومتعقد منه .....
شنوري عقدني منه خلاص
خلاني أقر وأنق على كل اللي بيروحوله .... خصوصا في الشتا
مش ده اللي بيتوصى بالمكسرات كأنه بيلاقيها ببلاش
مش ده اللي بيعمل ام على مالهاش حل
مش ده اللي البليلة بتاعته تخليك تعرق في عز النوه
مش ده اللي في محرم بيك
ججججججججرررررررررررررررررررررررررررررررررررر

[SHNORY]

عارفه ومتعقد منه .....:_alshmokh08[1]::_alshmokh08[1]:
شنوري عقدني منه خلاص
خلاني أقر وأنق على كل اللي بيروحوله .... خصوصا في الشتا
مش ده اللي بيتوصى بالمكسرات كأنه بيلاقيها ببلاش
مش ده اللي بيعمل ام على مالهاش حل
مش ده اللي البليلة بتاعته تخليك تعرق في عز النوه
مش ده اللي في محرم بيك
ججججججججرررررررررررررررررررررررررررررررررررر
:b4_444::b4_444::b4_444::b4_444:

لا دا في راس التين ناحيه القصر الجمهوري يا حاج
لسه معدي من جنبه من كام يوم
وفيه صحيح مطعم سمك فتح في الدور الي فوقه
وبالنسبه لمحرم بيك فانا الي من محرم بيك يا باشا

[aif]

لا دا في راس التين ناحيه القصر الجمهوري يا حاج
لسه معدي من جنبه من كام يوم
وفيه صحيح مطعم سمك فتح في الدور الي فوقه
وبالنسبه لمحرم بيك فانا الي من محرم بيك يا باشا

كمان في راس التين
يعني مكسرات .....ويا ميش كمان ......
ايه دا كوللو .... ايه دا كوللو
ماشي يا شنو ..... عقدني كمان وكمان

[SHNORY]

كمان في راس التين
يعني مكسرات .....ويا ميش كمان ......
ايه دا كوللو .... ايه دا كوللو :b4_444::b4_444:
ماشي يا شنو ..... عقدني كمان وكمان

اعقدك ايه بس
دا انا اللي اتعقدت النهارده
ماشي علي الكورنيش ولقيت جحافل المصيفين بدات تزحف علي اسكندريه
وكالعاده ونظرا لغوغائيتهم وجهلهم بازاي يعدوا الشارع كنت حعمل الجريمه في حق الاسفلت
عارف انت طبعا الجريمه ام 51 جنيه دي
وغير كده لقيت واحده ست كبيره بتعدي الشارع ولا بتبص شمال ولا يمين
تقريبا نطقت الشهاده وعدت وملهاش دعوه باي حاجه في الدنيا
دا غير العربيات ام حرفين و3 ارقام و3 حروف و3 ارقام اللي عماله ترمي عليا وانا ماشي وباين عليهم غشم مش بيعرفوا يسوقوا في شوارع نضيفه
ولما حد مننا ياكل منهم غرزه يعيطوا ويقولولك الاسكندرانيه مش بيعرفوا يسوقوا
فاحب اعلن من موقعي هذا
اني حقلل من خروجاتي لحد ما ينتهي هذا الزحف التتاري المصيفي
وترجه بلدنا حره مستقله
الله
نايل موتورز
محمد الشنوري
الوطن