الشكر لله ثم لجميع الاعضاء

[Nile Heart]

الحمد لله رب العالمين

قد يتذكر البعض منكم طلبى منكم من عدة ايام الدعاء لى حيث اننى امر بمشكله كبيره فى العمل

الحمد لله مرت هذه المشكله بأقل خسائر ممكنه وسيتم التوصل قريبآ بأذن الله الى حل يرضى جميع الأطراف بفضل الله ثم دعائكم

من جهه أخرى فقد اتمت عربيتى الغاليه هذا الشهر 5 سنوات و 100 الف كيلو وبحمد الله العلّى العظيم بلا مشكله واحده, ربنا يدميها نعمه ويحفظها من الزوال
===========
تم استبدال حرف الواو ب "ثم"
وعقبال ال مليون كم
مشرف المنتدى

[أبومعاذ]

قال صلى الله عليه وسلم (لا تقولوا ما شاء الله وشاء فلان ولكن قولوا ما شاء الله ثم شاء فلان ) ، وعن ابن عباس رضي الله عنهما أن رجلا قال: يا رسول الله ما شاء الله وشئت. فقال ( أجعلتني لله ندا ما شاء الله وحده)

[Nile Heart]

قال صلى الله عليه وسلم (لا تقولوا ما شاء الله وشاء فلان ولكن قولوا ما شاء الله ثم شاء فلان ) ، وعن ابن عباس رضي الله عنهما أن رجلا قال: يا رسول الله ما شاء الله وشئت. فقال ( أجعلتني لله ندا ما شاء الله وحده)

اسف مش فاهم قصدك؟ انا قلت حاجه غلط لا سمح الله؟

[Hassan Khalil]

اخونا الكريم اعتقد انه يقصد العنوان ( شكر لله و لجميع الاعضاء ) و الواجب ان يكون لله اولا ثم لجميع الاعضاء .
من ناحية تانية..
الحمد الله الذي وفقك لما تحب و ترضي ..و رزقك نعمة السيارة الصالحة ( او هكذا احب ان اسميها )
و لا تنس شكر نعم الله عليك
تحياتي

[محمد المشد]

وفقك الله يا اخى العزيز فى حل كافة مشاكلك وكل شىء بأمر واذن الله فك الله عنك الكرب ووفقك لما فية الخير

[memo_hefnawy]

الفضل لله وحده و ربنا كريم و لا تنسى أنه فى السماء رزقكم وما توعدون

ولا تنسى أيضا :) أنه لو علمت أن رزقك لن يناله غيرك لاطمئن قلبك

وربنا يباركلك فى عربيتك و عوقبال ما تعمل 200 ألف برده من غير أى مشاكل إن شاء الله :)

[eng_mkhalaf]

إلف مبروك ومتنساشى ركعتين شكر لله لتفريجة الكربة ليك والحمد لله

[أبومعاذ]

انا اسف اصل انا في الشغل و عشان كدا كتبت الحديث من غير ما اكتب معاه اي حاجة عشان كنت مشغول
اولا الف مبروك و ربنا يفك كرب كل مسلم وييسرلك الخير و يباركلك في عربيتك
ثانيا انا بس كان قصدي ان حضرتك تاخد بالك عشان الكلام دا يعتبر غلط بالصيغة دي لان في البداية اللي وفقك ربنا و دعوات الاعضاء دي ممكن تكون سبب
انا ممكن اكون ضايقتك بس والله مش قصدي بس في حديث بيقول " ان الرجل ليقول الكلمة من سخط الله لا يلقي لها بالا فتلقي به في النار سبعين خريفا" او كما قال صلى الله عليه و سلم ونا و الله خايف عليك مش اكتر فياريت متزعلش

[Nile Heart]

انا اسف اصل انا في الشغل و عشان كدا كتبت الحديث من غير ما اكتب معاه اي حاجة عشان كنت مشغول
اولا الف مبروك و ربنا يفك كرب كل مسلم وييسرلك الخير و يباركلك في عربيتك
ثانيا انا بس كان قصدي ان حضرتك تاخد بالك عشان الكلام دا يعتبر غلط بالصيغة دي لان في البداية اللي وفقك ربنا و دعوات الاعضاء دي ممكن تكون سبب
انا ممكن اكون ضايقتك بس والله مش قصدي بس في حديث بيقول " ان الرجل ليقول الكلمة من سخط الله لا يلقي لها بالا فتلقي به في النار سبعين خريفا" او كما قال صلى الله عليه و سلم ونا و الله خايف عليك مش اكتر فياريت متزعلش

لا ابدا مش زعلان اكيد ..انا كنت متآكد من انك تقصد خير بس انا مافهمتوش
وشكرآ ليك

[Nile Heart]

الفضل لله وحده و ربنا كريم و لا تنسى أنه فى السماء رزقكم وما توعدون

ولا تنسى أيضا :) أنه لو علمت أن رزقك لن يناله غيرك لاطمئن قلبك

وربنا يباركلك فى عربيتك و عوقبال ما تعمل 200 ألف برده من غير أى مشاكل إن شاء الله :)

والله يا أخ محمود الموضوع ما كانش موضوع قاق على الرزق للسبب اللى انت قلته بالضبط
اللى كان مضايقنى اكتر هو انى ماسك منصب جيد فى مكان ممتاز وكنت مش عايز اى مشاكل وخصوصآ ان مديرى (وهما اثنان) ناس رائعه ومديانى ثقه كبيره قوى وهما ناس تقيله قوى فى المجال بتاعنا يعنى تقدر تقول كده من الأوائل على مستوى مصر كلها

المهم الحمد لله من قبل ومن بعد

[hazem_khidr]

الحمد لله و ربنا يديمها عليك نعمه انت ابن حلال و تستاهل كل خير.

[fahd_628]

الحمد لله يا باشا و زى ما قال اخى محمد صلى ركعتين شكر لله

[Dr Ahmed]

أخى الحبيب فهد..
السنة هى "سجود الشكر" ولا توجد صلاة شكر..

[Karim_Monir]

الحمد لله الذي فرج همك ولا تنس صدقة كدة على الماشي تشكر بيها خالقك
---------
بعدين ايه اللي انت بتقولوة ده

دي اكيد عملت معاك حجات وحشة قوي خلال الفترة دي
انت مش بتقرا كلام استاذ فادي كل يوم وتحذيراته لينا ان العربيات الياباني دي سيئة جدا
يا ربت تاخد باللك وماتقولش على الكرولا دي حلوة تاني:) 100 الف من غير مشاكل