اسئله عن ipode

[FunnyMickey]

دلوقتي ياشباب انا عندي اي بود كلاسيك
وعندي كام حاجه مش فاهمها فيه
دلوقتي مثلا ان منزل حاجات في البيت
واما اروح الشغل مثلا عاوز اضيف حاجه
او اشوف الplaylist
اللي انا عاملها
متظهرش
ولازم عشان اضيف حاجه
كل اللي عملته في البيت يتمسح
اما اعمل sync

يعني من الاخر كده لازم استخدم كمبيوتر واحد في التنزيل
وانا معتقدش يعني ان apple بالغباء ده انها تعمل حاجه كده
ثانيا
انا عاوز انزل فيديوهات ومش عارف الامتداد بتاعه ايه

افيدونا يااصحاب الخبرات
وشكرا

[M!SHO]

تقريبا نفس المشكله عندى... بس اكيد العيب فينا احنا مش فى ابل اكيد احنا اللى مش فهمين ,,,,

[Ralliart]

وانا معتقدش يعني ان apple بالغباء ده انها تعمل حاجه كده

لأ ابل بالغباء ده

[Mzeid]

نفس الموضوع
و كمان الصور نزلت لوحدها و انا مكنتش عايزها
و مش عارف انزل عليه فيديو

[kok3]

والله معلوماتي ان الامتداد بتاع الأفلام .mp4 وفيه برامج بتحول للامتداد ده وبتختار نوع الجهاز اي فون اي بود زي ما تحب وبيحولهولك علي نفس رزلوشن الشاشه زي برنامج imtoo بالنسبه لل sync لازم البرنامج الاي تيرنر يكون هو اي عليه كل حاجتك وتعدل فيه براحتك وبعدين تعمله سينك ولكن في حين انك في العمل مثلا وعنك البرنامج ممكن عن طريق اوبشن شير كومبيوتر هوم تتحكم في الميوزك لست بتاعتك ولكن بتحتاج حساب علي الاي تيونز ودا محتاج رقم الكريدت كارد مينفعش تسجل عندهم من غيره

[FunnyMickey]

يعني عشان اتحكم في الاي تيونر لازم يبقي عندي كريدت كارد
بس ده استهبال كده
ولوي دراع

[ahmedbasto]

بص يا سيدى انت يلزمك itunes علشان تعرف تحط ا؟لأغانى اللى انت عايزها

[FunnyMickey]

مانا عندي اصلا ياباشا
الفكره اني عاوز اكمل عالحاجه اللي عندي
مش عاوز اشيل حاجه
مثلا رايح لواحد صاحبي
اما تيجي تنزل حاجه وتعملها sync عشان تتقري عالايبود
يقولك sync will delete all file
مش عارف ايه كده
المهم انك لو كملت
حتنزل الاغنيه اللي انتا نزلتها بس
وتشيل باقي الحاجه اللي عالايبود
ودي حاجه مستفزه
ده الام بي ثري الصيني المعفن ابو 100 جنيه
مبيعملش الحركه دي
ومنين متروح اي حته
تنزل عادي
ومن غير i tunes
معقول apple عامله شئ مستفز زي ده
بردو في انتظار رأي حد يكون عارف الموضوع في ايه بالظبط

[M.Osama]

ايوه فعلا دي حاجه معروفه في اجهزة ipod

مينفعش تقري او تنقل الحاجه غير من علي جهاز واحد فقط

وكان في اوبشن بيلغي العمليه دي - انك بتلغي الـ sync بس مش فاكر اسمه بصراحه - دور في itunes وحتلاقيه اول ما توصل الـ ipod

[amgad29]

للاسف امكانيات الاي بود كده كل ماتعوز تنزل اغنية واحدة لازم تمسح كل اللي فات و تنزل الجديد عشان كده احسن انك تشتغل على كومبيوتر واحد بس تضيف فيه اللي انت عايزه.
بالنسبة للافلام لازم تكون mp4 عشان تشتغل فيه برامج للتحويل بس انا ملقتش اي حاجة مجانا بس خدت البرنامج من زميل ليا هحاول ارفعهولك و ابعتلك اللينك.
الاي بود هو شكل و متانة لكن مش امكانيات عالية

[FunnyMickey]

زي الفل يارجاله
يعني apple طلعوا اغبياء فعلا
زي الفل

[Mzeid]

طيب جربت ال manual sync.

[FunnyMickey]

لا يعني ايه مانيوال
مش فاهم

[M!SHO]

تقريبا انا لقط manual sync قبل كده بس مش فاكر كان فين بالظبط ؟؟؟

[volcano12]

يا جماعه بشويش الموضوع بسيط جدا.....

لما توصله اعمله manual synchronization و بعدين اعمل playlist جديده على الitunes بتاع صاحبك حط فيها اللى انت عايزه و بعدين Drag and drop عند ال ipod بتاعك ال playlist اللى انت عملها

و لو عايز تنزل الأغانى اللى عندك على ال ipod :من ال itunes اختار enable disk use و بعدين افتح my computer و لازم تكون عامل show hidden files و بعدين copy el folder اللى جواه الأغاتى...

الموضوع باين صعب بس لو عملته مره حتلاقيه سهل...

لو فيه حاجه أسألنى معلش الشرح برده مش أوى ... و معلش لو اتأخرت عشان عندى امتحان