ازاي اشغل الـ gps وانزل خرايط مصر علي نوكيا n81

[M.Osman]

عثمان انت كدة جبت من الاخر لانة فعلا كل ما اشغلة يقولى افتح
البلوتوث
بس ازاى بئى استخدم نوكيا مابس ونظامة اية

نوكيا مابس بيشتغل بالنت (بيعمل load للخرائط عن طريق النت = تكلفة عالية طبعاً)
و يفضل طبعاً 3G
هو بيحدد مكانك عن طريق الشبكة بس مش بيكون بدقة الـGPS طبعاً

و ممكن تنزل google maps برضه للموبايل... و برضه هيستخدم النت في انه يحدد مكانك و يعمل load للخرائط

الله ينور عليك
انا فتحت موبايلي وشوفت لقيت اللي بتقول عليه انما معييش 81 اعرف بس مصدقك لأن اللينكات تثبت
انما اللي محيرني ان موبايلي مش لاقط أشارة ستلايت ومش عايز يعمل positioning ولما بأدخل علي ovi maps مش بيبقي لاقط أشارة وبيقوللي افتح النت
متعرفلهاش حل ؟؟

مهو برضه بيستخدم النت في تحميل الخرائط ( و اللي اعرفه ان القاهرة و اليكس و شرم بس..مش متأكد برضه)

GPS عشان يلقط الإشارة لازم مكان مفتوح و يفضل تكون ثابت .. مش في عربية على ما يلقط الإشارة .... لو في مكان مفتوح و موجود فيه 3g هيكون لقط الإشارة اسرع

بيني و بينكم
مش مقتنع بالGPS في الموبايلات
حاسس انها كانت هوجة تسويق .. عشان يبيعوا موبيلات جديدة و خلاص...
لأنها فعلاً مش عملية :(

[Eng.Geo]

مهو برضه بيستخدم النت في تحميل الخرائط ( و اللي اعرفه ان القاهرة و اليكس و شرم بس..مش متأكد برضه)
انا منزل خريطة مصر كلها من nokia map loader وكله ظاهر عندي مش محتاج نت عشان انزله لكن مش عارف هو محتاج نت في ايه !!!!!
GPS عشان يلقط الإشارة لازم مكان مفتوح و يفضل تكون ثابت .. مش في عربية على ما يلقط الإشارة .... لو في مكان مفتوح و موجود فيه 3g هيكون لقط الإشارة اسرع
والله جربت كله ومفيش برده وكنت كل مرة بجرب وبيبقي معايا 5800 عشان اقارنهم وال5800 بيلقط ويشتغل في كل مرة وبتاعي لأ :@
بيني و بينكم
مش مقتنع بالGPS في الموبايلات
حاسس انها كانت هوجة تسويق .. عشان يبيعوا موبيلات جديدة و خلاص...
لأنها فعلاً مش عملية :(
عندك حق

[M.Osman]

انا منزل خريطة مصر كلها من nokia map loader وكله ظاهر عندي مش محتاج نت عشان انزله لكن مش عارف هو محتاج نت في ايه !!!!!

تصدق اول مرة اعرف ان نوكيا نزلت خريطة كاملة لمصر !!
بس هو ساعات بيستخدم النت في تسريع عملية الـsatellite locking
و بالتالي لما يكون فيه 3G تلاقيه لقط الإشارة من الساتلايت و حدد مكانك اسرع من الموبايلات اللي مفيهاش 3G

دا المفروض
بس طالما انت محمل خريطة مصر يبقى متخافش انه يفتح في عداد الداتا.... و ابقى تابعه برضه

والله جربت كله ومفيش برده وكنت كل مرة بجرب وبيبقي معايا 5800 عشان اقارنهم وال5800 بيلقط ويشتغل في كل مرة وبتاعي لأ :@

موبايلك اية؟
مفكرتش تعمل update للSW ؟؟
اصل كدا يبقى غريبة فعلاً !

[Eng.Geo]

موبايلك اية؟
مفكرتش تعمل update للSW ؟؟
اصل كدا يبقى غريبة فعلاً !

n95 8gb
معماتش update
هو لما بعمل update في حاجة في الي علي الموبايل بتروح؟

[Eng.Geo]

تصدق اول مرة اعرف ان نوكيا نزلت خريطة كاملة لمصر !!

هي مش كلها أوي :)
بس انا كان قصدي اني مش منزلها من النت بتاع الموبايل عشان استخدم نت الموبايل

[aly_hosny]

n95 8gb
معماتش update
هو لما بعمل update في حاجة في الي علي الموبايل بتروح؟

اعمل Back up للحاجة على الميموري و بعدين اعمل Restore لما تخلص

[MohamedFadel5]

هوة 6630 فيه gps؟؟؟

[MohamedFadel5]

بيني و بينكم
مش مقتنع بالgps في الموبايلات
حاسس انها كانت هوجة تسويق .. عشان يبيعوا موبيلات جديدة و خلاص...
لأنها فعلاً مش عملية :(

أحترم رأيك
لكن الـgps مفيد جدا و عملى و تطبيقاته لذيذة
و لو عايز حضرتك أمثلة قولى و هحاول أجيب لك تطبيقات ان شاء الله

[Dr.Karim Emam]

يا جماعة افضل برنامج لل gps هو Sygic و عن تجربة لنوكيا 5800 و نوكيا N900
و البرنامج ده بيشتغل على اجهزة السيمبيان و الويندوز موبايل و الاندرويد و المايمو
و على فكرة ال GPS ده عملي جدا لما تكون فعلا بتسخدمه وانت تايه او عاوز توصل لمكان انت ماتعرفوش
و بيحدد المكان بدقة شديده جدا و فيه خرايط مصر كلها و عارف الشوارع الممنوع الدخول فيها و سرعة كل شارع
يعني من الاخر برنامج وهمــــــــــــــي

[aly_hosny]

يا جماعة افضل برنامج لل gps هو Sygic و عن تجربة لنوكيا 5800 و نوكيا N900
و البرنامج ده بيشتغل على اجهزة السيمبيان و الويندوز موبايل و الاندرويد و المايمو
و على فكرة ال GPS ده عملي جدا لما تكون فعلا بتسخدمه وانت تايه او عاوز توصل لمكان انت ماتعرفوش
و بيحدد المكان بدقة شديده جدا و فيه خرايط مصر كلها و عارف الشوارع الممنوع الدخول فيها و سرعة كل شارع
يعني من الاخر برنامج وهمــــــــــــــي

انا منزل عندي Garmin و Ndrive
والانين خرايط مصر فيهم مش اد كدا
هنزل ال Sygic ولو طلع تمام هعمله موضوع في قسم الملاحة

[Dr.Karim Emam]

انا منزل عندي Garmin و Ndrive
والانين خرايط مصر فيهم مش اد كدا
هنزل ال Sygic ولو طلع تمام هعمله موضوع في قسم الملاحة

الSygic هيعجبك جدا ان شاء الله و فيه كمان حاجه نسيت اقولها انه لما تطلب منه انه يوصلك لمكان معين بيوجهك بالصوت كمان عشان مايشغلكش عن الطريق و بكل اللغات

[M.Osman]

n95 8gb
معماتش update
هو لما بعمل update في حاجة في الي علي الموبايل بتروح؟

اه للأسف

اعمل Back up للحاجة على الميموري و بعدين اعمل Restore لما تخلص

+1

أحترم رأيك
لكن الـgps مفيد جدا و عملى و تطبيقاته لذيذة
و لو عايز حضرتك أمثلة قولى و هحاول أجيب لك تطبيقات ان شاء الله

الفكرة اني شايف الموبايل وسيلة اتصال في المقام الأول... الـGPS في الموبايل و انا سايق مثلاً مش عملي... لازم اركز اوي معاه (انا معايا موبايل نوكيا سيمبيان S60)
الشاشة مش كبيرة بقدر كافي دا غير انه يستهلك البطارية بشكل فظيع ... يعني اشغل الgps و بعدين لما اعوز اتكلم الاقي البطارية خلصت ؟؟

من الآخر ... التخصص افضل حاجة
الواحد لو عايز يجيب حاجة ترشده يعتمد عليها ..يبقى GPS العربية متخصص افضل حل...
و طبعاً احترم وجهة نظرك

[Dr.Karim Emam]

الفكرة اني شايف الموبايل وسيلة اتصال في المقام الأول... الـGPS في الموبايل و انا سايق مثلاً مش عملي... لازم اركز اوي معاه (انا معايا موبايل نوكيا سيمبيان S60)
ما هو في برامج بتوجيه صوتي
الشاشة مش كبيرة بقدر كافي دا غير انه يستهلك البطارية بشكل فظيع ... يعني اشغل الgps و بعدين لما اعوز اتكلم الاقي البطارية خلصت ؟؟
الاستهلاك زي اي برنامج مفتوح (الفارق مش ملحوظ قوي)
من الآخر ... التخصص افضل حاجة
هو فعلا التخصص افضل حاجة بس الموبايلات مابقتش مجرد للاتصالات و بس

و في الاخر الاختلاف في الرأي لا يفسد للود قضية و ارجو تقبل ردي

[Eng.Geo]

اعمل Back up للحاجة على الميموري و بعدين اعمل Restore لما تخلص

قصدك copy paste للي فيها ؟
ولا ايه؟

[aly_hosny]

قصدك copy paste للي فيها ؟
ولا ايه؟

لا لا
عشان متفقدش اي حاجة
ادخل على ال File manager هتلاقي في حاجة اسمها back up
وفي بعض الموبيلات موجودة على ايكونة ال Memory
وشيل الميموري واعمل ابديت
ولما تخلص رجع الميموري واعمل Restore هتلاقيها في نفس المكان ال عملت منه ال Back up