رحلة لبور سعيد

[إسلام شاهين]

أنا عايز أروح لسببين :-
1- عايز لبس شتوي من هناك
2- أشوف إيه متاح لعربيتي من هناك ( زينون أو جنوط أو ...... ) المهم اللي عايز يروح ياريت يسجل اسمه هنا ويقترح يوم الرحلة يكون إمتى على أساس نبقى صحبة أهو ناخد رأي بعض ونفيد بعض .

بس المهم مايكونش يوم جمعه لأن بتوع الاستيراد بيبقوا أجازة يوم الجمعه أنا بقترح تبقى يوم سبت على أساس إن كثير مننا أجازة جمعه وسبت .

هاه مين جاي ؟

[cpt_shawky]

طيب هو اللبس اللى بيتباع هناك بيتجمرك وانت خارج ولا ايه انا مشترتش قبل كدة من بورسعيد...ايه النظام ؟

[إسلام شاهين]

ماتقلقش من نقطة الجمرك ديه أنا هضبطهالك بس إنت إنوي .

إيه يا جماعه محدش عايز يروح بور سعيد ولا إيه ؟ طيب لو عرفتوا إن إخوانا البورسعيدية هناك عازمينا على أكلة سمك وجمبري وكابوريا حد هيفكر يجي ولا إيه ؟؟؟؟؟؟؟؟؟؟

[hazem_khidr]

مممممممممممم
كده ممكن اجي:)
لا بجد انا عاوز اجي معاك فعلا نتفرج علي قطع الغيار و نشوف الجنوط براحتنا شوف انت اليوم و لو مناسب ليا اكيد حجي معاك يا باشا

[اسلام المصرى]

ان شاء الله تعالى , معاك يا اسلام :) جمعة أو سبت مفيش مشكلة أى يوم تانى مش هينفع فى الوقت الحالى.
شكرا جزيلا على الفكرة الحلوة ديه :)

[ecybrarian]

يوم واحد ولا في بيات ليلة؟؟ انا مش هاقدر أقول جاي ولا لأ إلا لما أعرف الميعاد الأول..بس الفكرة ممتازة..وهل عائلات ولا رجالة بس؟؟

وشكرا

[eng_mkhalaf]

طب كدة لازم الواحد يروح بالعربية ولا الكماليات مش محتاجة أنى يكون معايا العربية

[إسلام شاهين]

طيب هي أولا رجاله بس مش عائلية إلا لو حد عايز يجيب عياله معاه براحته مش هتفرق .

حازم باشا تنورني
إسلام يا مصري ماشي بس من غير أكل هه ؟؟؟؟؟؟؟؟؟؟؟؟؟؟؟؟؟؟؟
محمد خلف لو إنت عارف مقاسات عربيتك كويس ماتجبهاش مع إنه يستحسن تيجيبها علشان تشوف الحاجة عليها كويس

طيب مبدئيا إيه رايكم في السبت اللي جاي ده على طول الموافق 19/1/2008 ولو مش مناسب إيه رأيكم في السبت اللي بعده 26/1/2008 ؟؟؟؟؟؟؟

[eng_mkhalaf]

قشطو السبت 26-1 مناسب جدا علشان نكون حضرنا نفسنا - والواحد يكون جهز نفسة لأنى ملدوع أمبارح فى بطارية ب 600 جنية :-)

[اسلام المصرى]

إسلام يا مصري ماشي بس من غير أكل هه ؟؟؟؟؟؟؟؟؟؟؟؟؟؟؟؟؟؟؟
طيب مبدئيا إيه رايكم في السبت اللي جاي ده على طول الموافق 19/1/2008 ولو مش مناسب إيه رأيكم في السبت اللي بعده 26/1/2008 ؟؟؟؟؟؟؟

:D :D :D أذاى من غير أكل يعنى :) هتدلع نفسك و تجيب هدوم جديدة و هتدلع عربيتك ان شاء الله يبقى لازم تراعينى برده :)
فطار و غذاء بس علشان خاطرك بس مايمنعش برده فى النص بعض الحلويات و المسليات و المثلجات لزوم الفرفشة :D
أنا السبت الجاى مناسب جدا و اللى بعده برده ان شاء الله مفيش مشاكل , ذى ماتحبوا :)

[إسلام شاهين]

طيب يعني اللي جاي على طول ولا اللي بعده ؟ إيه نعمل استفتاء ولا إيه ؟

بالنسبة للأكل تعمل برنامج قبل ما نطلع علشان نبقى منظمين المواعيد علشان مايغماش عليا تاني !!!!!!!!!!!!!!!!!!!!!!!!!!

[3mr Farrag]

انا عايز اروح اشوف ايه الجديد هناك....
و يمكن تطلب مع الواحد و يجيب حاجه....
بدل ما انا من اول ما جبت العربيه و عمال اقول اني هظبطها....و معملتش حاجه:)
بس اسلام باشا انا هخلص امتحانات الحد يوم 20......يعني ياريت تخليها بعد ما اخلص
لأني طبعا مش هعرف اجي قبل الامتحان بيوم

[modux]

انا ممكن اجي نفسي اروح

بس بعد يوم 21

[اسلام المصرى]

طيب يعني اللي جاي على طول ولا اللي بعده ؟ إيه نعمل استفتاء ولا إيه ؟

بالنسبة للأكل تعمل برنامج قبل ما نطلع علشان نبقى منظمين المواعيد علشان مايغماش عليا تاني !!!!!!!!!!!!!!!!!!!!!!!!!!

أنا شايف يا اسلام ان معظم أخوتنا الأعزاء يناسبهم بعد يوم 20 و 21 يناير , و لذلك بقترح نخليها ان شاء الله السبت الموافق 26 يناير 2008 حتى يتمكن أكبر عدد من الحضور و نتعرف على أخوة أفاضل لم ننال شرف مقابلتهم من قبل.
أيه رأيك(م)؟
هنخليها فطار و غذاء علشان خاطرك ذى بقيت البشر :D
ان شاء الله تصبحوا جميعا على ألف خير :)
سلام.

[Karim_Monir]

اسلام ممكن احبطك شوية واقولك الدنيا برررررررررررد قوي
ما تخليها شهر 3 يا عم
ولا حتى نصر فبراير
انا بسقع لما بفتح التلاجة وما بهوبش ناحيتها في الشتاء
وعامل بيات شتوي كل يوم بعد الشغل بكن في البيت
بس لو فيه جمبري حلو اجي بس ما يكونش في مطرررررة وعبدالله يفيدنا بقي في النقطة دي