سؤال إلى السادة المتزوجون ؟

[abogogo]

ايه التفاؤل ده !

اروح اشتغل وزير الثقافة طيب ولا ايه ؟

يبعد الشر عنك يادرش وزير وثقافه كمان
ده انت تتجوز وحده زي عائشة الكيلاني اجدع ليك يا رااااااااااااااااجل

[zyadahmed]

لازم تحسن العلاقة بين الضرتين ( الزوجة والعربية )
بمعنى تحسس مراتك ان العربية دى عربيتها .......وتحت امر سيادتها ........ وانك الشوفير بتاع حضرتها ...

توديها شغلها وتجيبها ولو مش سكتك ... وتوصل صديقاتها معاك وماله على سكتك .........

وتجيب بابا من المطار وتروح كمان سوق الخضار .... وتفضل تلف طول النهار ... وبرضو هاتضرب بوظ فى وش حضرتك ....

لو حبيت تحط تسعين تقولك ماله التمانين ........ ولو حبيت تغير مساعدين .. . تقولك ما أهم حلوين .... ولو فكرت فى اسبيلور شيك ولا جنطين ... تقولك خسارة حرام عليك القرشين ..

وعجبى منهم الضرتين

حتى العربية لو شافت مراتك جاية على طول تكركر .... وتيجى تدورها تحس انها لسه بتفكر .....
ولو رايحة مشوار بيها تتّعطل ...وفى وسط الطريق لازم تبطّل ... وتتبرجل وبتقّطع ...
ورأسها والف سيف لازم نرجع ...

وعجبى .. ههههههههههه

[أحمد كمال]

مش فاهمة انتم مش عايزين تعرفوني على مداماتكم ليه

الخرابة مش ناقصة مخبرين هههههههههههههههههههههههه

والله انا بتعجبني اراء استاذ احمد كمال اوى ربنا يخليك للغلابه الزائي

ربنا يخليك يا باشا .........

[هيثم]

اي حاجة انت بتهتم بيها او اي حاجة انت معجب بيها , يعني لو بتحب عربيتك , مراتك هاتغير منها , بس على فكرة , في رأيي دي مش اشارة سيئة

لا مش سيئه طبعا
الست لو مكانش عندها شويه الغيره دول ما تبقاش ست
وبعدين الموضوع بيبقى دمه خفيف

[human]

كل ده شايله فى قلبك ومخبى
ليك حق تخالف كل قواعد المنتدى مش 9 ب بس
ههههههههههههههههه
بس انا ليا سؤال
لو عكسنا الموقف هيكون ايه رد فعلكم
بمعنى لو زوجتك هى اللى مدمنة كمبيوتر وبتخلص شغل البيت والاولاد وباقى وقتها قدام الكمبيوتر ومش بتقعد تتكلم معاك ؟؟
لو عندها عربيتها وبتحب العربيات ودايما مهتمة تغير وتجدد فى عربيتها ؟؟؟
لو ليها صديقات كتير ومن هواة الخروج وانهاردة فى النادى وبكرة فى السينما ويعده فى سيتى ستارز؟؟
فكر وبعدين جاوب

لو هتاخد معاها العيال يبقى اشتراوس الجنزبيل

[أحمد كمال]

لو هتاخد معاها العيال يبقى جوز اللوز

و اشتراوس الجنزبيل

و تفرد جتتك على الكنبة و لا السرير و تشغل التليفزيون يرغي باي كلام و تقعد تتأمل في دهان سقف الأوضة من غير ما حد يزن و لا يعمل اي حاجة

الله ايه الجمال ده

[human]

و اشتراوس الجنزبيل

و تفرد جتتك على الكنبة و لا السرير و تشغل التليفزيون يرغي باي كلام و تقعد تتأمل في دهان سقف الأوضة من غير ما حد يزن و لا يعمل اي حاجة

الله ايه الجمال ده

والله يا ابو كمال كتبت الكلام ده و شيلته لا يقولوا ان انا داخل على احباط

و كمان تخيل الرموت يا احمد

الرموووت
عارف يعنى ايه الرموت يبقى فى جيبك - بتاعك
الرموت فى ايدك تحول و تتفرج على اللى انت عايزه

ده حلم اى راجل يا احمد الكنبه من غير ماحد يقولك انت واخد الكنبه و لازق فيها و الرموت فى ايدك

[Ghamrawy]

الرموت فى جيبك من غير فرجة اجبارية على ستار اكاديمى الخايب الخايس
هدوء تام من زن العيال و قرفهم و صويت الست هانم :تعالى الحقنى البنت دلقت اللبن على السجادة ..البنت طلعت كل الجزم من الجزامة
هدوء من وظيفة البواب اللى قاعد جمب الباب علشان يفتح كل ربع ساعة للصيدلية و الواد بتاع السوبر ماركت
اااااااه احلام يقظة
انا اللى جبته لنفسى انا اللى جبته لنفسى
اول الخطوات نحو الجنون هى محاولة ارضاء المراة

[semsem_uno]

فى مقولة بتقول أن الراجل على قد درجة أهتمامة بعربيته بيهتم بنفس الدرجة بمراته. يعنى لما تلاقى واحد مهتم جدا بعربيته بتكون دى أشارة كويسة أنه هيكون على نفس المنوال فى بيته و مع مراته. و نفس الشىء لما تلاقى واحد سايق عربيه مش نضيفه من جوة و من برة و مليانه كراكيب من جوه و لازق الفانوس بشيكارتون و مربط ألأكصدام بسلك و العربيه مخبطه من كل حته و مقشرة و هو سايبها على الحاله دى!!تخيل دة عامل أزاى فى بيته و معاملته لمراته.

انا متفق معاااك

و علي فكرة انا مش متجوز و مش مصاحب ولا هصاحب او احب الا لما البنات يتعدلو و يقدرو
بس انا التوقيع بتاعي عالمنتدي كتبتو مرة عالفيس بوك و الأم اس ان و كل الأولاد عالفيس عاملين like عليه و نص البنات اللي عندي داخلين يبعتولي رسايل اونو ايه بس و بتاع و اللي تقول ياريتها كانت واحدة ههههههههههههههههههه
بس بجد هما فعلا بدأو يغيرو من العربيات عموما لأن الشباب مبقاش يبص عالبنات كلو دلوقتي عربيات و مش بيصرف الا عالعربيات
و انا عن نفسي كده (العربية لما هحتاجها هلاقيها , مش بتخون ولا بتجرح ولا تغدر بصاحبها , تفرفشو , توديه اي مكان و تستاهل اي مليم يتصرف عليها

[shaddadfalcon1]

والله يا ابو كمال كتبت الكلام ده و شيلته لا يقولوا ان انا داخل على احباط

و كمان تخيل الرموت يا احمد

الرموووت
عارف يعنى ايه الرموت يبقى فى جيبك - بتاعك
الرموت فى ايدك تحول و تتفرج على اللى انت عايزه

ده حلم اى راجل يا احمد الكنبه من غير ماحد يقولك انت واخد الكنبه و لازق فيها و الرموت فى ايدك

ده غير لما تيجي تنام تبقي واخد السرير كله لواحدك تتقلب وتبرطع فيه براحتك من غير حد مايذنقك ولا عيل يعيط ولا قوم هات مياه ولا هات الدواء الواد سخن ولا اي حاجه

[Mahmoud Mosaad]

مش متـــجوز

يا بختتتتتتتك

عيني علينا يا متجوزيين

[mohabelnegm]

انا متفق معاااك :b4_388:

و علي فكرة انا مش متجوز و مش مصاحب ولا هصاحب او احب الا لما البنات يتعدلو و يقدرو
بس انا التوقيع بتاعي عالمنتدي كتبتو مرة عالفيس بوك و الأم اس ان و كل الأولاد عالفيس عاملين like عليه و نص البنات اللي عندي داخلين يبعتولي رسايل اونو ايه بس و بتاع و اللي تقول ياريتها كانت واحدة ههههههههههههههههههه
بس بجد هما فعلا بدأو يغيرو من العربيات عموما لأن الشباب مبقاش يبص عالبنات كلو دلوقتي عربيات و مش بيصرف الا عالعربيات
و انا عن نفسي كده (العربية لما هحتاجها هلاقيها , مش بتخون ولا بتجرح ولا تغدر بصاحبها , تفرفشو , توديه اي مكان و تستاهل اي مليم يتصرف عليها

(عربيتك...بندقيتك...وليتك) أتنين سهل تلاقيهم..العربية و البندقية و فعلا هايكونوا فى منتهى ألأخلاص و يستاهلوا كل مليم يتصرف عليهم.....ربنا يكرمك ان شاء الله و تلاقى التالته ...اللى تستاهل برضة:)

[semsem_uno]

(عربيتك...بندقيتك...وليتك) أتنين سهل تلاقيهم..العربية و البندقية و فعلا هايكونوا فى منتهى ألأخلاص و يستاهلوا كل مليم يتصرف عليهم.....ربنا يكرمك ان شاء الله و تلاقى التالته ...اللى تستاهل برضة:)

ان شاء الله يا باشا :)

[Mahmoud Mosaad]

عبط بعيد عنك ......

او تقريبا مازوخية (حب تعذيب النفس)

غير ان كل واحد بيبقى فاكر نفسه برم و توم كروز و هو و عروسته الوحيدين في الدنيا اللي فاهمين بعض و متفاهمين و مش بتوع مشاكل و انها احسن واحدة في الدنيا و ان كل اللي بيتحكي ده كلام ناس وحشين و اكيد هما السبب و اكيد هما تاعبين مراتاتهم و عشان كده بينعكس عليهم الخ الخ الخ

و ييجي بعد ما يتجوز يكتشف انه كان عـــــــــــبـــــــــــــــيــــــــــــــــط

مع خالص احترامي و اعتذاري لكل المتزوجين زي حالاتي

باااااااااااااااااااااه

جيت عالجرح يابو حميييييد

[أحمد كمال]

باااااااااااااااااااااه

جيت عالجرح يابو حميييييد

ماهي دايما الحقيقة بتوجع يا مان