شاهدت لك فيلم (حارسة اختى)

[Karim_Monir]

استكمالا لدوري في القعدة في البيت
واللي قريت خلالها كتير من خلال هوايتي المفضلة (القراءة) كسوسة كتب قديمة لم تمل ولا تكل
ومع وجع العنين احن لمشاهدة افلام الاكشن المحترمة اللي بحبها
والنهادرة كانت OSN2 احدى قنوات شو تايم بتعرض فيلم دراما My Sister's Keeper
الفيلم اكثر من رائع ولكنه مليئ بالعياط والنكد اللي مابطيقهومش لكنك تتشد للفيلم من اول لحظة لاخر لحظة
وبيحكي عن اتنين اخوات أن وهي الاخت الصغير اللي بتحكي الفيلم على لسانها و كات وهي الاخت الكبير(مش اكبر قوي سنة ولا اتنين ) المريضه بمرض نادر من امراض السرطان عافانا الله واياكم
ورلة العلاج من اول الدم لبذل النخاع في عمر 6 سنوات لمحاكمة قضائية تبدع خلالها كاميرون دياز دور الام المكلومة على بناتها
وتتعرف كات خلال علاجها بالمستشفى بصديق تعيش معه لحظات سعيدة (مابين ال 12 و 14 سنة) وكلمات رائعة مفعة بالعياط لاغنية لم اسمع مثل كلماتها المعبرة والاداء الاصدق مش عارف مين بتغنيها بصوت رخيم شجي
المكياج كان له دور مرعب في الفيلم لانه خلاك تحس بالالام مرضى السرطان والعياذ بالله ورغبه البنت الاخيرة في ان ترى الشاطئ رغم معارضة التامين الطبي خروجها من المشفى ولكن الطبيب يعوان الاب ويقول ان لم يشفها لن يزيد حالتها سوء
والطفلة كات التى حلقت شهرها بالموس لمزيد من اضفاء الحقيقة على تساقط الشعر المصاحب للعلاج الكميائي
حقيقي لو بايدي ادي الطفلة دي جائزة الاوسكار في الادار وكاميرون دياز ابدعت في الفيلم
دعوة لمشاهدة الفيلم وهنا مقطع له على اليوتيوب من التريلر
YouTube - My Sisters Keeper (2009) Official Trailer [True HD] [720p]

[Ahmed Samy]

طب مش العياط ده غلط على الفتق

ولا انت ما كنتش بتنه نه و بتعيط سكيتي و انت عاضض على اللحاف !!

[أحمد كمال]

طب مش العياط ده غلط على الفتق

ولا انت ما كنتش بتنه نه و بتعيط سكيتي و انت عاضض على اللحاف !!

ههههههههههههههههههههههههههههههههههههههههههههههه

يابني اعتق

انت بتضرب ايه اليومين دول؟

[hugan]

احلي حاجه في الا مريكان انهم بيعرفو يسبكو الدور قوي ويدوك احساس بان كل المشاهد حقيقيه 100*100

[Karim_Monir]

لاء ماعيطتش يا سامي ما تقلقش
جدتي نحست
بس السرطان عافانا الله بقي

ههههههههههههههههههههههههههههههههههههههههههههههه

يابني اعتق

انت بتضرب ايه اليومين دول؟

زومبراكس
انت نسيت :-)
ده بقى لقبه حتى :-)

[نور القمر]

طب مش العياط ده غلط على الفتق

ولا انت ما كنتش بتنه نه و بتعيط سكيتي و انت عاضض على اللحاف !!

ههههههههههههههههههههههههههههه

[M.Osman]

بصراحة فيلم صعب جداً جداً
بس برضه يا ريت الناس تتفرج عليه عشان تشوف الفكرة اللي فيه

ما تيجوا نضحك شوية:
Anmelden | Facebook

[mahmoudselim]

اتفرجت علي الفيلم دا قبل كدا, هو فيلم جميل بصراحة واتشديت معاه شوية بس زي ما انت قلت كئيييب , بس يتحسبلهم انهم بيناقشو قضية ملايين البشر بيعانو منها في العالم بينافشوها بجدية . فيلم جميل بس ما انصحش اي حد يتفرج علية قبل النوم. في عندك كمان فيلم اسمة In.Bruges الفيلم دا جميل جدا وفعلا دي كانت اول مرة اتعلم حاجة فادتني في حياتي من فيلم ( يعني اية يكون عندك مبدأ) وفي فيلم برضو جميل جدا اسمة the road تحفة

[Dr.SherifMansy]

ليه كده بس يا كريم ...

حد يدور على النكد كده ... عموما ما دام الفيلم حلو يبقى ماشى ، لكن عن نفسى ، لا يمكن افكر اشوفه لسبب مهم ...

الواحد بيشوف غم و نكد يوميا بما يكفى فى الشغلانة العجيبة دى ، علشان كده تلاقينى باحاول ادور على الحاجات الكوميدى.

و لكن مادامت اغانى الفيلم عجبتك ، اتفضل يا سيدى آدى وصلة تورنت لأغانى الفيلم كلها

الأغانى

و آدى هدية كمان ، و صلة تورنت تانية لموسيقى الفيلم

الموسيقى

و قبل ما تعلق اى تعليقات زى اللى فى التوقيع على الورد و الهدايا ، اتفضل دول يا سيدى ، حاجة على ما قسم كده :



و بالهنا و الشفا

[abdo_general]

انا شفت الفيلم قبل كده وعجبني جدا

الناس دي بيقدرو يعملو افلام فعلا فيها فكرة تحس انها بتناقش عقلك
وتخليك تفكر وتحترمها

[eng.octooo]

الفيلم دة عندى وشفتة فوق ال 5 مرات وكل مرة افضل اعيط لغاية ما حد يدخل عليا ويقولوا عليا اهبل ههههههه

بس بجد انتاج واخراج واداء للطفلة وكاميرون دياز تتتتتتتتتتتتتتتتتحفة بجد اداء عالى جدا جدا جدا
ودة من الافلام الى نحطها فى سجل التاريخ
وفية فيلم رومانسى حزين شوية اسمة
A.Walk To Remember
يارب اكون كتبت اسمة صح ..بجد الفيلم دة لازم اشوفة كل يومين ولا حاجة ..احساس عالى جداااا وخصوصا الجزء الاخير من الفيلم

انا باحب الافلام الدرامية والرومانسية والافلام الى بيكون فيها سنس عالى ...... وبافضل اعيط بجد وممكن اكمل باقى اليوم عياط اة والله

حد معايا فى الموضوع دة ولا انا اهبل لوحدى !!!

[Karim_Monir]

اوكوتو بجد انا مكنتش متخيل ان في حد بيحب النكد لسه :-)
الفكرة اللي تشد في الفيلم ان ازاي البنت اللي عندها 11 سنه تروح لمحامي كبير وترفع قضية على ابوها وامها عشان تاخد استقلال طبي جزئي يمنعهم من انهم يجبروها على التبرع باجزاء من جسمها لاختها
لان ابوها وامها خلفوها عشان تكون احتيطاطي اعضاء ونخاع وغيرة لاختها
ومن هنا بيجي اسم الفيلم

ولقطة تانية قوية جدا لما البنت مش عايزة تخرج من البيت بسبب ان اصحابها بيبوصلها بصة وحشة عشان شعرها وقع
تدخل امها تحلق دماغها زلبطة زيها وتاخدها وتخرج :-)
فين الام هنا اللي ترضه تعمل حاجة زي دي عشان بنتها

دكتور شريف مش عارف اشكر على اللينكات بس يا ريت وصلات مباشرة عشان ماليش في التورنيت نهائي
اما الساندوتش بقى اني جايب تشيز برجر وتشيكن فيلية
انا عايز تشيطن شنغهاي ماليش دعوة :-)

[ahmedsamir79]

الأعلان شدني جدا
حنزل الفيلم و اتفرج عليه النهارده إن شاء الله

[أبو إياد]

ولقطة تانية قوية جدا لما البنت مش عايزة تخرج من البيت بسبب ان اصحابها بيبوصلها بصة وحشة عشان شعرها وقع
تدخل امها تحلق دماغها زلبطة زيها وتاخدها وتخرج :-)
فين الام هنا اللي ترضه تعمل حاجة زي دي عشان بنتها

لا ماتقلاقش ياكريم ما احمد حلمى عملها فى فرحه لما كانت مامته عندها سرطان فى 1000 مبروك الله يبارك فيكوا

[hany_mohamed]

فيلم جميل يا أستاذ كريم ولكن يا جماعة الخير لى طلب صغير .. بس نراعى أن فيه بعض الاعضاء بتقرا الموضوع ده ولهم حد مصاب بالمرض ده أو كان ليهم حد مصاب بيه .. فلا نفزعهم بذكر اعراض مثل (( تساقط الشعر )) الناتج عن العلاج والذى يكون مؤقتا ثم يعود أحسن من الاول...
بل أرجو أعطاء الامل ولو بكلمه... أنا أعرف ناس كتير ربنا تمم لهم بالشفاء
و أتمنى الصحة والعافيه للجميع