لو بطلنا نحلم .. يحصل إيه

[alf2boshra]

كل واحد مننا كان ليه حلم قديم .. فيه مننا حقق حلمه أو أحلامه ..
وفيه لسه الزمن مش مطاوع والحلم مستعصي مش راضي يتحقق ..
ياترى اللي حقق فينا حلمه ممكن يتباهى بيه ويتكلم عنه
واللي لسه ممكن يتكلم ويقول علشان لو فيه اقتراحات او مساعدات
يارب تتحقق اماني كل اعضاء المنتدى ، وكل الناس
هو مفروض ابتدي بنفسي بس هاستنى مش هاتكلم دلوقت
مش عشان حاجه معينه .. لكن عاوز اشوف مدى استقبالكم للموضوع
عموما وعشان ماحدش يقول ليه هو ما يبتديش
أنا كان حلمي القديم ، وأكبر حلم اتمنيته إني أكتب واملى الدنيا كلام و .........
وهاكمل لما اشوف مدى استقبالكم للموضوع
=======
يارب يكون موضوع لطيف ويعجبكم
ألفي بشرى

[shaddadfalcon1]

انا بقي مفسي ابطل احلم لان الأحلام دي هتموتني
لاني بحلم واحلم وبعدين اصحي الاقي نفسي لسه في ارض الواقع
وغالبا الأحلام اللي بتعمل كده هي الأحلام الماديه
يعني انا مببطلش تفكير كل يوم اني يكون عندي موستانج و m5 ورنج رووفر وكام عربيه كده تانيه بالأضافه لشقه واسعه في مكان راقي
وطبعا اول ماببص لحالي بقول الحمد لله يمكن احقق حاجه منهم بس عايزه وقت وساعات تانيه يجيلي احباط خصوصا لما تحصل حاجه تقضي علي القرشين اللي معايا

[alf2boshra]

انا بقي مفسي ابطل احلم لان الأحلام دي هتموتني
لاني بحلم واحلم وبعدين اصحي الاقي نفسي لسه في ارض الواقع
وغالبا الأحلام اللي بتعمل كده هي الأحلام الماديه
يعني انا مببطلش تفكير كل يوم اني يكون عندي موستانج و m5 ورنج رووفر وكام عربيه كده تانيه بالأضافه لشقه واسعه في مكان راقي
وطبعا اول ماببص لحالي بقول الحمد لله يمكن احقق حاجه منهم بس عايزه وقت وساعات تانيه يجيلي احباط خصوصا لما تحصل حاجه تقضي علي القرشين اللي معايا

عموما لو تسعى أكتر وأكتر في المكان اللي انت فيه وتحاول تحسن وضعك
وتتقن شغلك اللي انت فيه سواء دراسه او عمل
وكل ما تتقن حاجه اكتر كل ما تتميز في شغلك اكتر
وكا ما تعرف عن شغلك اكتر كل ما تنمك يزيد في شغلتك
ربنا يسعد أيامك .. ويحقق أحلامك
=======
أشكرك على مرورك
ألفي بشرى

[shaddadfalcon1]

انا الحمد لله متميز جدا في شغلي وبنسبة 90% بحقق احلامي
بس زي مابقول لحضرتك انا احلامي بتفتح قوي وساعات دي بيجيلي احباط

في الشغل انا تقريبا بحقق معظم احلامي والحمد لله

[MTAK]

كنت احلم بحلم كبير
و مع الوقت بدأ يصغر
و كل شوية يصغر اكتر
لحد ما بقى من صغره
انا مش شايفه و مش عارف افسر ملامحه

[alf2boshra]

انا الحمد لله متميز جدا في شغلي وبنسبة 90% بحقق احلامي
طيب كده كويس خالص
بس زي مابقول لحضرتك انا احلامي بتفتح قوي وساعات دي بيجيلي احباط

وماله خليها تفتح بس بشرط ماتاخدكش من الواقع وتحبطك
يعني خلي فيه كنترول مش تقعد تحلم وتستسلم للأحلام
وتخلي ده ياخدك من السعي للأفضل
أحلامك + عزيمة وكفاح = تحقيق هدفك

في الشغل انا تقريبا بحقق معظم احلامي والحمد لله

باتمنى لك التوفيق دايما
وبص احلامك لو عاليه حتحقق حاجات عاليه برضه
فيه مثل قديم بيقول
صوب على النجم ربما تصيب الجبل
يعني نشن على شئ حلو ( بشرط تسعى ) حتى لو ما وصلتش فأكيد
هتكون حققت حاجات كويسه
=======
أشكرك على مرورك
ألفي بشرى

[alf2boshra]

كنت احلم بحلم كبير
و مع الوقت بدأ يصغر
حلمك ابتدى يصغر لأنك ماغذيتوش بالعمل
و كل شوية يصغر اكتر
بص ده لأنك إكتفيت بالحلم وبس
لحد ما بقى من صغره
استسلمت جامد للحلم وحاولت تستمتع بالحلم لأنه ألذ م الواقع
وما حاولتش تصحصح وتكافح وتتحمل المسئوليه
انا مش شايفه و مش عارف افسر ملامحه

عموما طالما حلمك غاب وما بقاش قدام عينيك
فده مالوش غير معنى واحد ان مش ده اللي مناسب ليك
بمعنى إنه مش بس صعب التحقيق لكن ( سامحني ) وهم مش حلم
الأحلام الحقيقيه ( الأمنيات ) كلها حتماً ستتحقق .. شرط أن تكون مقترنه بالنهوض للعمل وأن تكون أنت لديك العزم على أخذ فرصتك في الحياة
=======
أشكرك على مرورك
ألفي بشرى

[FunnyMickey]

انا كان حلمي زمان اطلع مبرمج كمبيوتر
حاجه كده من الناس اللي بتقبض الالافات كل شهر دي
وكان نفسي اخترع حاجه او نظام سيستيم اسهل من الويندوز
واعمله بالعربي قصد
ويبقي العالم كله محتاجه
وساعتها يتضطروا يتعلموا لغه عربيه عشان يعرفوا يواكبوا التطور اللي عمله واحد عربي
زي ماهما مخليينا مش عارفين نعيش من غير الانجليزي

يااااااااااااااااااااااااااااااه
كان حلم جميل
ولحد دلوقتي والله الحلم عندي
بس نصه بس
نفسي اتعلم حاجه صعبه اوي في الكمبيوتر
تخصص قوي
اللي يتعلمه وياخده يتخطف في شغل كده ب10000 15000 الف جنيه في الشهر
طموحي مش في الفلوس
طموحي في اني معايا حاجه مش مع كل الناس
احساس بالتميز والانفراد انك تعبت في حاجه ومحدش عارف يوصلها
يلا اهي احلام

[shaddadfalcon1]

انا كان حلمي زمان اطلع مبرمج كمبيوتر
حاجه كده من الناس اللي بتقبض الالافات كل شهر دي
وكان نفسي اخترع حاجه او نظام سيستيم اسهل من الويندوز
واعمله بالعربي قصد
ويبقي العالم كله محتاجه
وساعتها يتضطروا يتعلموا لغه عربيه عشان يعرفوا يواكبوا التطور اللي عمله واحد عربي
زي ماهما مخليينا مش عارفين نعيش من غير الانجليزي

يااااااااااااااااااااااااااااااه
كان حلم جميل
ولحد دلوقتي والله الحلم عندي
بس نصه بس
نفسي اتعلم حاجه صعبه اوي في الكمبيوتر
تخصص قوي
اللي يتعلمه وياخده يتخطف في شغل كده ب10000 15000 الف جنيه في الشهر
طموحي مش في الفلوس
طموحي في اني معايا حاجه مش مع كل الناس
احساس بالتميز والانفراد انك تعبت في حاجه ومحدش عارف يوصلها
يلا اهي احلام

انا مبرمج كمبيوتر وبرده عندي الأحلام اللي عند حضرتك دي
بس الحياة بتبقي صعبه ولازم تشتغل عشان تعرف تعيش
الحاجات اللي بتقول عليها عايزه حد فاضي او يكون معاه فلوس ومش محتاج يشتغل في البيت

[أبو إياد]

تقريبا 90% من احلامى حققتها بفضل الله وبمساعدت بعض الناس بالاضافه الى مجهودى
لكن فى فتره معينه وبعد ان اصبحت مسئول عن عائله كامله لقيت عندى حلم واحد وادعى الله وباسعى انى احققه
نفسى فى بيت عيله كبير يجمع كل عائلتى فيه ومحدش منهم يشيل هم اى شىء مهما كان صغير واحقق حلم شوفته فى عيون والدى قبل وفاته وهو ان اولادى واولاد اخواتى يعرفوا دينهم كويس اوى من صغرهم لانه كان دايما يقول انت لما تتجوز وتخلف مالكش دعوه بالعيال سيبهملى بقا انا هاكون طلعت معاش وهابقا فاضى ليهم علشان احفظهم القران واخليهم يصلوا فى الجامع مع كل اذان (نفسى لما ازوره فى مدفنه احكيله انى عملت كده ) وحققت ليه اقل حلم كان بيطلبه رغم ان الحلم مش ليه كان دايما بيحلم لغيره وشايل هم غيره
وفى حلم نفسى يتحقق فى الدنيا >>>>>>>> العدل

[SkyBird]

لو بطلنا نحلم .... نموت

[kok3]

سورى على المداخله دى بس دى وجه نظرى مفيش احلام بتتحقق احلم براحتك وزى ما انت عايز بس الحقيقه ان ولا حاجه من اللى حلمتها هتحقق عارف ليه علشان الحياه مش برفكت مش كامله مش ممكن هتلاقى الدنيا مترتبه ومتنظمه ومتظبطه زى مكتبتك اللى فى البيت مثلا لا الدنيا دى هرجله وهرج ومرج وزحمه وقرف وناس نفوسها زفت وحقد على بعض ونفسنه على الفاضى ومحدش بيحب لحد الخير هيا دى الدنيا هيا دى الحياه قرف فى قرف احلام ايه كل ما هتكبر كل ما هتفهم انك كنت وانت صغير بتحلم احلام عبيطه قوى مستحيل تتحقق زى ما مستحيل الشمس تشرق من المغرب ويا ريت هينفع كمان تحققها فى العالم الاخر دا انت لا هتحققها هنا ولا فى العالم الاخر كمان انسى عاجبك على كدا عجبك مش عاجبك اخبط راسك فى الحيطه هيا دى وجهه نظرى وارجو ان الاخوه الاعضاء مينزعجوش منها قوى انا اصلى متشائم شويه شويه ايه لا كتير لا يوجد عدل على الكره الارضيه !!!

[ahmad--ezzat]

سورى على المداخله دى بس دى وجه نظرى مفيش احلام بتتحقق احلم براحتك وزى ما انت عايز بس الحقيقه ان ولا حاجه من اللى حلمتها هتحقق عارف ليه علشان الحياه مش برفكت مش كامله مش ممكن هتلاقى الدنيا مترتبه ومتنظمه ومتظبطه زى مكتبتك اللى فى البيت مثلا لا الدنيا دى هرجله وهرج ومرج وزحمه وقرف وناس نفوسها زفت وحقد على بعض ونفسنه على الفاضى ومحدش بيحب لحد الخير هيا دى الدنيا هيا دى الحياه قرف فى قرف احلام ايه كل ما هتكبر كل ما هتفهم انك كنت وانت صغير بتحلم احلام عبيطه قوى مستحيل تتحقق زى ما مستحيل الشمس تشرق من المغرب ويا ريت هينفع كمان تحققها فى العالم الاخر دا انت لا هتحققها هنا ولا فى العالم الاخر كمان انسى عاجبك على كدا عجبك مش عاجبك اخبط راسك فى الحيطه هيا دى وجهه نظرى وارجو ان الاخوه الاعضاء مينزعجوش منها قوى انا اصلى متشائم شويه شويه ايه لا كتير لا يوجد عدل على الكره الارضيه !!!

والله صدقنى انت لو شايف دينك صح ومدى ربنه حقه مافى حاجه هتبقه نقصاك وهتبقى حياتك برفكت زى ماقلت

[SkyBird]

اي حاجة تحلم بيها وتصر على تحقيقها ستتحقق اكيد

[omaroof]

الاحلام نوعان واحد تقدر تحققه وواحد صعب الوصول اليه وليس مستحيل
الاول انك حلمك تجيب عربيه او حتى موتيسكل وتحوش شويه شويه لغاية ماتحقق حلمك وتشترى اللى انته عاوزه
والتانى زى اللى بيحلم بموستينج صعب جدا يجيبها لانه لو معاه ثمنها اكيد حايشترى شقه وعربيه صغيره ويعلم اولاده فى مدارس خاصه وحاجات من دى
لكن تبقى للاحلام لذتها