طب لو الواحد بيدور على عروسة!!!!!!!!!!!!

[أحمد كمال]

بص يا باشا

انا وصلت لاستنتاج واحد بس

الجواز ده نظام اجتماعي فاشل و مالوش اي لزمة غير الخلفة و لو ماكانش شرع ربنا ماكانش حد اتجوز ........

[Terrible_DaRsH]

بص يا باشا

انا وصلت لاستنتاج واحد بس

الجواز ده نظام اجتماعي فاشل و مالوش اي لزمة غير الخلفة و لو ماكانش شرع ربنا ماكانش حد اتجوز ........

لا و الله مش فاشل و لا حاجة , و لكن لو دققت فى الموضوع من جهة تانية هتلاقى ان كل حاجة بقت فشلة فى حياة المصريين .

الواحد بقي بيهرب من اصحاب العمر اللى اتربي معاهم و عاشرهم سنين , يبقي الزوجة اللى لسه متزوجها و متربوش مع بعض هتكون معاه طول العمر !!

زى السواقة برده , هى فى الاصل شيء ممتع , لكن فى مصر بتصيب الواحد بامراض من اللى بيشوفه .

فكل حاجة فى حياة المصريين بقت كده ( شاملة الزواج ) .

[dr.amr]

بص يا باشا

انا وصلت لاستنتاج واحد بس

الجواز ده نظام اجتماعي فاشل و مالوش اي لزمة غير الخلفة و لو ماكانش شرع ربنا ماكانش حد اتجوز ........

للدرجه دي !!!!!!!!!!!!!!!!!!!

رأيك دايما من الاراء اللي بحترمها جدا

علي العكس انا فاكر ان اللي متجوز ده بيكون مستريح ومستقر نفسيا

مش كلهم طبعا ولكن علي الاقل 70 % منهم

[أحمد كمال]

للدرجه دي !!!!!!!!!!!!!!!!!!!

رأيك دايما من الاراء اللي بحترمها جدا

علي العكس انا فاكر ان اللي متجوز ده بيكون مستريح ومستقر نفسيا

مش كلهم طبعا ولكن علي الاقل 70 % منهم

كنت فاكر زيك .....

على غرار عايز نوكيا روح لراية:

عايز تتنكد اتجوز مصرية

عايز تفلس اتجوز مصرية

عايز تتداين اتجوز مصرية

عايز تعيش في هم و غم و قرف اتجوز مصرية

عايز تعيش حياة الرهبان و تتعلم العفة اتجوز مصرية

عايز تبقى راجل البيت بالاسم اتجوز مصرية

عايز واحدة مش فارق معاها الطلاق (بسبب شوية قوانين منحازة بتديها الشقة و العيال و النفقة و المؤخر و المتعة و كمان ولاية الامر) اتجوز مصرية

[SunSet]

حرام عليكم والله

بقى اللي عامل الموضوع نيته يكمل نصف دينه

يقوم انتم تقولوه الكلام ده

لاحول ولا قوة الا بالله

عن أبي هريرة رضي الله عنه : أن رسول الله صلى الله عليه وسلم قال : ( من كان يؤمن بالله واليوم الآخر ، فليقل خيرا أو ليصمت ....)

[M.Osman]

لا و الله مش فاشل و لا حاجة , و لكن لو دققت فى الموضوع من جهة تانية هتلاقى ان كل حاجة بقت فشلة فى حياة المصريين .

الواحد بقي بيهرب من اصحاب العمر اللى اتربي معاهم و عاشرهم سنين , يبقي الزوجة اللى لسه متزوجها و متربوش مع بعض هتكون معاه طول العمر !!

زى السواقة برده , هى فى الاصل شيء ممتع , لكن فى مصر بتصيب الواحد بامراض من اللى بيشوفه .

فكل حاجة فى حياة المصريين بقت كده ( شاملة الزواج ) .

بالظبــــــــــــــــــــــــــــــط

[أحمد كمال]

حرام عليكم والله

بقى اللي عامل الموضوع نيته يكمل نصف دينه

يقوم انتم تقولوه الكلام ده

لاحول ولا قوة الا بالله

عن أبي هريرة رضي الله عنه : أن رسول الله صلى الله عليه وسلم قال : ( من كان يؤمن بالله واليوم الآخر ، فليقل خيرا أو ليصمت ....)

ماحنا بنقول له الخير ....... بنبعده عن النكد اللي هو رايح له برجليه

[AmatoALLAH]

كنت فاكر زيك .....

على غرار عايز نوكيا روح لراية:

عايز تتنكد اتجوز مصرية

عايز تفلس اتجوز مصرية

عايز تتداين اتجوز مصرية

عايز تعيش في هم و غم و قرف اتجوز مصرية

عايز تعيش حياة الرهبان و تتعلم العفة اتجوز مصرية

عايز تبقى راجل البيت بالاسم اتجوز مصرية

عايز واحدة مش فارق معاها الطلاق (بسبب شوية قوانين منحازة بتديها الشقة و العيال و النفقة و المؤخر و المتعة و كمان ولاية الامر) اتجوز مصرية

يا اخي مش علشان انت حظك وحش يبقي لازم يكون الكل يكون زيك مع احترامي الكامل لك

بالعكس الزواج استقرار نفسي لو الاختيار كان صح من الاول

شوف انت اخترت شريكة حياتك علي اي اساس و هتلاقي اكيد فيه حاجه غلط في اختيارك طبعا دا لو اخدنا ان كلامك عنها فعلا صحيح

[SHNORY]

يا اخي مش علشان انت حظك وحش يبقي لازم يكون الكل يكون زيك مع احترامي الكامل لك

بالعكس الزواج استقرار نفسي لو الاختيار كان صح من الاول

شوف انت اخترت شريكة حياتك علي اي اساس و هتلاقي اكيد فيه حاجه غلط في اختيارك طبعا دا لو اخدنا ان كلامك عنها فعلا صحيح:f_eyeb1[1]:

علي فكره
واصح انه مش هو اللي حظه وحش
واضح انك انتي الي حظك حلو
هههههههههههههههههههههههههههههههههه

[n_i_t_e]

كن الزبير تكن لك أسماء – نصيحة للأخوة في موضوع الزواج

حرام عليكم والله

بقى اللي عامل الموضوع نيته يكمل نصف دينه

يقوم انتم تقولوه الكلام ده

لاحول ولا قوة الا بالله

عن أبي هريرة رضي الله عنه : أن رسول الله صلى الله عليه وسلم قال : ( من كان يؤمن بالله واليوم الآخر ، فليقل خيرا أو ليصمت ....)

أرجو أن أسلوب الحوار ميكونش ضايقك...الموضوع فى النهاية مناقشة عادية و تبادل لوجهات النظر و كل واحد بيقول رأيه من واقع خبرته و فكره و بنتبادل الأفكار..محدش فينا بيرهب من الجواز بس على الأقل أحنا بنفتح كذا جانب من جوانب الجواز و الجواز زي أي حاجة فى الدنيا فيها الحلو و فيها الوحش. مش كله حلو و مش كله وحش (يوم عسل و يوم بصل زي ما بيقولوا). و أي مناقشة بين عدة أفراد بتوسع المدارك كلها بصفة عامة. مش الخير اننا نقوله أتجوز و خلاص (أعقلها و توكل) و لازم الواحد يتدبر الأول قبل ما يرمى حموله على ربنا.
بالمناسبة أنا قريت موضوع حضرتك فى اللينك و حابب أوجه أن الموضوع ممكن ناس تفهمه غلط..فى واحد ممكن لما يقرأ الموضوع يفتكر أن الدين هو الشرط الأساسى و الوحيد للجواز. (متدينة و خلاص) بس حسب ما فهمت من أحاديث الرسول عليه الصلاة و السلام أن الدين شرط أساسى فى الجواز بس مش الشرط الوحيد...يعنى زي ما مدرسين الرياضة بيقولوا: شرط necessary لكن مش sufficient...يعنى أقصد ايه؟ :) يعنى الدين قاعدة أساسية فى الجواز بدونه الجواز فاشل لكن اذا توافر هذا الشرط يكون فى أحتمال نجاح أو فشل لمشروع الزواج..النجاح بقى بيتحقق بالكماليات مثل التوافق الاجتماعى و تشابه التربية.
يعنى مثلا فى الموضوع اللى قريته أن فى ناس بترفض الجواز بسبب ممكن عايز طول أو وزن معين برغم توافر الدين (للطرفين طبعا)...أه كده حاطط أو حاطة شروط صعبة بس مش معنى كده أنه مثلا لو موضوع أن وزن الطرف التانى أو طوله عامل فرق مسبب ألم نفسي خارج عن ارادته أن الجواز ممكن يستقيم...
أنا أسف هحاول أوضح شويه...ممكن مثلا الاتنين متوافر عندهم الدين بس هى مثلا طويلة بالنسبة له بشكل محرج أو هو وزنه زائد عن الحد بالنسبة لها و مسبب ألم نفسى...هل معنى كده انهم يعيشوا حياتهم تحت ضغط نفسي؟ مش لازم يكون الشكل 100% و الطول و الوزن بالمقاس بس مش معنى كده أن الواحد يقنع نفسه و يضغط علي نفسه أن طالما الدين متوافر يبقى كل شيء محلول..بكرر لازم الدين يكون موجود و ((((أساسى))) بس مش معنى كده أنى أهمل باقى العوامل بنسبة 100%...وفى موقف من الدين أن زيد بن حارثة و زينب بنت جحش كانوا زوجين و مع ذلك الزواج لم يستمر بسبب الفرق الاجتماعى برغم توافر الدين.
الموضوع نصيب فى النهاية..الجواز أحسن من الوحدة بس لازم نجتهد و نفكر فى الأختيار من غير ما نعقدها و نحسب عيوب نفسنا زي عيوب غيرنا
و فى النهاية...هقول بس الدعاء اللى بحبه و فعلا بيبقى حاسس بمعناه (اللهم دبر لى فانى لا أحسن التدبير)
:)

[أحمد كمال]

يا اخي مش علشان انت حظك وحش يبقي لازم يكون الكل يكون زيك مع احترامي الكامل لك

بالعكس الزواج استقرار نفسي لو الاختيار كان صح من الاول

شوف انت اخترت شريكة حياتك علي اي اساس و هتلاقي اكيد فيه حاجه غلط في اختيارك طبعا دا لو اخدنا ان كلامك عنها فعلا صحيح:f_eyeb1[1]:

يا ريته كان كلامي لوحدي !!!!!!!!

[AmatoALLAH]

علي فكره
واصح انه مش هو اللي حظه وحش
واضح انك انتي الي حظك حلو
هههههههههههههههههههههههههههههههههه

ما شاء الله كل دي هههههههههه
طيب كويس اني ادخلت علي قلبك السرور

علي العموم مش مهم انا حظي حلو و لا وحش و لا هو حظه حلو و لا وحش

المهم ان اللي حظه وحش مايعئدش غيره و يديه فكره ان الزواج دا بشع و يخليه يصرف نظر عن فكرة الزواج

راجع ردود بعض الاخوه انا لو مكان صاحب الموضوع جواز مين اللي فكر فيه بعض الردود اللي تفتح النفس دي

صح و لا لا؟

[n_i_t_e]

بص يا باشا

انا وصلت لاستنتاج واحد بس

الجواز ده نظام اجتماعي فاشل و مالوش اي لزمة غير الخلفة و لو ماكانش شرع ربنا ماكانش حد اتجوز ........

ههههههههههه حرام عليك يا أستاذ أحمد...
هو الجواز كويس و الله بس بيبقى ساعات بيظهر فى مشاكل دي حكمة الدنبا مفيش حاجة مفيها عيوب...الشطارة أن الواحد يركز على المميزات (أكيد جه فى بالك ترد "مبقاش فى مميزات" هههه ) و ميفكرش فى العيوب.
كل حاجة فى الدنيا نسبية. السعادة المطلقة فى الجنة. الألم المطلق فى النار.و الجواز كواقع من الدنيا واخد منها النسبية دي :)
هو لو كل حاجة من غير مشاكل يبقى الفتنة فى الدنيا اللى اسمها دار بلاء هتبقى منين؟ :)

[SHNORY]

ما شاء الله كل دي هههههههههه
طيب كويس اني ادخلت علي قلبك السرور :f_eyeb1[1]:

علي العموم مش مهم انا حظي حلو و لا وحش و لا هو حظه حلو و لا وحش

المهم ان اللي حظه وحش مايعئدش غيره و يديه فكره ان الزواج دا بشع و يخليه يصرف نظر عن فكرة الزواج

راجع ردود بعض الاخوه انا لو مكان صاحب الموضوع جواز مين اللي فكر فيه بعض الردود اللي تفتح النفس دي

صح و لا لا؟

انا الحمد لله ربنا زارع السرور والرضا في قلبي
وتقريبا دي حاجه في جينات العيله عندنا
متلاقيش فيهم حد مكشر والحمد لله
وسروري بيزيد بوجودي معاكم علي المنتدي

وعلي فكره مش شرط ان حد يكون حظه وحش ويقول كده
انا مكانش حظي وحش في ارتباطي اللي مكملش
بالعكس مكانش فيه الا الخير والادب والمعروف

بس ماهو احنا مش لازم نقعد نقول دا الجواز حلو وجميل ويلا ييا جماعه اتجوزوا كلكم علشان نبقي بنحفز الناس عليه
---------------------------------------------------------
حلاوه الجواز في داخلياته
واظن مينفعش ان حد يحكيها هنا ولا تتحكي لحد
ومش حنلاقي حد يحكيها
وكلنا عارفينها
والا مكانش تم
مفيش واحد حييجي يقول انا قولت كلام حب لمراتي النهارده
ولا واحده حتقول انا جوزي جابلي هديه وعمل كذا وكذا وكذا
لانها داخليات بيوت وميصحي تذكر علي الملاء
--------------------------------------
كل واحد بيقول تجاربه وبيقول السلبيات الي فيها
لان الايجابيات معروفه
والايجابيات دي بيجيلها وقت وتنتهي
او يبقي ملهاش طعم
لان حنفيه الحنان بتنقط
وبحر النكد واسع مش بيخلص

[SunSet]

ما شاء الله كل دي هههههههههه
طيب كويس اني ادخلت علي قلبك السرور :f_eyeb1[1]:

علي العموم مش مهم انا حظي حلو و لا وحش و لا هو حظه حلو و لا وحش

المهم ان اللي حظه وحش مايعئدش غيره و يديه فكره ان الزواج دا بشع و يخليه يصرف نظر عن فكرة الزواج

راجع ردود بعض الاخوه انا لو مكان صاحب الموضوع جواز مين اللي فكر فيه بعض الردود اللي تفتح النفس دي

صح و لا لا؟

تمام و ده المقصود
الموضوعية في الردود مطلوبة
والواحد وهو بيرد كان بيرد من منطلق المنطق والعقل والموضوعية والا الكلام كان حيبقى مختلف