مساعدة في شراء كمبيوتر

[bshndi]

السلام عليكم ورحمة الله وبركاته
إخواني ، أريد منكم مساعدة في شراء كمبيوتر منزلي ، يكون ذو مواصفات لا تحتاج إلي تحديث خلال العامين القادمين إن شاء الله (وقدر له إنه يعيش:) .
دلوقتي أنا سألت أحد المختصين في المجال قالي علي المواصفات دي وأنا مش عارف هايدخل في كام (من ناحية الفلوس) فلو أي حد عنده فكرة عن الموضوع أو يرشح لي مكان للشراء يعطيني أفضل سعر في الشراء وضمان علي الجهاز إذا تم الشراء من عنده أكون شاكر ليكم النصيحة حسن تعاونكم.
المواصفات المقترحة كالتالي :
proceeeor : 3 GHZ- cash 4 mega
Mother Board : G41 VIGA+SOUND
RAM : 2GHZ
Case : omega
Hard disk : 500 gega
Monitor : lcd 19 samsung
Dvd writer samsung *22
هذا هو كل شيء بخلاف الكي بورد والماوس طبعاً والسماعات والحاجات دي موجودة عندي من الجهاز القديم .
تحياتي وإحتراماتي

[aly_hosny]

السلام عليكم ورحمة الله وبركاته
إخواني ، أريد منكم مساعدة في شراء كمبيوتر منزلي ، يكون ذو مواصفات لا تحتاج إلي تحديث خلال العامين القادمين إن شاء الله (وقدر له إنه يعيش:) .
دلوقتي أنا سألت أحد المختصين في المجال قالي علي المواصفات دي وأنا مش عارف هايدخل في كام (من ناحية الفلوس) فلو أي حد عنده فكرة عن الموضوع أو يرشح لي مكان للشراء يعطيني أفضل سعر في الشراء وضمان علي الجهاز إذا تم الشراء من عنده أكون شاكر ليكم النصيحة حسن تعاونكم.
المواصفات المقترحة كالتالي :
proceeeor : 3 GHZ- cash 4 mega
Mother Board : G41 VIGA+SOUND
RAM : 2GHZ 200L.E
Case : omega 150L.E
Hard disk : 500 gega
Monitor : lcd 19 samsung
Dvd writer samsung *22140L.E
هذا هو كل شيء بخلاف الكي بورد والماوس طبعاً والسماعات والحاجات دي موجودة عندي من الجهاز القديم .
تحياتي وإحتراماتي

دي اسعار الحاجات ال انا اعرفها
وانا بنصحك انك تجيب بروسيسور AMD لو بتحب اللعب و الماذر بتبقى فيها كارت شاشة ATI Readon 3000Series HD عالي اوي
انا بتاعتي من سنة ونص تقريبا والكارت ال فيها مش HD ومشغل بيه لغاية اخر لعبة نزلت

وبلاش الديفيدي ال سامسونج عشان الباب هيعلق وهتضطر تخرجه بابرة
خليك في ال ASUS

[slim_shika]

دي اسعار الحاجات ال انا اعرفها
وانا بنصحك انك تجيب بروسيسور amd لو بتحب اللعب و الماذر بتبقى فيها كارت شاشة ati readon 3000series hd عالي اوي
انا بتاعتي من سنة ونص تقريبا والكارت ال فيها مش hd ومشغل بيه لغاية اخر لعبة نزلت

وبلاش الديفيدي ال سامسونج عشان الباب هيعلق وهتضطر تخرجه بابرة
خليك في ال asus

+1
كل الكلام اللي كنت هقوله.

انصحك لما تيجي تشتري حاول تجيب ddr3 , الرامات هتلاقيها غالية بس كمان سنتين الddr2 مش هتلاقي حد بيتعمل فيه سواء بيع أو شرا.

[AirForces]

حضرتك قولنا ميزانيتك واستخدامك للجهاز عشان نقدر نحدد
يعنى معلش انا شايف انه الجهاز دا تعبان ولو عاوزه عشان تشغل عليه العاب حديثة مثلا صعب انها تشتغل على جهاز بالمواصفات دى
واحسن اماكن تشترى منها مول السخاوى وبعده سوق العصر بس سوق العصر اسعاره بتبقا اغلى شوية

[bshndi]

السلام عليكم ورحمة الله وبركاته
والله يا جماعة أنا عاجز عن الشكر لكل من أفادني بخير نصيحة
بالنسبة للميزانيه هاتبفي في حدود 2500 علي أقصي تقدير وأنا شابف إن السيد airforces متخصص في الموضوع ده (مجرد تخمين من التوقيع بتاعه:) ) فلو ممكن يعيد صياغة إمكانيات الجهاز مرة تانيه ، في حدود هذا المبلغ أكون شاكر ليك ، والسخاوي ده هو المول إلي ورا سوق العصر ؟
تحياتي وإحتراماتي

[AirForces]

انا مجرد هاوى
بص يا فندم انا دى المواصفات اللى شايفها تعمل جهاز محترم يعيش معاك بتاع سنتين ونص من غير ما تعانى خصوصا لو انت من محبى الألعاب الحديثة
كارت شاشة (بالترتيب من الأقوى فالأقل)
Ati HD4670 / 1GB DDR3= 475 L.E
Gigabyte ATI Radeon HD 4650 1GB DDR2 390 L.E
Gigabyte Nvidia GeForce 9400 GT 1GB DDR2 350 L.E
XFX ATI Radeon HD 4350 1GB DDR2 320 L.E
Powercolor ATI Radeon HD 4350 1GB DDR2 280 L.E

مازر بورد (مش لازم تلاقى نفس الموديل بس اتأكد ان فيها كارت صوت build-in )
Giga Byte Intel EP43T-UD3LR DDR3 =500 L.E
او ممكن Asus بنفس التمن
رامات
2 GB DDRAM(DDR3) =300 L.E
بروسيسور
Core 2 Duo 3 GHz / 4 mb = 650 L.E
هارد
H.D 500 GB W.D 7200 RPM (SATA)II = 275.00 L.E
شاشة
LCD samsung 19" = 650 L.E


Dvd writer samsung =140L.E ( انا كنت من محبى الدى فى دى يكون asus بس للأسف حصل موقف معايا غريب ولقيته حصل مع بعض المعارف برضو انه الأسطوانة تكون شغالة جوه وفجأة لقيتها بوووووم فرقعت وبقت حتت والرايتر مبقاش بيقفل روحت اوديه الضمان لقيته قعد يلعب بالكلام ويقولى ممكن يكون سوء استخدام مش فاهم ازاى يعنى او نوع الأسطوانة رديئة ودى حاجة مش مقنعة برضو فعرفت انهم مش هيصلحوه واضطريت اشترى واحد جديد سامسونج والحمدلله شغال معايا بقاله كتير ومفيوش مشاكل )

Case : omega 150L.E وأتأكد ان فيها باور سبلاى 300 وات فأكتر وانها تشغل كارت الشاشة اللى هتجيبه

بس الجهاز دا هيعدى ال 3000 جندى للأسف
وايوة يا فندم السخاوى هو المول الكبير اللى ورا سوق العصر ونصيحة ما تشتريش من اول محل تلاقى عنده الحاجة اللى انت عايزها
يعنى خدلك لفة الأول اسأل على الأسعار عشان بتختلف من محل لمحل وبعدين اشترى بس يستحسن لما تشترى برضو يكون معظم الحاجة من نفس المحل وطبعا اتأكد انك بتاخد ضمان على اى حاجة تشتريها واقرا الضمان كويس منعا للتلاعب

[TheInfernal]

أنا رأيي الآتي:
AMD Athlon II X2 Processor - 330
Asrock 780G Motherboard - 270
2GB Elixir DDR2-800 RAM - 255
Western Digital WD5000AAKS 500GB Blue Hard Drive - 275
HD4670 Video Card - 400
DVD-RW - 115
Gamma Case + 300W PSU - 270
Benq T2200HD 22" HD Monitor - 780
------------------------
الاجمالي: 2700 جنيه
------------------------
تجميعة أستاذ AirForces كويسة و لكن ليا تحفظات عليها:
البروسيسور و الماذربورد أنا منصحش بيهم لسببين:
1) الماذربورد مش هينزل لها بروسيسورات جديدة لأن ببساطة انتل وقفت انتاج Core 2 Duo و أصبحت بتنتج مكانه الجيل الأحدث Core i3 و Core i5 و Core i7 اللي شغالين بسوكيت مختلف و مش هينفع ييركبوا عالماذربورد اللي هو رشحها.
2) البروسيسور و الماذربورد اللي هو رشحهم تكلفتهم 1150 و اللي أنا رشحتهم ب600 جنيه أو نص السعر رغم ان اللي هو رشحهم أسرع ب20% بس و ده ميبررش فارق السعر أبدا. كمان الماذربورد اللي أنا رشحتها فيها كارت مدمج HD3200 ممكن يسد معاك في الألعاب الخفيفة و متحتجش تشتري كارت منفصل.

الرامات DDR3 فعلا مستقبلها أحسن و لكن المهم دلوقتي نوفر في السعر لأن الميزانية قليلة.

كارت الشاشة HD4670 كويس بالنسبة لسعره و لكن لو مبتلعبش غير حاجات خفيفة زي PES أعتقد الكارت المدمج هيبقى كافي ليك.

الكيسة الOmega أو الDolphin أو الFoxconn الباور اللي فيهم من النوع المضروب أبو 40 جنيه و آجلا أو عاجلا هيعمل مشاكل في جهازك. الباور الجاما مش أغلى بكتير و الباور اللي فيه أصلي و هيديك راحة البال و هيوفر عليك مشاكل كتير.

الشاشة أنا شايف ان فيه فارق كبير في الحجم و الدقة بين واحدة 19" و واحدة 22" رغم ان فارق السعر بينهم قليل.

[AirForces]

1) الماذربورد مش هينزل لها بروسيسورات جديدة لأن ببساطة انتل وقفت انتاج Core 2 Duo و أصبحت بتنتج مكانه الجيل الأحدث Core i3 و Core i5 و Core i7 اللي شغالين بسوكيت مختلف و مش هينفع ييركبوا عالماذربورد اللي هو رشحها.
2) البروسيسور و الماذربورد اللي هو رشحهم تكلفتهم 1150 و اللي أنا رشحتهم ب600 جنيه أو نص السعر رغم ان اللي هو رشحهم أسرع ب20% بس و ده ميبررش فارق السعر أبدا. كمان الماذربورد اللي أنا رشحتها فيها كارت مدمج HD3200 ممكن يسد معاك في الألعاب الخفيفة و متحتجش تشتري كارت منفصل.

الرامات DDR3 فعلا مستقبلها أحسن و لكن المهم دلوقتي نوفر في السعر لأن الميزانية قليلة.

تمام يا باشا انا رشحت المازر بورد دى واعلى بروسيسور ممكن يركب عليها الكور 2 ديو هو فعلا السعر مرتفع بس مكانش ينفع ارشح حاجة للكور i3 مثلا لأن المازربرود بتاعته هتعدى ال 800 جنيه

وهى تعتمد لو هيشغل العاب تقيلة فيبقى ما احبذش مازربرود بكارت شاشة build-in لأن كفائته مش هتكون قد كدا وبتحمل على اللبوردة انما لو زى ما حضرتك قولت لو حاجات خفيفة يبقا الجهاز اللى حضرتك رشحته تمام اوى

البروسيور amd athlon مليش تجارب معاه بس واحد صاحبى جايبه وشغال معاك كويس

الرامات الدى دى ار 3 هتفرق بشكل واضح فى الكفاءة ولو حب يزود رامات بعد كدا فهيبقى صعب يشترى دى دى ار 2 لأنها هتكون بقت نادرة و تمنها هيغلى ومش هتدى كفاءة زى ما هو عايز

بالنسبة للكيسة انا مع اللى حضرتك رشحتها :)

[TheInfernal]

وهى تعتمد لو هيشغل العاب تقيلة فيبقى ما احبذش مازربرود بكارت شاشة build-in لأن كفائته مش هتكون قد كدا وبتحمل على اللبوردة انما لو زى ما حضرتك قولت لو حاجات خفيفة يبقا الجهاز اللى حضرتك رشحته تمام اوى

أنا معتقدش ان لها علاقة و الا مكنش فيه ماذربوردات بشريحة 890G بكارت مدمج بيعدي سعرها 1200 جنيه.

الرامات الدى دى ار 3 هتفرق بشكل واضح فى الكفاءة ولو حب يزود رامات بعد كدا فهيبقى صعب يشترى دى دى ار 2 لأنها هتكون بقت نادرة و تمنها هيغلى ومش هتدى كفاءة زى ما هو عايز

رغم ان الDDR3 باصها 1333 و الDDR2 باصها 800 بس, الا ان DDR2 تواقيتها أسرع CL5 بدل CL9 في الDDR3 و ده بيعوض فارق الأداء و يخلي الاتنين متساويين. و حتى لو فيه فارق, فباص الرام تأثيره شبه منعدم على أداء الجهاز الفعلي. و الرامة الDDR3 أغلى ب50 جنيه و محتاجة بوردة أغلى من اللي أنا رشحتها ب100 جنيه يعني الراجل هيصرف 150 جنيه زيادة لمجرد ان يبقى عنده امكانية أحسن للتحديث, اللي حضرتك ضحيت بيها ببساطة جدا لما رشحت Core 2 Duo.

[bshndi]

السلام عليكم ورحمة الله وبركاته
والله أنا مش عارف أقول إيه ، عاجز عن الشكر أنا لو كنت مهندس كمبيوتر ما كنتش أقدر أقول السرد والشرح إلي حضراتكم قولتوه شاكر لكم جميعأً وإن شاء الله ربناء يوفقني إلي ما فيه الصواب والأصلح
إحتراماتي وتحياتي لكل من أفادني بالنصيحة الخالصة لوجه الله تعالي

[Lion_Heart]

عاوز جهاز فى حدود 2000 - 2500
ياريت لو تعرفوا مواصفات كويسة تكتبوها و ياريت الاسعار كمان
حاجة تكون كويسة للجيمز العالية

[Lion_Heart]

عاوز جهاز فى حدود 2000 - 2500
ياريت لو تعرفوا مواصفات كويسة تكتبوها و ياريت الاسعار كمان
حاجة تكون كويسة للجيمز العالية

[doc_semsem]

انا عاوز اشترى جهاز يكون امكانياته حلوه وسريعه انا عاوز اشغل pesبجميع اصداراتها ونفس الوقت بفكر فى السعر انا عاوز اقل سعر
ايه رايكم فى الamdانا سمعت انه احسن بالنسبة للالعاب
انا انشاء الله هاشترى من البستان مول لو حد يعرف حد كويس هناك يقولى
وشكرا

[smsm2015]

انا عاوز اشترى جهاز يكون امكانياته حلوه وسريعه انا عاوز اشغل pesبجميع اصداراتها ونفس الوقت بفكر فى السعر انا عاوز اقل سعر
ايه رايكم فى الamdانا سمعت انه احسن بالنسبة للالعاب
انا ان شاء الله هاشترى من البستان مول لو حد يعرف حد كويس هناك يقولى
وشكرا

Athlon II X2 240 2.8GHz, 2MB Total Cache السعر 320 جنيه
ASUS M4A88T-M/USB3 - AMD 880G السعر 515 جنيه
Kingston 2GB DDR3 bus 1333MHz CL9 السعر 230 جنيه
Western Digital Caviar BLUE WD5001AAKS 500GB 16M Cache السعر 240 جنيه
SONY 24X DRU-870S السعر 130 جنيه
CASE JUMPO السعر 145 جنيه

المجموع 1580 جنيه ..

اشترى الجهاز من سوق العصر احسن وخصوصا البورده من شركة اسمها ماجيك ...

[smsm2015]

عاوز جهاز فى حدود 2000 - 2500
ياريت لو تعرفوا مواصفات كويسة تكتبوها و ياريت الاسعار كمان
حاجة تكون كويسة للجيمز العالية

Athlon II X2 250 3.0GHz, 2MB Total Cache السعر 375 جنيه
MSI 770 -G45 السعر 400 جنيه
Sapphire HD5750 1GB GDDR5 السعر 830 جنيه
Kingston 2GB DDR3 bus 1333MHz CL9 السعر 230 جنيه
Western Digital Caviar BLUE WD5001AAKS 500GB 16M Cache السعر 240 جنيه
Cooler master Elite 335 + COOLER MASTER 400W السعر 330 جنيه
SONY 24X DRU-870S السعر 130 جنيه

المجموع 2535 جنيه