أزاى نفتح موبيل بلاك بيرى؟

[خالد]

واحدة زميلتى معاها موبيل بلاك بييرى جاى من أمريكا ومش عارفين نفتحه
لو حد من الأخوة الأفاضل عنده فكرة ياريت يقوللى لحسن دى قاعدة زعلانة قوى وهاتعيط

[NaderNabil]

حضرتك قصدك unlocking ولا تفتحه تصلحه؟؟؟

[خالد]

حطينا شريحة فودافون فيه ومش عايز يشتغل خالص
وبيدى رسالة بأنك خطأ من فضلك ضع الشريحة أو الكارت

[ahmed]

بعتقد ان السوفت ويير بتاعه فى حاجه

[NaderNabil]

ممكن حضرتك تديني موديله بالظبط و كان تبع انهي شبكة في أمريكا؟

[3mr Farrag]

ده بقي توديه لأي محل بس يكون جامد...
اعتقد بيظبط في السفت وير....
بس اللي اعرفه ان الموضوع ده صعب و ممكن يبوظ الموبيل لو اتعمل غلط

[خالد]

والله عرضناه على محلات كتير علشان يظبط السوفت وير
وبعد مايخده ويقعد ساعتين تلاتة يقول لأ ماينفعش

[د.محمود صلاح]

ده كان معى واحد امس بلاك بيرى بنفس المشكلة وجاى من امريكا برضه وهو ان هذه الموبايلات وموديلات كثيرة يعنى مصنوعة لتعمل تبع الشركه بعينها داخل البلد بعينه وتعطى للزبائن بتراب الفلوس وأحيانا مجانا T- mobile أو Orange ولا يمكن فك شفرته بتاتا الا بتغيير البورده كاملة وللعلم ثمنه فى مصر ب 3300 ج

[خالد]

ممكن حضرتك تديني موديله بالظبط و كان تبع انهي شبكة في أمريكا؟

هوه موديل 8100 وللأسف مانعرفش تابع أنهى شركة فى أمريكا؟

[عزوز]

ممكن يكون بيشتغل على القمر صناعى بس

[NaderNabil]

لأ هو بيشتغل عادي علي الشبكات بتاعتنا..

أنا بسأل حاليا يا أستاذ خالد و أول ما أوصل لحاجة هبعتلك علطول:)

[brown-eyes]

السلام عليكم
بالنسبة للموبيل اللي حضرتك كاتبه ده بيشتغل gsm عادي بس هو محتاج يتفك شفرته . هي ببتفك عادي من غير كمبيوتر حتي بتتفك عن طريق السريال نيمبر بتاع الجهاز بس تكلفته بتوكن غالية شوية وباتاخد من اسبوعين لشهر . انا مجال شغلي في السوفت وير وفك الشفرات وعندي مكتب في شارع عبد العزيز انا عارف بتقولو عليا ايه دلوقتي بسبب سمعة الشارع :D. انا حبيت افيد بس ;)

[KarimAbulEla]

الاخ العزيز احمد - مية مية على الافادة
انا شخصيا استفدت معلومة مهمة من كلامك صعب التعرف عليها بدون الدخول فى فنيات المسألة
فتحياتى لك

اتمنى ان يكون ا/ خالد توصل الى حل

[brown-eyes]

العفو ياباشا انت تامر بس

[خالد]

السلام عليكم
بالنسبة للموبيل اللي حضرتك كاتبه ده بيشتغل gsm عادي بس هو محتاج يتفك شفرته . هي ببتفك عادي من غير كمبيوتر حتي بتتفك عن طريق السريال نيمبر بتاع الجهاز بس تكلفته بتوكن غالية شوية وباتاخد من اسبوعين لشهر . انا مجال شغلي في السوفت وير وفك الشفرات وعندي مكتب في شارع عبد العزيز انا عارف بتقولو عليا ايه دلوقتي بسبب سمعة الشارع :D. انا حبيت افيد بس ;)

الأستاذ أحمد
أشكرك لأهتمامك بالرد على الموضوع ، وعلى فكرة ماحدش بيقول عليك أى حاجة
لأن فى كل مكان فى الكويس وفى الوحش ، وأعتقد أن كل الناس المتواجدة فى هذا المنتدى الرائع من الناس الأفاضل المحترمين
القليلين فى هذا البلد
ألحقنا بأسم المكتب والعنوان بالضبط ،( وده مش إعلان ولا حاجة لأن أحنا اللى عايزين مش أنت)
شكراً ليك