إعـــــــلان

Collapse

.

,
See more
See less

استفسار بخصوص المشايات الكهربائية

Collapse
X
 
  • Filter
  • الوقت
  • Show
Clear All
new posts

  • #46
    كل 15 يوم
    بعد التنظيف ترشي
    والمفروض يكون موجود عند الناس اللي بتبيع المشايات


    والحذر كل الحذر من استخدام بدائل مش عارفين هيا ايه

    زي ده مثلا


    ناس كتير استخدمته
    وبوظت المشايات
    ده مزيل للصدأ
    وبيعمل اثر عكسي عالسير
    الماده اللي فيه بتاكل السير وتهريه

    وفيه ناس بتحط زيت اكل
    وناس تحط بودره تلك بتاعت الاطفال
    وناس تانيه زيت اكل

    علي اساس ان اللي فاهمه ان وظيفه السبراي ده هيا ليونه السير
    فبيحط اي حاجه تزحلق وخلاص

    Comment


    • #47
      ميكي باشا بسم الله ما شاء الله موسوعة بجد

      طب انا ليا استفسار بس مش عارف احطه هنا ولا اعمل بيه موضوع جديد

      الاستفسار عن صيانة الاوربتراك ... ايه رايك اكتبه هنا ولا اعمل موضوع تاني ؟؟

      Comment


      • #48
        المشاركة الأصلية كتبت بواسطة funnymickey مشاهدة المشاركة
        كل 15 يوم
        بعد التنظيف ترشي
        والمفروض يكون موجود عند الناس اللي بتبيع المشايات


        والحذر كل الحذر من استخدام بدائل مش عارفين هيا ايه

        زي ده مثلا


        ناس كتير استخدمته
        وبوظت المشايات
        ده مزيل للصدأ
        وبيعمل اثر عكسي عالسير
        الماده اللي فيه بتاكل السير وتهريه

        وفيه ناس بتحط زيت اكل
        وناس تحط بودره تلك بتاعت الاطفال
        وناس تانيه زيت اكل

        علي اساس ان اللي فاهمه ان وظيفه السبراي ده هيا ليونه السير
        فبيحط اي حاجه تزحلق وخلاص
        السلام عليكم ورحمة الله وبركاته
        متشكر جدا على المعلومات القيمة دى بس انا اشتريت الاوربتراك يا ترى دة احسن من المشاية و لا بيجيب خشونة و طريق صيانة ازاى؟
        [aldl]http://4.bp.blogspot.com/-ErjDUZ8vyBE/T17cPdPyECI/AAAAAAAAwPg/esBRUJ5Tnf0/s1600/%D9%85%D9%8A%D9%86%D9%89+%D9%83%D9%88%D8%A8%D8%B1+2012.jpg[/aldl]

        Comment


        • #49
          المشاركة الأصلية كتبت بواسطة magid1010 مشاهدة المشاركة
          السلام عليكم ورحمة الله وبركاته
          متشكر جدا على المعلومات القيمة دى بس انا اشتريت الاوربتراك يا ترى دة احسن من المشاية و لا بيجيب خشونة و طريق صيانة ازاى؟
          بدل ده تاني استفسار عن موضوع الاوربتراك يبقي هكتب المشاركة هنا

          ياريت صاحب الموضوع ميضيقش لانه استفسار عن حاجة مختلفة

          المهم انا اشتريت الجهاز ده يا ميكي باشا




          طبعا انا شايل الكرسي لاني بستخدمه كاوربتراك مش عجلة

          المهم اشتريته من التوحيد والنور ب 777 جنيه

          المهم بعد استخدام بسيط جدا لقيته بيطلع اصوات عالية يعني صوت تزييق و حاجات زي كده

          انا تقريبا بعد كل تمرين بتمم على جميع الصواميل واربطها كويس

          بس لسه صوت التزيييق ده موجود وجامد

          ايه رايك انا معايا الاسبراي اللي هو بتاع التنضيف اللي فيه طبقة زيت

          اسمه 2000 تقريبا اللي هو ب 7 جنيه

          ارش على الاجزاء المتحركة يمكن الصوت يقل شوية .... ايه رايك

          على فكرة انا كنت هجيب الاوربت ليف جير المجنتيك من عندكم بس سئلت بالتليفون اداني سعر عالي شوية

          تقريبا قالي 1650 جنيه

          واخر حاجة كنت عاوز اعرف ايه الفرق بين الاوربتراك المجنتيك والعادي ؟؟

          الف شكر ياريس

          Comment


          • #50
            مستر بيبو وماجد
            ربنا يخليكو عالكلام الحلو ده

            بالنسبه للاوربت تراك فمش بيجيب خشونه ولا حاجه
            انما لو انتا عندك خشونه متلعبش عليه عشان حيزودها
            وخصوصا لو وزنك تقيل اوي
            120 مثلا
            ده غلط لان ده تحميل علي مفصل الركبه

            بالنسبه للصيانه
            فالاوربت تراك من الاجهزه السهله في الصيانه
            بس لو جايبه كوالتي وحش حتعاني من صيانته
            لان الميكانيك بتاعه بيكون علي جلب بلاستيك او حديد من جوه
            وده تلاقيه بيعمل صوت كده اثناء اللعب
            والحل بتاعه انك تعمله جلب اسمها جرافيت ودي ماده بتزيت نفسها اما تسخن
            وده بيمنعها من التاكل
            تاني حاجه واهم حاجه
            لازم تراجع علي الماسمير بتاعت الاطراف والمفصلات
            زي ما موضح في الصوره


            وده عشان الاوربت متتحركش حاجه فيه وتلاقي بعد فتره الاوربت اتقطم بسبب ان مسمار فك حبه صغيرين فعمل تبويش
            دي اهم الحاجات اللي تقدر تعملها بنفسك

            غيركده بتضطر تروح للتوكيل بتاعك او المحل اللي انتا شاري منه الاوربت تراك
            بس هوا غالبا اكتر مشكله بتقابل العملاء هيا مشكله تأكل الجلب

            وطبعا شريط المقاومه بيتقطع لو زودت المقاومه جامد عشان الاحتكاك
            ونصيحه متزودوش المقاومه عشان متتعبش بسرعه وتنزل من عالجهاز
            لان الغرض من الجهاز التخسيس مش تقويه العضلات
            وبالتالي لما تقعد وقت اطول تحرق سعرات اكتر

            بالنسبه بقي لموضوع الاوربت تراك احسن او المشايه او الكلام ده
            فالموضوع يتلخص في الاتي

            جسم الانسان عشان يبتدي يحرق سعرات حراريه
            بناء علي كلام دكاتره كتير
            بيتراوح الموضوع من 20 دقيقه ل 30 دقيقه
            طيب يعني مينفعش اني اطلع عالجهاز العب 10 دقايق واقول انا كده حخس
            هوا انا حخس
            بس مش بمعدل كويس ويرضيك

            يبقي المهم بقي انك تختار الجهاز اللي يفيدك ويخليك تعمل الساعه او النص ساعه مجهود متواصل عشان اقدر احرق سعرات حراريه بمعدل كويس يخليني انزل في الوزن

            ايا كان بقي الجهاز اللي حتختاره سواء اوربت سواء عجله عاديه سواء مشايه
            اللي تقدر عليه حتي لو كان حبل وحتنط بيه ساعه يبقي حتخس طالما فيه حركه ومجهود رياضي
            بس اهم حاجه يكون يوميا او يوم بعد يوم
            مش اجيب الجهاز اسبوع وانام بعد كده

            ترتيب بقي الاجهزه وده من وجهه نظري

            1- طبعا المشي او الجري في الشارع عالتراك وده احلي واجمل حاجه في الدنيا
            وارخص بكتير هههههههههههه

            بس طبعا بما ان بلدنا الجميله فاضيه ومفيهاش حد بيعاكس حد ولا بيقل ادبه
            فطبعا احنا مفتريين وستاتنا مدلعه ولازم نجيبلهم حاجه في البيت

            2- مشايه كهرباء ودي اللي بتدي اثر المشي في الشارع واحسن جهاز يحرق سعرات حراريه
            يعيبه سعره العالي طبعا بالمقارنه بباقي الاجهزه

            3- الاوربت تراك صراحه انا لو امكانياتي الماديه متسمحش اني اجيب مشايه كهرباء يبقي اول جهاز حفكر فيه هوا الاوربت لانه شامل ورائع من ناحيه حركه الجسم لانه بيشتغل وانا واقف ووانا قاعد يعني الجسم كله شغال فوق وتحت تعبت اقعد عالكرسي

            3 - العجله الثابته ودي كويسه جدا بس عاوزه شغل كتير لان الجسم بيكون قاعد وبتبدل فالمجهود تحسه انه عضلي اكتر منه بدني

            4 - واخيرا المشايه المانيوال ودي انا بكرهها واي عميل بيدخلي بقعد اكرهه فيها لحد ما يسيبها خالص
            لان ملهاش فايده خالص ورخمه
            تطلع عالمشايه تقعد تزق في السير وخلاص علي كده
            طب متشوف اي عربيه عطلانه وروح زقها وخلاص
            علي ايه وجع الدماغ

            عيبها اللي الناس متعرفوش وبعد ما تشتريها بتكتشفه
            انها بتتقل بعد فتره
            وملهاش حل
            يعني متتصلحش
            ولا تخف
            تجبيلها سبراي وترش تخف شويه وخلاص علي كده

            تبقي جايب المشايه وفاكر نفسك حتقطع الدنيا
            تطلع تلاقي نفسك 5 دقايق بالكتير وتعبت

            تاني يوم كذلك
            تالت يوم وهكذا لحد ما يجيلك اكتئاب من المشايه من المعاناه اللي بتعانيها

            ويحصل حاجه من الاتنين
            ياحتبيعها وتجيب كهرباء
            ياحتقلبها شماعه تحط عليها هدومك
            وساعتها حتبقي اغلي شماعه جبتها في حياتك

            وكمان ممنوعه لاكتر من 45 سنه عشان السن والمجهود بتاعها غبي
            ومتعبه
            ولو حد عنده استعداد للخشونه وميعرفش حتجيبله خشونه

            يعني دي بعض مميزات المشايه المانيوال


            وده رأيي الشخصي
            ناس كتير بتاخد المشايه المانيوال وتلعب عليها عادي
            بس دول قله قليله مندسه

            يعن المهم تختار الجهاز اللي يريحك نفسيا وترتاح عليه بحيث تلعب عليه اكتر وقت ممكن يجيب معاك نتيجه

            واي استفسار انا في الخدمه

            Comment


            • #51
              الف شكر يا باشا على الرد انت بجد راجل محترم جدا

              طب مقولتليش ايه رايك في الموديل اللي اشتريته وعلى فكرة انا شفت نفس الموديل على الويب ده وممكن اعرف بتبعوه بكام ؟



              وايه الفرق بين الجهاز ده والاوربت ليف جير المجانتيك

              حاجة اخيرة سعر مسند الرجل المحبب ده مش عارف اسمه ايه بصراحة اللي هو الجزء البلاستيك اللي بنوقف عليه بكام لانه عندي بيشاور عقله

              Comment


              • #52
                الفرق بين المجناتيك والعاده
                ان العادي مقاومته شريط زي مانتا عارف
                انما المجناتيك بيبقي سير من جوه بدل الجنزير يمشي العجله
                وقريب من الطاره الحديد
                مغناطيس
                يقرب ويبعد
                اما يقرب يبطأ الطاره تتقل تحس انتا بالمقاومه
                يبعد يعمل العكس تحس ان الدنيا خفيفه
                بس كده

                Comment


                • #53
                  وااااااو ميكي بجد انت روووعه
                  الف شكر لك
                  ولمعلوماتك الرائعه
                  بالنسبه لكلامك عالاوربت تراك طبعا اختي من هواة الشراء اول ما شافته طلع قالت وااو هدا راح يحافظ على رشاقتي
                  والمهم يا سيدي نفس كلامك عن الصواميل حصل وبعدين اتقطم خخخخخ وانتهت الرحله على كده
                  بالنسبه للسير المانوال
                  طبعا ماما طلبت من بابا يجبلها كهربائي وبابا كالعاده يتفلسف وراح جاب المانوال قال ايش يحرق اكتر
                  لا والخبر المفرح اشتراها بسعر اغلى من الكهربائيه
                  وعلى قولتك بس اصلا ما حصلت شماعه رميناها

                  بس ان شاء الله دحين حنجيب المشايه الكهرباء
                  وبجد الف شكر عالمعلومات التحفه

                  اممم ايوه كمان عندي سؤال
                  دحين بالنسبه للبخاخ كيف اعرف انه هو هدا البخاخ
                  لازم يكون مكتوب عليه سيلكون سبراي مو؟؟؟

                  ومعليش تعبتك مره معايا

                  ويسلمووو عالمجهود والمعلومات
                  [img2]http://www.m5zn.com/uploads/2010/5/15/photo/051510080507as8ydm0xfb.png[/img2]

                  تم حذف الصورة الشصية لعدم ملائمتها للعرض على شاشة المنتدى
                  الاداة

                  Comment


                  • #54
                    ميكي سوري تعبتك معايا
                    شوف لقيت هدا الموقع
                    وهدي مشايه سبورتيك بس موديلها 1300
                    وانا اللي لقيتها 1050


                    عموما شوفها هي هدي الشركه وهدي موديلاتهم
                    اديني رايك فيها لا هنت

                    وثانكس
                    [img2]http://www.m5zn.com/uploads/2010/5/15/photo/051510080507as8ydm0xfb.png[/img2]

                    تم حذف الصورة الشصية لعدم ملائمتها للعرض على شاشة المنتدى
                    الاداة

                    Comment


                    • #55
                      ميكي شوف لقيت ده
                      TaiSPO - Taipei International Sporting Goods Show, April 29 - May 2, 2010 Products


                      انا بصراحه مو فاكره زي الناس بس تقريبا ممكن تكون هي نفسها

                      قوللي رايك ايت تفضل اكتر هدي ولا لايف جير التانيه اللي قلتلك عليها
                      [img2]http://www.m5zn.com/uploads/2010/5/15/photo/051510080507as8ydm0xfb.png[/img2]

                      تم حذف الصورة الشصية لعدم ملائمتها للعرض على شاشة المنتدى
                      الاداة

                      Comment


                      • #56
                        ميكي شوف لقيت ده
                        TaiSPO - Taipei International Sporting Goods Show, April 29 - May 2, 2010 Products


                        انا بصراحه مو فاكره زي الناس بس تقريبا ممكن تكون هي نفسها

                        قوللي رايك ايت تفضل اكتر هدي ولا لايف جير التانيه اللي قلتلك عليها
                        [img2]http://www.m5zn.com/uploads/2010/5/15/photo/051510080507as8ydm0xfb.png[/img2]

                        تم حذف الصورة الشصية لعدم ملائمتها للعرض على شاشة المنتدى
                        الاداة

                        Comment


                        • #57
                          طيب ميكي لمن يقولي
                          2.5 HD
                          motor

                          دحين هدا الـ2.5
                          معناه هنا
                          الـpeak ولاcon ???
                          [img2]http://www.m5zn.com/uploads/2010/5/15/photo/051510080507as8ydm0xfb.png[/img2]

                          تم حذف الصورة الشصية لعدم ملائمتها للعرض على شاشة المنتدى
                          الاداة

                          Comment


                          • #58
                            بصي يادلوعه
                            اللينك اللي انتي بعتاه ده
                            لينك معرض اجهزه رياضيه في تيوان
                            معرفش انتي جيتي عندنا مصر قبل كده ولا لا
                            بس هوا زي معرض الكتاب كده

                            مكان فيه ناس عارضه منتاجاتها
                            وممكن يكون المنتج ده صيني
                            او تيواني

                            المهم انا عرضت اللينك علي مدير الاستيراد بتاعنا
                            وبصراحه المشايه دي مش داخله دماغه
                            وقاللي اللايف جير احسن مليون مره

                            فياريت تقوليلي انتي ليه عجباكي دي

                            اما بالنسبه لموضوع الحصان
                            فده بيعتمد علي كتالوج الشركه اذا كانوا كاتبين اذا كان con ولا peak

                            لو هما مش قايلين فيه حاجه كده بنبض عليها نشوفها في البورده بتطلع كام امبير
                            وبنعرف ساعتها قدره الموتور

                            بس

                            Comment


                            • #59
                              المشاركة الأصلية كتبت بواسطة funnymickey مشاهدة المشاركة
                              مستر بيبو وماجد
                              ربنا يخليكو عالكلام الحلو ده

                              بالنسبه للاوربت تراك فمش بيجيب خشونه ولا حاجه
                              انما لو انتا عندك خشونه متلعبش عليه عشان حيزودها
                              وخصوصا لو وزنك تقيل اوي
                              120 مثلا
                              ده غلط لان ده تحميل علي مفصل الركبه

                              بالنسبه للصيانه
                              فالاوربت تراك من الاجهزه السهله في الصيانه
                              بس لو جايبه كوالتي وحش حتعاني من صيانته
                              لان الميكانيك بتاعه بيكون علي جلب بلاستيك او حديد من جوه
                              وده تلاقيه بيعمل صوت كده اثناء اللعب
                              والحل بتاعه انك تعمله جلب اسمها جرافيت ودي ماده بتزيت نفسها اما تسخن
                              وده بيمنعها من التاكل
                              تاني حاجه واهم حاجه
                              لازم تراجع علي الماسمير بتاعت الاطراف والمفصلات
                              زي ما موضح في الصوره


                              وده عشان الاوربت متتحركش حاجه فيه وتلاقي بعد فتره الاوربت اتقطم بسبب ان مسمار فك حبه صغيرين فعمل تبويش
                              دي اهم الحاجات اللي تقدر تعملها بنفسك

                              غيركده بتضطر تروح للتوكيل بتاعك او المحل اللي انتا شاري منه الاوربت تراك
                              بس هوا غالبا اكتر مشكله بتقابل العملاء هيا مشكله تأكل الجلب

                              وطبعا شريط المقاومه بيتقطع لو زودت المقاومه جامد عشان الاحتكاك
                              ونصيحه متزودوش المقاومه عشان متتعبش بسرعه وتنزل من عالجهاز
                              لان الغرض من الجهاز التخسيس مش تقويه العضلات
                              وبالتالي لما تقعد وقت اطول تحرق سعرات اكتر

                              بالنسبه بقي لموضوع الاوربت تراك احسن او المشايه او الكلام ده
                              فالموضوع يتلخص في الاتي

                              جسم الانسان عشان يبتدي يحرق سعرات حراريه
                              بناء علي كلام دكاتره كتير
                              بيتراوح الموضوع من 20 دقيقه ل 30 دقيقه
                              طيب يعني مينفعش اني اطلع عالجهاز العب 10 دقايق واقول انا كده حخس
                              هوا انا حخس
                              بس مش بمعدل كويس ويرضيك

                              يبقي المهم بقي انك تختار الجهاز اللي يفيدك ويخليك تعمل الساعه او النص ساعه مجهود متواصل عشان اقدر احرق سعرات حراريه بمعدل كويس يخليني انزل في الوزن

                              ايا كان بقي الجهاز اللي حتختاره سواء اوربت سواء عجله عاديه سواء مشايه
                              اللي تقدر عليه حتي لو كان حبل وحتنط بيه ساعه يبقي حتخس طالما فيه حركه ومجهود رياضي
                              بس اهم حاجه يكون يوميا او يوم بعد يوم
                              مش اجيب الجهاز اسبوع وانام بعد كده

                              ترتيب بقي الاجهزه وده من وجهه نظري

                              1- طبعا المشي او الجري في الشارع عالتراك وده احلي واجمل حاجه في الدنيا
                              وارخص بكتير هههههههههههه

                              بس طبعا بما ان بلدنا الجميله فاضيه ومفيهاش حد بيعاكس حد ولا بيقل ادبه
                              فطبعا احنا مفتريين وستاتنا مدلعه ولازم نجيبلهم حاجه في البيت

                              2- مشايه كهرباء ودي اللي بتدي اثر المشي في الشارع واحسن جهاز يحرق سعرات حراريه
                              يعيبه سعره العالي طبعا بالمقارنه بباقي الاجهزه

                              3- الاوربت تراك صراحه انا لو امكانياتي الماديه متسمحش اني اجيب مشايه كهرباء يبقي اول جهاز حفكر فيه هوا الاوربت لانه شامل ورائع من ناحيه حركه الجسم لانه بيشتغل وانا واقف ووانا قاعد يعني الجسم كله شغال فوق وتحت تعبت اقعد عالكرسي

                              3 - العجله الثابته ودي كويسه جدا بس عاوزه شغل كتير لان الجسم بيكون قاعد وبتبدل فالمجهود تحسه انه عضلي اكتر منه بدني

                              4 - واخيرا المشايه المانيوال ودي انا بكرهها واي عميل بيدخلي بقعد اكرهه فيها لحد ما يسيبها خالص
                              لان ملهاش فايده خالص ورخمه
                              تطلع عالمشايه تقعد تزق في السير وخلاص علي كده
                              طب متشوف اي عربيه عطلانه وروح زقها وخلاص
                              علي ايه وجع الدماغ

                              عيبها اللي الناس متعرفوش وبعد ما تشتريها بتكتشفه
                              انها بتتقل بعد فتره
                              وملهاش حل
                              يعني متتصلحش
                              ولا تخف
                              تجبيلها سبراي وترش تخف شويه وخلاص علي كده

                              تبقي جايب المشايه وفاكر نفسك حتقطع الدنيا
                              تطلع تلاقي نفسك 5 دقايق بالكتير وتعبت

                              تاني يوم كذلك
                              تالت يوم وهكذا لحد ما يجيلك اكتئاب من المشايه من المعاناه اللي بتعانيها

                              ويحصل حاجه من الاتنين
                              ياحتبيعها وتجيب كهرباء
                              ياحتقلبها شماعه تحط عليها هدومك
                              وساعتها حتبقي اغلي شماعه جبتها في حياتك

                              وكمان ممنوعه لاكتر من 45 سنه عشان السن والمجهود بتاعها غبي
                              ومتعبه
                              ولو حد عنده استعداد للخشونه وميعرفش حتجيبله خشونه

                              يعني دي بعض مميزات المشايه المانيوال


                              وده رأيي الشخصي
                              ناس كتير بتاخد المشايه المانيوال وتلعب عليها عادي
                              بس دول قله قليله مندسه

                              يعن المهم تختار الجهاز اللي يريحك نفسيا وترتاح عليه بحيث تلعب عليه اكتر وقت ممكن يجيب معاك نتيجه

                              واي استفسار انا في الخدمه
                              يا باشا و اللة دة كتير علينا متشكر جداااااااااااااااا جدا على المعلومات الجميلة دى
                              [aldl]http://4.bp.blogspot.com/-ErjDUZ8vyBE/T17cPdPyECI/AAAAAAAAwPg/esBRUJ5Tnf0/s1600/%D9%85%D9%8A%D9%86%D9%89+%D9%83%D9%88%D8%A8%D8%B1+2012.jpg[/aldl]

                              Comment


                              • #60
                                العفو ياسعاده الباشا لا شكر علي واجب

                                Comment

                                Working...
                                X