إعـــــــلان

Collapse

.

,
See more
See less

استفسار بخصوص المشايات الكهربائية

Collapse
X
 
  • Filter
  • الوقت
  • Show
Clear All
new posts

  • #91
    ميكي باشا ممكن بعد اذنك تقولنا على المشايات الكويسة اللي عندكم والاسعار والمواصفات

    يعني زي برشور كده لاني انا وكام واحد من العيلة بنفكر في الموضوع ده بس عاوزين حاجة ننساها ومتتعبناش بصيانة واعطال وكده

    وياريت تقولنا برضوا لو فيه خصم للاعضاء وكده وهل عندكم عربيات بتوصل ؟؟

    Comment


    • #92
      شكرا استاذ ميكى لكت خد عندك شوية استفسارات كمان

      1 الموديل انت كاتب اسمه صح ( 08 ) ؟؟؟؟؟؟ يعنى اروحة اسأله اقوله موديل زيرو تمانية ( مش هيقولى امشى من هنا ياض يا عبيط !!! )

      2 ده كام حصان ؟؟

      3 انتو عنوانكو فين فى فى القاهرة

      4 فى حالة انى هاجى اشترى من عندكو هل المشاية ممكن تتحط فى عربية ملاكى و لا لازم نص نقل


      شكرا جزيلا

      Comment


      • #93
        السلام عليكم


        1 الموديل انت كاتب اسمه صح ( 08 ) ؟؟؟؟؟؟ يعنى اروحة اسأله اقوله موديل زيرو تمانية ( مش هيقولى امشى من هنا ياض يا عبيط !!! )

        اه والله اسمه كده
        مش حيقولك عبيط ولا حاجه

        2 ده كام حصان ؟؟
        1.85 حصان


        3 انتو عنوانكو فين فى فى القاهرة
        بعتلك العنوان عالخاص


        4 فى حالة انى هاجى اشترى من عندكو هل المشاية ممكن تتحط فى عربية ملاكى و لا لازم نص نقل

        شبكه محترمه عالملاكي ياااما عربيه نقل




        Comment


        • #94
          بعد تجربه ومعاناه مع الصينى والكورى والتياوانى والمشايات المانيوال الفاشله شركة ويدر ايجيبت weider جهاز امريكى اسمه
          nordictrack ex 3300
          ده باه اشترى الجهاز ما شاء الله وانسى بس للاسف سعره عالى كنت جايباه من سنتين ودلوقتى اعتقد انه غلى قوى بس هما ممكن يكون عندهم انواع اخرى امريكى ارخص شويه الاجهزه ديه بتباه للخدمه الشاقه زى الجيم فالصراحه بيستحمل جامد وزى الفل وربنا يوفق الجميع المهم البعد عن الصينى تماما

          Comment


          • #95
            شكرا جزيلا استاذ ميكى لكن سؤال تانى معلش
            ينفع انقل المشاية فى عربية من الى الكنبة الخلفية بتنام ؟؟؟ ساعتها هيكون فى مساحم من اول الشنطة لحد الكراسى الامامية
            اصل العربية النقل دى حوار صعب بالنسبالى و الشبكة بتبوظ العربية من فوق

            Comment


            • #96
              المشكله فعلا ان المشايه الكهربا بتكون كبيره ومش بينفع تدخل في العربيات السيدان عشان الشنطه
              وحتي لو نيمت الكنبه مش حتدخل من الباب
              ملهاش حل غير في العربيات ال 4×4 عشان الباب بتاعها مربع بتكون عامله زي السوزوكي فان
              وطبعا عربيه سوزوكي لحد المنصوره حتكلفك كتير

              هوا فيه حاجه اسمها شركات شحن
              بس معرفش فيه عندكو حاجه للمنصوره ولا لا

              احنا بنشحن عليها لتجار كتير
              بس مش عارف فيه في المنصوره ولا لا

              Comment


              • #97
                السلام عليكم
                كل سنه و انتم طيبين
                استااااااااذ ميكي لو سمحت
                انا وزني 72 كيلو و عايزه اشتري مشايه كهربائيه
                عايزه اروح لميما او مؤسسه ابو الجوخ
                ياريت تقولي علي نوع مشايه و كم حصان
                في مشايات فرديه و في 4 في 1 و غيره
                هلي الزيادات ليها تاثير كبير علي الجسم
                ممكن سؤال كمان المشايه و الاوربتراك
                ايه الفرق بينهم من ناحيه المميزات و العيوب
                و شكرااااااااااااااااااااااااا
                ربنا يجعله في ميزان حسناتك

                Comment


                • #98
                  للرفع

                  Comment


                  • #99
                    المشاركة الأصلية كتبت بواسطة manar2 مشاهدة المشاركة
                    السلام عليكم
                    كل سنه و انتم طيبين
                    استااااااااذ ميكي لو سمحت
                    انا وزني 72 كيلو و عايزه اشتري مشايه كهربائيه
                    عايزه اروح لميما او مؤسسه ابو الجوخ
                    ياريت تقولي علي نوع مشايه و كم حصان
                    في مشايات فرديه و في 4 في 1 و غيره
                    هلي الزيادات ليها تاثير كبير علي الجسم
                    ممكن سؤال كمان المشايه و الاوربتراك
                    ايه الفرق بينهم من ناحيه المميزات و العيوب
                    و شكرااااااااااااااااااااااااا
                    ربنا يجعله في ميزان حسناتك
                    بسم الله

                    انا شايف ان 72 كم دي مش محتاجه مشايه
                    ده انتي عاوزه تاكلي
                    بس ما علينا


                    المشايه ال 4×1 انا مبحبهاش لانه معوض اللعب الكتير بضعف الموتور
                    يعني المشايه ال 4×1 اللي عندنا بتشيل 90 كم
                    فيها 4 لعب اه
                    بس موتور 1 حصان
                    وبيشتغل نص ساعه بس


                    طب نمسك بقي باقي الالعاب

                    شايفه طبعا قدامك
                    حزام مساج
                    وده اونطه مبيعملش اي حاجه في اي حاجه

                    قرص التويست
                    وطبعا خامه بلاستيك مفيهوش بلي
                    شهرين ويقطم

                    يفضل بنش البطن
                    اللي هما السفنجتين الحلوين دول
                    ودول محطوطين بدل ما نزنق رجلينا تحت السرير ونلعب او كل واحد يجيب اخوه الصغير يقعد علي رجله عشان يعمل تقل ويلعب بطن

                    اظن بعد اللي اتقال
                    بعد شويه حتعرفي ان مش متبقيلك حاجه غير المشايه فعلا لان باقي الالعاب مش مفيده 100 %
                    او معموله بعبط

                    طب ايه اللي يخليني اخد حاجه موتور صغير و7 صنايع والبخت ضايع

                    لا انا اما ادور علي مشايه اخدها فاضيه وموتورها اقوي
                    احسن مليون مره من اني اخد مشايه فيها 15 لعبه وورق
                    متستحملش



                    نوصل بقي للاوربت تراك

                    المشايه الكهربا لا يعلي عليها واثبتت فعلا انها افضل جهاز بيخسس
                    ليه
                    انا اقولك ليه

                    كل الدكاتره بتوع التخسيس اما بييجي ينصح حد عشان يخس يقوله امشي نص ساعه في اليوم ويديله نظام ريجيم

                    الجسم بيبتدي يحرق بعد تلت ساعه من التمرين
                    بمعني اني لو لعبت 10 دقايق كل يوم
                    مش ححس بنتيجه زي مانا عاوز
                    لاني محرقتش حاجه ملحوظه

                    طيب
                    المشايه الكهربا افضل حاجه ليه
                    لانها مش متعبه لعضلات جسمي
                    وبالتالي ببذل مجهود بسيط فبقدر اقعد نص ساعه ببساطه فمش بزهق واقدر استمر عليها ووبالتالي بتزيد النص ساعه بتبقي ساعه وساعه ونص

                    الاوربت بقي
                    او المشايه المانيوال او العجله كل ده متساوي في حاجه واحده

                    اني عشان اوصل لنص ساعهه تمرين فيه او ساعه
                    حبذل مجهود متواصل لمده بتاع 3 4 شهور عشان اقدر اقوي عضله رجلي وتقدر تعمل مجهود لمده نص ساعه

                    بس فيه ناس مبتقدرش عالمجهود ده ووتلاقي الدنيا اتركنت وباظت خالص وبطل يلعب من اصله

                    ملحوظه تانيه بقي
                    اللي عنده خشونه في الركبه او وزنه فوق ال100 مياخدش حاجه غير مشايه كهربا

                    نصيحه يعني
                    لو حد يقدر يمشي في الشارع وعنده الامكانيه لده
                    ميشتريش حاجه وينزل يمشي في الشارع
                    والله احلي وقت بعد صلاه الفجر

                    بس الكسل

                    انا واحد من الناس جمبي جنينه كبيره ولا بنزل والله
                    وعندي مشايه كهربا ومبمشيش عليها

                    الكسل الكسل الكسل

                    الموضوع مش موضوع مشايات
                    اهم حاجه الاراده الاول

                    طالما عاوز حتعمل لو قدامك ايه
                    اي استفسار انا تحت امركو

                    Comment


                    • متشكره جدااااااااااااااا
                      علي استجابتك السريعه
                      اجيب المشايه نوعها ايه و كم حصان
                      لاني للاسف ما عنديش فرصه للمشي
                      و رمضان كريم

                      Comment


                      • السلام عليكم اخي العزيز ميكي كل عام وانت بخير و صحه
                        اولا اشكرك على اجاباتك المفيده جدا في مجال المشايات واردت ان اسال سيادتك سؤال بخصوص مشايه قمت بشرائها مستعمله واتضح لي انها لا تعمل وهي ماركه weslo المشايه لها مفتاح امان لا تعمل الا بادخاله في مكان مخصص له في المشايه ولكن عند ادخالي لهذا المفتاح في المشايه تحدث فرقعه و تطفئ المفتاح الكهربائى الخاص بالغرفه التي توجد بها المشايه قمت برفع الغطاء الذي يغطي الموتور والبورده ظنا مني ان هناك سلك في غير مكانه او شئ من هذا القبيل فلم اجد شيئا
                        ارجوا من سيادتكم اخباري بحكم خبرتك بتوقعك لمكان المشكله لاني اخشى ان اذهب بها لمن يقومون بالصيانه فاخدع مره اخرى بعد ان انخدعت في المشايه
                        وشكرا جزيلا لك لتعاونك مع الجميع

                        Comment


                        • ماركه ويسلو ماركه كانت امريكاني ودلوقتي بقت صيني وتوكيلها شركه ويدر
                          ما زالت امريكاني بس في الاحجام الكبيره علي ما اعتقد
                          حاجه الجيم بس

                          اطلب نمرتهم من الدليل واطلب مهندس صيانه حيجيلك يقولك المشكله متقلقش
                          غالبا المشكله قفله في بورده المشايه
                          لان السيفتي ده وظيفته انه يوصل الدائره بس بين البورده والشاشه عشان المشايه تشتغل

                          لو فعلا ويسلو كلم ويدر حيفيدوك اكتر مني لانها مشايتهم وعندهم قطع غيارها

                          ومتشغلش المشايه خالص لحد ما يجولك
                          وابقي طمني عملوا ايه

                          Comment


                          • اشكرك شكرا جزيلا اخي العزيز على سرعه ردك وسوف اقوم بالاتصال بهم واخبرك بما حصل ولكن هل سعر البورده غالي

                            Comment


                            • بصراحة مجهود جبار يا ميكي

                              ممكن تقول لي على اسعار الأوربترك عشان عاوز اشتري واحده
                              أنا وزني 85 كيلو
                              و هل هي بتفرق على حسب الوزن ولا لأ؟
                              [CENTER][img3]http://cs631817.vk.me/v631817576/2772f/ip9hAX6B0b4.jpg[/img3][/CENTER]

                              Comment


                              • انا تعبت بجد كتير لانى بدور على مشاية حلوة وبعد ما عرفت كل الكلام دة على المشاية انا نفسى اعرف حاجات اكتر بكتير لان فى شركات كتير وفى شركى اسمها تكنو لايف هى صينى بردو ولة اية ممكن الرد يا ميكى معلش

                                Comment

                                Working...
                                X