إعـــــــلان

Collapse

.

,
See more
See less

استفسار بخصوص المشايات الكهربائية

Collapse
X
 
  • Filter
  • الوقت
  • Show
Clear All
new posts

  • how professional you are!!!
    thank u mickey!

    Comment


    • ان شاء الله لما اجيبها حاديك خبر علشان اسال حضرتك كام سؤال كده
      thank u again &good luck

      Comment


      • في انتظارك يااوشي

        Comment


        • المشاركة الأصلية كتبت بواسطة salmasalma مشاهدة المشاركة
          اشكرك جدا علي زوقك الله يبركلك
          عفوا ياسلمي علي ايه

          Comment


          • الاستاذ الفاضل صبحى بك/ انه لمن دواعى فخرى و سرورى ان الموضوع الرائع و الجميل و المفيد ده انا اللى بدأته بسؤال على الماشى سالته من حوالى 8 شهور و ما كنتش متوقع انى هلاقى رد اساسا , و لكن الحمد لله ربنا كرم الجميع بهذا الموضوع الرائع اللى يكاد يكون الوحيد اللى بيناقش مسالة المشايات الكهربائية بهذا التفصيل , فجزاك الله عن الجميع كل خير , و بعد ......
            انا للاسف بعد ما سالت سؤالى اللى بدات بيه الموضوع من حوالى 8 شهور و حضرتك تكرمت بالرد الوافى و الكافى على استصعبت مسالة النقل و الشحن و الكلام ده و ما كنتش عارف انها حكاية سهلة قوى كدة , و عرفت بعدين انها سهلة لما بعتلك اصدقاء ليا من اسيوط و حضرتك شحنتلهم المشاية لحد البيت , المهم قلت اشترى من اسيوط و نزلت و اشتريت المشاية التراكشن الصينى (اللى الراجل بيأكد ان موتورها تايوانى - و الله اعلم) , المهم بقى لى حوالى 7 شهور بشتغل عليها كل يوم نصف ساعة و مريحانى خالص و خسيت و حاسس انى افضل فى كل شىء و مواظب على السليكون و النظافة بالنسبة لها , لكن مضايقنى فيها حاجة واحدة بس اتمنى انك تفيدنى بخصوصها - معلش انا عارف انك مش بتحب الصينى و مش بتحب تجاوب عن الاسئلة اللى على الصينى - لكن معلش , الموضوع ياسيدى ان بعد كل تمرين بلاحظ على الارض تحت المشاية فى نهاية السير حاجة شبه التراب خفيفة خالص لكن موجودة و بتتجدد كل يوم , هل ده معناه ان السير بيتبرى من الشغل و لا العيب فى الكوتشى و لا ده حاجة طبيعية , و لو كان العيب فى السير هل ده معناه انه هينتهى و يتقطع فى يوم من الايام , و لو كانت الاجابة آه , هل السير بيتباع لوحده , و هل تركيبه سهل و ياترى موجود عندكم و بكام , انا اسف تقلت عليك , و لك جزيل الشكر و التقدير.
            [aldl]http://www.nilemotors.net/Nile/signaturepics/sigpic18771_2.gif[/aldl]
            [CENTER][B][SIZE=6]نوبيرتى الحبيبة - يارب يخليكى ليا و يقدرنى على رد جمايلك[/SIZE][/B][/CENTER]

            Comment


            • المشاركة الأصلية كتبت بواسطة mr_kenawy مشاهدة المشاركة
              الاستاذ الفاضل صبحى بك/ انه لمن دواعى فخرى و سرورى ان الموضوع الرائع و الجميل و المفيد ده انا اللى بدأته بسؤال على الماشى سالته من حوالى 8 شهور و ما كنتش متوقع انى هلاقى رد اساسا , و لكن الحمد لله ربنا كرم الجميع بهذا الموضوع الرائع اللى يكاد يكون الوحيد اللى بيناقش مسالة المشايات الكهربائية بهذا التفصيل , فجزاك الله عن الجميع كل خير , و بعد ......
              انا للاسف بعد ما سالت سؤالى اللى بدات بيه الموضوع من حوالى 8 شهور و حضرتك تكرمت بالرد الوافى و الكافى على استصعبت مسالة النقل و الشحن و الكلام ده و ما كنتش عارف انها حكاية سهلة قوى كدة , و عرفت بعدين انها سهلة لما بعتلك اصدقاء ليا من اسيوط و حضرتك شحنتلهم المشاية لحد البيت , المهم قلت اشترى من اسيوط و نزلت و اشتريت المشاية التراكشن الصينى (اللى الراجل بيأكد ان موتورها تايوانى - و الله اعلم) , المهم بقى لى حوالى 7 شهور بشتغل عليها كل يوم نصف ساعة و مريحانى خالص و خسيت و حاسس انى افضل فى كل شىء و مواظب على السليكون و النظافة بالنسبة لها , لكن مضايقنى فيها حاجة واحدة بس اتمنى انك تفيدنى بخصوصها - معلش انا عارف انك مش بتحب الصينى و مش بتحب تجاوب عن الاسئلة اللى على الصينى - لكن معلش , الموضوع ياسيدى ان بعد كل تمرين بلاحظ على الارض تحت المشاية فى نهاية السير حاجة شبه التراب خفيفة خالص لكن موجودة و بتتجدد كل يوم , هل ده معناه ان السير بيتبرى من الشغل و لا العيب فى الكوتشى و لا ده حاجة طبيعية , و لو كان العيب فى السير هل ده معناه انه هينتهى و يتقطع فى يوم من الايام , و لو كانت الاجابة آه , هل السير بيتباع لوحده , و هل تركيبه سهل و ياترى موجود عندكم و بكام , انا اسف تقلت عليك , و لك جزيل الشكر و التقدير.

              يااااااه ياباشا
              والله انا بحمد ربنا انه جعلك سبب في عمل الموضوع ده
              بس بقي تبقي السبب في ان ناس كتير اوي تدعيلي بفضل الله ثم بفضلك
              وانتا تجيب مشايه صيني
              :)

              المهم قدر الله وما شاء فعل
              وانا علي فكره علي استعداد للاجابه علي اي سؤال سواء مشايه من عندي او مش من عندي
              لان الموضوع مش معمول للدعايه لشركتنا
              اطلاقا

              الموضوع للاستفسار عن المشايات الكهربائيه عموما بكل انواعها وبكل ماركاتها
              وان شاء الله دعاء الناس ده يكون في ميزان حسناتك معايا ومع كل حد شارك ولو بجزء بسيط في جعل هذا الموضوع بالاهميه الموجود فيها الان

              نيجي بقي للتراكشن والتي هي صناعتها صيني اول عن اخر
              ومفيش زي ماقلنا موتور ييجي من حته والمشايه تيجي من حته تانيه

              نحمد ربنا انها شغاله معاك والحمد لله مجابتش معاك مشاكل لحد دلوقتي
              ربنا يديمها عليك نعمه ويحفظها من الزوال

              البراده اللي بتنزل من السير دي
              حاجه من الاتنين

              يااما السير حادف شمال او يمين سنه بسيطه فبيحك في حاجه وبيتأكل

              يااما المشايه دي من ساعه ما جبتها اتركنت شويه وبعدها اتلعب عليها بدون رش سبراي
              او من ساعه ما جبتها مرشتيش سبراي
              فالسير بينشف لانه جلد
              ولو فضل كده حيشقق ويتقطع

              تفاديا للموقف حتروح للراجل الي انتا جبت منه في اسيوط
              وتطلب منه السبراي بتاع المشايه دي

              ولو ملقيتوش عنده
              قولي وانا اقولك تجيبه منين عندك

              وتمسح تحت السير كويس وترش تحت السير كما تم التوضيح قبل ذلك في الموضوع
              واديني بس ثواني ادور علي فيديو او صوره تشرح كيفيه رش السبراي

              لو عملت كده ان شاء الله ان شاء الله السير مش حيتقطع

              وحتي لو اتقطع
              لو ملقيتش قطع غيار عند الراجل اللي اشتريتها منه

              احنا عندنا سيور مقاسات مختلفه
              ابقي اشوفلك المقاس عندي
              او يتعمل عموله
              صحيح انا مبحبش العموله عشان بيكون نص نص
              بس مش حيبقي قدامنا حل غيره

              متقلقش ياباشا وربنا يكرم
              وقوللي صحيح انتا شاريها منين في اسيوط
              ممكن ابعتلك توصيه خصوصي



              متقلقش ياباشا
              انتا في نايل موتورز
              وحوش

              Comment


              • راجل مييييييين اللى فى اسيوط يا باشا , اسف فى الكلمة كل اللى شغالين فيها هنا لو اشتغلوا كفتجية يبقى احسن بكتييييييييييييير , اسف فى الكلمة حميييييييييييييير , ما يفهموش اى حاجة فى اى حاجة غير انهم يبيعوا , بعد الراجل ما باعهالى بيومين لقيته بيتصل بيا و بيقوللى ياريت لو حضرتك فهمت فى المشاية تيجى تفهمهلنا علشان بيبقى شكلنا وحش قوى لما الناس اللى بتيجى تتفرج تسألنا سؤال و ما نعرفش نجاوب , و لما سألته عن السليكون رفع حاجبه اليمين و قاللى ااااااااااااه الزيت يعنى - تحطلها زيت من بتاع ماكينة الخياطة (كان نفسى ارد عليه رد مش هينفع يتقال هنا) , اضطريت فى شهر 8 اللى فات انزل القاهرة مخصوص علشان اجيب السليكون و جيت عندكم و كان نفسى اقابلك بس للاسف لقيت المحل اللى تحت بس هو اللى شغال و فهمونى ان اللى فوق فى الاجازة السنوية - اشتريت الامريكى من محل قدامكم اسمه هايفا او فاهيا مش عارف اسم غريب قوى كدة , و من ساعتها و انا مواظب على السليكون كل 15 يوم , بس برده موضوع البرادة ده مستمر - الغريبة ان ملمس السير ما اتأثرش و مش باين عليه انه اتبرى و لا اى حاجة , يلا بقى لما يتقطع ادينى اخدت وعد منك ان الحل عندك باذن الله , ياريت يا باشا و الله ان ما امكنش تفتحوا فرع فى الصعيد يبقى ليكم موزعين معتمدين - و ياريت ما تقوليش ان ليكم لانى لفيت على كل اللى هنا و كلهم ينطبق عليهم الوصف السابق اللى قلته فى بداية المشاركة و ما حدش فيهم سمع ان فيه مشاية تايوانى اصلا و محدش فيهم بيعرف بتشتغل منين , تحياتى و شكرى لسيادتك.
                [aldl]http://www.nilemotors.net/Nile/signaturepics/sigpic18771_2.gif[/aldl]
                [CENTER][B][SIZE=6]نوبيرتى الحبيبة - يارب يخليكى ليا و يقدرنى على رد جمايلك[/SIZE][/B][/CENTER]

                Comment


                • موضوع جميل ومفيد جدا جدا وربنا يكرمك ياستاذ صبحى ليا سؤال هوا فى فرع فى طنطا ولا لازم القاهره

                  Comment


                  • المشاركة الأصلية كتبت بواسطة mr_kenawy مشاهدة المشاركة
                    راجل مييييييين اللى فى اسيوط يا باشا , اسف فى الكلمة كل اللى شغالين فيها هنا لو اشتغلوا كفتجية يبقى احسن بكتييييييييييييير , اسف فى الكلمة حميييييييييييييير , ما يفهموش اى حاجة فى اى حاجة غير انهم يبيعوا , بعد الراجل ما باعهالى بيومين لقيته بيتصل بيا و بيقوللى ياريت لو حضرتك فهمت فى المشاية تيجى تفهمهلنا علشان بيبقى شكلنا وحش قوى لما الناس اللى بتيجى تتفرج تسألنا سؤال و ما نعرفش نجاوب , و لما سألته عن السليكون رفع حاجبه اليمين و قاللى ااااااااااااه الزيت يعنى - تحطلها زيت من بتاع ماكينة الخياطة (كان نفسى ارد عليه رد مش هينفع يتقال هنا) , اضطريت فى شهر 8 اللى فات انزل القاهرة مخصوص علشان اجيب السليكون و جيت عندكم و كان نفسى اقابلك بس للاسف لقيت المحل اللى تحت بس هو اللى شغال و فهمونى ان اللى فوق فى الاجازة السنوية - اشتريت الامريكى من محل قدامكم اسمه هايفا او فاهيا مش عارف اسم غريب قوى كدة , و من ساعتها و انا مواظب على السليكون كل 15 يوم , بس برده موضوع البرادة ده مستمر - الغريبة ان ملمس السير ما اتأثرش و مش باين عليه انه اتبرى و لا اى حاجة , يلا بقى لما يتقطع ادينى اخدت وعد منك ان الحل عندك باذن الله , ياريت يا باشا و الله ان ما امكنش تفتحوا فرع فى الصعيد يبقى ليكم موزعين معتمدين - و ياريت ما تقوليش ان ليكم لانى لفيت على كل اللى هنا و كلهم ينطبق عليهم الوصف السابق اللى قلته فى بداية المشاركة و ما حدش فيهم سمع ان فيه مشاية تايوانى اصلا و محدش فيهم بيعرف بتشتغل منين , تحياتى و شكرى لسيادتك.
                    غريبه اوي
                    يعني انتا رحت مثلا لمحل الاستاذ احمد عبد المعز
                    وقاللك معنديش تيواني

                    ده شغال معانا اصلا
                    وشركه الكابتن في اسيوط بردو شغالين معانا

                    مستحيل
                    دول شغالين معانا علي طول

                    عالعموم الحمد لله علي كل شئ
                    وكده طالما بترش سبراي بانتظام
                    والسير بيطلع براده بردو

                    افتح كافر الموتور وشوف كده جواه وانتا مشغل المشايه
                    السير بيحك في حاجه ولا ايه

                    تاني حاجه
                    مد ايدك تحت السير كده
                    حتلاقي خشبه
                    مد ايدك علي اد ما تقدر وشوف الخشبه كده طبقه الفرومايكا اللي عليها اتشالت
                    يمكن دي اللي بتعمل البراده
                    لانها بتبتدي تاكل في السير

                    ماهو اكيد فيه سبب لتأكل السير
                    شغل المشايه علي سرعه بطيئه كده وبص تحت وفوق وشوف البراده دي بتنزل من اي اتجاه في السير؟؟؟
                    وشوف فوق المكان ده بقي
                    اكيد فيه حاجه


                    ولا تقلق من اي حاجه
                    ان شاء الله خير

                    Comment


                    • المشاركة الأصلية كتبت بواسطة omar3000 مشاهدة المشاركة
                      موضوع جميل ومفيد جدا جدا وربنا يكرمك ياستاذ صبحى ليا سؤال هوا فى فرع فى طنطا ولا لازم القاهره

                      فيه اتنين ياعمر في طنطا

                      شركه اسمها شاديكو
                      وواحد اسمه دكتور احمد رفعت بس ده لسه مفتحش الشركه بتاعته

                      Comment


                      • سلام عليكم
                        استاذي الفاضل ميكي
                        ايه رايك في ماركة المشاية الكهربائية (ايكون) من عند weider هو بيقول انها صيني لكن المصنع في امريكا

                        وهل هما بيجيبو حاجات صيني كويسة؟؟؟ اقصد طبعا weider اللي في القصر العيني

                        Comment


                        • المشاركة الأصلية كتبت بواسطة salmasalma مشاهدة المشاركة
                          سلام عليكم
                          استاذي الفاضل ميكي
                          ايه رايك في ماركة المشاية الكهربائية (ايكون) من عند weider هو بيقول انها صيني لكن المصنع في امريكا

                          وهل هما بيجيبو حاجات صيني كويسة؟؟؟ اقصد طبعا weider اللي في القصر العيني
                          والله ياسلمي انا اول مره اسمع عن الماركه دي
                          وكوميدي اوي موضوع ان الماركه صيني وبتتصنع في امريكا دي
                          اللي اعرفه ان اللي بيحصل العكس
                          زي ويسللو اللي عندهم

                          انما ايكون دي اول مره اسمع عنها

                          Comment


                          • باشا استاذنك لو تديني رأيك في دي واحد زميلنا في المنتدى عاوز يبيعها بي 2000 جنيه

                            الموديل : Human Traction - Motorized Treadmill - 111A
                            الحالة : كسر زيرو بالأكياس بتاعتها
                            عدد الأحصنة :2 حصان
                            اقصى حمولة : 125 كجم
                            مساحة السير :1260*430 مم
                            اقصى سرعة :16 كم\س
                            عدد البرامج : 12 برنامج
                            تاريخ الشراء 31 اغسطس 2009
                            سعر الشراء : 3307 جنيه بالفاتورة

                            Comment


                            • المشاركة الأصلية كتبت بواسطة wael2sh مشاهدة المشاركة
                              باشا استاذنك لو تديني رأيك في دي واحد زميلنا في المنتدى عاوز يبيعها بي 2000 جنيه

                              الموديل : Human traction - motorized treadmill - 111a
                              الحالة : كسر زيرو بالأكياس بتاعتها
                              عدد الأحصنة :2 حصان
                              اقصى حمولة : 125 كجم
                              مساحة السير :1260*430 مم
                              اقصى سرعة :16 كم\س
                              عدد البرامج : 12 برنامج
                              تاريخ الشراء 31 اغسطس 2009
                              سعر الشراء : 3307 جنيه بالفاتورة
                              انا شفت الاعلان من فتره
                              ومقدرش اقول حاجه

                              الراجل قال مواصفات وانا مشفتهاش
                              مقدرش احكم علي حاجه مشفتهاش

                              تاني حاجه المستعمل ده ليه حاجات كتير اوي ممكن تبين عيوبه ومميزاته
                              وهوا بيقول ان المشايه لم تستعمل

                              كل اللي اقدر اقوله عن المشايه دي انها صيني
                              وماركتها صيني

                              بس
                              غير كده معرفش والله عنها اي حاجه ومقدرش افتي

                              Comment


                              • احمد رفعت ده اللى كان شغال فى جيم قبل كه وسافر السعودية ورجع ومعاه دكتوراه تربية رياضية

                                Comment

                                Working...
                                X