إعـــــــلان

Collapse

.

,
See more
See less

استفسار بخصوص المشايات الكهربائية

Collapse
X
 
  • Filter
  • الوقت
  • Show
Clear All
new posts

  • المشاركة الأصلية كتبت بواسطة koki_boki مشاهدة المشاركة
    السلام عليكم
    اولا شكرا جزيلا على الاهتمام .. انا سجلت عشان اسئلك و ما شاء الله عليك جوبت على كل الاسئلة
    جزاكم الله خيرا جدا

    بص بقى انا مش همشى غير لما اسئل طبعا و معلش استحملنى يعنى

    دلوقتى انا مش اليكس و ان شاء الله هروخ المحلين اللى انت قولت عليه هشوف فيهم المشاية
    و انا وزى تفريبا 90 كيلو ف تمام هجيب 8608
    لكن على الموقع فية : 8608 d و كمان فية 8608 a-1

    فية فرق فى الكلام دة ولا اية ؟؟
    و معلش لو سؤال سخيف لكن انا خايفة جدا من انى اجيب
    لانى سالت فى محلات كتير جدا و الكلمة الاساسية اللى بسمعها كل اللى قى السوق صينى

    و انا استفدت جدا منك .. شكرا فى العموم حتى لو مش رديت عليا
    جزانا واياكم ياكوكي
    واسألي براحتك وانا تحت امرك
    بس انا حروخ المحلين دي يوناني جريجي مش اسكندراني خالص :) :) :)
    كان فاضل تقولي ياخبيبي الخريستو عاوز مشايه :)

    بالنسبه للمشايه مناسب جدا الجهاز 08 لوزنك وان شاء الله حتلاقيه في المكانين اللي قلتلك عليهم
    اما بخصوص d ,a
    فال a ده كان موديل قديم اتشال من عندنا ولسه متشالش من السايت
    وان شاء الله بنعمل اب ديت قريب وحننزل الصور الجديده

    والسوق فعلا كله صيني
    بالمقارنه بالناس اللي بتبيع تيواني بجد وهما قليلين اوي

    فيبقي اكيد احنا زي ابره في كوم قش
    الغش بقي كتير
    ونتمني وزير التجاره والصناعه الجديد يقفل علي المنتجات الرديئه اللي بتجيلنا احنا بس دي
    ولا اما نكون مزبله العالم
    اي حد بيصنع اي حاجه وحشه يوردها لمصر
    بس العيب مش عليهم
    العيب علي اللي بيروح يستورد
    بس هوا لو عارف ان فيه قانون في البلد يرميله البضاعه دي في البحر لو جت غير مطابقه للمواصفات العالميه
    حيتربي ويجيب بضاعه محترمه

    Comment


    • استفسار يا ميكى انا وزنى 120 كيلو
      اجيب ايه عايز حاجه تستحمل وتعيش

      Comment


      • لو من عندنا يبقي المشايه اللي اسمها 8625
        او 8618
        تستحمل 120 ك مستريح وتشتغل ساعه ونصف
        وتيواني

        لو من بره مش عارف ايه الموجود في السوق
        بس ممكن تروح سبورت مول تتفرج وشوف الموديلات اللي تستحمل 120 ك

        Comment


        • شكرا على الرد يا ميكى بس سعرها كام 8625
          واجيبها منين انا من فيصل الهرم وهل هى اتوماتيك ولا مانيوال
          Last edited by kyuo; 22-02-2011, 11:48 PM. سبب آخر: زياده

          Comment


          • ههههههههههه
            حلوه منك اوتوماتيك ولا مانيوال دي

            كهرباء طبعا
            و8625
            من فيصل اعتقد فرعنا في شارع السودان اقربلك من رمسيس
            هوا تقاطع شارع السودان مع شارع مصدق
            ولو عاوز تروح فرع رمسيس تنورنا طبعا
            وموضوع النقل ده مفيش مشكله
            عادي يعني
            سهله

            Comment


            • شكرا على الرد السريع ومعلش على سؤال اوتوماتيك ولا مانيوال
              بس اى موديل من الانثين افضل 8625 و8618 وسعره كام وياريت العنوان اللى فى شارع السودان

              Comment


              • مش حكايه افضل ولا حاجه
                الاتنين موتور واحد
                الفرق

                8625
                عرض السير 36 سم وبرنامج واحد والسعر عالخاص
                8618
                عرض سير 40 سم و6 برنامج والسعر عالخاص بردو

                عنوان شارع السودان مش عارفه اوي
                بس رقمهم حبعتهولك عالخاص كلمهم اعرف منهم العنوان بالظبط

                Comment


                • هاي ميكي
                  انا قريت كتير من تعلقاتك وكنت بدور على مشاية بس معرفتش الاقي ارقامك للأستفسار
                  على العموم ديه بيانات الماشاية الي بسأل على حاجة زيها تقريبا
                  وانا مبعرفش فالأنواع اوي

                  تايواني
                  1.5 حصان cont
                  او 100 ك
                  مع ان وزني مش كبير انا حوالي 60 بس هجبها فالأساس عشان اللياقة
                  وعشان كدة يهمني ان سرعتها متكنش قليلة عشان حابب اشتغل بيها على سرعات عليا

                  ويكون فيها مستويات طبعا بس مانويل للتوفير

                  وانا قريت فوق انك بتقول المشاية الي 120 ك بتشتغل ساعة ونص , فيريت لو توضحلي الجزئية ديه فالمشاية الي انا كاتب مواصفاتها
                  بس الأساس طبعا الأسعار كام بالنسبة للمواصفات ديه

                  في انتظار الرد
                  ولكم جزيل الشكر

                  Comment


                  • المشاركة الأصلية كتبت بواسطة waleedfoudy مشاهدة المشاركة
                    هاي ميكي
                    انا قريت كتير من تعلقاتك وكنت بدور على مشاية بس معرفتش الاقي ارقامك للأستفسار
                    على العموم ديه بيانات الماشاية الي بسأل على حاجة زيها تقريبا
                    وانا مبعرفش فالأنواع اوي

                    تايواني
                    1.5 حصان cont
                    او 100 ك
                    مع ان وزني مش كبير انا حوالي 60 بس هجبها فالأساس عشان اللياقة
                    وعشان كدة يهمني ان سرعتها متكنش قليلة عشان حابب اشتغل بيها على سرعات عليا

                    ويكون فيها مستويات طبعا بس مانويل للتوفير

                    وانا قريت فوق انك بتقول المشاية الي 120 ك بتشتغل ساعة ونص , فيريت لو توضحلي الجزئية ديه فالمشاية الي انا كاتب مواصفاتها
                    بس الأساس طبعا الأسعار كام بالنسبة للمواصفات ديه

                    في انتظار الرد
                    ولكم جزيل الشكر

                    اعتقد ال08 حتكون مناسبه
                    للوزن الحالي
                    والسعر عالخاص

                    اما ال18 اغلي شويه
                    والتفاوت في السعر ومده التشغيل عشان الموتور اكبر

                    والسرعات في الاتنين عاليه متقلقش

                    Comment


                    • السلام عليكم
                      انا كلمت يا ميكى الشركتين بتوع الاسكندرية اللى انت قولتليلى عليهم
                      وطلعوا اغلي منكو ب400 جنيه ولا حاجه
                      و حاجة كمان بقى ان وحدة منهم ان الصينى فية منة انواع كتير جدا و احسن من التيوانى و ان مثلا فية منة 1ز5 حصان و 11 امبير ( الا اية الامبير دة يا استاذ ميكى ربنا يخليك ) و ان الجهاز اللى بسال علية دة 1.5 حصان و 7 امبير يبقى الصينى فية اجهزة احسن و الكلام دة
                      و طبعا انا سالت ب التليفون بس لسة مش رحت اشوفت
                      فية كمان نقطة افترضنا انى جبت تليوانى و الضمان بتاع الشركة خلصت اعمل اية فى موضوع الضمان برضة ؟؟؟ ممكن مثلا شركة زى بتاعتكم تيجى تعملى ضمان فى اليكس
                      كمان بقة نقطة مهمة دلوقتى جهاز ال 8608 بيشيل اخرة 95 كيلو .. طيب اية يحصل للمشاية لو بقى عليها وزن اكتر من 95 عشان انا حامل دلوقتى و وزنى 90 ؟؟؟
                      معلش يا ميكى هزهقك
                      مستنية ردك

                      Comment


                      • شكـــــــــــــــــــــرا جداااا لحضرتك
                        وجزاك الله كل خيـــــــــــر
                        :b4_388::b4_388::b4_388:

                        Comment


                        • المشاركة الأصلية كتبت بواسطة koki_boki مشاهدة المشاركة
                          السلام عليكم
                          انا كلمت يا ميكى الشركتين بتوع الاسكندرية اللى انت قولتليلى عليهم
                          وطلعوا اغلي منكو ب400 جنيه ولا حاجه
                          شئ طبيعي انهم يبيعوا اغلي من عندنا طبعا
                          السعر اللي بقولك عليه ده سعر القاهره هنا

                          و حاجة كمان بقى ان وحدة منهم ان الصينى فية منة انواع كتير جدا و احسن من التيوانى و ان مثلا فية منة 1ز5 حصان و 11 امبير ( الا اية الامبير دة يا استاذ ميكى ربنا يخليك ) و ان الجهاز اللى بسال علية دة 1.5 حصان و 7 امبير يبقى الصينى فية اجهزة احسن و الكلام دة

                          والله اول مره اسمع اصلا ان المشايه بتتقاس بالامبير اصلا
                          واول مره اشوف صيني اساسا 11 امبير
                          علي فكره بورده الصيني وموتورها اصلا 4 امبير اصلا او 5 بالكتير اوي
                          يبقي منين بقي 11 امبير دي
                          وبردو كلامي من الحاجات اللي مكتوبه عالموتور
                          مش من الهوا
                          وصدقيني لو فيه ماركه عدله صيني ممكن تتجاب وتريح البياع والعميل كنا احنا اول ناس جبناها
                          واشتغلنا فيها
                          احنا بنسافر الصين وتيوان كل سنه وبيتعرض علينا كتالوجات كتيييييييييييييييييييييييييييييييير
                          واسعار كتييييييييييييييييييييييييييييييييير
                          وبردو مغيرناش التوكيل
                          انا بزيد مش بنزل
                          يوم ما حسيب التيواني يبقي حيكون توكيل اوروبي مش صيني
                          اذا كنت مشتغلتش فيه من 10 سنين حيبقي احسن دلوقتي
                          ؟؟؟؟
                          وبعدين تعالي نتكلم بصراحه اكتر
                          هوا انتي شايفه فيه منتجات صيني اصلا عدله في مصر في اي حاجه انتي بتشتريها ؟؟
                          بعيدا بقي عن مجال المشايات اصلا ؟؟؟
                          ولو فيه حاجه صيني ماركه وحاجه صيني مش ماركه
                          فرق السعر بينهم كام
                          ؟؟
                          خلاطات غسالات عربيات تلفزيونات لعب اطفال
                          اي حاجه


                          و طبعا انا سالت ب التليفون بس لسة مش رحت اشوفت
                          فية كمان نقطة افترضنا انى جبت تليوانى و الضمان بتاع الشركة خلصت اعمل اية فى موضوع الضمان برضة ؟؟؟ ممكن مثلا شركة زى بتاعتكم تيجى تعملى ضمان فى اليكس

                          موضوع الضمان ده اصلا متقلقيش منه لانك بمجرد ما اخدتي الماركه بتاعتنا اللي هيا american moution fitness
                          بقي ضمانك معانا احنا
                          يعني خدتيها منهم وهما مثلا مجوش صيانه قصروا في الصيانه ادلعوا في قطع الغيار بتكلمينا بنبعت صيانه عادي
                          اهم حاجه تتابعي معايا موضوع التسليم ده لانه اهم حاجه يسلمك المشايه صح
                          عشان لو استلمتيها غلط ومتقالكيش علي التعليمات من اصله حتستخدمي المشايه غلط وحتبوظ بسرعه وييجي يقول سوء استخدام

                          كمان بقة نقطة مهمة دلوقتى جهاز ال 8608 بيشيل اخرة 95 كيلو .. طيب اية يحصل للمشاية لو بقى عليها وزن اكتر من 95 عشان انا حامل دلوقتى و وزنى 90 ؟؟؟
                          ال08 بيشيل 100 واقصي حاجه ممكن يشيلها 110 ك مش 95 يعني ممكن تحطي نونو كمان براحتك


                          معلش يا ميكى هزهقك
                          مستنية ردك
                          مفيش زهق ولا حاجه تحت امرك

                          Comment


                          • عارف احلى حاجة اية فى الموضوع انك بترد بسرعة :)
                            انا عايزة اقولك شكرا على زوقك انك رديت بسرعة و انك رديت اصلا

                            و انا بصراحة مش بثق اصلا فى اى حاجة صينى لانى بترجم اتفاقيات فعرفة مستوى الحاجات اللى بتجى هنا و اصلا التاجر بيفكر ازاى
                            المهم ...
                            ماشى انا كدة ان شاء الله مطمئنة بس اخد بالى من حاجة معينة فى التسليم و لا هو بيقولى على كل المعلومات اكيد .. ؟
                            شكرا اوى يا ميكى بجد

                            Comment


                            • انا برد بسرعه عشان بقعد علي نايل موتورز اكتر ما بقعد مع امي
                              :)

                              اتفقي علي كل حاجه وقوليلي حتستلمي امتي
                              وقبلها قوليلي
                              وانا اقولك تاخدي بالك من ايه بالظبط
                              وبعد ما تستلمي نمشي سوا واحده واحده وحبعتلك الكتالوج العربي
                              متقلقيش
                              كله تحت السيطره

                              عفوا ياكوكي ومبروك مقدما عالنونو

                              Comment


                              • السلام عليكم ورحمة الله وبركاته

                                بارك الله فيك أستاذ ميكى أستفدت من معلوماتك كتير

                                وأكتشفت أنى لا أفقه شىء عن مشايتى لأنها هديه من أمى ولا أعرف كيفية التعامل معها أسمها توب فتنيس


                                عندى من أكتر من سنتين وما أعرف حاجه عن موضوع الأسبراى هذا وكانت مركونه ما أستعملها من سنه تقريبا

                                ومن كام يوم بدأت أستخدمها أكتشفت أن السير بدأ يعمل منحنيات غريبه كده

                                ومع الأستمرار للمشى عليها لمده ثلاثة أيام بعد نصف ساعه من الأستخدام بدأت أسمع صوت غريب وبعدين أنحنى السير أكثر

                                وما أعرف كيف أتصرف ؟

                                Comment

                                Working...
                                X