إعـــــــلان

Collapse

.

,
See more
See less

استفسار بخصوص المشايات الكهربائية

Collapse
X
 
  • Filter
  • الوقت
  • Show
Clear All
new posts

  • المشاركة الأصلية كتبت بواسطة funnymickey مشاهدة المشاركة
    للاسف يااوشي المشايات ال8608 وال8618 خلصوا من عندي وجايين كمان شهر ان شاء الله
    احنا ماشيين بالحجز دلوقتي اي حد عاوز مشايات بنسجل اسمه ورقم تليفونه ونكلمه لما تيجي المشايات
    شكرا جزيلا للرد بس افهم من كده ان المشايه المناسبه للوزن 125 هي 8618 صح؟ ممكن اسال عليها عند الصاوي ولو كده اجيبها بس هو قالي ان ال08 موجوده مش عارفه كلامه صح ولا ايه؟ طيب وبالنسبه 08 الدفعه الجديده حاتكون اغلى ولا ايه ولا حايكون فيها حاجه زياده انا بيتهيالي سمعت حضرتك بتقول ان الدفعه الجديده ممكن يكون فيها ميزه جديده بس انا مش فاكره ايه هي ؟
    راي حضرتك لو موجوده عند الصاوي اجيبها ولا استنى الجديده احسن ؟!!!!! (بالنسبه لل08) و اسفه للازعاج بس والله اانت كسبت ثواب في ناس كتير ممكن يتخموا في موضوع المشايات ده جزاك الله عن مجهودك خيرا وشكرا

    Comment


    • المشاركة الأصلية كتبت بواسطة oshy31 مشاهدة المشاركة
      شكرا جزيلا للرد بس افهم من كده ان المشايه المناسبه للوزن 125 هي 8618 صح؟ ممكن اسال عليها عند الصاوي ولو كده اجيبها بس هو قالي ان ال08 موجوده مش عارفه كلامه صح ولا ايه؟ طيب وبالنسبه 08 الدفعه الجديده حاتكون اغلى ولا ايه ولا حايكون فيها حاجه زياده انا بيتهيالي سمعت حضرتك بتقول ان الدفعه الجديده ممكن يكون فيها ميزه جديده بس انا مش فاكره ايه هي ؟
      راي حضرتك لو موجوده عند الصاوي اجيبها ولا استنى الجديده احسن ؟!!!!! (بالنسبه لل08) و اسفه للازعاج بس والله اانت كسبت ثواب في ناس كتير ممكن يتخموا في موضوع المشايات ده جزاك الله عن مجهودك خيرا وشكرا
      الصاوي عنده كميه من قبل ما احنا نخلص
      وال8608 الجديده عرض السير بتاعها 40 سم مش 34 سم
      ومعرفش الصاوي بيبيع بكام صراحه
      اعتقد حضرتك كده استني طبعا لو مش مستعجله
      انما لو عندك 120 ك اصلا ال8608 مش حتنفع
      اقل حاجه حتنفع موديل 8625
      وجزانا واياكم يااوشي وجعله الله في ميزان حسناتنا

      Comment


      • جزاك الله خيرا يا اسناذ صبحي بس معلش معلومه انا مش 120 ك ده جوز واحده صاحبتي علشان كده ما ينفعش معاه ال08 !!! انا فاهمه بس انا مش 120 والله لو انا 120 كان جالي سكته قلبيه !!!!!!! انا بس عايزه اسال هو عرض السير ده بيفرق في ايه ؟!!! يعني ده بياثر على كفاءه المشايه ولا ايه وشكرا لسعه صدرك مع العلم ان الصاوي بيبيع ال08 حاليا ب 3250 !

        Comment


        • خلاص لو 120 يبقي خليكي في ال8618
          عرض السير بيفرق في المشي طبعا
          وسعر ال08 كويس
          ده سعرها الجديد لما تيجي

          Comment


          • جزاااكم الله خيرا ...السبرى الاخ خميس كتر الف خيره جابه لحد عندنا يعتبر
            و الكتالوج بصراحة شارحة بسيط و حلو بس مش كاتب بين كل استخدام و الثاني ننتظر اد ايه
            بجد الف شكر .....و ربنا يا رب يسعدك دنيا و اخره


            Comment


            • الاستخدام المتواصل ساعه ونريح ساعه ونشتغل تاني
              لا شكر علي واجب
              تحت امرك :)

              Comment


              • السلام عليكم ازيك ياستاذ صبحى انا كنت عند حضرتك من اسبوعين كدة وقلتلى ان المشاية 8608 هتجيب اللى عرض سيرها 40 وقولتلى شهر طيب دلوقتى حضرتك كاتب ان اللى عاوز بيتصل ويتكتب اسمة لحد متيجى مع انى لما كنت عند حضرتك قولتلى لاء لما توصل المشايات

                Comment


                • انا قلت لا لما توصل المشايات
                  وربنا ما فاكر
                  طب ايه رايك بقي انتي بالذات
                  حتاخدي اول مشايه تيجي من الكونتينر بالعافيه :)

                  ابعتيلي رقم تليفونك واسمك وعنوانك عالخاص
                  لو استلمت المشايات الساعه 4 الفجر
                  4 ونص حنخبط عليكي :)
                  متصالحين كده :)
                  ولا تكوني زعلانه

                  Comment


                  • جزاك الله خيرا ، ولكن أين هو سبورت مول ؟ معلش أنا بجد مش عارفة أي معلومة عنه............. وهل jk exer
                    في نفس جودة 08 ،وسعرها كام؟ ياريت لو عند حضرتك تفاصيل عنها مكتوبة أو صورة ارسلها لي
                    وألف شكر

                    Comment


                    • سبورت مول له فرعين
                      فرع امام جنينه مول في مدينه نصر
                      والفرع الرئيسي في شارع شهاب بالمهندسين
                      jk exer ماركه تيواني محترمه تضاهي وتنافس الماركه التيواني بتاعتنا
                      اما موديلات محدده فمعرفش بصراحه ايه الموجود عندهم يساوي ال8608
                      بكره ان شاء الله ابعتلك نرم تليفوناتهم واي استفسار يخصهم هما يردوا عليه افضل

                      Comment


                      • ربنا يكرمك

                        Comment


                        • المشاركة الأصلية كتبت بواسطة funnymickey مشاهدة المشاركة
                          خلاص لو 120 يبقي خليكي في ال8618
                          عرض السير بيفرق في المشي طبعا
                          وسعر ال08 كويس
                          ده سعرها الجديد لما تيجي
                          شكرا جدا يا استاذ صبحي على الافاده العظيمه دي طيب دلوقتي انا عايزه المشايه ال08 بس مش اللي عند الصاوي علشان عرض السير زي ما حضرتك قولت احجز عندكم مثلا ولا اعمل ايه؟ بس كده مش حا جيبها من الصاوي علشان انا عايزه الجديده الحجز عندكم بس طيب ولو كده يكون بعربون ولا بالتليفون ولا ايه؟
                          معلش غلبتك باسالتي!!!

                          Comment


                          • لا ابدا
                            ابعتيلي رقمك
                            واسمك وانا حسجله عندي
                            واول ما تيجي حقولك

                            Comment


                            • السلام عليكم جميعا
                              السلام عليكم استاذ/ صبحى
                              اولا/ احب اشكر حضرتك على امانتك وذوقك (معلش الشكر كان متأخر شوية ) لانى بدخل على الموضوع واشوف الجديد من الموبايل مش من الكمبيوتر.
                              ثانيا/ انا اشتريت من حضرتك مشاية ac واوربت تراك بصراحة منتجات الشركة بتاعتكم واللة روعة وحاجة محترمة( بعد الاستخدام) وانا ندمان على كل الفلوس اللى دفعتها قبل كدة فى حاجة صينى.
                              ثالثا/ انا ندمان تانى (الواحد بقى بيندم كتير الايام دى) انى ماشتريش مشاية تانية واوربت تراك تانى وعجلة برستيج بس ان شاء اللة ناويها المرة اللى جاية وتكون البضاعة اللجديدة وصلت زى ما حضرتك كاتب.
                              رابعا/ بكرر شكرى ليك ولكل العاملين فى الشركة لعدة اسباب وهى (منتجات محترمة- ترحيب بالعميل- ذوق فى التعامل - واهم حاجة الامانة اللى كلنا محتاجينها) ربنا يكرمكم
                              اسف للاطالة ودا شكر واجب .

                              Comment


                              • ياباشا ربنا يكرمك علي الكلام والاطراء
                                احنا معملناش حاجه غير الواجب
                                وملوش لزوم الندم
                                قدر الله وما شاء فعل
                                وان شاء الله يكون اللي جي احسن وافضل

                                وتحت امرك في اي وقت
                                والعجله اسمها سبننج مش برستيج :)

                                بخصوص المازيراتي او اللامبورجيني
                                عاوز لفه ينفع :)

                                Comment

                                Working...
                                X