إعـــــــلان

Collapse

.

,
See more
See less

استفسار بخصوص المشايات الكهربائية

Collapse
X
 
  • Filter
  • الوقت
  • Show
Clear All
new posts

  • المشاركة الأصلية كتبت بواسطة roona مشاهدة المشاركة
    استاذ ميكى معقوله تحديد مقابله ياخد اكثر من اسبوع ؟

    شو البديل محتاجه حل سريع الله يبارك فيك
    والله فعلا هوا ده اللي انا اعرفه بيعمل صيانه لمشايات مش بتاعتنا
    ححاول معاه مره تانيه وحضرتك بردو اتصلي بيه وحاولي تعرفي ايه سبب التأخير

    المشاركة الأصلية كتبت بواسطة saraezz مشاهدة المشاركة
    السلام عليكم اريد الاستفسار عن مشايه كهربائيه تكون قرده تحمل اقصى وزن يستعملها حوالى 118 كيلو واعتقد ان موديل 08 مش هتنفع ومحتاره ارجو الرد بسرعه وشكرا
    موديل 8618 افضل بالنسبه للوزن ده
    وبيشتغل ساعه ونصف متواصل

    Comment


    • [all1=#ff0000]انا مبسوووطه قوووى من الموضوع الوحيد الى لقيته بيتكلم عن المشايات بالتفصيل وخلانى اشترك فى المنتدى الجميييل ده ........وجزاك الله خيرا يا ميكى على المعلومات ديه

      انا محتاجه رد ضرورى لان انا لفيت كتييير فى اسكندريه على مشايه كلهم صينى وسعرهم غالى ومش اد كده
      فا قررت ان لما اجى جده اخد من هنا اضمن ولقيييت مشايه عجبتى ..... انا فاكره انها لقطه وسعرها كويس هى مع صاحبتها بقالها سنه واستعمالها خفيف وكسلت تمشى عليها فا قررت تبعها وتستفاد بمكانها افضل هى ماركه life gear وده موديلها من موقع الشركه

      :::LifeGear Taiwan Limited:::

      بس مش كورى ومكتوب عليها صينى

      فا قررت اخدها لان حالتها جديده وكويسه جدا وملهاش صوت ونظيفه جداااا هى جايباها ب 1100 ريال وانا اخدتها بنص الثمن

      المشكله حاليا ان بعد ما قريييت ال 62 صفحه المفيدين جداااا محتاره اتصرف فيها هنا ولا انزلها اسكندريه لان حدفع شحن وجمارك ولو جرلها حاجه فى مصر مش حعرف اصلحها لانها صينى وحتترمى

      يارتنى قريييت الموضوع الجميل ده قبل ما ادبس قى شراها

      فا رايك ايه يا ميكى ؟؟؟؟؟؟

      Comment


      • انتي اشتريتي خلاص وقدر الله وما شاء فعل
        لايف جير ماركه محترمه جدا
        واصلها تيواني علي فكره
        يعني ده مصنعهم اللي في الصين مش اكتر

        بس المشكله في قطع الغيار
        لو ليكي حد في جده ويعرف توكيلها فين ويقدر يظبطلك قطع الغيار اشحنيها
        وتوكلي علي الله
        انما لو ملكيش وممكن متعرفيش مثلا تجيبي موتور ولا بورده لو حصلهم حاجه
        يبقي بلاش منها وبيعيها في جده وهاتي واحده من مصر احسن بدل ما فعلا ممكن تترمي حرام

        وحقولك علي حاجه بردو
        ممكن تكلمي الوكيل وتسألي هل ليهم موزعين او وكلاء في مصر ولا لا
        واعرفي موديلها كويس عشان لو باظ فيها حاجه تبقي باعته المشايه برقم الموديل
        وان شاء الله خير

        Comment


        • السلام عليكم ورحمة الله وبركاته

          أستاذ ميكى المهندس جاء اليوم عندنا
          مقاس السير 122 *36 وقال سعره 550
          قلتله كده كتير قال ممكن تجيبوه أنتم وأنا أركبه فما رأيك ؟

          Comment


          • والله المشكله ان السير ده عندي اعرض 4 سم
            يعني 122* 40
            وده حيضطر يتقطع منه
            وممكن لو اتقطع غلط الفلوس تروح عليكم

            وغالبا السير اللي هوا حيجيبه ده حيبقي عموله والله اعلم
            عالعموم السير اللي عندي سعره 350 جنيه
            وبنركبه ب50
            يعني 400
            حاولي تخفضي معاه في السعر شويه
            اصله كان عندي امبارح وقلتله يعني عيب اول عميل ابعتهولك تتاخر عليه وتخلي شكلي وحش
            راح مكلم السكرتيره قدامي والله وقالها تحدد معاد معاكو

            وبعدين عاوز اقولك علي حاجه
            الحاجات الصيني اصلا بيبيعوها اغلي من الحاجات التيواني اساسا
            عشان تعتبر مش موجوده
            ومستوردها قليل لما تلاقي عنده قطعه غيار

            شوفي لو ال40 ده يركب عندكو يبقي خديه ومتفكريش
            لو مكنش دي حاجه ترجعلك بقي

            Comment


            • السلام عليكم جميعا، تحية و تقدير للاستاذ ميكي علي السرعة و المصداقية
              فعلا دا المكان الوحيد اللي لقيت فيه معلومات عن المشايات.
              انا ان شاء الله بعد دراسة ال62 صفحة اللي فاتوا ( والاهم طبعا توفير المبلغ ) نويت اشتري المشاية ال 08 فياريت اعرف من حضرتك اول ما تكون متوفرة. و لو ممكن رقم تليفون اتابع مع حضرتك عليه يبقي الف شكر.
              شكرا مقدما يا باشا و جعل الله هذه المعلومات في ميزان حسناتك ان شاء الله

              Comment


              • جزانا واياكم ياباشا
                ال8608 اتشحنت من تيوان الشحنه التانيه من 4 ايام
                قدامنا 25 يوم باذن الله وتكون موجوده

                Comment


                • جزاك الله خيرا . وشكرا على سرعه الرد

                  Comment


                  • استاذ صبحى أنا عندى جهاز رياضى زى اللى فى الصورة دى



                    وعندى مشكلة ان العجل بتاع الكرسى اللى بيروح ويجى فى المجرى صدى وبقى مش مظبوط فهل ممكن الاقى قطع غيار للجهاز ده علشان اغيرها بنفسى أو حتى لو تعرف حد يوفر عليا الوقت ويصلحهالى ؟
                    رحلتى مع الالفا روميو156 : http://www.nilemotors.net/Nile/359168-156.html
                    رابطة ملاك الكيا برايد : http://www.nilemotors.net/Nile/211218-a.html

                    Comment


                    • استاذ ميكي المحترم
                      تحية طيبة وبعد ....

                      انا عايز حضرتك تقولي علي ماشية كويسة لوزن 100 ك عشان انا دوخت من كتر ما دورت
                      شكرا

                      Comment


                      • أنت فين يا صبحى باشا ؟
                        رحلتى مع الالفا روميو156 : http://www.nilemotors.net/Nile/359168-156.html
                        رابطة ملاك الكيا برايد : http://www.nilemotors.net/Nile/211218-a.html

                        Comment


                        • أستاذ صبحي أنا عايزة أحجز مشاية 08 ، ماذا أفعل هل يكفي حجزي مع حضرتك على المنتدى أم أتصل بحد معين وياريت لو في اتصال تكتب لي رقم التليفون . وجزاك الله خيرا

                          Comment


                          • المشاركة الأصلية كتبت بواسطة المناور مشاهدة المشاركة
                            استاذ صبحى أنا عندى جهاز رياضى زى اللى فى الصورة دى



                            وعندى مشكلة ان العجل بتاع الكرسى اللى بيروح ويجى فى المجرى صدى وبقى مش مظبوط فهل ممكن الاقى قطع غيار للجهاز ده علشان اغيرها بنفسى أو حتى لو تعرف حد يوفر عليا الوقت ويصلحهالى ؟
                            اعتذر عن التأخير في الرد بس مكنتش فاضي انهارده خالص اقعد عالجهاز
                            ارجو منك تشرفني بالعجله اللي حضرتك عاوزها بس اشوفها واحاول اوفق لك حاجه من عندنا تمشي عليها
                            لان العجل ده مقاسات ولازم حضرتك تجيب القديم عشان نجيب زيها
                            المشاركة الأصلية كتبت بواسطة sony مشاهدة المشاركة
                            استاذ ميكي المحترم
                            تحية طيبة وبعد ....

                            انا عايز حضرتك تقولي علي ماشية كويسة لوزن 100 ك عشان انا دوخت من كتر ما دورت
                            شكرا
                            قدامنا حاجتين
                            يااما نستني ال8608 لما تيجي ودي بتشيل وزن 100 ك ومشايه كويسه جدا
                            يااما لو حضرتك مستعجل انصحك تروح محل سبورت مول في شارع شهاب او امام جنينه مول
                            وتشوف مشايه اسمها jk exer وزن 100 ك عندهم موديلات ايه
                            ولو السعر مناسب ليك اشتري وتوكل علي الله وهيا تيواني بردو زي عندنا

                            شوف حضرتك ايه المناسب ليك
                            وانا تحت امرك

                            المشاركة الأصلية كتبت بواسطة المناور مشاهدة المشاركة
                            أنت فين يا صبحى باشا ؟
                            تم الرد

                            المشاركة الأصلية كتبت بواسطة hanan2 مشاهدة المشاركة
                            أستاذ صبحي أنا عايزة أحجز مشاية 08 ، ماذا أفعل هل يكفي حجزي مع حضرتك على المنتدى أم أتصل بحد معين وياريت لو في اتصال تكتب لي رقم التليفون . وجزاك الله خيرا
                            حضرتك كلميني يوم الاتنين بعد صلاه الظهر
                            حسجل اسم حضرتك في الكشف عندنا واول لما تيجي حكلم حضرتك اقولك انها وصلت
                            0109779970

                            Comment


                            • استاذ ميكي المحترم
                              اولا:انا جبت سعرها من سبورت مول ب 3300 موديل jkexer 4060
                              هل السعر دة مناسب
                              ثانيا:8608 سعرها كام عندكو وهتيجي امتي واحجز ازاي
                              شكرا

                              Comment


                              • مشايه كهربئيه اشتريتها 2.5 حصان اسمها fitness

                                مشايه كهربئيه اشتريتها 2.5 حصان اسمها fitness طبعا المكان ال بيبيع قال تايواني المهم لما جيت جمعت المشايه وشوفت المتور مكتوب عليه ميد ان تايوان بس كمان شوفت قدره المتور 2hp 180dc بمعني 2 حصان مش 2.5 اول القصيده كذب وغش قريت الجتالوج كويس قال انها تشتغل ساعه وتشيل 120كيلو طبعا اشترينها قبل ما اعرف المنتدي الجميل ده قبل ما اشوف اراء الناس ايه في المشيات المهم ال حصل حصل بس لي استفسار المشايه دي تيواني ولا لا والماركه دي مشهوره ولا مضروبه وكله بيحلف وكله بيقول دي خطيره علي شان الواحد يشتري للاسف السوق المصري بقا لا فيه زمه ولا ضمير المهم يبع وخلاص حسبي الله ونعم الوكيل فيهم علي كذبهم وغشهم ولا يوجد رقيب ولا حسيب في السوق المصري والله حرام عليك يا مصري ان مشايه نستوردها من الخارج انا شفتها لو في رجل اعمال محترم يصنع مشايه محترمه في السوق المصري بدل مبنستورد بلعمله الصعبه حجات عبيطه دي مش معضله فكرتها بسيطه جدا بس عاوزه تشغيل دماغ المهم اشتريتها 2700جنيه من القصر العيني وها حزام مساج وتويست يعني 4في واحد ممكن اعرف اكتر عن الماركه دي وموضوع المتور امشي عليه اد ايه من الوقت لو تايواني او صيني علما ان وزني 80كيلو والمدام وزنها 65 كيلو هل هي ممكن تمشي ساعه كامله ولا نص ساعه بس وكمان عاوز اعرف قدره المتور بطريقه علميه ممكن اقسها ازاي وشكرا جزيلا لسادتكم

                                Comment

                                Working...
                                X