اللي عنده أي سؤال في الإكسيل يتفضل

[أبو_يوسف]

استاذ badry78 برجاء المساعده واحياء الموضوع

رفع صور

المطلوب
اذا كان اسم الشخص مكرر فى نفس المشروع ونفس الفئه
مثلا محمد مكرر فى مشروع القاهره ومشروع الحديقه ومشروع ترانزيت ومشروع الروضه فى الفئه 1
انا محتاج ان البرنامج يبلغنى بان محمد مكرر فى مشروع كذا وكذا وكذا فى الفئه 1
وجزاكم الله خيرا

ممكن تظلل الجدول بتاعك و من قائمة Data تختار Filter وبعدين Auto Filter ومن القوائم الموجودة في الصف العلوي بتحدد ايه اللي يظهر يعني مثلا في عمود الاسماء هاتختار custom وبعدين Contains وفي الخانة اللي بجوارها تكتب الاسم اللي انت عايزه وكذلك في عمود الفئة
كدا هاتشوف كل اسم والمشاريع المشترك بها فقط

[أبو_يوسف]

الف شكر يا باشا على مشاركاتك في الموضوع واللي بتزيده اهمية وإفادة

المعادلة بتاعتك مظبوطة بس لو جربتها على تاريخ 29 فبراير مش هاتديك نتيجة صحيحة
فانت ممكن تعمل اضافة على معادلتك بحيث يختبر التاريخ لو كان 29 فبراير ينفذ اجراء معين

مرة تانية الف شكر على اهتمامك بالموضوع

الشكر ليك يا باشا على الموضوع الجميل..
انا جربتها على التاريخ 29-2 وطلعت مظبوطة بس المهم اكتب تاريخ مظبوط يعني سنة يكون فيها فبراير 29 يوم اصلا زي سنة 2008 مثلا..
اما لو كتب 2009-2-29 مش هاتديك نتيجة مظبوطة.

[badry78]

الشكر ليك يا باشا على الموضوع الجميل..
انا جربتها على التاريخ 29-2 وطلعت مظبوطة بس المهم اكتب تاريخ مظبوط يعني سنة يكون فيها فبراير 29 يوم اصلا زي سنة 2008 مثلا..
اما لو كتب 2009-2-29 مش هاتديك نتيجة مظبوطة.

جربتها يا باشا ودي النتيجة اللي ظهرت

2/29/20123/1/20133/1/20143/1/20153/1/20163/1/20173/1/2018

[badry78]

اقتباسالمشاركة الأصلية كتبت بواسطة mkhalifa73استاذ badry78 برجاء المساعده واحياء الموضوع

اضغط هنا لمشاهدة الصورة بالحجك الطبيعي.رفع صور

المطلوب
اذا كان اسم الشخص مكرر فى نفس المشروع ونفس الفئه
مثلا محمد مكرر فى مشروع القاهره ومشروع الحديقه ومشروع ترانزيت ومشروع الروضه فى الفئه 1
انا محتاج ان البرنامج يبلغنى بان محمد مكرر فى مشروع كذا وكذا وكذا فى الفئه 1
وجزاكم الله خيرا

ممكن تظلل الجدول بتاعك و من قائمة Data تختار Filter وبعدين Auto Filter ومن القوائم الموجودة في الصف العلوي بتحدد ايه اللي يظهر يعني مثلا في عمود الاسماء هاتختار custom وبعدين Contains وفي الخانة اللي بجوارها تكتب الاسم اللي انت عايزه وكذلك في عمود الفئة
كدا هاتشوف كل اسم والمشاريع المشترك بها فقط

الله ينور يا باشا
معلومة جديدة تنفعنا في المستقبل ان شاء الله

[أبو_يوسف]

جربتها يا باشا ودي النتيجة اللي ظهرت

2/29/20123/1/20133/1/20143/1/20153/1/20163/1/20173/1/2018

أنا متهيألي كدا مظبوط .. ولا ايه؟
يعني لو ابتدى بالتاريخ 2012-2-29 وعايز يزود سنة واحدة عليها ماينفعش تكون النتيجة 2013-2-29 لأن فبراير في السنة دي هايكون 28 يوم بس
بالتالي النتيجة الطبيعية 2013-3-1 زي ماظهر معاك.. ولا انا فاهم غلط؟

[badry78]

أنا متهيألي كدا مظبوط .. ولا ايه؟
يعني لو ابتدى بالتاريخ 2012-2-29 وعايز يزود سنة واحدة عليها ماينفعش تكون النتيجة 2013-2-29 لأن فبراير في السنة دي هايكون 28 يوم بس
بالتالي النتيجة الطبيعية 2013-3-1 زي ماظهر معاك.. ولا انا فاهم غلط؟

انت فاهم صح
بس لو كملت بقية السنين بعد كده لحد ماتوصل لسنة كبيسة زي 2016 او 2020 هتلاقي التاريخ برضه 1 مارس
الحل انك تستخدم قاعة if مع المعادلة دي بحيث لو كان التاريخ 29 فبراير والسنة اللي جاية هاتكون كبيسة يعني فيها فبراير 29 يوم وده طبعا بنعرفه لما نلاقي ان السنة تقبل القسمة على رقم 4
في الحالة دي تخليه يزود سنة ناقص يوم
ممكن تجرب المعادلة دي ؟

=IF(AND(DAY($A$1)=29,MONTH($A$1)=2,MOD(YEAR(A1),4) =3),DATE(YEAR(A1)+1,MONTH(A1),(DAY(A1)-1)),DATE(YEAR(A1)+1,MONTH(A1),DAY(A1)))

طبعا يا باشا الفكرة فكرتك انا ضفت تعديل بسيط وده بعد اذنك طبعا

[amr100]

مجهود تشكر عليه استاذ بدري انا كان عندي سؤال هو لما انا اعمل هيدر لموضوع ما وعاوز هيدر ده كل ما افتح صفحة جديدة في نفس الشيت يتكرر تلقائي الهيدر بتاع الموضوع على اساس الصفحة مثلا 50 صف

[badry78]

مجهود تشكر عليه استاذ بدري انا كان عندي سؤال هو لما انا اعمل هيدر لموضوع ما وعاوز هيدر ده كل ما افتح صفحة جديدة في نفس الشيت يتكرر تلقائي الهيدر بتاع الموضوع على اساس الصفحة مثلا 50 صف

الشكر لله يا باشا
بخصوص سؤالك لو أنا فاهمه صح انت عايز تثبت صف معين أو مجموعة صفوف متتالية بحيث كل ماتتحرك في الشيت لأسفل يكون الصف او الصفوف المختارة ثابتة
لو هو ده المطلوب فده سهل جدا
بفرض اننا عايزين نثبت الصف رقم 1 يبقى نحدد الصف اللي بعده على طول اللي هو رقم 2 ونروح على قائمة View ونختار الأمر Freeze panes يعني تجميد
ولوجربنا ننزل في الشيت هانلاقي ان الصف رقم 1 ثابت مابيختفيش
ولو عايز تثبت مجموعة صفوف يعني مثلا من الصف رقم 1 للصف رقم 3 في الحالة دي نحدد الصف رقم 4 ونختار نفس الأمر اللي اخترناه قبل كده
ولو عايز أثبت صف وعمود في نفس الوقت يبقى احدد الخلية المتقاطعة بعدهم يعني لو عايز اثبت الصف رقم 1 والعمود A يبقى احدد الخلية رقم B2 واختار الأمر freeze Panes ولو عايز اثبت الصفين 1 و2 والأعمدة A,B,C يبقى احدد الخلية D3 واختار الأمر Freeze Panes
و في أي لحظة عايز ألغى التثبيت ده اروح لنفس القائمة هلاقي ان الأمر اتغير اسمه الى Unfreeze panes اضغط على الأمر هايفك اي تجميد اتعمل قبل كده

يا رب أكون قدرت اوضح ويكون ده اللي انت محتاجه

[Dojuar]

أستاذ بدري

هافترض اني عايز جدول هاملاه بحيث يكون فيه اولوية

بحيث ان cells معينة تكون ليها حاجة زي تنبيه (يعني الدخل الاغبتدائي يكون أخضر و لما يقرب معاده يتحول اصفر و لما معاده يفوت يكون أحمر)

ايه الخطوات المطلوبة؟؟ مع جزيل الشكر

[badry78]

أستاذ بدري

هافترض اني عايز جدول هاملاه بحيث يكون فيه اولوية

بحيث ان cells معينة تكون ليها حاجة زي تنبيه (يعني الدخل الاغبتدائي يكون أخضر و لما يقرب معاده يتحول اصفر و لما معاده يفوت يكون أحمر)

ايه الخطوات المطلوبة؟؟ مع جزيل الشكر

شكرا يا باشا على سؤالك والسؤال ده يهم برضه الناس اللي بتشتغل في المخازن بحيث لو المخزون وصل لحد معين يبقى لازم يأمن نفسه وبرضه يهم الناس اللي بتشتغل في التخطيط
المهم
فيه حاجة في الفورمات اسمها الفورمات الشرطي Conditional Formating
موجود في قائمة Format

بعد ما اختار Conditional Formating اختار منها New rule
هلاقي مربع اختيارات فيه select a rule type وتحتها مجموعة اختيارات
اختار منها format only cells that contain وده يعمل فورمات للخلية بناء على محتواها
وانزل للنصف الثاني من المربع تحت عنوان Edit the rule de......ion
وهالاقي مربعات متوازية بشكل افقي اولها قائمة منسدلة نختار منها نوع المحتوى هل هو نص معين او قيمة الخلية او تعبير عن خطا
اختار قيمة الخلية Cell value
والمربع اللي بعدها اختار منه وجه المقارنة هل القيمة اللي انا هاعمل الفورمات بناء عليها تقع بين رقمين او تاريخين او لا تقع بين تاريخين محددين او اكبر من او اصغر من او تساوي
اختار معمل المقارنة وبعد كده اضع القيمة اللي هاقارن بيها
وفي المربع من تحت فيه زرار اسمه format
اضغط عليه واختار شكل الفورمات اللي انا عايزه يتم لما قيمة الخلية تحقق المعادلة اللي اخترتها
والفورمات ده بيتم على نوع البينات وعلى الخط ولون التعبئة والحدود

وممكن تعمل اكتر من معادلة بحيث لو قيمة الخلية وصلت لرقم او تاريخ معين يديني مثلا لون اخضر
ولو وصلت لرقم تاني او تاريخ تاني تديني لون احمر وهكذا

ياريت تجرب وترد عليا

[Dojuar]

الف شكر انا بجربها دلوقت

بس كنت عايز اوضح حاجة و اسأل سؤال تاني:

- انا عايز اعمل الموضوع ده علشات حاجتين: اولا عشان اسجل شغلي (كانه ريبورت) ثانيا عشان يبقى زي reminder بحيث لما اراجع شغل الايام اللي فاتت الاقي cells باللون الاحمر عشان انتيهلها اكتر (تكون مرتبطة بتاريخ) و cells أخرى لونها اخضر او برتقالي اللي اولويتها مش كبيرة

بس بشرط ان حالة ال cell يتغير لونها لوحده (حسب التاريخ) مش انا اللي اختاره من الاول
السؤال التاني بقى مرتبط بالاول: انا عايز البيانات اللي انا ادخلها في cell معينة تتسجل بالتاريخ اللي اتكتبت فيه, انا عارف اني ممكن اعمل كده يدويا بي كمية البيانات ممكن تكون اكبر من اني اسجل تاريخها كل مرة

وشكرا على تعبك معايا.

[rosebox]

انا سعيده جدا بالموضوع ده و ناويه ان شاء الله اقعد اذاكره و لى سؤال كده على الماشى جربت مره اطرح تاريخين من بعد بحيث انه يدينى السن مثلا يعنى يدينى 3 سنين و 4 شهور و 3 ايام. انا معرفتش فيا ترى ليها حل؟

[badry78]

انا سعيده جدا بالموضوع ده و ناويه ان شاء الله اقعد اذاكره و لى سؤال كده على الماشى جربت مره اطرح تاريخين من بعد بحيث انه يدينى السن مثلا يعنى يدينى 3 سنين و 4 شهور و 3 ايام. انا معرفتش فيا ترى ليها حل؟

وأنا سعيد جدا بمرورك في موضوعي البسيط
بالنسبة لطرح التواريخ في الاكسيل النتيجة دايما بتطلع بعدد الايام
وعشان نطلع بالنتيجة اللي انتي طالباها سنين واشهر وايام لازم نعمل اكتر من معادلة
انما على حد علمي المتواضع
الاكسيل ما فيهوش معادلة جاهزة لكدة
زي ما قلت قبل كدة لازم نعمل اكتر من معادلة عشان نحول نتيجة الطرح اللي هي بالايام عشان تظهر في 3 خلايا خلية لعدد السنين وواحدة للشهور وواحدة للايام
لو فيه حد من الاعضاء الكرام عنده فكرة تانية يا ريت يشرفنا ويقولها

[rosebox]

وأنا سعيد جدا بمرورك في موضوعي البسيط
بالنسبة لطرح التواريخ في الاكسيل النتيجة دايما بتطلع بعدد الايام
وعشان نطلع بالنتيجة اللي انتي طالباها سنين واشهر وايام لازم نعمل اكتر من معادلة
انما على حد علمي المتواضع
الاكسيل ما فيهوش معادلة جاهزة لكدة
زي ما قلت قبل كدة لازم نعمل اكتر من معادلة عشان نحول نتيجة الطرح اللي هي بالايام عشان تظهر في 3 خلايا خلية لعدد السنين وواحدة للشهور وواحدة للايام
لو فيه حد من الاعضاء الكرام عنده فكرة تانية يا ريت يشرفنا ويقولها

متشكره جدا لإهتمامك

[Ahmedelbarody]

صباح الخير..
عندي سؤال في الاكسيل بس مش عارف هل الموضوع مازال نشط او لأ ...

محتاج اعمل فرز آلي تنازلي لعدد من الخلايا المتتالية ، والموجودة ضمن عامود واحد ،، علما بان كل خلية تحتوي على معادلة جمع للصف اللي بجوارها ، ومحتاج لما الخلية تتحرك في المكان المناسب لقيمتها يتحرك معاها الصف اللي جمبها .. ارجو الإفادة وشكرا ؟