استفسار عن منطقة الرماية

[نور القمر]

حد يعرف يا جماعة اسعار متر الشقق في الرماية بكام وبالاخص مساكن الظباط
ولو عايزة ابيع شقة اعمل ايه عشان ابيعها

عندنا شقتين هناك عايزين نبيع واحدة منهم او استبدلها باكبر في الرماية او مكان قريب ومش عارفة ابيع ولا اتصرف
ده موضوع بيع وشراء عشان كدة محطتش الموضوع في قسم البيع والشراء على اد مهو موضوع استفسار

[Ahmed.Ali]

نصيحه اولا دوري في الوسيط علي شقق مماثله و اعرفي رنج السعر بتاع المنطقه و بعدين اعلني انتي بقي في الوسيط :)

[أبو إياد]

فى اواخر 2009 سعر المتر للشقه وصل ل 2000ج ومن سنه كان ب 900ج

[نور القمر]

نصيحه اولا دوري في الوسيط علي شقق مماثله و اعرفي رنج السعر بتاع المنطقه و بعدين اعلني انتي بقي في الوسيط :)

فكرة الوسيط ممتازة مجتش في بالنا

فى اواخر 2009 سعر المتر للشقه وصل ل 2000ج ومن سنه كان ب 900ج

من 2000 ل 900 فعلا ولا في خطأ كتابي ؟؟؟؟؟!!!
اصل اللي اعرفه ان المنطقة بعد نقل تمثال رمسيس والبدء في نقل المتحف المصري بقت اغلى من الاول

[أبو إياد]

فى اواخر 2009 سعر المتر للشقه وصل ل 2000ج ومن سنه كان ب 900ج

من 2000 ل 900 فعلا ولا في خطأ كتابي ؟؟؟؟؟!!!
اصل اللي اعرفه ان المنطقة بعد نقل تمثال رمسيس والبدء في نقل المتحف المصري بقت اغلى من الاول

يا استاذه نور انا باقول من سنه كان 900ج
وفى اواخر 2009 ياعنى من حوالى 5 شهور السعر كان 2000ج

وبعدين مافيش حاجه بترخص واكيد اكيد دلوقتى اكتر من 2000ج لان المريوطيه سعر المتر فى الشقق وصل بالفعل ل 2000ج والرمايه اغلى من المريوطيه والهضبه اغلى واغلى

[نور القمر]

طيب مش تقول من الاول ان اواخر 2009 كانت من 5شهور واننا دلوقت في 2010 هو انا لسه هاحسب مين اقرب السنة ولا ال 5 شهور ههههههههههه

[أبو إياد]

والله انتى بعد ما شككتينى فى كلامى موتينى من الضحك لدرجه انى حاسس انى كاتب حاجه غلط وعمال اعيد قرايه المشاركه
هههههههههههههههههههه

بس شيلى من دماغك فكره البدل دى نهائى الافضل البيع على حدا والشراء على حدا وانا اعرف حد ساكن هناك اول لما افتكرت اسمه الحمد لله لقيته موجود على الموبايل بس للاسف مالقتش الرقم تقريبا اتمسح من اخر مره عملت سوفت

[نور القمر]

وانا كمان قعدت اضحك على نفسي
معرفش ليه كنت حاسة ان 2009 دي حاجة من زمان يجي 5 سنين كدة

[icehearted girl]

متصبري يابنتي شوية

يمكن ربنا يفتح عليكي وتعزلي وتخلصي مالـــ....

[M.ADEL KAMEL]

1300 -1500 جنيه للمتر الله يرحم ساعة ماكانت الشقة ال3 اوض ب 70 الف جنيه يوم ماتكون متشطبة دا انا شوف ايام ربنا يهون عليا الباقى بقى

[نور القمر]

الاسعار دي بعيدة جدا
انا اتوصلت لسمسار في منطقة الرماية
قالي فعلا السعر حوالي 2000 يزيد شوية او يقل على حسب التشطيب والدور اذا كان ارضي او اخير

[نور القمر]

متصبري يابنتي شوية

يمكن ربنا يفتح عليكي وتعزلي وتخلصي مالـــ....

الصبر نفد