عاوز البس نظاره شمس مع اني لابس نظاره طبيه اعمل ايه

[abogogo]

كلامك صح في موضوع البؤره لكن اخبار الليزك ايه
احكيلنا تفاصيل اكتر

ياريت فعلا تقولنا اخبار الليزك ايه
عشان سمعت انه بعد فتره بترجع تاني زي الاول

الحمد لله انا عامل ليزيك من سنتان في حدود 4500 جنيه تقريبا طبعا بعد ماسئلت طوب الارض لان العين غاليه وبعده توكلت على الله وعملتها هي العملية بالتحضير بتاخد 10 دقائق تقريبا بدون بنج البنج الوحيد عبارة عن قطرة توضع في العين وبتخرج تروح وانت لابس نظارة شمس مع شوية تعليمات مثل عدم الدعك في العين وعدم دخول ميه في العين اثناء غسيل الوجه مع عدد 2 قطرة توضع في العين .....بعد العمليه بتحس بفرق جامد انا فضلت شهر بعد العمليه بدون نظارة بعد الشهر كنت بحس ان الرؤيا بتكون ضعيفه مساءا عشان كان النظر استقر على الوضع الحالى والى بالنسبة لي نعمة وفضل من عند الله ..... طبعا بالنسبة لليزك مش كل العيون بينفع فيها الليزك لان العمليه دي عبارة عن كحت طبقة من القرنية طبعا بمقايس اجزاء من اجزاء من اجزاء المليمتر طبعا عشان يعمل عمليه الكحت دي لازم سمك القرنية يكون مساعد على كدة لان القرنية بتكون زي الكتاب وانت بتنزع عدد معين من صفحات الكتاب فلازم الكتاب يكون سمكه كبير
بالنسبة لرجوع الضعف تاني ده ممكن يكون في المقاسات الكبيرة زي حالاتي بس لما تكون -15 وتصبح 1.5 ده نجاح وايضا احد اقاربي عمل نفس العملية واستغنى خالص عن النظارة وعاملها من 5 سنين وبدون مشاكل وماشي زي الفل..... اه نسيت اقلكم ان حصل لي عرض وده ممكن يحصل لناس كتير ان يحدث جفاف للعين وبيروح بعد فترة يعني ممكن شهر او اقل والحل انك بتستخدم نوع من القطرة بترطب العين زي الدموع والان انا بفضل الله زي الفل واوقات بمشى من غير النظارة وبنزل البحر واغطس كمان كان زمان مشكلة بلنظارة الطبيه

[mr_sameh]

تقريبا هبدا افكر في موضوع الليزك ده

[MRBEBO]

تقريبا هبدا افكر في موضوع الليزك ده

بتهيئلي العدسات اللاصقة هتبقى اقل مخاطرة في الحالة دي

لان الليزك زي ما فهمت تشكيل للقرانية بالليزر ودي عملية مش بسيطة وممكن لاقدر الله يبقى ليها مشاكل لو الدكتور عمل غلطة غير مقصودة

[smsmxxxxxx]

طيب سؤال عن العدسات اللاصقة ( اللينسيز)

هيا الاسبوعية دى بتتخلع من العين كل اسبوع ولا اية ؟؟
واليومية اية نظامها ؟

وبتتغير كل قد اية ( يعنى 3 شهور او 6 شهور او او او )

واية احسن الانواع منها (ولا كلها نوع واحد !!) وسعرها كام تقريبا


اسف على الاطالة بس الموضوع طلع فى دماغى

الاخ العزيز eng.octooo

بالنسبة للعدسات اليومية بتناسب العين الحساسة ودى بتقلعها لما تيجي تنام بالليل

اما الاسبوعية فدى ممكن تخليها في عينك طول الاسبوع تنام بيها عادى ومتخلعهاش غير كل اسبوع
بس اللي بيحدد الكلام دا الدكتور علشان بيعرف حساسية عينك للعدسات مقدارها ايه

والمفروض انك كل ثلاثة شهور بتعمل كشف على عينك
وبيكشفلك على العدسات علشان يتاكد ان مفهاش اى مشكلة
لان فى ناس بتبخل في المحلول فبتغسل العدسات بكمية صغيرة
او بتحط العدسات فى نفس المحلول اللى كانت فيه اليوم اللى قبله

ودا غلط جدا بيبوظ العدسات وبيجيب التهابات للعين

اما بالنسبة للانواع فهي حسب نوع الخامة اللى معمول بيها العدسات
ودى طبعا لما بتتعامل مع دكتور نضيف ليه سمعة بيستخدم افضل حاجة علشان سمعته

وطبعا ابعد تماما عن اعلانات الجرايد بتاعة ال 100 جنيه والكلام الفارغ ده
لانى في البداية رحت لدكتور في ميدان فلكي واسترخصت والعدسات باظت فى ساعتها

اما الاسعار
فدى بتفرق حسب درجة قصر النظر عندك
ويفضل طبعا تجبها انتى ريفلاكشن علشان الكمبيوتر والتليفزيون لتقليل الاشعة الضارة الصناعية

بس عامتا العدسات والكشف بأقل من 500 جنيه

----------------
محمد سالم

[abogogo]

بتهيئلي العدسات اللاصقة هتبقى اقل مخاطرة في الحالة دي

لان الليزك زي ما فهمت تشكيل للقرانية بالليزر ودي عملية مش بسيطة وممكن لاقدر الله يبقى ليها مشاكل لو الدكتور عمل غلطة غير مقصودة

انا جربت العدسات ولم ارتاح لها التهابات ومحلول ولو العدسة وقعت مشكله وجو مصر والتراب تعبتني العدسات اوي برضوا المسأله على حسب طبيعة العين.....أما موضوع غلط في العمليه دي من النوادر جدا لان قبل العمليه في فحوصات مهمه بتتعمل وتبين العين ينفع فيها العمليه ولا لاء اما غلط الدكتور برضوه صعب لان العامل البشري في العمليه تقريبا بيكون 10% والباقي الكمبيوتر اهم حاجة تكون المعطيات صح عشان تكون النتيجه صح والمعطيات بتكون عن طريق الفحوصات الي بتتم عن طريق اجهزه دقيقة لعمل الحسابات المظبوطة والله الموفق

[abogogo]

ودي شوية فيديوهات بتتكلم عن العمليه دي

http://www.youtube.com
/watch?v=h80mFpGZ9A4

YouTube - ‫طھطµطظٹط ط§ظ„ط§ط¨طµط§ط± ط¨ط§ظ„ظ„ظٹط²ط± LASIK‬‎

[mr_sameh]

موضوع مرعب

[elrasy]

انا جربت العدسات ولم ارتاح لها التهابات ومحلول ولو العدسة وقعت مشكله وجو مصر والتراب تعبتني العدسات اوي برضوا المسأله على حسب طبيعة العين.....أما موضوع غلط في العمليه دي من النوادر جدا لان قبل العمليه في فحوصات مهمه بتتعمل وتبين العين ينفع فيها العمليه ولا لاء اما غلط الدكتور برضوه صعب لان العامل البشري في العمليه تقريبا بيكون 10% والباقي الكمبيوتر اهم حاجة تكون المعطيات صح عشان تكون النتيجه صح والمعطيات بتكون عن طريق الفحوصات الي بتتم عن طريق اجهزه دقيقة لعمل الحسابات المظبوطة والله الموفق

انا اسمع ان الخوف الاكبر فى الليزك مش الغلط فى عمل العملية لان دة نادر جداااا,لكن الخوف من استمرار جفاف العين او رؤية الهالات حوالين الاضواء فى الليل اللى بتخلى السواقة مستحيلة ليلا,,
يا ريت تطمنا على الموضوع دة.

[elrasy]

تقريبا هبدا افكر في موضوع الليزك ده

وانا كمان بقالى فترة طويلة بفكر فية ومحتاج تشجيع
المشكلة انى قريت كتير جدا عن الموضوع دة وطبعا القراءة الكتير خلتنى اعرف كل المضاعفات وكل الاشياء الكويسة والوحشة,,فعلا التدقيق الشديد فى اى حاجة متعب.

[D . a .\ AYMAN]

متابع معاكوا
لأني جربت جميع الوسائل اللى بتقولوا عليها ... مافيش حاجة ريحتني خالص
الحاجة الوحيدة اللى ماجربتهاش هية الليزك ... بس بصراحة خايف منها

[abogogo]

انا اسمع ان الخوف الاكبر فى الليزك مش الغلط فى عمل العملية لان دة نادر جداااا,لكن الخوف من استمرار جفاف العين او رؤية الهالات حوالين الاضواء فى الليل اللى بتخلى السواقة مستحيلة ليلا,,
يا ريت تطمنا على الموضوع دة.

انا قلت ان جفاف العين وارد وحصلي فعلا بس قعد حوالى شهر كنت بستخدم قطرة مخصصه لجفاف العين وموضوع الهالات برضه حصل معايا انك تلاقي هاله حولين اي اضائه ليلا بس الموضوع ده راح لما الجفاف راح وده بيكون عرض ومش دائما بيحدث ولم يؤثر على السواقة بالنسبة لي ...وانا الان طبيعي جدا جدا والحمد لله

[mr_sameh]

انا قلت ان جفاف العين وارد وحصلي فعلا بس قعد حوالى شهر كنت بستخدم قطرة مخصصه لجفاف العين وموضوع الهالات برضه حصل معايا انك تلاقي هاله حولين اي اضائه ليلا بس الموضوع ده راح لما الجفاف راح وده بيكون عرض ومش دائما بيحدث ولم يؤثر على السواقة بالنسبة لي ...وانا الان طبيعي جدا جدا والحمد لله

الحمد لله لان العين غاليه جدا