اعمل اييه فى الدنيا ؟؟؟

[mada121977]

الاخوه الافاضل بقالى كام يوه عمال افكر فى مشروع او فكره الواحد يزود بيها دخله فى ظل الظروف اللى احنا بنعيشها فى الوقت ده وكل ماافكر فى حاجه الاقى ان الفلوس مش هتكفى وخايف اديهم لحد ينصب علينا و يهرب ويبقى خسرنا كل حاجه هوا المبلغ مش كبير يعنى حوالى 30 الف بس فعلا محتار اعمل اييه ؟؟ و كنت بفكر اجيب جنيهات دهب زى ما الاخ الفاضل جندى مجند كان كتب موضوع قبل كده عن ده وروحت فعلا لواحد معرفه عنده محل دهب قالى ان غالبيه الجنيهات الدهب فى السوق بتبقى مضروبه ووزنها ملعوب فييه فصرفت نظر عن الموضوع , بس لقيت فى فتره قصيره زادت اسعار المواد والخدمات الاستهلاكيه والغذائيه بصوره رهيبه بالاضافه الى الزياده المرتقبه فى اسعار البنزين والتى سيترتب عليها ارتفاع اخر رهيب فى الاسعار لقيت ان الفلوس قيمتها بتقل وان قيمتها دلوقتى بقت حوالى 50% من قيمتها من اربع او خمس سنين فاتوا :( وفعلا مش عارف اعمل اييه؟؟؟

[Dr Ahmed]

مش هنعرف نقولك حاجة من غير ما نعرف نشاطك أصلا إيه وخبرتك أكتر فى إيه وساكن فين وهكذا..

ومبدئيا لو مثلا ليك خبرة فى السيارات ممكن تجيب سيارة مستعملة حالتها وحشة بسعر قليل وتصرف عليها كويس وتوضبها وتبيعها بسعر جديد بما تستحقه بعد توضيبك لها..

[mada121977]

مش هنعرف نقولك حاجة من غير ما نعرف نشاطك أصلا إيه وخبرتك أكتر فى إيه وساكن فين وهكذا..

ومبدئيا لو مثلا ليك خبرة فى السيارات ممكن تجيب سيارة مستعملة حالتها وحشة بسعر قليل وتصرف عليها كويس وتوضبها وتبيعها بسعر جديد بما تستحقه بعد توضيبك لها..

اييه يا دكتور؟؟ انتا محسسنى انك اول مره تشوف الاسم
على العموم اخوك مخرج فى تليفزيون الرياده الاعلاميه سابقا التليفزيون المصرى حاليا ومن المنصوره و بسافر من المنصوره للقاهره رايح جاى على الطريق 5 ايام فى الاسبوع , كل ماهنالك انى حببيت اعرف ممكن الواحد يزود دخله ازاى بالاضافه الى العمل يمكن يكون فيه حد عنده فكره او حل الواحد يستفيد بيه

[bimmeraddict]

الحل هنا:

http://www.shabayek.com/blog/

[Karim_Monir]

احمد باشا
بنك ال NSGB عامل صندوق اثمه صندوق ثمار
ده عبارة عن وثسقة بتشتريها مثلا بمبلغ 100 جنية زي صكوك الراجحي لو تسمع عنها
فوايدها مش ثابتة متغيرة لانها نتيجة استثمار في مشروعات والعهدة انها حلال
وواخدين عليها موافقات كتير قوي قوي من جهات كتير محترمة والمفتي ودار الافتاء وشيوخ بالسعودية
يا ريت تبص عليها
او لو جيت مرة ناحيتي ادخلك فرعهم اللي في شركتي ناس محترمين جدا والصكوك دي هايلة
وهيا مش بتنزل فوايد هيا نفسها بتزيد
يعني الل 100 كمان شهر تلاقي قيمتة 101
عايز اقوللك اللي اشتري في 2007 ب 100
قفل اخر السنة الصك على 111 وشوية
يعني معدل استثمار 11% سنوي وحلال
حاجة اخر فل

[analyzer]

اقولك ادفعهم مقدم عربيه وهتهالى انا اشغلهالك ايجار طول مدة القسط

[Dr Ahmed]

أسف لو كان ردى ضايقك أو فكرتى مش مناسبة ليك
وأنا فعلا رديت من غير ما أركز فى إسم المرسل

[mada121977]

الف شكر يا اخى الحبيب كريم على اهتمامك
الف شكر ل د/ احمد bimmeraddict على اللينك

[mada121977]

الاخ الفاضل analyzer انا كنت فكرت فى الفكره دى من فتره بس فيه واحد صاحبى قالى هتبقى مشكله لو لا قدر الله العربيه حصلها حاجه والبنك عرف انها بتتأجر ممكن حضرتك تدينى معلومات اكتر عن الموضوع ده

الاخ الفاضل د/ احمد حصل خير وانا دايما بعتبرك اخ اكبر وباقدر مشاركاتك دائما وبالنسبه لموضوع العربيات المستعمله انا فعلا جربت فيه فتره بس لقيت ان كله نصب وغش فماقدرتش اكمل وخسرت فيه بصراحه

[analyzer]

البنك ليس له علاقه بالعربية بتتاجر او مركونه او خلافه البنك ليه كل شهر القسط بتاعة لا اكثر ولا اقل وانت ليك عند البنك جواب بتاخده كل سنة تجدد بيه الرخصه لحد متخلص الاقساط وتاخد مخالصه وتفك الحظر من على العربية .
واعتقد ان صديقك بيتكلم عن شركة التامين مش البنك لو انت مامن تامين شخصى وحصل حاجه وشركة التامين عرفة ان الى عمل الحادث شخص اخر غير الى اسمة فى وثيقة التامين .

[mada121977]

الاخ الفاضل analyzer هل تأجير العربيه بيبقى بالشهر ولا عقد سنوى واييه الانواع المطلوبه ياريت شرح مستفيض