تأثير الكولا على لحم الخنزبر

[Ahmed A Rahman]

كويس أوي ، وهو الخنازير بس اللي كل المزارعين بيغلطوا فتربيتها ، أما كل الأنواع التانية من الحيوانات حضرتك ضمنها منهم . أنا مش عايز أدخل في جدال عقيم . أنا عايز أقول إنه زي أية حيوان تاني بينقل أمراض ولا أكتر ولا أقل . مع إختلاف الرعايه البيطرية من مكان لمكان هو داه اللي بيعمل الفرق . بس حضرتك بتحاول تضخم وتكبر الأمراض اللي بينقلها وفي نفس الوقت تتغاضى عن الأمراض اللي ممكن أي حيوان تاني ينقلها .


هسألك سؤال واحد وجاوب عليه . هل تعتقد إنه ممكن يبقى فيه خنزير عليه رقابة بيطرية سليمة ومافيهوش أي أمراض في حين إنه ممكن يكون فيه بقرة أو معزه أو حتى جمل معلهش رعاية وعندهم كل الأمراض . لو اجابتك آه يبقى متفقين ، وياريت لو تشرفنا هنا في أمريكا ، نبقى سعداء لاستضافتك

كلام حضرتك بالضبط هي اللي حاولت امريكا تعمله
عملت مشروع عشان تحاول تمنع العدوى في الناس والخنازير وبرضه مش نافع

even with the concurrent treatment of humans and pigs, complete elimination is hard to achieve. In one study conducted in 12 villages in peru, both humans and porcine were treated with praziquantel and oxfendazole, with the coverage of more than 75% in humans and 90% in pigs [19] the result shows a decreased in prevalence and incidence in the intervention area; however the effect did not completely eliminate t. Solium.

يا سيدي الفاضل أنا في سنة تالتة و لسا واخد الHelminths الترم اللي فات بس برضو احنا شغالين بالترمات فمراجعتهاش من فترة.

ربنا معاك يا دكتور وان شاء الله تخلص على خير


أنا عاجبني أسلوب سردك و لكن أنا حاسس ان فيه بعض المبالغة.
خالص, الموضوع كله هو عبارة عن تفسير علم الامراض مع علم الطفيليات

الTrichinella Spiralis أنا مقلتش انها شريطية.
خلاص سماح



الCysticercosis مش بيحصل في الT.Solium الا في المراحل المتأخرة.
لو اتصاب بالمرض ممكن. غير كده أنا مش شايف علاقة.

آدي كمان غلطة, Cysticercosis ملوش علاقة بزمن العدوى

لو الانسان اكل لحم الخنزير : حيجيله الدودة : ساعتها الانسان يبقى Definitive host

لو الانسان اكل بيضة لحم الخنزير : حيجيله Cysticercosis ساعتها الانسان حيبقى blind intermediate host

ولما يبقى جسمه مليان بالحويصلات دي كلها زي الصورة سموها blind لانه مش حيدي العدوى لحد ثاني غير لو اسد كله
و بعدين لو كان كلامك صحيح كان الخنزير هو كمان زي ما هو ديوث ييبقى الطبيعي ان يجيله تشنجات مثلا.

مش شرط
لاحظ حضرتك ان الخنزير عمره قصير عشان بيتربي عشان يندبح ويتاكل, وقت قصير عشان المرض يعمل اعراض

الانسان متوسط عمره 60=70 سنة
دي فترة كافية
في امريكا مثلا متوسط عمر الناس اللي بيجيلها المرض دا هي الاربعينات
لاحظ انهم بياكلوا مثلا وهما في العشرين

و بعدين في parasites كتير بتتنقل من أكل حاجات غير الخنزير زي الفاشيولا أو الToxocara Canis أو Diphyllobothrium.

مش معقول مثلا اقارن امراض فظيعة زي دي بمرض بسيط بيييجي من اكل سمكة مش مستوية كويس !!!
وبيعمل حبة انيميا وقرصين مضاد للديدان بيعالجهم زي Diphyllobothrium latum

Toxocara canis او حتى Toxocara catis
هما الاثنين بييجوا اصلا من القطط والكلاب والاكل الملوث بروث الكلاب والقطط وهما اصلا مبيتاكلوش

بالنسبة للفاشيولا Fasciola
ايوه هي دودة بتيجي في الكبد
فلاحين كتير في مصر مصابين بيها باعداد كبيرة
ياما كنت بتحسر على الكبد بتاع العيان لما تلاقيه مفيهوش بلهارسيا او كحول او فيروس سي وتلاقي الكبد متبهدل من دودة الفاشيولا

بس مين اللي سبب الفاشيولا دي ؟؟؟؟؟
مش هو الفلاح اللي نزل وقام باخراج برازه في الترعة ماهو لو معلمش كده يبقى مفيش فاشيولا لان الانسان بيعدي البقر وبيعدي الانسان اللي زيه

مش هو الانسان اللي بياكل الخضار من غير ما يغسله
يبقى هو اللي عمل في نفسه كده

[Mahmoud Saloum]

معذرة يا جماعة انا ليا تحفظ كبير فى النقاش الدائر حاليا وهو محاولة ايجاد تفسير علمى لاسباب التحريم ؟؟؟؟؟؟؟ ودى مصيبة كبيرة لأن العلم مردود عليه ولو سقط التفسير العلمى فقد سقط ما بنى عليه وهذه كارثة قد تصل الى الطعن فى الدين. ومع احترامى للاخوة الاطباء والعلميين فى المنتدى واللى اسهبوا فى شرح مخاطر لحم الخنزير و مساوئه احب ارد عليهم برد واحد وهو ان اوروبا بالكامل لا تأكل الا لحم الخنزير مش بس كده لا وممكن نص سوا او مدخن فقط !!! وعلى الرغم من كده صحتهم افضل من صحتنا 100 مرة ومتوسط اعمارهم اكبر من متوسط اعمارنا بكتير واصاباتهم بالامراض اقل بكتير جدا جدا عنا فيما عدا الامراض الجنسية طبعا.

دى نقطة النقطة التانية مش الخنزير بس اللى محرم لا الاسد والنمر والنسر و ....... وحاجات كتير محرمة ولا دول كلهم فيهم دود كمان؟

يا إخوانى قال الله تعالى " وَمَا آتَاكُمُ الرَّسُولُ فَخُذُوهُ وَمَا نَهَاكُمْ عَنْهُ فَانتَهُوا وَاتَّقُوا اللَّهَ إِنَّ اللَّهَ شَدِيدُ الْعِقَابِ" الحشر
يعنى ننفذ بدون محاولة ايجاد اسباب ودوافع للتنفيذ . ولا ننساق وراء التفسيرات العلمية اللى بتعضد ما جاء فى القرآن لانها فى مرات عديدة تكون مدسوسة لاحداث بلبلة فيما بعد عندما يثبت عدم صحة هذه التفسيرات. وشكرا

[SaberMan]

الحمد لله على نعمة الأسلام ما شاء الله الموضوع مفيد فعلا , ما أمرنا الله بشىء أو نهى عن منكر الا رحمه منه سبحانه على عباده .

[fadod]

معذرة يا جماعة انا ليا تحفظ كبير فى النقاش الدائر حاليا وهو محاولة ايجاد تفسير علمى لاسباب التحريم ؟؟؟؟؟؟؟ ودى مصيبة كبيرة لأن العلم مردود عليه ولو سقط التفسير العلمى فقد سقط ما بنى عليه وهذه كارثة قد تصل الى الطعن فى الدين. ومع احترامى للاخوة الاطباء والعلميين فى المنتدى واللى اسهبوا فى شرح مخاطر لحم الخنزير و مساوئه احب ارد عليهم برد واحد وهو ان اوروبا بالكامل لا تأكل الا لحم الخنزير مش بس كده لا وممكن نص سوا او مدخن فقط !!! وعلى الرغم من كده صحتهم افضل من صحتنا 100 مرة ومتوسط اعمارهم اكبر من متوسط اعمارنا بكتير واصاباتهم بالامراض اقل بكتير جدا جدا عنا فيما عدا الامراض الجنسية طبعا.

دى نقطة النقطة التانية مش الخنزير بس اللى محرم لا الاسد والنمر والنسر و ....... وحاجات كتير محرمة ولا دول كلهم فيهم دود كمان؟

يا إخوانى قال الله تعالى " وَمَا آتَاكُمُ الرَّسُولُ فَخُذُوهُ وَمَا نَهَاكُمْ عَنْهُ فَانتَهُوا وَاتَّقُوا اللَّهَ إِنَّ اللَّهَ شَدِيدُ الْعِقَابِ" الحشر
يعنى ننفذ بدون محاولة ايجاد اسباب ودوافع للتنفيذ . ولا ننساق وراء التفسيرات العلمية اللى بتعضد ما جاء فى القرآن لانها فى مرات عديدة تكون مدسوسة لاحداث بلبلة فيما بعد عندما يثبت عدم صحة هذه التفسيرات. وشكرا

والله مع إن قلت مش هاكتب تاني في الموضوع داه لكن ردك أجبرني إنه أرد وأقول يسلم بقك ، عمال أقول حد يكتب لي على إثباتات علمية ، جبتو الكلام دة منين، الناس ترجع وتجيب لي ايات.ماهو من الناحية الدينية مفيش إختلاف بس المنتدى مش ديني. وسبب فتح المناقشة إن عضو جاب مقطع علمي من على يو تيوب. لو عايزين تحويل الموضوع إلى ديني خلاص أنا مش هناقش.


كنت قاعد في مكتبي لغاية ما الدكتور المشرف على إمتحاناتي دخل علي ساعة أزمة إنفلونزا الخنازير وقالي قريت إلي في CNN ، قلت له لأ ، قاللي بلدكم قررت تدبح كل الخنازير إلي عندها، هو انتم عملتم أبحاث اثبتت إن دبحها هيقلل العدوى ، يا ريت لو فيه حاجة تدور عليها و دة هيكون مشروع الاسبوع دة . دخلت على CDC وعلى كل مواقع ID ومش لقي أي حاجة ، طيب يوم الجمعة هقول لهم إيه وانا بعمل ال-presentation قدام المشرف والاعضاء . اطريت قبلها بيومين أقعد مع المشرف وأوضح له إني عايز أغير البحث بتاع الاسبوع داه لأني مش لاقي سبب علمي ، كل الاسباب اللي في بالي دينية والرجل وافق وغيره.الرجل لما قلت ليه السبب ديني بحت إقتنع جداً ومقلش حاجة ، عمر ماكان العلم بيثبت أو ينفي أي دين.



الغريب إن أعلى بلدين على مستوى العالم كانو اندونسيا ، وفيها أعلى نسبة مسلمين ومصر .

[devilishtigers]

الحمد لله على نعمة الأسلام ما شاء الله الموضوع مفيد فعلا , ما أمرنا الله بشىء أو نهى عن منكر الا رحمه منه سبحانه على عباده .

+111111111111111111111
الحمد لله

[age]

ربنا يعفينا منها ومن لحوم الكلاب والحمير اللي منعدمي الضمير بيدبحوها ويبعوها لنا

[ecybrarian]

تعرفوا يا جماعة احنا لو كنا سيبنا النقاش بين الدكاترة فقط حول الموضوع كنا استفادنا اكتر..ما هو احنا كدا كدا مش هاناكل لحم الخنزير..لكن نتعلم من الدكاترة ونعرف معلومات عن ما يمكن ان يصيب الانسان من الحيوانات عموما..انا شخصيا اتعلمت حاجات كتيييييير من الموضوع دا