استشاره في موضوع ارضيات سيراميك مطلوب النصيحه السريعه

[amir]

استشاره من اهل الخبره
حاليا في اوض نوم ارضياتها خشب باركيه
عايزين نركب سيراميك
اراجل بتاع السيراميك بيقول انها مش شغلته انه يفكه
و مطلوب اننا نجيب ناس تفكه
السؤال بقي
هل كلامه مظبوط ولا هو اللي المفروض يشيل و يركب
و بالنسبه للباركيه ذات نفسه
هو عباره عن الواح خشب طويله متركبه جنب بعض
هل الواح الخشب دي تتباع لنجار مثلا ييجي يفكها و يشيلها ولا ايه؟
ارجو سرعه الرد و شكرا

[hussein]

استشاره من اهل الخبره
حاليا في اوض نوم ارضياتها خشب باركيه
عايزين نركب سيراميك
اراجل بتاع السيراميك بيقول انها مش شغلته انه يفكه
فعلا الراجل معه حق و هو مش تخصصه و لا يملك الادوات اللزمة للباركيه
و مطلوب اننا نجيب ناس تفكه
السؤال بقي
هل كلامه مظبوط ولا هو اللي المفروض يشيل و يركب
و بالنسبه للباركيه ذات نفسه
هو عباره عن الواح خشب طويله متركبه جنب بعض
هل الواح الخشب دي تتباع لنجار مثلا ييجي يفكها و يشيلها ولا ايه؟
اه طبعا بس ممكن متجبش فلوس اوى
ارجو سرعه الرد و شكرا

[nab!l]

اللى اقدر افيدك فيه ان الباركيه صحى عن السيراميك
والله اعلم

[A.Saad]

اعتقد لو الباركية حالته كويسة ممكن تلمعه لو تحب لان
السيراميك فى الشتاء سخيف جدا لانه بيطلع رطوبة

[M.almaghraby]

بصراحة الباركيه احلي بكتير

[amir]

متشكر للردود بس مش الباركيه اللي في بالكم
ده عباره عن الواح خشب طوليه مدهونه فلوت
و قديم
انا مش بدور علي فلوس اكسبها من ورا منه
انا بتسائل هل اللي هييجي يفكو ياخدو و ينزلو و كده تمام ولا هدفع فلوس اضافي؟
و اجيب مين اصلا نجار ولا فواعليه من الشارع؟

[SunSet]

متابع باهتمام

[sara2001]

متشكر للردود بس مش الباركيه اللي في بالكم
ده عباره عن الواح خشب طوليه مدهونه فلوت
و قديم
انا مش بدور علي فلوس اكسبها من ورا منه
انا بتسائل هل اللي هييجي يفكو ياخدو و ينزلو و كده تمام ولا هدفع فلوس اضافي؟
و اجيب مين اصلا نجار ولا فواعليه من الشارع؟

ده اكيد عباره عن الواح خشب موسكي طوليه ومدهونه فلوت وممكن يتم كشطها ودهانها من جديد إذا كان حالتها تسمح بكده وده افضل من السيراميك في غرف النوم
اللي يعرف في الموضوع ده نجار أرضيات وهو برده اللي ممكن يفكه لحضرتك وتتفق معاه على تنزيله وكده
بس نصيحه لو حالته كويسه وينفع يتجدد خليه لأنه زاد جدا دلوقتي
المتر في حدود من 160: 180 مفيش مقارنه بينه وبين السيراميك

[aif]

حاول الابقاء على الباركية .... ولو قديم يبقى خامته ح تكون افضل
هات واحد يكشطه ويصنفره ويدهنه ..... احسن من السيراميك 1000 مرة
بالتوفيق ان شاء الله

[amir]

انا شايف الناس كلها مجمعه علي الباركيه عن السيراميك
يا جماعه ده بقاله اكتر من 20 سنه
و تقريبا هو فعلا خشب موسكي
و متشكر علي المعلومه
بس نصيحه ليكو بقي
بعد فتره من الزمن بيكون فراغات (او نوعيته مكانتش بجوده ممتازه)
و اجارك الله الفراغات دي بتحوش ايه من اوساخ و فضلات و بتكون مرتع للحشرات خصوصا لو الجو حر
طبعا الوضع موصلش لسه لكده تحديدا
بس الفراغات دي بقت ممله غير انه بقي بيزيق و فاضي من تحته
اكيد طبعا ال hdf هيكون احلي بكتير
علي الاقل لما بيتركب بيكون لازق في بعضه عدل
و احنا الحمد لله اشترينا بورسيلن خلاص
و متشكر جدا جدا جدا لكل عضو و عضوه شاركو في الموضوع

[amir]

و نسيت اضيف حاجه كمان
علي مر الوقت الكراسي بالذات لو من غير عجل بتسيب اثار كتيره قوي عليه
انا مكنتش اعرف انه بالاسعار دي بس حاسس ان ال hdf احلي منه مليون مره

[NaderNabil]

انا شايف الناس كلها مجمعه علي الباركيه عن السيراميك
يا جماعه ده بقاله اكتر من 20 سنه
و تقريبا هو فعلا خشب موسكي
و متشكر علي المعلومه
بس نصيحه ليكو بقي
بعد فتره من الزمن بيكون فراغات (او نوعيته مكانتش بجوده ممتازه)
و اجارك الله الفراغات دي بتحوش ايه من اوساخ و فضلات و بتكون مرتع للحشرات خصوصا لو الجو حر
طبعا الوضع موصلش لسه لكده تحديدا
بس الفراغات دي بقت ممله غير انه بقي بيزيق و فاضي من تحته
اكيد طبعا ال hdf هيكون احلي بكتير
علي الاقل لما بيتركب بيكون لازق في بعضه عدل
و احنا الحمد لله اشترينا بورسيلن خلاص
و متشكر جدا جدا جدا لكل عضو و عضوه شاركو في الموضوع

الباركيه اللي عندنا في الشقة نفس النوع....
و بالفعل...سئ للغاية...نفس العيوب اللي حضرتك ذكرتها بالظبط موجودة عندنا حتى بعد كشطه و تلميعه...

أفضل الخيارات لغرفة لنوم هو الباركيه الأرو و ده طبعاً مرتفع الثمن ...أو الباركيه ال hdf...و ده فعلاً ممتاز و عالي الإستحمال و يعطي نفس مميزات الباركيه العادي من حيث عزل الصوت و الدفئ بالإضافة لسعره الرخيص نسبياً و شكله الرائع
متر الhdf الألماني ب 70 جنيه شامل التركيب

[mohamed_selim]

انزل مكرم عبيد حوالين التوحيد و النور هتلاقى محلات باركيه كتير
قولو عايز صنايعى و خليه يشوف الوضع و يقولك احسن تصرف