إعـــــــلان

Collapse

.

,
See more
See less

عايزين نناقش فكرة السفر بره للعمل

Collapse
X
 
  • Filter
  • الوقت
  • Show
Clear All
new posts

  • #46
    المشاركة الأصلية كتبت بواسطة eng.octooo مشاهدة المشاركة
    طيب ازاى تاخد جنسية اجنبية (اوروبية -امريكية اى حاجة)

    ولو عاوز الجنسية بس هاتقعد بيها هنا فى مصر ....هاتسيب الجنسية المصرية ولا بتكون معاك ؟؟؟

    ولو اتجوزت اجنبية بتاخد الجنسية على طول ؟

    يعنى لو انت تعرف واحدة اجنبية وقلتلها هاتجوزك (على ورق بس)
    وتاخدى مبلغ معين وانا اخد الجنسية ؟؟؟ ينفع !!!

    معلش طولت عليكم بس الاسئلة دى فى دماغى ..
    موضوع الجنسية مش بالسهولة دي خالص وكل بلد وليها قوانينها في بلاد بتلزمك انك تقعد فيها 5 سنين من غير ما تطلع منها عشان تاخد الجنسية او بيكون ليك كل سنة عدد ايام معينة تسافر فيها وترجع تاني
    وفي دول بتفرض عليك انك تتنازل عن الجنسية المصرية
    وخلي بالك الاجانب مش ساهلين ومافتكرش ان في واحدة هتوافق علي موضوع جواز الورق ده وحتي لو وافقت فانت هتدفع كتيرررررررر :b4_556:
    ( وكان الانسان اكثر شيء جدلا }

    Comment


    • #47
      من الأخر اللي عندة فرصة السفر لبلد بتحترم أدميتة و فيها قانون و نظام و مفيش فيها كفيل و الكلام الفارغ دة

      بنصحة انة يسافر حتي لو راتبة متساوي مع راتبة في مصر

      بلدنا للأسف بقت وحشة قوي علي كل المستويات و تحولنا فيها إلي لاجئين نعامل معاملة القرون الوسطي

      و يا ريت ياخد عيالة معاه يمكن ربنا يكرمة و يعلمهم تعليم محترم

      Comment


      • #48
        المشاركة الأصلية كتبت بواسطة eng.octooo مشاهدة المشاركة
        طيب ازاى تاخد جنسية اجنبية (اوروبية -امريكية اى حاجة)

        ولو عاوز الجنسية بس هاتقعد بيها هنا فى مصر ....هاتسيب الجنسية المصرية ولا بتكون معاك ؟؟؟

        ولو اتجوزت اجنبية بتاخد الجنسية على طول ؟

        يعنى لو انت تعرف واحدة اجنبية وقلتلها هاتجوزك (على ورق بس)
        وتاخدى مبلغ معين وانا اخد الجنسية ؟؟؟ ينفع !!!

        معلش طولت عليكم بس الاسئلة دى فى دماغى ..
        يابني روح ذاكر الله يكرمك
        مش كفايه التجارب اياها بتاعت الفيزيا
        ده انا كنت هعيط عليك و الله لأني عارفها و فاكرها من ساعه ما خدتها من اكتر من 7 سنين
        ياللا روح ذاكر علشان تخلص علي خير و تيجي المقابله و ننبسط
        =======================================

        و بالنسبه لباقي المشاركين
        اديني اهو دكتور اسنان
        و بعتبر نفسي الحمد لله عندي علم و ممارسه كويسين
        مرتب وزاره الصحه 300 و حاجه
        خيبه ايه دي
        و حاولت ادور علي شغل في مستشفيات وزارات اخري من اللي بيدو مرتبات كويسه و معقوله و بيوفرو ظروف شغل تخليك تشتغل دكتور اسنان بجد مش القنابل الصامته المسماه عيادات وزاره الصحه!!!
        مطلوب واسطه او مجموعه من الوسايط معادتش متوفره للاسف
        بشتغل في عيادتين في اماكن مختلفه
        و اللي جي يدوبك علي قد مصاريفي الشخصيه
        و مش بانتظام
        بحضر ماجستير و قلت اخلص و احاول اشتغل بيه في مكان محترم او اسافر
        و ادي الدكاتره في الكليه و نتيجه خلافات شخصيه بينهم و بين بعض الماجستير و سنتين من عمري و مجهود كبير فيه علي كف عفريت!!!
        و غالبا هسيبه و ابدء في واحد تاني!!!!
        هل معامله زي دي جوه بلدي و اتمسك بيها برضو؟!!!
        ارض الله واسعه يا جماعه
        و كل مكان فيه الكويس و فيه الوحش
        بس لما الوحاشه تبقي اكتر بكتير
        يبقي اللي فاضل ايه
        تنزل الشارع تلاقي الطريق زحمه و شوارع مكسره و وسائل مواصلات غير ادميه
        تركب تاكسي تلاقي السواق بينصب عليك
        اسعار مواد غذائيه في ارتفاع مستمر
        تتعامل مع صنايعي تلاقيه بيغلي الاسعار عليك و ياريت شغله يفضل كويس
        تدور علي شقه تلاقي اسعار فلكيه مقارنه بالاجور
        تحمد ربنا علي نعمه عليك و تستني غد افضل لكنه مش بيقرب ده بيبعد
        تفكر في جواز
        تلاقي ان اللي معاك مش هيكفي متطلبات الجواز من عفش و فرش و تجهيز
        غير الفرح و الشبكه و مهر و باقي الحاجات
        تعدي التفكير في الخطوات الاولي من الموضوع ده
        و تسئل نفسك السؤال الصعب
        طب بعد الجواز
        هل كل يوم هتقدر تأكل الانسانه اللي معاك دي؟
        هل هتقدر تلبسها و تجيبلها متطلباتها؟
        هل لما ربنا يرزقك بالاطفال هتقدر علي مصاريف المدارس و الالوف المؤلفه بتاعتها في اولي حضانه!!!!
        لا حول ولا قوه الا بالله
        ايه العمل بقي؟
        نقعد في البلد و نكمل الواقع الاليم ده لحد ما نموت؟
        ولا نسافر و نحاول نغرس نفسنا في ارض جديده و ننبت هناك
        مستني المناقشات

        Comment


        • #49
          انا الموضوع مش فى دماغى انا بس كنت عاوز اعرف الاجابات ...وعرفتها منكم الحمد لله

          والاخ الى بيقول تجارب فيزياء دة ...هاخلية يشرحهالى الترم الجاى هههههههههههههههه
          [CENTER][B] :penguin4: [/B][B][SIZE=4]
          [/SIZE][/B][/CENTER]

          Comment


          • #50
            المشاركة الأصلية كتبت بواسطة dolly13 مشاهدة المشاركة
            والله موضوع السفر ده كبير شوية
            لو قصدكو على السفر لدولة عربية علشان تحوش
            يبقى قصدكو عودة فكرة العبيد من اجل المال
            وفى الاخر هاتيجى مصر تدفع اللى كسبته عند الدكاترة علشان تتعالج نفسيا وجسديا من المعاناة اللى شفتها هناك وايا كان منصبك
            طبعا هو راى قوى شوية لكنه وجهة نظرى اللى لمستها مع ناس كتيييييييييييير اعرفهم ومنهم اخواتى
            انا ارفض ان نكون عبيد للعرب تحت اى مسمى
            تقبلوا مرورى
            100%
            رينو لوجان الجديده .... بتعمل كل حاجه بس مبتعومش ... ومبتمشيش عالحيطه :B4_048:

            Comment


            • #51
              المشاركة الأصلية كتبت بواسطة eng.octooo مشاهدة المشاركة
              انا الموضوع مش فى دماغى انا بس كنت عاوز اعرف الاجابات ...وعرفتها منكم الحمد لله

              والاخ الى بيقول تجارب فيزياء دة ...هاخلية يشرحهالى الترم الجاى هههههههههههههههه
              ايه يا عم اوكتو

              انت نسيت انا مين؟
              و سؤالك هبقي اجاوبك عليه اجابه شافيه لما نتقابل

              Comment


              • #52
                المشاركة الأصلية كتبت بواسطة amir مشاهدة المشاركة
                ايه يا عم اوكتو

                انت نسيت انا مين؟
                و سؤالك هبقي اجاوبك عليه اجابه شافيه لما نتقابل

                هههههههههه لا ابدا يا دوك .......بس حبيت اناكشك ..
                [CENTER][B] :penguin4: [/B][B][SIZE=4]
                [/SIZE][/B][/CENTER]

                Comment


                • #53
                  اجازة من المنتدى بدون مرتب ليوم 17/5 بسبب الامتحانات
                  ادعولى انجح واعدى على خير

                  بامارة ايه الاجازة دي!؟
                  [CENTER]نحـــن بحاجــة "للخلافـــات" أحيــــانا ، لمعــــرفة ما يخفيـــــه الأخــرون فــي قلوبـــهم ، قد تجــــد مـــــا يجعــلك فــي ذهــــول و حيــــرة ، وقـــــد تجـــد مـــا يجعلـــك تنــزع قبعتــك إحتـــــــرامـــا لــــــه
                  [/CENTER]

                  Comment


                  • #54
                    المشاركة الأصلية كتبت بواسطة muslima مشاهدة المشاركة
                    بامارة ايه الاجازة دي!؟
                    والله ما اعرف كل شوية اقول مش هادخل المنتدى غير بعد الامتحانات لحد ما اخر يوم بقا بكرة وعندى اخر امتحان بعد 7 ساعات هههههههههه
                    المنتدى بجد بقا ادمااااااااان
                    [CENTER][B] :penguin4: [/B][B][SIZE=4]
                    [/SIZE][/B][/CENTER]

                    Comment


                    • #55
                      ميت ألف فرصه عشان أسيب مصرولا عمري سبتها علشان هى بلادي اللي بجد بحبهابحبها بكدبها وصدقها





                      بحب فيها أصالة وندالة أهلها بحب فيها السهر بحب زيفها وأصلها




                      بحب فيها طلعه الشمس تنور وشها بحب فيها القمر طالع يغازل حسنها



                      بحب فيها المشي علي شط نيلها وبحرها



                      بحب فيها بناتها راسمين ملامح شعبها







                      هتلاقي فين بلد فيها الكنايس والجوامع بتحضن بعضها مسلم مسيحي إخوات راضعين طيبة من صدرها
                      نبع الحنان ويناموا حاضنين أرضها



                      هتلاقي فين تاني بلد كل حاجه فيها تخليك تحبها هتقولي ظالمه هقولك برضو بحبهاهتقولي ضالمهمهو ده سواد شعرها



                      هتقولي زحمه هقولك علشان بنعشق أرضها



                      هتقو لي فيها فساد هقولك ده من طيبه شعبها



                      جرب كده تسهر ولو وحدك علي ضف نيلها وحبهاجرب تشوف بنت حلوه مع شاب واقف جنبها



                      بيحبها شايل في قلبه هموم الدنيا كلها وبرضو بيحبها جرب كده تاكل دره وترمس علي شطها



                      وتشوف وشوش الناس وإضحك زيها





                      طب وإنت ماشي لوحدك ووقعت في مشكله مش بتلاقي ألف واحد جـنـبك بيحلها لا تعرفهم ولا يعرفوك بس جمعكم حبها
                      اهي هي دي مصر زاحمه ظالمه فاسده ضالمه مش مهم ده كفايه خفت دمها

                      هأفضل لمصر أقول وأعيد أنا أصلي عاشق أرضها



                      وطبعا ده كله كلام في الهوا أنا لو تجيني نص فرصة هقول لها بالسلامه يا مصر ومش عايز أشوف وشهاوهي دي بقى الندالة اللي بحبها في أهلها




                      ................................

                      [CENTER][FONT=Comic Sans MS]


                      [/FONT][/CENTER]

                      Comment


                      • #56
                        قصيدة جميلة جدا
                        واحلى حاجة فيها الندالة اللى فى الاخر دى
                        [SIGPIC][/SIGPIC]

                        Comment


                        • #57
                          الحمد لله انا شغال هنا وبمرتب كويس بيكفينى احمد الله على كل شيء
                          لكن اقسم بالله لو جاتلى فرصه للسفر حتى فى الصومال او موريتانيا
                          لن اتردد حتى لو هعيش اكل واشرب فقط الفلوس مش كل شيء بالنسبه لى
                          فى الدنيا لكن لو ذكرت اسباب ممكن العضويه تتوقف او حد يكلمنى كلام مش
                          كويس وفى النهايه كما قال الله فى كتابه الكريم
                          ( وَمَا تَدْرِي نَفْسٌ مَاذَا تَكْسِبُ غَدًا وَمَا تَدْرِي نَفْسٌ بِأَيِّ أَرْضٍ تَمُوتُ إِنَّ اللَّهَ عَلِيمٌ خَبِيرٌ )
                          [SIGPIC][/SIGPIC]
                          اللذين يقاتلون يحق لهم أ يأملوا فى النصر
                          أما اللذين لا يقاتلون فلا ينتظرون شيئا سوى القتل

                          Comment


                          • #58
                            المشكلة في السفر للخارج تنحصر في الاتي:-
                            1- لو متزوج و عندك اولاد و مش ح تقدر تأخذهم معاك
                            2- نظام العمل في الدول الخليجية بالتحديد يعتمد علي نظام الكفالة يعني مش بتقددر تخرج من البلد الا بعد موافقة الكفيل مش بتقدر تعمل اي حاجة مثل عمل رخصة قيادة الا بعد موافقة الكفيل
                            3- حكم النفس علي النفس في الغربة وحش
                            4- معاملة المصري للمصري في الغربة و خصوصا اذا كان في منصب اعلي كارثة
                            5- المصري في حالة وجوده بمنصب عالي يعامل المصريين معاملة سيئة للغاية اسوة بمعاملته للجنسيات الاخري و اصحاب البلد صبعا
                            6- العربي اللي بيكون كفيلك لما بيحس انه متملكك و الاحساس ده بيوصلك بيكون شيء صعب جدا
                            7- في الغربة بتكون حياتك روتينية جدا و عاليه عمرك بيعدي بسرعة من غير ما تحس

                            انا رأي ان اللي شغال في بلده و عايش و لو حتي تحت المتوسط يبقي احسن من السفر للخارج

                            طبعا اظن انه في حالة اصطحاب الاولاد في حالة سماح الظروف بذلك الوضع بيكون احسن طبعا
                            لانهم بيهونوا عليك الغربة

                            Comment


                            • #59
                              المشاركة الأصلية كتبت بواسطة mohamedfadel مشاهدة المشاركة
                              المشكلة في السفر للخارج تنحصر في الاتي:-
                              1- لو متزوج و عندك اولاد و مش ح تقدر تأخذهم معاك
                              2- نظام العمل في الدول الخليجية بالتحديد يعتمد علي نظام الكفالة يعني مش بتقددر تخرج من البلد الا بعد موافقة الكفيل مش بتقدر تعمل اي حاجة مثل عمل رخصة قيادة الا بعد موافقة الكفيل
                              3- حكم النفس علي النفس في الغربة وحش
                              4- معاملة المصري للمصري في الغربة و خصوصا اذا كان في منصب اعلي كارثة
                              5- المصري في حالة وجوده بمنصب عالي يعامل المصريين معاملة سيئة للغاية اسوة بمعاملته للجنسيات الاخري و اصحاب البلد صبعا
                              6- العربي اللي بيكون كفيلك لما بيحس انه متملكك و الاحساس ده بيوصلك بيكون شيء صعب جدا
                              7- في الغربة بتكون حياتك روتينية جدا و عاليه عمرك بيعدي بسرعة من غير ما تحس

                              انا رأي ان اللي شغال في بلده و عايش و لو حتي تحت المتوسط يبقي احسن من السفر للخارج

                              طبعا اظن انه في حالة اصطحاب الاولاد في حالة سماح الظروف بذلك الوضع بيكون احسن طبعا
                              لانهم بيهونوا عليك الغربة
                              الله يسعدك دنيا وآخرة يا أ.محمد
                              قل ودل والله يا أ . محمد
                              بس يا جماعة انا برضو متردد جدا ومش قادر اخد القرار وانا الفرصة موجودة قدامي والله ، بس انا ما شقتش تجربة ناجحة لحد من الناس اللي سافروا لكن الناس اللي ما سافرتش في كتير منهم ربنا يسرلهم الحال هنا وشغالين دلوقتي احسن من الناس اللي بره ماديا ونفسيا ويكفي انك في بلدك ما حدش هيقولك استغنينا عن خدماتك ومتشكرين .
                              [CENTER][FONT=Comic Sans MS]


                              [/FONT][/CENTER]

                              Comment


                              • #60
                                أنا قريت كلامكم كله و لقيت أرائكم فى موضوع السفر بين الترغيب و الترهيب. أنا هأحب أشارك برأيى من الناحية النفسية بس. يعنى أنا مسافرتش بره بس جربت أشتغل بعيد عن عيلتى و أشوفهم يوم واحد فى الأسبوع (يعنى أرحم بكتييير من المسافريين بره مصر اللى بيشوفوا أهلهم مرة فى السنة). كنت ماشى فى الشغل زي الصاروخ الحمد لله و بحقق طموحى فى المجال اللى بحبه
                                لكن مكنتش مبسوط..حاسس أن كأنى خذلت والدتى أنى بعد ما كبرت سايبها لوحدها و كنت ندمان على الوقت اللى بيضيع و أنا مش مع أهلى. ده غير أن الروتين الرهيب فى الشغل بيخلى السنين بتعدي بسرعة و الواحد مش حاسس. و الأهل مش بيعيشوا للأبد مستنينا لما نرجع لهم.
                                و فكرت قلت عجيبة أن ناس غيري ممكن تسافر بره بتجمع فلوس عشان تعيش عيشة حلوة بس فى المقابل بيضيعوا سنين عمرهم و شبابهم..يعنى بيضيعوا الحاجة اللى بيشتغلوا عشان يتمتعوا بيها. قصدي أن حياتنا دي مش هدف أحنا رايحينله ..دي الطريق اللى أحنا ماشيين عليه و احنا رايحين للهدف ده!
                                المهم رجعت و جربت العكس: عايش مع أهلى بنفسية مستقرة بس طبعا شغل لا يحقق ذرة طموح و خبرة اليوم بخدها فى سنة و عدم أمان للمستقبل (يعنى عكس الوضع التانى تماما) .. لما قارنت بين الوضعين شايف ان الوضع التانى أحسن شويه .. فعلا راحتك بفلوس. و لما تتعب فى بلدك فى الشارع و معاملة الناس و الطوابير اياها و ضيق اليد بتلاقى فى بيتك اللى بيهون عليك و مشاركك الحياة حلوها و مرها.
                                الحاجة التانية اللى رجحتلى الوضع التانى كتير أن الوقت بيجري بجنون..الواحد بيبدأ شغل السبت أو الأحد بيلاقى الخميس جه!!! طيب على الأقل أنا الوقت اللى بيجري ده مقضيه مع أهلى ومش هييجى يوم أندم على عمر ضيعته عايش لوحدي.
                                أسف ياريت مكونش تقلت عليكم بمشاركتى. أنا رأيى بالنسبة للموضوع ده طالما مرتبك متوسط و معقول يبقى راجع نفسك قبل السفر..لكن لو مفيش شغل أو مرتب يكفل لك حياة كريمة و مفيش حد عزيز عليك يربطك هنا يبقى أرشحلك السفر هناك هناك 200%
                                و فى الوضعين زي ما بيقولوا You have to take the bitter with the sweet
                                [CENTER]Bad dreams in the night.
                                They told me I was going to lose the fight.
                                Leave behind my wuthering, wuthering Wuthering Heights [/CENTER]

                                Comment

                                Working...
                                X