هو انا كده صح

[mrwho1982]

السلام عليكم اولا

ثانيا احب ابلغكم علي موقف وحوار دار بيني وبين زوجتي

روحنا يومين العين السخنة في ستيلا دي ماري وكانو زي الفل جيت يوم الجمعة بفتح الجهاز ملاقيش نت

طيب ازاي المفروض اني دافع 650 جنيه في اليوم فبناء علية لازم نت خاصة ان فودافون 3g مش مغطي المنطقة دي

فقلت لزوجتي انا هاكتب فب الاقتراحات الموضوع ده قالتلي لا ماتكتبش ماحنا نزلنا قبل كده في كذا فندق وماكانش فيهم نت

فكان ردي ان الناس من كثرة ماتعودت علي الوضع الغلط اصبح الصح غلط والغلط صح

المهم انتهي الحوار باني مش هاكتب شكوي لاني مش عايز اخش في حوار مالهوش لازمة

انا وانا قاعد دلوقتي بفكر اكتب ايميل للفندق واشتكي فيه من النقطة دي


ياتري انا كده صح ولا غلطان يعني لو يدخل نت ويوزع علي شبكة مش هايدفع كتير هما 2000 جنيه كل شهر

طبعا المبلغ ده بالنسبة لفندق 5 نجوم وفيه كمية اجانب رهيبة مايفرقش معاه خالص

معلش صدعتكو معايا بس انا في خصلة من صغري لو لقيت حاجة غلط بقول عليها واللي يحصل يحصل

[Eng_Mostafa_89]

عادى يا باشا
انا شايف انة اقتراح عادى ومفيهوش اى مشاكل
لو عجب الادارة ووفقت علية كان بها واكيد هيزود مميزتهم ولو موفقوش علية خلاص

[mhmdalsaadany]

الصح طول عمره صح
لازم تعمل كدا واوعى تسيب حقك
انا زيك بالظبط على فكره وانا دايما دائم المشاكل لاني مبسيبش حقي حتي ولو كان صغير لان اللي بيتنازل في الصغير هيتنازل في الكبير

[dode2002]

قدم اقتراحك ومفيش مشكله

[mahmoodallam]

انا رايي ان الحاجة الغلط لازم يكون ليك منها موقف ول بمجرد ابداء راي
وهي دي الايجابية مع احترامي لزوجتك قولها احنا كدا مش هنتقدم قدام

[Moh.Fahmy]

لازم نكون ايجابيين ازاي يكون فندق 5 نجوم و مافيهوش نت
ده حق اصيل ليك و لاي عميل امال 5 نجوم ازاي يعني
لازم طبعا تبعتلهم و لو لم يستجيبوا ممكن تبعت شكوي لغرفة السياحة بالغرفة التجارية هما حيتصرفو ا مع ادارة الفندق

[devilishtigers]

حضرتك عندك اقتراح ومش فيها اي مشكلة ابدا انك تعرضه وده من حقك

[الغزالى]

[justify]هوا عادى انك تقدم الاقتراح دة لادارة الفندق زى ما باقى الناس قالت ,,, ومراتك بس همها كلة انك متعملش مشاكل او بمعنى اصح متحطش نفسك فى مشاكل هيا فاكرة انك لما ها تقدم شكوى ها تتحط فى مشاكل وكدة انما هوا عادى [/justify]

[mrwho1982]

شكرا لجميع الردود وانا توصلت لقرار الا وهو تقديم شكوي عالسايت بتاعهم

ونشوف اللي هايحصل ايه

[mado83]

طب اصطاد انا فى الميه العكره زى مابيقولو واقول لحضرتك حجزت ازاى اليومين دول وايه تفاصيل الخدمه ودفعت كام يعنى كل شى بعد اذنك لو ممكن

[powerofhelll]

يا راجل انت صح الصح ده الي المفروض تعمله

[hishammb]

السلام عليكم اولا

ثانيا احب ابلغكم علي موقف وحوار دار بيني وبين زوجتي

روحنا يومين العين السخنة في ستيلا دي ماري وكانو زي الفل جيت يوم الجمعة بفتح الجهاز ملاقيش نت

طيب ازاي المفروض اني دافع 650 جنيه في اليوم فبناء علية لازم نت خاصة ان فودافون 3g مش مغطي المنطقة دي

فقلت لزوجتي انا هاكتب فب الاقتراحات الموضوع ده قالتلي لا ماتكتبش ماحنا نزلنا قبل كده في كذا فندق وماكانش فيهم نت

فكان ردي ان الناس من كثرة ماتعودت علي الوضع الغلط اصبح الصح غلط والغلط صح

المهم انتهي الحوار باني مش هاكتب شكوي لاني مش عايز اخش في حوار مالهوش لازمة

انا وانا قاعد دلوقتي بفكر اكتب ايميل للفندق واشتكي فيه من النقطة دي


ياتري انا كده صح ولا غلطان يعني لو يدخل نت ويوزع علي شبكة مش هايدفع كتير هما 2000 جنيه كل شهر

طبعا المبلغ ده بالنسبة لفندق 5 نجوم وفيه كمية اجانب رهيبة مايفرقش معاه خالص

معلش صدعتكو معايا بس انا في خصلة من صغري لو لقيت حاجة غلط بقول عليها واللي يحصل يحصل

و عليكم السلام
طبعا لازم تشتكي هوا فيه دلوقتي اي مكان من غير نت ده حتي الكافيه فيه نت
ممكن اعرف حضرتك حجزت ازاي علشان انا بافكر اروح ان شاء الله
و ممكن حضرتك تقولنا ايه رايك في القريه

[تامر.محمد]

انت اللي صح

[mrwho1982]

السلام عليكم اولا

ثانيا بالنسبة للحجز انت ممكن تحجز عن طريق مكتبهم اللي في الزماللك او ممكن لما تروح هناك تختار الغرف بس انصحك انك تختار الغرف اللي علي حمام السباحة والخدمة ممتازة جدا وناس محترمين جدا بصراحة والغرفة كانت سريرين ممكن يكونو منفصلين او ممكن تقولو وفي ثواني هايزقهم في بعض والملايات والارضية والحمامات نضيفة وكويسة

انا كنت واخد الغرفة ب 650 جنية بس انا في واحد كنت اعرفو هناك هو اللي بيحجزلي الغرفة قبل ماروح

علي فكرة هو لسه موجود وممكن اجيبللك نمرتو
بالنسبة لحمام السباحة روعة

ومياه البحر ممتازة جدااا ونضيفة وماقولكش علي كمية الاجانب هناك

بس خالي باللك الفندق ده متقسم يعني في جزء خاص بملاعب الجولف وجزء خاص باللي عالبحر انصحك خد اللي عالبحر
الفطار والعشاء بس الفطار من 8 الي 10

والعشاء من 7 الي 10

بس انصحك خد معاك ماء بس الميه هناك مش بتاعة شرب

واحذروووووووووووووو من اكل الخوخ والمشمش بيبهدلو المعدة

ارجو اني اكو وفقت ولو عرفت اجيبلكم نمرة صاحبنا هاجيبهالكم

[SunSet]

لازم نكون ايجابيين ازاي يكون فندق 5 نجوم و مافيهوش نت
ده حق اصيل ليك و لاي عميل امال 5 نجوم ازاي يعني
لازم طبعا تبعتلهم و لو لم يستجيبوا ممكن تبعت شكوي لغرفة السياحة بالغرفة التجارية هما حيتصرفو ا مع ادارة الفندق

مع هذا الرأي