فزورة جامدة موووت

[badry78]

ياجماعة عندنا 5 بيوت من الشمال لليمين كل بيت ليه
1- رقم من واحد لخمسة (مترتبين من الشمال لليمين)
يعني كده 5-4-3-2-1
2- كل بيت ليه لون مختلف عن الباقي
3- كل ساكن من سكان البيوت دي ليه جنسية مختلفة.
4- كل ساكن بيدخن نوع سجاير مختلفة.
5- وكل ساكن بيربي نوع حيوان مختلف
6- وكل ساكن بيشرب مشروب معين


تمام يارجالة هنديكوا 15 معطي وبعد المعطيات دي هقولكوا ايه المطلوب




1- البريطاني ساكن في البيت الاحمر
2- السويدي بيربي كلاب.
3- الايرلندي بيشرب شاي
4-البيت الاخضر علي يسار البيت الابيض
5- الشخص الي بيدخن سجاير بالمال بيربي طيور
6- الشخص الساكن في البيت الاصفر بيدخن سجاير دانهيل
7- الساكن في البيت رقم 3 بيشرب حليب.
8- النرويجي ساكن في البيت رقم 1
9- منزل الساكن الي بيدخن سجاير بلندز بجوار منزل الساكن الذي يربي القطط
10- منزل الساكن الذي يربي الخيول بجوار منزل الساكن الذي يدخن سجاير دانهيل.
11- الساكن في المنزل الاخضر بيشرب قهوة
12- السامن الذي يدخن سجاير بلومستر يشرب بيرة
13- الالماني بيدخن سجاير برينس.
14 النرويجي يسكن في المنزل الذي بجوار المنزل الازرق.
15- الساكن الذي يدخن سجاير بلندز يسكن بجوار السامن الذي يشرب مياه.




المطلوب معرفة من هو الشخص الذي يربي السمك ومنزله واللون ....... الخ




اينشتاين قال ان 2% بس من البشر قادرين علي حل هذه الفزورة ياله يارجالة ورونا الهمه

الحل يا باشا حليته في حوالي 7 دقايق
اللون أخضر
الماني
برينس
سمك
قهوة
منزل رقم 4


ماينفعش يكون رقم 5 لأن في المعطيات ان الأخضر على يسار الأبيض يعني الأبيض على يمينه
لو كان الأخضر رقم 5 يعني الأخير يبقى مافيش أي حاجة على يمينه

[OmarElsalhy]

الظاهر المنتدي كله من ال 2%


هو ده الكلام يابدري باشا

[O.M.S]

الظاهر المنتدي كله من ال 2%


هو ده الكلام يابدري باشا

مش موضوع ذكاء علي فكرة
انتا بس امسك ورقه و قلم والموضوع يخلص في عشر دقايق ربع ساعة بالكتير

[acceleration]

يااااااااهوووووو ...انا حليييييته
بص بقى
رقم البيت-الجنسية-اللون-الحيوان الأليف-السجاير-المشروب
1-النرويجى-أصفر-قطط-دانهيل-مياه
2-ايرلندى-أزرق-خيول-بلندز-شاى
3-بريطانى-أحمر-طيور-بالمل-حليب
4-سويدى-أبيض-كلاب-بلوماستر-بيرة
5-ألمانى-أخضر-سمك-بيرنس-قهوة
ملحوظة: الالمانى هيبقى فى البيت الخامس علشان الأخضر على شمال الأبيض ولما نخلى الأخضر البيت الرابع كدا يبقى انت خليته على يمين الابيض (نظرية لما تبص لنفسك فى المراية)

بس سؤال لصاحب الموضوع هو فعلا أكيد اينشتاين هو اللى عمل اللغز ده وكمان هل اكيدة النسبة ال 2% اللى هتحله ؟؟؟؟

[O.M.S]

ياجماعة عندنا 5 بيوت من الشمال لليمين كل بيت ليه
1- رقم من واحد لخمسة (مترتبين من الشمال لليمين)
يعني كده 5-4-3-2-1

4-البيت الاخضر علي يسار البيت الابيض

يااااااااهوووووو ...انا حليييييته
بص بقى
رقم البيت-الجنسية-اللون-الحيوان الأليف-السجاير-المشروب
1-النرويجى-أصفر-قطط-دانهيل-مياه
2-ايرلندى-أزرق-خيول-بلندز-شاى
3-بريطانى-أحمر-طيور-بالمل-حليب
4-سويدى-أبيض-كلاب-بلوماستر-بيرة
5-ألمانى-أخضر-سمك-بيرنس-قهوة
ملحوظة: الالمانى هيبقى فى البيت الخامس علشان الأخضر على شمال الأبيض ولما نخلى الأخضر البيت الرابع كدا يبقى انت خليته على يمين الابيض (نظرية لما تبص لنفسك فى المراية)

بس سؤال لصاحب الموضوع هو فعلا أكيد اينشتاين هو اللى عمل اللغز ده وكمان هل اكيدة النسبة ال 2% اللى هتحله ؟؟؟؟

بص علي ترتيب البيوت زي ما صاحب الموضوع كاتب هتلاقيهم
5 4 3 2 1
ومفيش مرايه في الموضوع يعني لو اخدنا البيت رقم تلاته بتاع البريطاني هتلاقي علي يمينه الالماني وعلي شماله الايرلندي
انتا لو حليتها علي موضوع المرايه ده يبقي انتا قلبت ترتيب البيوت بس هيبقي حلك صح علي الترتيب الجديد

[msobhy]

يا جماعة الفزورة ديه اتحلت اكتر من 454653248578754 مره

[A7MED_PHARMA]

ده لغز اينشتاين تقريبا و اتحل كتير قبل كده

ودي أكتر حاجة بتدايق
المواضيع بتتكرر
يعني كل شوبة يفتحوا موضوع (السيراتو عربية قلابة)
(فزورة أينشتاين)
وفيديوهات شوفناها بدل المرة ألف ...بتتكرر

[O.M.S]

ودي أكتر حاجة بتدايق
المواضيع بتتكرر
يعني كل شوبة يفتحوا موضوع (السيراتو عربية قلابة)
(فزورة أينشتاين)
وفيديوهات شوفناها بدل المرة ألف ...بتتكرر

و الله اول مره اشوفه و متضايقش نفسك الموضوع مش مستاهل

[acceleration]

بص علي ترتيب البيوت زي ما صاحب الموضوع كاتب هتلاقيهم
5 4 3 2 1
ومفيش مرايه في الموضوع يعني لو اخدنا البيت رقم تلاته بتاع البريطاني هتلاقي علي يمينه الالماني وعلي شماله الايرلندي
انتا لو حليتها علي موضوع المرايه ده يبقي انتا قلبت ترتيب البيوت بس هيبقي حلك صح علي الترتيب الجديد

ههههههههههههههههههههههههه لا لا انا فاهمها زى ما حضرتك قلت كدا بس انا لسة مدرك دلوقتى انى وانا بكتب ارد عملت الارقام بالطريقة الطبيعية بردو :)

[O.M.S]

خلاص بقي متكتبش في الموضوع ده تاني عشان استاذ احمد فارما زعل مننا

[acceleration]

هو فيه ايه يا جماعة ؟؟؟ الموضوع مش مستاهل اساسا

[Ahmed A Rahman]

ودي أكتر حاجة بتدايق
المواضيع بتتكرر
يعني كل شوبة يفتحوا موضوع (السيراتو عربية قلابة)
(فزورة أينشتاين)
وفيديوهات شوفناها بدل المرة ألف ...بتتكرر

ههههههههههههههههههههههههههه
عادي عادي

هي الدنيا كده, انا مبعرفش انام كل يوم غير لما استنى المواضيع الجديدة:

- السيراتو: عربية ولا عجمية

- اللوجان: الاوربيين دول بيفهموا ولا بيضحكوا علينا

- الفيرنا حلوة وثابتة على الطريق, واحد يرد عليه الفيرنا حاجتين يا قالب يا مقلوب

- فتيس اللوجان بيتهز ولا مش بيتهز بيتهز ولا مش بيتهز بيتهز ولا مش بيتهز, باين انه بيتهز بس احنا اللي مش واخدين بالنا

- هل توكيل هريدي احسن ولا توكيل مخيمر

- معايا فلوس الاثنين: اشتري البي ام الفئة السابعة ولا اشتري فيات 131 علما ان شغلي في ميدان هليوبوليس وساكن في ميدان المحكمة

- عض قلبي ولا تعض عربيتي

- حتعمل ايه لو غلو البنزين: ال يعني لما غلي 14 مرة قبل كده عملنا حاجه

- نؤيد بسطاويسي من أجل التغيير, آل يعني كده احنا انتخبنا خلاص

- حتعمل ايه لو واحد بتاع ميكروباص نزل ضربك, هعيط طبعا

- اللي عارف نفسه باين عليه شغال في التوكيل, فضحتك يا برعي

- عايز اركب سلك وضرفتين على الازاز الوراني واعمل نملية حد يدلني على بتاع النملية بسرعة

- ادور العربية قبل ما اسوقها ولا اطلع وهي مبطلة؟ افيدوني بسرعة

- شغلت التكييف وطلع هوا ساقع, مش كده ممكن آخد برد؟ ايه رأيك اقفله ولا اقلع القميص (رجاء النصيحة)


ايوه كل دا بنشوفه كل يوم وبنقراه كل يوم.

بس تنكر ان عمرك ما قعدت ادام منتدى زي ما قعدت ادام نايل موتورز؟
تنكر انك لو شفت حد حاطط الاستيكر وماشي ادامك بتحس انه اخوك؟

دا معناه حاجه واحدة يا دكتوري العزيز

احنا كبرنا في السن والزمن بيلف علينا ثاني هيييييييييييييييييييييييييييييييييه دنيا

[msobhy]

دكتور احمد - اسمح لى ارفع لك القبعات
بجد من الذ التعليقات والنقد اللى شوفتها فى المنتدى
وبالمناسبة السعيدة انا فعلا عندى برد - اشغل التكييف ولا ده ممكن يأثر على ثبات العربية

[OmarElsalhy]

انا اسف ياجماعة لو الموضوع ده زعل حد بس انا ماكنتش اعرف انه جه قبل كده



وشكرا علي العموم الالماني في البيت الخامس ياجماعة مش التاني انا فعلا مش هشارك في حاجة تاني سلام

[marsguy]

- ادور العربية قبل ما اسوقها ولا اطلع وهي مبطلة؟ افيدوني بسرعة

:)