"التنمية البشرية" و أخرج طاقاتك الكامنة! إيه رأيك ؟!

[MoToRiZeR]

إيه رأيكم يا جماعة في كتب و برامج التنمية البشرية و إخراج الطاقات الكامنة جوة الواحد
لو حد بيتفرج علي إبراهيم الفقي مثلاَ أو غيره.

حد جرب ياخد كورسات فيها أو يحضر محاضرات فيها؟
و إيه رأيكم في الموضوع ده عامة و هل هو مفيد ولا هجص.

[Eng.Geo]

عايز اجرب
بس الحقيقة معنديش فكرة كافية عن الحوار ده

[Ahmed A Rahman]

في كل فترة من الزمن من المفيد انك تسمع شخص محترم

لان بيحصل حاجه اسمها emotional desensitization

يعني مابيبقاش عندك اعتراض على المتخلفين اللي ماشيين في الشارع, ولا على العالم الضاربه بتاعة الاغاني ولا بتبقى offended باعلانات ميلودي افلام ولا بتتهز فيك شعراية لما تسمع واحد من اللصوص بيتكلم على الشفافية

دا لأن حضرتك حصل لك تعود على رؤية الاحباطات ودواعي الفشل وبتسمع اخبار depressing على غيار الريق
مما يؤدي الى فقدان الامل بالنجاح

زي ما واحد ساكن في مكان نظيف يروح لمكان المجاري ضاربه فيه ممكن يجيله لوثة, انما اللي ساكنين في المكان ده مش فارق معاه

انا بعتبر ان كورسات التنمية البشرية بتصنفر الوعي تاني وترجعلك ال inner vision

يعني مش الكورس اللي حيخليك تنجح في الحياة , هو بس حيمنعك من انك متنجحش

[الغزالى]

والله يا محمود انا عارف واحد خد الكورسات دى قالى بجد ممكن تغير حياة ومستقبل الواحد وابراهيم الفقى هتلاقى الكورسات بتاعة غالية شوية لما سئلت الشخص دة ساعتهااا قالى ها تعمل رقم جنبة 000بس محدش مبلغ معين ,,, بس الشهادة بتاعتة ومعليهاش كلام

[MoToRiZeR]

إبراهيم الفقي يا محمد أصلاَ بيتعامل بالدولار .. كورساته في حدود 2000 دولار ..ده راجل واصل هههه

[الغزالى]

إبراهيم الفقي يا محمد أصلاَ بيتعامل بالدولار .. كورساته في حدود 2000 دولار ..ده راجل واصل هههه

والله العظيم يا محمود بالدولار دة هوا لما قالى كدة انا قولت بالجنية
قولت 5 او 6 الاف مش اكتر من 10 الاف جنية
مش واخد
----
طيب لو هتاخد فى اى حتةحلوة بس غير ابراهيم الفقى
قولى على تفاصيل المكان دة لو الظروف سمحت ممكن اخدها فى الصيف

[kemoelord]

هو انا حضرتله قبل كده محاضره كانت في فندق ما , وكانت المحاضره حوالي 8 ساعات وكانت الحقيقه ممتعه جدا ويحكيلك اشياء تهمك جدا بس انا راي اهم شئ بالنسبه لاي حد هي ال communication skills ودي بتفيد الواحد في حياته اليوميه

[1.8Tee]

انا حضرت حاجة زى كدة عندى فى الشغل بس كانت ألزامى و كان بيقدمها ياسر شاكر (دى جى سابقا).

رأيى و بمنتهى الصراحة انة كلام ناس خواجات و ينفع يطبق برة مش فى مصر, انت هنا فى غابة.

[ahmed4000]

هى مفيدة الناس تحضرها لكن من راى متستاهلش انى ادفع 1500 جنيه او 2000 جنيه زى ابراهيم الفقى (مبيوصلش 5)

والناس ياريت تبطل تفكر فى الشهادة


وهما بيضحكوا عليكوا يوقولك الشهادة معتمدة من مركز كندى مش عارف لايه

[Ahmed Nouh]

محضرتهاش قبل كدا , صحيح عايز اجرب بس دايما بيوقفنى العلم وهو بيرفرف واحساسى بانى اساسا مش لاقى مجال اطلع ربع اللى جوايا علشان اروح لحد يشحنى بالمزيد من الطاقات والافكار

[الغزالى]

محضرتهاش قبل كدا , صحيح عايز اجرب بس دايما بيوقفنى العلم وهو بيرفرف واحساسى بانى اساسا مش لاقى مجال اطلع ربع اللى جوايا علشان اروح لحد يشحنى بالمزيد من الطاقات والافكار

اه وانت ها تقولى عشان كدة مبتروحش الامتحانات صح

[Ahmed Nouh]

اه وانت ها تقولى عشان كدة مبتروحش الامتحانات صح

دا انت قاعدلى بقا :) , على العموم هو كان برده بسبب الشغل واللى بيجى من ورا الشغل

ربنا يعديها على خير

[الغزالى]

دا انت قاعدلى بقا :) , على العموم هو كان برده بسبب الشغل واللى بيجى من ورا الشغل

ربنا يعديها على خير

لا يا ريس عيب عليك انا مش قاعدلك بس انا كنت معدى قلت اصبح بس

[بحري]

مواضيع التنمية البشرية فيها أشياء كتير كويسة وبرضه فيها أشياء كتير أشبه بـ (تعبئة الهواء في قزايز)...وللأسف أغلب إن لم يكن كل من يقوم بالمحاضرة في هذه الدورات عندهم نزعة استعراضية تضعف الثقة بهم كشخصيات عندها رغبة حقيقية في الإصلاح أو تقديم الأفضل للناس..بالإضافة إلى المبالغ الرهيبة التي يتقاضونها
المواضيع نفسها مهمة وأغلب الناس عندها قصور في كثير من المهارات مثل التفكير المنطقي وأسس حل المشكلات والتواصل الاجتماعي ومهارات العمل الجماعي والقيادة وغيرها...وهناك الكثير من الكتب المفيدة في هذه المواضيع كما أن هناك الكثير من الكتب لا يختلف حالها عن حال من وصفتهم بتعبئة الهواء في قزايز..طبعات فاخرة وورق لامع ورسوم وتصميمات على الأغلفة ومئات المصطلحات الأجنبية في حالة استعراضية واضحة
رأيي إن الإنسان يقرأ في هذه الموضوعات خصوصا الكتب والأبحاث المتلقاة بالقبول على مستويات عالية..ثم يمارس ما تعلمه وعن طريق التجربة والخطأ والملاحظة سيتحسن كثيرا دون الحاجة إلى من يبيعون له الوهم تحت شعار (أخرج المارد الذي بداخلك) في حين أن الشعار الحقيقي يكون (أخرج المال الذي بجيبك)

[Eng.Geo]

مواضيع التنمية البشرية فيها أشياء كتير كويسة وبرضه فيها أشياء كتير أشبه بـ (تعبئة الهواء في قزايز)...وللأسف أغلب إن لم يكن كل من يقوم بالمحاضرة في هذه الدورات عندهم نزعة استعراضية تضعف الثقة بهم كشخصيات عندها رغبة حقيقية في الإصلاح أو تقديم الأفضل للناس..بالإضافة إلى المبالغ الرهيبة التي يتقاضونها
المواضيع نفسها مهمة وأغلب الناس عندها قصور في كثير من المهارات مثل التفكير المنطقي وأسس حل المشكلات والتواصل الاجتماعي ومهارات العمل الجماعي والقيادة وغيرها...وهناك الكثير من الكتب المفيدة في هذه المواضيع كما أن هناك الكثير من الكتب لا يختلف حالها عن حال من وصفتهم بتعبئة الهواء في قزايز..طبعات فاخرة وورق لامع ورسوم وتصميمات على الأغلفة ومئات المصطلحات الأجنبية في حالة استعراضية واضحة
رأيي إن الإنسان يقرأ في هذه الموضوعات خصوصا الكتب والأبحاث المتلقاة بالقبول على مستويات عالية..ثم يمارس ما تعلمه وعن طريق التجربة والخطأ والملاحظة سيتحسن كثيرا دون الحاجة إلى من يبيعون له الوهم تحت شعار (أخرج المارد الذي بداخلك) في حين أن الشعار الحقيقي يكون (أخرج المال الذي بجيبك)

ممكن بعد اذنك اسم كتاب ؟
الحقيقة نفسي اقرأ حاجة زي كدة