امبارح كان يوم غريب جدا

[semsem_uno]

يوم الأربع كان الواحد كويس و نفسه مرتاحة و كنت بذاكر و تمام التمام
الخميس بقي قمت مش طايق لا المذاكرة ولا ليا نفس اكل و فاتح اللاب توب و خلاص و مش مستعملو
و كان في درس الساعة 1 الظهر نسيت الميعاد خالص و بتصل لقيت الكل نسي الميعاد و المس نامت لما محدش جه علشان جت تعبانة من المراقبة و الدرس قلنا انه اكيد هيبقي 5 في ميعاده اللي كان عليه ابل كده و رحنا
و الأغرب بقي ان بليل حتي و انا نايم قمت بعد نص الليل علي كابوس نفضني
و بعدها صوت واحد مركب ديفيل عالي اوي اوي و الأوحش من كده بعدها يجي بساعين او حاجة فرملة جامدة اوي و مش عربيتين ده زي صوت جسد اتخبط في اكصدام!!
و تقريبا ان الراجل موقفش فرمل و مشي الله اعلم مقدرتش افتح عنيا من التعب
قمت الصبح بسأل ايه اللي حصل امبارح اخويا قاللي عربية خبطت واحد مات و التاني راح المستشفي و الأسعاف جت

من ساعة ما قاللي واحد مات الأكتئاب بهدلني
انا عارف انه موضوع غريب بس مش عارف انا لقيت نفسي بكتبو.
و ياريت والنبي بلاش جري بليل اوي و خلو بالكو من نفسكو و من غيركو انا عن نفسي بطلت اجري

[محمد بازيد]

الله يرحمه ويهدى الناس ويقللوا السرعة حفاظ على ارواحهم وارواح الغير الواحد بقاله فترة بيحاول يحافظ على السرعة متعديش 90 بجميع الاحوال

[ganash]

الحمد لله على كل شئ قدر الله وما شاء فعل بس عندى تعليق بسيط لكن مضمونه كبير بعد اذن حضرتك بلاش حلفان بالنبى ممكن حضرتك تراجع الموضوع ده

.

[semsem_uno]

الله يرحمه ويهدى الناس ويقللوا السرعة حفاظ على ارواحهم وارواح الغير الواحد بقاله فترة بيحاول يحافظ على السرعة متعديش 90 بجميع الاحوال

تمام كده
انا والله بحاول ال 60 كمان

الحمد لله على كل شئ قدر الله وما شاء فعل بس عندى تعليق بسيط لكن مضمونه كبير بعد اذن حضرتك بلاش حلفان بالنبى ممكن حضرتك تراجع الموضوع ده

.

احترمت تعليقك
مشكور على التنبيه :)

[magyver]

اللة يرحمة ويرحمنا جمييعا