سؤال للصيدلانية

[نور القمر]

دلوقت لما نوع معين من الادوية يتوقف انتاجه او يتأخر انتاجه من قبل الشركة لاي سبب كان
انتم بتشيلوا اللي متبقي عندكم كمخزون للمعارف ولا عشان يتباع اغلى بعد كدة ؟؟!!!!!!!

يعني هقول مثلا الاوميجا 3 بلس بئالو حوالي اسبوعين مش لاقياه
سألت عليه اكتر من مرة عند الصيدلية اللي بتعامل معاها وسألت عليه في كل الصيدليات الكبيرة والكل بيقول انه ناقص من الشركة نفسها ويقولوا يومين تلاته وهاينزل ومش بينزل
امبارح كنت عند الدكتورة وقالت لي ضروري كدة تاخديه ولسه المريضة اللي قبلك معاها جوزها صيدلي في الصيدلية الفلانية بيقول عنده
اجري حصليه وخدي منه حتى شريط واحد
روحت لقيت واحد غيره في الصيدلية وحاول يجيب لي بالتليفون من صيدليات زمايله لانه عارف اني محتاجاه ضروري
ومن سياق الحديث بينهم فهمت ان عندهم بس مش مستعدين يبيعوه
قلت افوت على الصيدلية اللي بتعامل معاها بنفسي واخد حتى شريط واحد
ملقتش غير الصيدلي الصغير اللي شغال في الصيدلية مش صاحبها
والله الكذب باين في عينيه وهو بيقول مفيش ويقول لي خلصان بقاله 3 أو 4 ايام مع اني بئالي اسبوعين اسألهم عليه
بجد اتفرست منه

[A7MED_PHARMA]

بصي ياستي

أنواع الأدوية لما بتنقص في السوق ..خصمها بيقل جدا لدرجة إنها ممكن تنزل للصيدلي من غير خصم خالص
يعني لو باعها مش هيكسب فيها خالص
وفي الحالة دي
بيضطر يسيبها من غير مايطلعها لوحدها ..بيخليها لحد لما تطلع على روشتة
علشان لو باعها لوحدها مش هيكسب فيها ...إنما النوع الناقص في السوق ..بيمشي الروشتات إلي الناس بتكون لفت على كام صيدلية قبله علشان تجيب الروشتة كاملة
ودي بتحقق منفعة مادية ...وبتعمل له سمعة إنه عنده نواقص السوق كلها

وطبعا
ممكن يكون سايبها للمعارف أو للأصدقاء(الأقربون أولى بالمعروف)
وعموما

















بصي
عندي إتنين على الرف...أي خدمة ..أبعتهملك






.

[نور القمر]

يعني فعلا السبب مادي بحت
طيب عندي الصيدلية تبيعه اغلى افضل من منعه عن المرضى خصوصا لو الحالة مختلفة و الدواء ضروري للمريض لان مرضه صعب
وموضوع ان عايز يجر رجل الزبون عشان يصرف الروشتة كلها فانا كنت رايحة بالروشتة كلها فعلا وفيها اكتر من نوع حقن فيتامين غالية ده غير اني هاشتري شامبو وما شابه

ومتشكرة فعلا يا دكتور على زوقك وعرضك السخي مش عايزة اتعبك
في صيلي بالرغم اني اول اروح له وعدني هايوفره لي بكرة لما اشوف هايصدق معايا ولا ايه الاخبار !!!!

[A7MED_PHARMA]

يعني فعلا السبب مادي بحت
طيب عندي الصيدلية تبيعه اغلى افضل من منعه عن المرضى خصوصا لو الحالة مختلفة و الدواء ضروري للمريض لان مرضه صعب
وموضوع ان عايز يجر رجل الزبون عشان يصرف الروشتة كلها فانا كنت رايحة بالروشتة كلها فعلا وفيها اكتر من نوع حقن فيتامين غالية ده غير اني هاشتري شامبو وما شابه

ومتشكرة فعلا يا دكتور على زوقك وعرضك السخي
في صيلي بالرغم اني اول اروح له وعدني هايوفره لي بكرة لما اشوف هايصدق معايا ولا ايه الاخبار !!!!

كلنا بنقول كده
أي حد بييجي على نوع ناقص..بنقول له "بكره إن شاء الله أحاول أتصرفلك فيه"
وفي الغالب مش بنلاقيه
والمشكلة مش في الصيدلي خااااااااااالص
المشكلة في التحكم في سوق الدوا إلي مالهوش رابط ولا ظابط
يعني الشركة إلي بتقدم نوع دوا
ماينفعش إنها تنقصه من السوق كده بمزاجها ..أو تخليه حكر على شركات بيع الدوا دون غيرها
الدوا بالتحديد ماينفعش فيه التجارة بالشكل المؤسف ده
علشان ده خدمة صحية أكتر منه ربحية


وربنا يوفقك وتلاقيه
وبجد ...لو عاوزاهم الأتنين
أبعتهملك مع أي سواق ميكروباص من هنا ..لحد موقف عبود وإنتي تروحي تاخديهم منه
بسيطة خالص بجد
أبعتهلمك الصبح لو تحبي...بس ده هيكلفك مشوار لحد موقف عبود

[نور القمر]

الف شكر يا دكتور
للاسف مشوار عبود مستحيل بالنسبة لي في الايام الحالية

[Egyzizo]

الأوميجا 3 ده مكمل غذائى مش دوا بالمعنى المفهوم
وفيه حاجات كتير فى الصيدليات فيها الأوميجا 3 ، فممكن تستخدمى حاجة منها لغاية ما اللى كنتى بتستخدميه يتوفر.

[نور القمر]

شكرا لك
انا عارفة انه مكمل غذائي
المقصود بمشاركتي ان سياسة منع او احتكار دواء معين موجودة ومش واقفة معاهم اذا كان علاج ضروري او مكمل غذائي
وانا سألت على بدائل في صيدليات قالوا مفيش !!!\
ومنتظرة اعرف البديل

[AmatoALLAH]

الف شكر يا دكتور
للاسف مشوار عبود مستحيل بالنسبة لي في الايام الحالية

الف سلامة عليكي

ممكن الدكتور يرسله لكي بالبريد و انتي كمان تحولي له الفلوس بالبريد

و لو مش هينفع انا اروح اخده من موقف عبود و اجيبوا لكي

[A7MED_PHARMA]

شوفي يا أم محمد

البدايل المتاحة إلي فيها نفس التكوين
alaska...cap
biochol...cap
cod seas...cap
flax seed...cap
super omega ...tab
omegar...cap
total...syp



..والله أعلم..

[Egyzizo]

الأوميجا 3 بلس عبارة عن الأوميجا 3 (1000 مجم) بالإضافة إلى زيت جنين القمح (100 مجم)

فممكن تاخدى الأوميجا 3 فى حاجة من اللى كتبها دكتور أحمد فى المشاركة السابقة وليكن الأوميجار لأن التركيز فيها 1000 مجم
وزيت جنين القمح فده موجود باسم Wheat germ oil بتنتجه شركة ميباكو وهو عبارة عن 30 كبسولة بـ 8 جنيه تقريباً ، وموجود برضه بأسماء تانية كتير زى E-400، E-natural ، Vitagreen ، Be Active

[A7MED_PHARMA]

الأوميجا 3 بلس عبارة عن الأوميجا 3 (1000 مجم) بالإضافة إلى زيت جنين القمح (100 مجم)

فممكن تاخدى الأوميجا 3 فى حاجة من اللى كتبها دكتور أحمد فى المشاركة السابقة وليكن الأوميجار لأن التركيز فيها 1000 مجم
وزيت جنين القمح فده موجود باسم wheat germ oil بتنتجه شركة ميباكو وهو عبارة عن 30 كبسولة بـ 8 جنيه تقريباً ، وموجود برضه بأسماء تانية كتير زى e-400، e-natural ، vitagreen ، be active

+111111
كلام سليم

[نور القمر]

شكرا لكم
الدكتور الصيدلي وفى بوعده وجابلي عليه

[aliabutaleb]

طب بما إن الدكاترة مشرفين هنا سؤال في نفس الموضوع لو تسمحوا
انا ذهلت من كم الناس من معارفي وزملائي اللي بياخذ الأوميجا 3
هل هو ضروري فعلاً؟
أنا مصاب بارتفاع في الدهون بالكبد و في الدهون الثلاثية وأكتر من حد كان قاللي إني المفروض أخده.

[نور القمر]

طب انا اخر علاقتي بالدهون هي اللي بشوفها عند الجزار !!
انا باخده كمكمل غذائي هل معنى كدة ممكن يأثر على الدهون الطبيعية بالجسم يقللها ؟؟؟

[Egyzizo]

مش ضرورى تناولها على صورة دوائية .. يمكن الحصول على احتياج الجسم من الأوميجا 3 من الطعام ، يعنى مثلاً تناول السمك مرتين أسبوعياً (مثل التونة والسلمون والسردين والماكريل وسمك موسى) .. وموجودة فى الزيت الحار وزيت بدر الكتان الغنى جداً بالمادة دى ، وعين الجمل والبيض ومن الخضروات البروكلى والرجلة والخس وأيضاً اللحم الضانى.

والأويجا 3 مادة صحية لكل الناس حتى اللى نسبة الدهون عندهم مش عالية لأن فوائدها كتير ومش مقتصرة على تحسين نسبة الكولسترول.

بس بصراحة أنا مش باطمئن للمكملات الغذائية المصرية ودايماً لما باحب آخد حاجة منها باشوف حد نازل من أمريكا يجيبها لى وأسعارها معقولة جداً هناك وبتتباع فى عبوات كبيرة ممكن تكفى سنة.