كأس العالم 2010

[Terrible_DaRsH]

اولا حضرتك شايف يعني ان انجلترا وامريكا اداؤهم كويس وممبهر علشان يوصلوا بسهوله زي ما كنا متوقعين ؟؟؟!!!! انا اساسا قبل البطولة قولت مفش فرق سهله خلاص انتهت والكورة دلوقتي مش بتعترف الا بالفعل وبذل الجهد

ثانيا : انا اتفرجت يا باشا على المباراة وصربيا لا قطعت المانيا ولا حاجه والشوط الثاني يشهد الا بعض الهجمات المرتده والي كانت نتجيتها كورة " حكت " في العارضه + كورة في القائم بس وبعدين لو حضرتك لاحظت اساسا المدرب كان بيخرج مدافعين وخط وسط وبينزل مهاجمين او وسط مهاجم فكان الدفاع شوارع ولو صربيا فعلا " قطعت " المانيا " كان زمانها مغلوبه اقل واجب 3 /0

و انا بكلمك الهدف التانى جه اهه :)

بس بذمتك انت كنت تعرف منتخب سلوفينيا ده قبل البطولة ؟؟؟

على الاقل امريكا و انجلترا ظبطونا فى كاس القارات و فى ويمبلى و عارفين مستواهم لكن سلوفينيا دى فين على الخريطة اصلا علشان تبقي اول مجموعة ؟؟!!

انت حسستنى انها البرازيل :)

و بعدين لو كانت صربيا استغلت فرصة صح او الكورة بتاعت العرضة دخلت كانت النتيجة هتكون 2 او 3 !!

[human]

كاس عالم عجييييييب

[night_whisper]

النتائج النهاردة كلها غير متوقعة
المانيا اتهزمت 1 - 0 و امريكا حتى الان مهزومة 2 - 0


اهم حاجة عندى ان الجزائر تطحن النهاردة هازعل اوى لو خالفت التوقعات هى كمان

[kemoelord]

و انا بكلمك الهدف التانى جه اهه :)

بس بذمتك انت كنت تعرف منتخب سلوفينيا ده قبل البطولة ؟؟؟

على الاقل امريكا و انجلترا ظبطونا فى كاس القارات و فى ويمبلى و عارفين مستواهم لكن سلوفينيا دى فين على الخريطة اصلا علشان تبقي اول مجموعة ؟؟!!

انت حسستنى انها البرازيل :)

و بعدين لو كانت صربيا استغلت فرصة صح او الكورة بتاعت العرضة دخلت كانت النتيجة هتكون 2 او 3 !!

يعني حضرتك مستغرب اوي من منتخب سلوفانيا وانها تسجل هدفين في امريكا (الي عهدها لسه جديد في كرة القدم) والي انا شايفه عادي في حين ان منتخب تعباااااااااااااااان زي سويسرا فاز على اسبانيا واليونان الي ما جابت هدف من كاس عالم 94 تفوز على ناجيريا , يا باشا اللعبه كلها بقت تكتيكية وفنيه من الدرجه الاولي يعني مدرب سويسرا (انا عارف من زمان من شكله) لكن مش عارف اسمه مدرب جااااااااااااااااااااااااااااامد جدا في حين مدرب زي فرنسا ولا عنده فكره اقسم بالله وانا قولت الكلام ده قبل البطوله وقولت ان فرنسا هتضييييييييع بسببه وبسبب غباؤه وجهله

[night_whisper]

الهدف الاول لامريكا

[factorialx]

انا حاسس إن الجزاير هتعمل حاجه النهارده

معاك يا dz

[night_whisper]

على فكرة مدرب امريكا مصرى الجنسية

[AhmedGen2]

سلوفينيا مقدم اداء رائع جداً.

[night_whisper]

هدف التعادل لأمريكا 2 - 2


هما سلوفينيا بيلعبوا كورة و لا مصارعة

[Moh.Abdelbaset]

على فكرة مدرب امريكا مصرى الجنسية

ده مدرب حراس المرمي هو اللي مصري اسمه زكي عبد الفتاح

[kemoelord]

انا لسه بفتح لاقيت امريكا متعادله واتلغى هدف " صحيح " ليها من فاول والحكم الافريقي باين عليه خاربها ههههههههههههههههههه

[night_whisper]

ده مدرب حراس المرمي هو اللي مصري اسمه زكي عبد الفتاح

تمام كدة

[night_whisper]

لحد الان مش عارف الهدف الثالث اتلغى لية ؟

[ecybrarian]

تحكيم اي كلام النهار دا...بس انا عجبني الروح إللي لعبت بها امريكا على الرغم من إن الاداء مش تمام
هو ماتش الأشقاء هايتذاع على المفتوحة او الارضي؟؟؟؟؟

[kemoelord]

لما شوفت الاعاده تبع الهدف الي اتلغى كانت فيه مخالفه (دفعه ) بالايد من قبل مهاجمي امريكا لدفاع سلوفانيا وهو اساسا لما اتفرجت على اللقطه لايف الحكم صفر فعلا قبل ما الواد يحطها في الشبكه , وفرضا يعني لو اتظلمت عاااااااااااااااااااادي يعني يا ما ظلمت شعووووووب ودول