عايزين طر يقة عمل دراسة جدوى من محاسبين المنتدى

[زينة الله]

السلام عليكم ورحمة الله وبركاته
اعضاء كتير من المنتدى بيفكروا فى عمل مشاريع مختلفة
ياريت زمايلنا المحاسبين يعرفونا ازى نعمل دراسة جدوى لاى مشروع
او يدلونا على موقع فيه كورسات لدراسات الجدوى
ولكم جزيل الشكر ............

[A.Saad]

انت بتقدر
الايرادات
المصروفات

الربح بتاعك

الايراد بيتحدد حسب حالة السوق والحصة اللى هتاخدها وسعر البيع بتاعك

المصروفات هتشمل
مصروفات البيع وتكلفة البضاعة والمصاريف الادارية
وهيا نوعين
ثابت
ده بيدفع بغض النظر انت بعت ولا لا
زى الايجار

متغير بيكون مرتبط بالمبيعات
كل ما تبيع اكتر هتدفع اكتر زى عمولات المندوبين

الدراسة بتعتمد على مبدأ اسمه التدفقات النقدية
يعنى عتدفع كام ويججيللك كام
كفلوس نقدية
مش بتعتمد على مبدأ الاستحقاق اللى معناه ان كل فترة بتتحمل باللى يخصها من ايراد ومصاريف
يعنى
لو هدفع تمن شرا بضاعة هتكفينى 3 سنين
والبضاعة ب 90000 جنيه

مبدا الاستحقاق بيحسب على كل سنة 30000 كتكلفة
لكن الدراسة هتقول انك هتدفع 90000 اول سنة
يبقى لازم النقدية دى تبقى عندك او تقدر تاخدها اجل
ومصاريف كل سنة هتكون 30000

اىسؤال تحت امرك

[زينة الله]

شكرا جزيلا لك
حضرتك شرحت الايرادات و المصروفات
طيب مبدئيا لما اختار مشروع معين
اختار نوع المشروع ازاى ؟؟

• يكون فى عمالة مدربة تشتغل فيه أو انا فاهمة فيه
• يكون بيقدم خدمة مطلوبة علشان التسويق

طيب و اختار المكان على اساس ايه ؟؟
مثلا :

• ما يكونش حد بيقدم نفس الخدمة اللى حقدمها فيه
• يكون فيه طلب على الخدمة دى فى المكان ده علشان التسويق
• يكون فيه وسيلة نقل سهله

يعنى حاجات من هذا القبيل

[A.Saad]

شكرا جزيلا لك
حضرتك شرحت الايرادات و المصروفات
طيب مبدئيا لما اختار مشروع معين
اختار نوع المشروع ازاى ؟؟
تختار مشروع فاهمين فيه
ليه مستقبل واحتمالات طلب
نعرف نجيب خاماته
بنفهم فيها
نعرف نسوقه ازاى

• يكون فى عمالة مدربة تشتغل فيه أو انا فاهمة فيه
  حسب النوع
  يعنى مخبز او مغسلة ملابس يبقى لازم صاحبه يكون بيفهم فيه
  محل سنترال مثلا مش محتاج كدة
  
• يكون بيقدم خدمة مطلوبة علشان التسويق
  ويكون ليها مستقبل مش حاجة الطلب عليها بيقل

طيب و اختار المكان على اساس ايه ؟؟

مثلا :

• ما يكونش حد بيقدم نفس الخدمة اللى حقدمها فيه
• يكون فيه طلب على الخدمة دى فى المكان ده علشان التسويق
• يكون فيه وسيلة نقل سهله

يعنى حاجات من هذا القبيل

اه
ويفضل يكون قريب من صاحبه كمان
جزئية مفيش حد بيقدم مش مهمة اوى لو حجم الطلب كافى انه يغطى الاتنين

اى استفسار تانى تحت امرك

[the-hero]

الكلام ده بيحتاج الاول تسجيل وحصر جميع البيانات والاحتياجات باسعار السوق
ده فى حالة الخبرة العالية بالمشورع
أما لو مشروع جديد وفى حاجات متعرفهاش لازم تاخد فيها خبرة او تسال حد متمرس فيها لن ده بياثر جامد على نجاح
دراسة الجدوي

[زينة الله]

كلام جميل ...طيب يا جماعة
بخصوص الاجراءات بقى :
الواحد مثلا عشان يفتح محل لازم يستخرج ترخيص و بطاقة ضريبة على ما اعتقد !
و لازم ما يكونش موظف بمعنى ادق ما يكونش مشترك فى التأمينات (صح ولا لأ)
انما لو كان فيه شركاء ممكن يكون موظف بس تكون الادارة للشريك اللى لم يسبق الاشتراك بالتأمينات
انا سمعت كده مش عارفة صح ولا اه ؟؟
طيب لو حيعمل مصنع (بلاستك - علف ..) اى حاجة كدة مش محتاجة رأس مال كبير
نفس الكلام اللى فوق برضو ينطبق عليه ؟؟

[A.Saad]

كلام جميل ...طيب يا جماعة
بخصوص الاجراءات بقى :
الواحد مثلا عشان يفتح محل لازم يستخرج ترخيص و بطاقة ضريبة على ما اعتقد !
و لازم ما يكونش موظف بمعنى ادق ما يكونش مشترك فى التأمينات (صح ولا لأ)
انما لو كان فيه شركاء ممكن يكون موظف بس تكون الادارة للشريك اللى لم يسبق الاشتراك بالتأمينات
انا سمعت كده مش عارفة صح ولا اه ؟؟
طيب لو حيعمل مصنع (بلاستك - علف ..) اى حاجة كدة مش محتاجة رأس مال كبير
نفس الكلام اللى فوق برضو ينطبق عليه ؟؟

موضوع التامينات اسال فى التامينات اللى تبعها لان اعتقد ان الموضوع ده اتلغى
والتراخيص مهمة طبعا
المشروع فيه شركا ولا فردى
علشان نكلم على تنظيم الشراكة لو فيه

[زينة الله]

طيب ياريت حضرتك تكلمنا عن موضوع الشراكة
وجزاك الله كل خير

[islamnabil]

حضرتك اتفضل الموقع ده فيه دراسات جدوى جاهزة يمكن الاسترشاد بها
طھط·ط¨ظٹظ‚ط§طھ ط¯ط±ط§ط³ط§طھ ط§ظ„ط¬ط¯ظˆظ‰ - ط¨ظˆط§ط¨ط© ط£ظٹط§ط¯ظٹظ†ط§ ظ„ظ„ظ…ط´ط±ظˆط¹ط§طھ ظˆ ط§ظ„ط£ط¹ظ…ط§ظ„

[زينة الله]

حضرتك اتفضل الموقع ده فيه دراسات جدوى جاهزة يمكن الاسترشاد بها
طھط·ط¨ظٹظ‚ط§طھ ط¯ط±ط§ط³ط§طھ ط§ظ„ط¬ط¯ظˆظ‰ - ط¨ظˆط§ط¨ط© ط£ظٹط§ط¯ظٹظ†ط§ ظ„ظ„ظ…ط´ط±ظˆط¹ط§طھ ظˆ ط§ظ„ط£ط¹ظ…ط§ظ„

شكرا جزيلا
وياريت يا جماعة
تكلمونا عن الشراكة
التعامل مع البنوك (اذا لزم الامر)
التعامل مع الضرائب
التعامل مع التأمينات (عن نفسك أو الشركاء أو العاملين اذا كنت تحتاجهم فى المشروع)

[زينة الله]

على فكرة انا دخلت على الموقع اللى حضرتك حطيت الرابط بتاعة
فعلا شارح كل حاجة باستفاضة .... شكرا جزيلا
لكن لو ممكن حد من المحاسبين يشرحلنا باختصار
باعتبار انهم فاهمين فى الموضوع ده اكتر
ومنعا للملل بالنسبة للمبتدئين

[زينة الله]

طيب ياحماعة ايه رأيكوا ناخد مثلا مشروع من الافكار اللى جاية دى نعمل عليه دراسة جدوى كمثال عشان الكل يستفيد
1 - استغلال قش الارز فى صناعة الورق أو العلف ودى محتاجة مكان ريفى وحاجات تانية نقولها مع بعض...
2 - أو اعادة تصنيع البلاستك (زى الاكياس السوداء) محتاج مكنة بلاستك فى حجم المكتب الصغير تقريبا
وهكذا حاجات بتعتمد على خامات رخيصة ورأس مال صغير يصلح لاى شاب مبتدأ
3 - أو مثلا الطباعة على الخشب بالليزر و دا محتاج كمبيوتر وطابعة ليزر للطباعة على الخشب و سوق للتوزيع
ارجو المشاركة و نختار الاول مشروع وبعدين نشتغل عليه

و تقبلوا جزيل شكرى وفائق احترامى

[MaZaGAngeE]

ده موضوع كبير جدا
اسمحولي أعمل موضوع يكون مثال لدراسة جدوى و انت خده و طبقه على أي مشورع عايزه
كل المشاريع سواء كانت صناعية , تجارية , خدمية متشابهه على وجه العموم و فيه اختلافات بسيطة نقدر نحددها لكل حالة

[الغزالى]

انت بتقدر
الايرادات
المصروفات

الربح بتاعك

الايراد بيتحدد حسب حالة السوق والحصة اللى هتاخدها وسعر البيع بتاعك

المصروفات هتشمل
مصروفات البيع وتكلفة البضاعة والمصاريف الادارية
وهيا نوعين
ثابت
ده بيدفع بغض النظر انت بعت ولا لا
زى الايجار

متغير بيكون مرتبط بالمبيعات
كل ما تبيع اكتر هتدفع اكتر زى عمولات المندوبين

الدراسة بتعتمد على مبدأ اسمه التدفقات النقدية
يعنى عتدفع كام ويججيللك كام
كفلوس نقدية
مش بتعتمد على مبدأ الاستحقاق اللى معناه ان كل فترة بتتحمل باللى يخصها من ايراد ومصاريف
يعنى
لو هدفع تمن شرا بضاعة هتكفينى 3 سنين
والبضاعة ب 90000 جنيه

مبدا الاستحقاق بيحسب على كل سنة 30000 كتكلفة
لكن الدراسة هتقول انك هتدفع 90000 اول سنة
يبقى لازم النقدية دى تبقى عندك او تقدر تاخدها اجل
ومصاريف كل سنة هتكون 30000

اىسؤال تحت امرك

لا بس محاسب محاسب
شغل عصافت واضح اهو ولا محضرتهوش

[A.Saad]

شكرا جزيلا
وياريت يا جماعة
تكلمونا عن الشراكة
التعامل مع البنوك (اذا لزم الامر)
التعامل مع الضرائب
التعامل مع التأمينات (عن نفسك أو الشركاء أو العاملين اذا كنت تحتاجهم فى المشروع)

الشركاء لازم يكون في بينهم عقد يحدد كل الاعلاقة
مين مسئول عن الادارة
الارباح ناللى هتتوزع سبتها اد ايه وكل ادايه
مين له حق التوقيع