للزملكاويه وبــــــس

[Mostafa.Mahran]

طبعا جماهير الزمالك بعد الماتش المفروض تكون سعيدة و فرحانة انه خلص بالنتيجة دى

[kemoelord]

أولا : أحيي خالد طلعت على تخمينه الرائع

ثانيا : الماتش ده الأهلي رد بيه على كل اللي بيقولوا إن الأهلي بيكسب بالحظ أو بالتحكيم الغير شريف

ثالثا : شيوخ الأهلي أثبتوا أن لياقتهم البدنية أعلى من شباب الزمالك وهذا أمر غير مسبوق في تاريخ الرياضة , حيث أنه من المفترض أن الأصغر سنا لياقته أعلى لكن يبدو أن الزمالك استثناء من هذه القاعده

رابعا: ثبت بالدليل أن لاعبو الزمالك لا روح لهم ولا إنتماء ولا يستحقون ملايين المشجعين الذي يحبونهم دون إستحقاق , وعليه على المشجعين أن يعاقبوا هذا الفريق ويدفعوهم الثمن فالإنتماء هو أقل رد يرد به اللاعب على محبة الناس

خامسا : ذكاء إدارة الأهلي بأنه تعاقد مع البدري قبل المباراة مما أعطاه ثقة كبيره في نفسه بعكس الغباء المعتاد من إدارة الزمالك بخلق وضع غير مستقر للمدرب ينعكس بصورة كبيرة على حالته المزاجية

سادسا: لو كان الأهلي هو المغلوب في بداية الشوط الثاني 3:1 أعتقد أن جماهير الأهلي لم تكن تفقد الثقة للحظة بأن هذا الفريق قادر على العودة ولم نكن نرى تخاذل من اللاعبين و إرتضاء الهزيمة , وكنا سنجد القلق بادي على جمهور الزمالك
وماتش 4:3 خير دليل والفوز جه على إيد أخر من تتوقعه اسامه حسني

إنما العكس تماما الذي يحدث لما يتفوق الأهلي على الزمالك ولا يزال هناك نصف ساعة لعب , تخاذل من اللاعبين و قبول الهزيمة , الجمهور نام وبعضهم انصرف , جماهير الأهلي وثقت أنها ستخرج بالماتش فمستحل أن يعوض فريق أمام الأهلي مادام الأهلي "راكب الماتش "

سابعا : هناك بطل في هذه المبارة يستحق التكريم ألا وهو عبد الواحد السيد ,أعتقد كلنا متفقين أن لولاه لحدثت كارثة مثل كارثة 6:1 ,وأعتقد أنه لولا وجود الحضري لكان عبد ا لواحد بطل المنتخب أيضا

ثامنا : أحيي لاعبي الأهلي الذين لم يفقدوا أعصابهم بسبب رؤية الدماء الكثيرة التي سالت من فضل ووائل وهذا لا يحدث إلا من محترفين

على فكره أنا إتحاداوي ذو ميول أهلوية , يعني مش أهلاوي 100%
بس ده اللي أنا شفته إمبارح

مقال جااااااااااامد جد شكرا يا ابو رقيه وتسلم ايدك .

يا جماعه بس الناس الي بتقارن الاهلي بباقي الانديه , انا عاوز اقولهم مع كام احترامي لجميع الانديه ان الاهلي ليس في مجال مقارنه مع احد ورصيد البطولات يكفي وخير دليل على كلامي وللاسف ما ينفع نقول ان كل شوي يطلع حد ويذكرنا بالتاريخ بالفعل احنا لازم نذكر التاريخ علشان ما ينفع ان اي حد ينكره او يصرف نظر عنه وبعدين ما اي فرقه بتلعب عاوزه تاخد بطولات واللقاب علشان يذكر في تاريخ هذه الفرقه وتاريخ كل لاعب لعب وقت تحقيق الانجازات وانا مش اقصد من كلامي ان مفش منافسه بالعكس في منافسه ومافسه شرسه كمان بس ليس هناك مجال للمقارنه مع اي نادي في مصر

ثانيا والاهم بالنسبه للناس الش شافت تحليل المباراة على النايل سبورت , جمال الغندور علق وقال :-

1- هدف الزمالك (الوحيد) كان من تسلل واضح .
2- هدف الاهلي الاول كان من المفترض ايقاف التنفيذ لعب الكرة من قبل شريف عبد الفضيل علشان كان في مخالفه من وائل جمعه على اعتباره انه كان بيدفع في حيطه لاعيبه الزمالك وده امر غير مشروع وان كان بينشوفه في جميع ملاعب الكرة بصورة احترافيه

3- معظم تسللات الي احتسبت ضد الاهلي غير صحيحه والحقيقه ان حكام الرايه كانوا زي الزفت
4- هناك ضربتين جزاء للاهلي لم تحتسب وانها صحيحه 100% واحده لمحمد فضل مع عمرو الصفتي الي عمل نفسه وقع واخد رجل محمد بعد ما كان منفرد ,, والتانيه كوع فتح الله لما محمد اتصاب فيه ونزل دم من عينيه

وبالرغم من كل ده الاهلي فاز ب 3 اهداف , وبالرغم من كده مفش حد طلع من الاهلي بعد المباراة
(وقل ادبه) وقعد شتم وسب اتحاد الكورة والحكام والجمهور والفرقه الي لاعبها علشان الحكم ظلمها في كورة ولا اتنين مع ان الاخطاء الي ارتكبها الحكم (ذو المستوى الضعيف بالرغم من انه حكم نهائيات في اوروبا ) اخطاء مؤثره جدا وتؤثر على نتيجة مباراة وممكن تتسبب في خروج فريق من البطوله وكل ده لان الاهلي بجهازه وادارته ولاعيبته عارفين ان الاخطاء التحكيمية زي ما هتلاقيهم تحتسب لصالحك هتحتسب ضدك وطبعا انتوا عارفين ان اقصد مين بكلامي (الاخوان رايت)

اخيرا علشان تعرفوا ان الغل والحقد والطغينه ليس لها مكان في لعبة كورة القدم , كان طلع مدافع من الاسماعيلي الموسم الماضي بعد المباراة الفاصله (ابراهيم يحي ) وانا فاكر تعليقه بالظبط الى الان وقال ان الاهلي فرقه محظوظة وكفايه اننا انهم اخدوا الدوري بالعافيه مننا بس هما تقريبا كلهم لاعيبه كبار واحنا لسه صغيرين وهنعديهم بمراحل وفعلا كان على حق ههههههههههههههههههههههههه

مباراة الاهلي والزمالك اتضح فعلا ان الاهلي لن ولم يقف على لاعب معين او مدرب بعينه يعني انا كنت فاكر ان غياب متعب ممكن (يخسرنا المباراة) لكن الحمد لله غيابه لم يكن مؤثر جدا بالرغم انه فرق طبعا

[Abo_Lina]

أنا عمري ما إتكبست زي إمبارح
الواحد بعد ما كان مطمئن و مؤمن بالفرقة دخل تاني في مرحلة الشك و العياذ بالله

[adfarouk]

أنا عمري ما إتكبست زي إمبارح
الواحد بعد ما كان مطمئن و مؤمن بالفرقة دخل تاني في مرحلة الشك و العياذ بالله

خليك زي ما أنت على أيمانك بفرقتك ...... الزمالك أيامة جاية ان شاء الله

[Abo_Lina]

خليك زي ما أنت على أيمانك بفرقتك ...... الزمالك أيامة جاية ان شاء الله

خايف العمر يعدي و لا أرى البطولة الموعودة تتحقق كما جاء في النبوءات و السير
اللهم لا تزغ قلوبنا بعد أن هديتنا

[adfarouk]

خايف العمر يعدي و لا أرى البطولة الموعودة تتحقق كما جاء في النبوءات و السير

اللهم لا تزغ قلوبنا بعد أن هديتنا

و أنصرنا على الشياطين و أتباعهم

[abou_ruqi]

إيه يا جماعة أنتوا كده بتخلطوا الجد بالهزل

السكة دي أخرتها مش حلوة , بلاش ندخل العقائد في الكورة

[human]

إيه يا جماعة أنتوا كده بتخلطوا الجد بالهزل

السكة دي أخرتها مش حلوة , بلاش ندخل العقائد في الكورة

++++++++++++1

بس برضه يا زمالك يا كايدهم

[aliabutaleb]

الزمالك كان في أسوأ حالاته منذ زمن
والأهلي كان مكتسح
ولكن إعادة هدف التعادل للأهلي أصابتني بصدمة
واضح جداً إن لاعبي الأهلي مدربين على اللعبة دي
وهي إن واحد يدفع الحائط ليفسح المجال للي بيسدد الكرة كي يضعها في المكان اللي كان بيصده لاعبي الزمالك اللي واقفين في الحائط.
الصدمة هي إن الأهلي ليس من عادته التهديف بمثل هذه الطرق غير الشريفة
مكانش ده العشم من نادي يدعي أنه نادي المبادئ

[kemoelord]

الزمالك كان في أسوأ حالاته منذ زمن
والأهلي كان مكتسح
ولكن إعادة هدف التعادل للأهلي أصابتني بصدمة
واضح جداً إن لاعبي الأهلي مدربين على اللعبة دي
وهي إن واحد يدفع الحائط ليفسح المجال للي بيسدد الكرة كي يضعها في المكان اللي كان بيصده لاعبي الزمالك اللي واقفين في الحائط.
الصدمة هي إن الأهلي ليس من عادته التهديف بمثل هذه الطرق غير الشريفة
مكانش ده العشم من نادي يدعي أنه نادي المبادئ

فعلا واحنا مش كان عشمنا ان الحكم يظلمنا (حكم الرايه ) ويحسب هدف غير صحيح بالمره الا وهو هدف الزمالك الوحيد

[Mostafa.Mahran]

الزمالك كان في أسوأ حالاته منذ زمن
والأهلي كان مكتسح
ولكن إعادة هدف التعادل للأهلي أصابتني بصدمة
واضح جداً إن لاعبي الأهلي مدربين على اللعبة دي
وهي إن واحد يدفع الحائط ليفسح المجال للي بيسدد الكرة كي يضعها في المكان اللي كان بيصده لاعبي الزمالك اللي واقفين في الحائط.
الصدمة هي إن الأهلي ليس من عادته التهديف بمثل هذه الطرق غير الشريفة
مكانش ده العشم من نادي يدعي أنه نادي المبادئ

ايه بس رايك حلوة ولا مش حلوة الخطة دى

[kh_talaat]

حسام يشكك في أهداف الأهلي الثلاثة

قال حسام حسن في أول تعقيب له علي المباراة

1- هدف شريف عبدالفضيل الذي تعادل به النادي الأهلي شهد خطأ واضحا علي وائل جمعة الذي قام بدفع الحائط أثناء التسديد."

2- الهدف الثاني " الكرة وصلت أولا إلي محمد ابوتريكة الذي استلم الكرة علي يده قبل أن تصل لمحمد فضل الذي أحرز الهدف.

3- الهدف الثالث فأكد حسام قائلا " كان ابوتريكة في موضع تسلل عند إحرازه للهدف.

نص الخبر
حسام يشكك في أهداف الأهلي الثلاثة .. ويتحمل مسؤولية الهزيمة في الدربي



تعقيبي

مبروك عليكم يا زمالكاوية احسن مدرب في مصر

ومبروك علينا الدوري ... وباذن الله الكاس

[aliabutaleb]

فعلا واحنا مش كان عشمنا ان الحكم يظلمنا (حكم الرايه ) ويحسب هدف غير صحيح بالمره الا وهو هدف الزمالك الوحيد :i_angr1[1]:

لا والله انا مش باتكلم عن أخطاء الحكم
أخطاء الحكام واردة وبيستفيد منها الفريقين
اللي صدمني إن الأهلي بيتبع طريقة غير أخلاقية في إحراز التعادل
والمصيبة إن الواضح إنها لعبة متفق عليها
وده كان هايبقى نفس رأيي لو كان الزمالك هو اللي اتبعها

ده شئ غير متوقع على الإطلاق من الأهلي
وده مؤشر على الانحدار الأخلاقي اللي وصلنا له في بلدنا
ولا عجب من تصرف ألتراس أهلاوي في نفس المباراة لأن الانحدار الأخلاقي ده تعدى كافة الحدود

[aliabutaleb]

مبروك عليكم يا زمالكاوية احسن مدرب في مصر
ومبروك علينا الدوري ... وباذن الله الكاس

طبعاً تصرف غريب من حسام المقصود بيه التغطية على تفوق حسام البدري عليه في إدارة اللقاء
طبعاً ناهيك عن كذبه في نفس المقابلة لما قال إنه لم يعد بالفوز على الأهلي

مين قال حسام أحسن مدرب في مصر؟
عن نفسي لو هاددي اللقب ده لحد مش هالاقي له أفضل من إسماعيل يوسف بصراحة على الموسم اللي قضاه مع الجونة