ايه شروط الحصول على رخصة صيادلية ؟؟؟

[SunSet]

يعني مش مكفيكي الكشف بــ100 جنيه(على الأقل)
100 ×50 كشف=5000 جنيه في اليوم
وبتاخدوت نسبة من الصيدليات على الروشتات بتاعتكم
وبتاخدوا نسبة من شركات الأدوية على الأدوية إلي بتكتبوها

وكمان عاوزين تفتحوا صيدليات

إدونا فرصتنا بقا ...إدونا فرصتنا بقا

ههههههههه
أنا بهزر يادكتورة ..إوعي تزعلي

عيني عليكم باردة

مين ده !!!!؟؟؟؟

يا شيخ سيبنا بدل ما نأكل عيش نأكل كرواسون

نأكل جاتو
نأكل كفيار ولا سيمون فيميه

نركب لانسر

مثلا يعني

[A7MED_PHARMA]

مين ده !!!!؟؟؟؟

يا شيخ سينا بدل ما نأكل عيش نأكل كرواسون

نأكل جاتو
نأكل كفيار ولا سيمون فيميه

نركب لانسر

مثلا يعني

بس إيه رأيك في صالون الانسر؟؟؟

أكيد مش أجمل من صالون الــbmw إلي إنتي خايفة تكتبيها عندك في بياناتك
علشان الحسد"خمسة وخميسة"

[SunSet]

بس إيه رأيك في صالون الانسر؟؟؟

أكيد مش أجمل من صالون الــbmw إلي إنتي خايفة تكتبيها عندك في بياناتك
علشان الحسد"خمسة وخميسة"

ايه ده !!!!!!!!!!!!!!!!!!!!!!0
انت عرفت ازاي ان من ضمن العربيات اللي معايا بي ام اخر موديل ؟

[AhmedGen2]

و دى النقطة اللى تهمنى حاليا انه لازم يكون صيدلى و طبعا لازم اخد عليه شيكات علشان ميلعبش بديله ؟؟؟؟ صح ؟؟؟

هو ممكن يلعب بديله ازاى؟ هو مش بياخد مرتب مقابل اسمه؟ ولا انت بتكتب له الصيدلية باسمه؟ ممكن حد يفهمنى مسألة الضمانات بالنسبة لكلا الطرفين؟

[A7MED_PHARMA]

ايه ده !!!!!!!!!!!!!!!!!!!!!!0
انت عرفت ازاي ان من ضمن العربيات اللي معايا بي ام اخر موديل ؟

الحسبة بسيطة
الكشف بــ100 جنيه ×50 كشف=5000 في اليوم
5000×30 يوم = 150.000 الف في الشهر
نسبة من الصيادلة(إتاوة)=5.000
نسبة من شركات الأدوية(سمسرة)10.000

يبقا المجموع
165.000 في الشهر

يبقا أقل واجب ...تركبي بي أم
وتعدي جمب الانسر ..وتقولي إيه القرف ده

[A7MED_PHARMA]

هو ممكن يلعب بديله ازاى؟ هو مش بياخد مرتب مقابل اسمه؟ ولا انت بتكتب له الصيدلية باسمه؟ ممكن حد يفهمنى مسألة الضمانات بالنسبة لكلا الطرفين؟

بص يامعلم
الصيدلية لازم تكون مترخصة بإسم صيدلي
يعني
الصيدلية بإسمه من الناحية القانونية
يعني لو إنت مش واخد عليه ورق
ممكن يشوف الصيدلية شغالة وبتدخل فلوس
ييجي يقولك زي عادل إمام في مسرحية الواد سيد الشغال:"ملكش فلوس عنـــــــــــدي"
يعني
يقولك دي صيدليتي ...وإطلع منها
علشان هيا بتاعته على الورق ومن الناحية الرسمية
وهوا ده إلي حصل معايا فعلا..ولولا إن عمي مفتش في الصحة
وكان ممكن يلبس تهمة لجوز الدكتورة إلي كنت واخد إسمها لحد ماأخلص جامعة
كان أخد مني الصيدلية

[AhmedGen2]

بص يامعلم
الصيدلية لازم تكون مترخصة بإسم صيدلي
يعني
الصيدلية بإسمه من الناحية القانونية
يعني لو إنت مش واخد عليه ورق
ممكن يشوف الصيدلية شغالة وبتدخل فلوس
ييجي يقولك زي عادل إمام في مسرحية الواد سيد الشغال:"ملكش فلوس عنـــــــــــدي"
يعني
يقولك دي صيدليتي ...وإطلع منها
علشان هيا بتاعته على الورق ومن الناحية الرسمية
وهوا ده إلي حصل معايا فعلا..ولولا إن عمي مفتش في الصحة
وكان ممكن يلبس تهمة لجوز الدكتورة إلي كنت واخد إسمها لحد ماأخلص جامعة
كان أخد مني الصيدلية

فهو هياخد عليا شيكات بتمن الصيدلية مثلا؟ طب الصيدلى ازاى يأمن من النصب فى حاجة زى كدة؟ أو تفتكر ايه سيناريوهات النصب اللى ممكن تحصل على الصيدلى فى الحوار دة؟

[A7MED_PHARMA]

فهو هياخد عليا شيكات بتمن الصيدلية مثلا؟ طب الصيدلى ازاى يأمن من النصب فى حاجة زى كدة؟ أو تفتكر ايه سيناريوهات النصب اللى ممكن تحصل على الصيدلى فى الحوار دة؟

لو إنت مش صيدلي
وعاوز تفتح صيدلية ..يبقا إنت عاوز صيدلي تفتح بإسمه
ولازم تاخد على الصيدلي شيك أو أي ضمان مكتوب...علشان تضمن إن الصيدلي مايطمعش في الصيدلية ويقولك دي صيدليتي.
ولو إنت صيدلي ..وفاتج صيدليتين ...وعاوز تفتح التالته
يبقا برضوو
هتشوف صيدلي تفتح بإسمه...وتاخد عليه ضمان ورقي ومكتوب

[AhmedGen2]

لو إنت مش صيدلي
وعاوز تفتح صيدلية ..يبقا إنت عاوز صيدلي تفتح بإسمه
ولازم تاخد على الصيدلي شيك أو أي ضمان مكتوب...علشان تضمن إن الصيدلي مايطمعش في الصيدلية ويقولك دي صيدليتي.
ولو إنت صيدلي ..وفاتج صيدليتين ...وعاوز تفتح التالته
يبقا برضوو
هتشوف صيدلي تفتح بإسمه...وتاخد عليه ضمان ورقي ومكتوب

أنا فاهم النقطة دى ، لكن هل فيه حاجة تانى كصيدلى أخد بالى منها؟ غير الضمان اللى همضى عليه ، مش ممكن مثلا بعد مضى الشيكات تتطلع الصيدلية مش بتاعته أصلا؟.

اعذرنى انا معنديش أى خبرة فى الموضوع وليا حد عزيز جداً صيدلى ناوى يشارك حد باسمه.

[A7MED_PHARMA]

أنا فاهم النقطة دى ، لكن هل فيه حاجة تانى كصيدلى أخد بالى منها؟ غير الضمان اللى همضى عليه ، مش ممكن مثلا بعد مضى الشيكات تتطلع الصيدلية مش بتاعته أصلا؟.

اعذرنى انا معنديش أى خبرة فى الموضوع وليا حد عزيز جداً صيدلى ناوى يشارك حد باسمه.

ولو حتى طلعت مش بتاعته
المهم إنها بإسم الصيدلي........
يعني
الصيدلية بإسم الصيدلي..والصيدلي مأمن نفسه إن الصيدلية بإسمه
وصاحب الصيدلية الفعلي..مأمن نفسه إنه واخد ورق على الدكتور الصيدلي
يعني
هما الإتنين محدش فيهم يقدر يعمل حاجة للتاني
وطبعا
الصيدلي مايمضيش على شيك على بياض..هوا يمضي على شيك بتمن الصيدلية


............والأفضل للصيدلي
يدي إسمه لوحد ثقة..مش لأي حد
علشان في الأخر
لو حصلت مشكلة أو تجارة في أدوية غير مرخصة أو أدوية جدول
الصيدلي إلي هيشيل الليلة..ودي قضية أمن دولة
يعني فيها شطب من جداول النقابة
وفيها تشميع للصيدلية بالشمع الأحمر
وفيها حبس وكلبوش
ده غير الواجب إلي هيتعمل معاه من بتوع أمن الدولة

[AhmedGen2]

ولو حتى طلعت مش بتاعته
المهم إنها بإسم الصيدلي........
يعني
الصيدلية بإسم الصيدلي..والصيدلي مأمن نفسه إن الصيدلية بإسمه
وصاحب الصيدلية الفعلي..مأمن نفسه إنه واخد ورق على الدكتور الصيدلي
يعني
هما الإتنين محدش فيهم يقدر يعمل حاجة للتاني
وطبعا
الصيدلي مايمضيش على شيك على بياض..هوا يمضي على شيك بتمن الصيدلية


............والأفضل للصيدلي
يدي إسمه لوحد ثقة..مش لأي حد
علشان في الأخر
لو حصلت مشكلة أو تجارة في أدوية غير مرخصة أو أدوية جدول
الصيدلي إلي هيشيل الليلة..ودي قضية أمن دولة
يعني فيها شطب من جداول النقابة
وفيها تشميع للصيدلية بالشمع الأحمر
وفيها حبس وكلبوش
ده غير الواجب إلي هيتعمل معاه من بتوع أمن الدولة

آه أنا كدة فهمت ، لا هو هيشارك باسمه والإدارة كمان.

شكرا جدا :).

[mr_sameh]

شكلي طلعت بافتي

امال ليه كنت هاشتري حاجة بالتقسيط مؤخرا و التاجر صمم على وصولات امانة

اقول له شيكات بنكية و تسحبها انت كل شهر و تخلص نفسك و تخلصني

يقول لي لا المستشار القانوني بتاعنا قال لنا الشيك ضعيف و وصل الأمانة أقوى !!!

ياباشا الشيك البنكي اقوي ودي لاسباب قانونيه يطول شرحها ومن الاخر الايصال يجوز فيه المنازعه في المحاكم اما الشيك لايجوز فيه المنازعه غير في حالة التزوير فقط

[maka]

حسب المكان إلي إنت فاتح فيه
يعني الي بيفتح في القرية ..غير الي بيفتح في مدينة
شوف إنت عاوز تفتح فين...

مبدئيا
لازم تجيب بضاعة لاتقل عن الــ50 ألف في الأول علشان البداية تكون سليمة
وطبعا
تهتم جدا بالمستحضرات في أول ماتفتح
علشان دي بتعمل (رجل)على الصيدلية بتاعتك

وربنا يوفقك

ناوى افتح فى القاهرة باذن الله

و البضاعة دى باجيبها منيين و بدفعها فورى ولا بالاجل

و الصيدلية لو حالها مشى تعمل مبيعات كام يوميا بالتقريب

و ياريت يا دكتور لو عندك اى معلومات تمدنا بيها