أجيب منين صاروخ وهيلتى؟

[mmffor]

يا ريت تشتري جوانتيات و نظارة حمايه معاك و خصوصا في استخدام الصاروخ لأنه مش هزار . انا بستعمله بنفسي كتير و عارف بقولك ايه ! النظاره حتعمل 10 جنيه و الجوانتي 10 برضه بس يبقى امنت نفسك و ربنا هو الحافظ

[A.Saad]

http://www.nilemotors.net/Nile/142069-a.html

[melrefay]

بص يا باشا هات apt هيلتى 1250وات فى حدود تقريبا 370 يزيد عشرين او يقل وهتلاقية فى الجمهورية او الرويعى وهتجيب ظرف فى حدود 30 جنية هيخلية يشتغل شنيور

[see you]

بص يا باشا انا هقولك على تجربة شخصية بيه هات apt صينى حلو 1500 وات جبته من حوالى سنه من شارع الجمهورية بحوالى 400 جنيه او اقل حاجة بسيطة وانت بتشترى قوله عاوز ضمان مش مركز خدمه فيهم ناس يقوللك دا لية مركز خدمة فى العباسية ويديك ورقة كدة انت فاكرها ضمان دى لا ضمان ولا حاجة فى عندهم بردوا جوا المحل مش فى شنطة الهيلتى لا دى بتكون عند صاحب المحل ضمان لاى منتج صينى يحولك لمركز الخدمة الى فى العباسية مجانا لكن لو قلك او اداك ورقة عادية مش مختومة ده مش ضمان الضمان لازن يتختم من عنده انا ممعايا الهيلى apt 1500بقاله سنه واول ما جبته بهدلته فى تكسير خرسانات بصراحة شغال بس علشان يعيش متشغلوش مده طويلة متواصلة وحاول يكون مش على اعلى سرعة فيه حاول تقلل سرعته وبيجى معاك طقم بنط شنيور معاه كل حاجة يعتبر
وصدقنى كل الصنايعيه كهربائية وسباكين شغالين بيه متقلقش منه وفى ناس بتصلحه رخيص اوى لو حصله حاجة او عليك وعلى مركز الخدمه بتاع العباسية واى استفسار تحت امرك

[aboel3abkarya]

لو عايز عدة كهربا قولى

لو بتفكر ومحتار تشترى أى عدة منين خصوصا العدة الكهربا
خصوصا الهيلتى و الشنيور و الصاروخ و منشار الصينية و المنشار الاركت

كلمنى وانا هفيدك حتى لو مش هتشترى من عندى

01111172091
01016201263
m-kl87@hotmail.com

[أشرف فتحى]

لو بتفكر ومحتار تشترى أى عدة منين خصوصا العدة الكهربا
خصوصا الهيلتى و الشنيور و الصاروخ و منشار الصينية و المنشار الاركت

كلمنى وانا هفيدك حتى لو مش هتشترى من عندى

01111172091
01016201263
m-kl87@hotmail.com

متشكر لحضرتك جدا بس الموضوع ده كان معمول من 3 سنين...وبالفعل انا إشتريت هيلتى apt وعمل اللى عليه وزياده الحمد لله...

لكن لو مفيش مانع عند حضرتك......
ياريت تعرفنى سعر الصاروح المحترم بقى كام دلوقت والأفضل اجيبه كام وات وكام بوصه....بالذات لو هشتغل بيه تجليخ وصنفره وجلى رخام او بلاط.
والدبابه بتاعه الصنفره ينفع تستخدم صنفره حوائط ولا أخشاب مسطحه فقط.
والروتر الصغير يعمل كام بشنطه الفديه بتاعته؟

منتظر ردك..!

[AhMeD MeTwAlY]

انزل شارع الجمهوريه وهتﻻقي الي نفسك فيه الصيني في منه الحلو ومنه الوحش بس مدام غاوي اشتري النضيف عشان يعيش معاك

[أشرف فتحى]

الموضوع قديم.............من 5 / 2010
أنا بالفعل اشتريت والحمد لله من شارع الجمهوريه بمساعده أخونا الله يرحمه صبحى ربنا يغفرله ويصبر أهله.

[wael saed abdo]

سﻻم عليكم معلشى هو النوع الى حضرتك اشتريته اشتغل معاك فى تخريم الخرسانه . تخريم لتركيب الستائر