الدنيا صغيرة .. مين معاه نيسان ليفينا فضي؟

[MoToRiZeR]

و الله الدنيا صغيرة يا جماعة .. للأسف بسبب بعض الظروف مش عارف أكون في الموقع كتير اليومين دول
من كام يوم كنت مسافر إسكندرية و الطريق فااااااضي ولا حد رايح ولا حد راجع .. و إذ فجأة لقيت عربية نيسان ليفينا معدية من جنبي في الكيلو 147 عليها ستيكر نايل موتورز .. ياما إنت كريم يا رب .. طبعاَ مسبتهاش .. جريت وراه في التحويلة و جيت قلتله انا في نايل موتورز .. فا قاللي تمام و ضحك بس هو كان هيلف و مكملش الطريق .. يا تري مين صاحب العربية.

علي فكرة انا شفته قبل كدة في أون ذا ران بتاع ميدان جهينة في أكتوبر.

سبحان الله بقعد أدور علي حد حاطط الستيكر في وسط البلد مبلاقيش و أقابل حد في وسط الصحرا

متهيألي دي أول صدفة لحد من نايل موتورز علي طريق سفر

[Ahmed Nouh]

انا اول مره قابلت اسلام ويجا بالجين 2 على طريق الاسماعيليه وانا راجع القاهره

و من فتره قابلت عربيه ياريس على طريق بورسعيد فى اتجاه الاسماعيليه

بس كان طاير وملحقتش اجيبه

وامبارح كان فى عربيه بيرسونا فضى اسماعيليه كنت مشتبه فيها انها عربيه المغربى بس مكنتش متأكد وهو كان مكمل على الاسماعيليه وانت كنت داخل العاشر فملحقتش اجرى وراه اشوفه

اهى 3 صدف على طريق سريع :))


شارك فى الموضوع بتاع احمد يوكو ده علشان نجمع فيه الناس اللى اتقابلت بالصدفه

http://www.nilemotors.net/Nile/130663-a.html

[kemoelord]

انا ان شاء الله ناوي اجيب استكر " المنتدى " علشان كده والله علشان اتعرف على اي حد من هنا لان الناس هنا زي العسل وفي منتهى الجمال والروعه