أبدأ كورسات فى سنتر نضيف ولا سنتر تحت السلم

[lancerevolution]

مساء الفل على أحلى منتدى فى الدنيا
إحنا دلوقتى داخلين على الصيف و الصيف يعنى كورسات عشان تبقى مهندس تمام
انا فى هندسة حاسبات و محتاج أبدأ كورسات زى (c#,java, CCNA ,...etc)
فى دلوقتى خيارين قدامى إنى أبدأ فى سنتر تحت السلم كدا أخد فيه الحاجات دى و أشوف أنا عايز إيه و بعدين أكمل المشوار فى سنتر نضيف
ولا أنتوا رأيكوا إيه أبدأ فى النضيف على طول

عشان أنا مش عايز أضيع وقت و فلوس فى حاجة مش هتعجبنى خاصة إن أى سنتر نضيف هيبقى فى القاهرة و دا سفر بالنسبة ليا و هيبقى يوم و يوم

أرجوا المشورة عشان أنا محتار جدا جدا

[AirForces]

اكيد سنتر نضيف عشان يبقا معترف بالكورس اللى انت هتاخده ما تروحش اى سنتر والسلام وتدفع فلوس وما تستفيدش حاجة ويبقا الأسم انك واخد الكورس دا وخلاص

انا فى هندسة اتصالات خدت كورس السنة اللى فاتت تبع شركة محترمة اسمها جيليكوم هى فاتحة فروع كتير فى مصر وهتفتح مراكز تدريب فى السودان والشرق الأوسط قريبا وكورساتها معترف بيها من itida شوف كدا يمكن يكون فى فرع قريب منك
دا موقعها Jelecom • HomePage
بالتوفيق إن شاء الله

[Mostafa.Ismail]

مش لازم الاول تحدد انت عايز كورسات اية؟ اقصد المجال يعنى.

بس على اى حال ابدا فى حاجة محترمة مفيش كلام. بس قولى انت عايز تاخد كورسات اية وانا هرشحلك كام مكان.

[lancerevolution]

انا عارف جيليكوم دول حتى عاملين عندنا إعلانات كتير بس معظم حاجاتهم لتصالات مش حاسبات قوى

مش لازم الاول تحدد انت عايز كورسات اية؟ اقصد المجال يعنى.

بس على اى حال ابدا فى حاجة محترمة مفيش كلام. بس قولى انت عايز تاخد كورسات اية وانا هرشحلك كام مكان.

هو دا مربط الفرس انا مش عارف أحدد قوى الى انا عايز أوصل فيه لمستوايات عالية و طبعا الباقى لازم أبقى عارف عنه حاجة زى الOracle و شغل الداتابيز لازم الواحد يعرف عنه عشان بيسد فى حاجات كتير زى الويب ديفيلوبينج و بعض البرمجة و ممكن بردوا أتخصص فيه بس
الدنيا ملخبطة جدا

[Mostafa.Ismail]

هو انت بتدرس اية بالظبط فى حاسبات؟ واية من الحاجات اللى درستها لقيت نفسك فيها؟ يعنى حبتها يعنى.

بالنسبة ل Oracle مفيش كلام انك لازم تفهم (مش تعرف) database. انا قصدى انك لازم تتعلم يعنى اية database الاول مش مهم بقى Oracle ولا MySQL ولا DB2 مثلا.

علشان كدة بقولك تعالى نفكر انت عايز تبقى اية؟ هى حاجة صعبة انا عارف. بس من خلال الدراسة المفروض ان الواحد يعرف حاجة عن كل حاجة وبعدين يقرر يتخصص فى اية.

[m7nsh]

انا هرشحلك جليكوم برده عن تجربه و هى مش اتصالات بس على فكره هى فيها لغات برمجه برده سواء جافا او سى شارب
بالنسبه لل ccna لازم ولابد و حتما تاخدها مع باشمهندس احمد نبيل وهو بيدى فى سنتر اسمه ncs فى عمارات العبور ..ونا خدتها معاه هناك و بصراحه راجل فاهم جدا جدا ماشاء الله عليه