حد يعرف نجار كويس؟

[amir]

السلام عليكم و رحمه الله
المشكله و ما فيها ان عندنا دولابين و سريرين قدام شويه
هما عليهم قشره و القشره دي اتقشرت و اتهرت في كذا مكان
نزلنا نبص في مفكو حلوان
لقينا اسعار صادمه قوي قوي
فكرنا نبص علي دواليب صيني مثلا
و انا قلت اسئلكم علي نجار كويس و محترم يظبط الحاجات الحاليه بقشره جديده و يبقي جددنا الدواليب و السراير
مستني ردودكم و متشكر مقدما علي المساعده مع العلم اني من سكان مدينه نصر

[amir]

فين خبرات الشباب؟؟؟

[tayson54]

انا كمان بدور علي نجار كويس ولذلك منتظر الرد

[amir]

ايه يا جماعه فين روح المساعده؟؟
هو محدش منكم استخدم نجار شاطر في البيت قبل كده
انا قلت اول ما هكتب الموضوع هلاقي ردود كتير
امال فين الناس اللي متجوزه قريب و اللي بتجهز اليومين دول

[Eng_Mostafa_89]

بص يا باشا انا اعرف اتنين هما كويسين جدا وحاجتهم نضيفة جدا وعن تجربة
بس بخصوص موضوع تغير القشرة دة مش عارف هما يعملوها ولا لاء
فى واحد كويس فى كوبري القبة عند قيادة حرس الحدود اسمة عربي النجار
وفى واحد تانى هنا جنب بيتى فى عين شمس اسمة حمدى
والاتنين كويسين.
شوف كدة انى اقربلك ورد عليا

[amir]

شكرا علي الرد
و لو امكن اكتبلي نمرهم هنا مش في رساله علشان الفايده لباقي الاعضاء
و انا هاكلمهم و اشوف مين فيهم بيعمل الشغل المطلوب و اقربلي طبعا كوبري القبه
بس مقلوش من طرف مين؟

[Eng_Mostafa_89]

طيب بص يا باشا معلش تصبر عليا شويا فى موضوع ارقام التليفونات دى

[WalidAdel]

والله ياعم امير لولا العربيه النيسان صني 2007 و القسم اللي جامعنا انا مكنتش تدخلت في الموضوع ده
عموما بص ياباشا ايام لما كنت ببيض البيت بتاعنا صادفني طبعا المشكله دي في تغيير المطبخ فربنا كرمني ان النقاش يعرف النجار دا علشان يعملي مطبخ جديد و ياخد القديم دا يولع فيه لان شكله كان مقرف اوي قالي احنا لو لفينا مش هنلاقي خشب زي دا دلوقتي و بتاع انا هاخده واعمله و لو ماعجبكش هاشتريه منك و بتاع المهم المطبخ طلع ماشاء الله تحفه و من ساعتها الراجل دا بقيت استشيره في كل حاجه بالنسبه للنجاره النمره علي الخاص ياباشا

[haythoomatos]

والله ياعم امير لولا العربيه النيسان صني 2007 و القسم اللي جامعنا انا مكنتش تدخلت في الموضوع ده :c_laugh[1]:
عموما بص ياباشا ايام لما كنت ببيض البيت بتاعنا صادفني طبعا المشكله دي في تغيير المطبخ فربنا كرمني ان النقاش يعرف النجار دا علشان يعملي مطبخ جديد و ياخد القديم دا يولع فيه لان شكله كان مقرف اوي قالي احنا لو لفينا مش هنلاقي خشب زي دا دلوقتي و بتاع انا هاخده واعمله و لو ماعجبكش هاشتريه منك و بتاع المهم المطبخ طلع ماشاء الله تحفه و من ساعتها الراجل دا بقيت استشيره في كل حاجه بالنسبه للنجاره النمره علي الخاص ياباشا

السلام عليكم يا استاذ وليد عادل.. انا كنت بدور على نجار بنفس مواصفات النجار الى انت بتقول عليه ده...و محتاجه جدا جدا... انا عارف ان الموضوع بقاله كتير بس يا ريت لو النجار ده لسه موجود تبعتلى رقمه لو لسه معاك....شكرا

[mohamedzaki74]

السلام عليكم يا استاذ وليد عادل.. انا كنت بدور على نجار بنفس مواصفات النجار الى انت بتقول عليه ده...و محتاجه جدا جدا... انا عارف ان الموضوع بقاله كتير بس يا ريت لو النجار ده لسه موجود تبعتلى رقمه لو لسه معاك....شكرا

بعد اذنك و انا كمان