هتشوف كاس العالم ازاي ؟؟

[MRBEBO]

هتشوف كاس العالم ازاي ؟؟

هل هتكتفي بالمتشات المذاعة على التليفزيون المصري ؟

او هتجيب القنوات الاجنبية المفتوحة اللي بتذيع الماتشات بتعليق غير عربي ؟

او هتشترك رسمي في الجزيرة ؟

او هتجيب وصلة عليها قنوات الجزيرة ؟

او هتشترك شيرنج ب 30 جنيه في الشهر علشان تبقى براحتك ؟

ياريت نعرف كل واحد هيشوف كاس العالم ازاي والطريقة دي هتكلفه قد ايه

انا عن نفسي اشتريت جهاز دريم بوكس 500 ب 620 جنيه وان شاء الله بفكر بجدية اني اشترك شيرنج

مع ان فيه سيرفرات مجانية وممتازة جدا عن تجربة يعني ثبات ومفيش ادنى تقطيع مع المتشات بس الواحد عاوز يبقى في السليم اكتر

يالا كل واحد يقول ناوي يعمل ايه

[solid_khaled]

أنا عندي ال-dream بوكس من شهر كدة جبتو ب-٦٥٠ جنيه و بدفع ٥٠ فالشهر

[النوبي]

برغم اني عندي رسيفر بيفتح بالنت وعندي قنوات الشوتايم والجزيره بس انا مبحبش الكوره خاااااااااالص ولا اهلي ولا زمالك ولا ريال مدريد ولا ارجنتين ولا الهوا

[kemoelord]

عن طريق وصلة ب 35 ج في الشهر زي الفل

[M.Osama]

انا عندي دريم بوكس 500 ومشترك شيرنج من اكتر من سنتين والدنيا تمام

[LanCeLoT]

معلش هوا ايه الدريم بوكس

[MRBEBO]

معلش هوا ايه الدريم بوكس

ريسيفر متطور بيدخل فيه كابل نيتورك

بحيث انك عن طريق اشتراك في احد السيرفرات

بتاخد بيانات تدخلها فيه بيفتحلك تقريبا معظم القنوات المشفرة على معظم الاقمار

وفكرته ببساطة ان الجهاز بيدخل على النت وبياخد الشفرة من صاحب السيرفر بشكل مستمر

يعني لو الشفرة بتتغير كل حتى 10 دقايق مفيش اي مشاكل

والميزة انك بتشوف الصورة على التليفزيون يعني قمة الوضوح ولو السيرفر كويس بيبقى اكنك مشترك رسمي

يعني مفيش اي تقطيع + قمة الوضوح

حاليا معظم السيرفرت فاتحه النايل سات كله + معظم الهوت بيرد + اقمار تانية زي الاسترا وغيرها

الاشتراكات بتتراوح من 60 جنيه لغاية 120 او 150 جنيه كل 3 شهور حسب عدد الاقمار وجودة السيرفر

وفيه سيرفرات ممتازة من 90 جنيه كل 3 شهور

غير ان فيه سيرفرات مجانية ممتازة عن تجربة

يعني الجزيرة كلها مفتوحة كاملة مجانا

وطبعا علشان تستفيد من كل ده محتاج رسيفر زي الدريم بوكس او ريسيفر فيه مدخل لان وانوعهم كتييير جدا

[yaserbasha2000]

شيرنج

بس غالبا الجزيره هتعاند النظام المصري وهتذيع علي المفتوح بعد ما دفعوا كام مليون

[Abomar77]

غير ان فيه سيرفرات مجانية ممتازة عن تجربة

ا

باشا لو ينفع تبعتلي السيرفرات المجانية ديه على الخاص ابقى شاكر افضالك ....

[MRBEBO]

باشا لو ينفع تبعتلي السيرفرات المجانية ديه على الخاص ابقى شاكر افضالك ....

من عنيا الاتنين يا باشا

[Dr.Karim Emam]

القمر التركي Turksat 1C بيجيب الماتشات كلها على قنوات مفتوحة
بلا جزيرة بلا وجع قلب و اهو الواحد يبعد نفسه عن حرمانية الوصلة و الكلام اللي مالوش لازمة
و بعدين المذيع التركي هادي و كويس مع اني مابفهمش تركي بس على الاقل احسن من المذيعين العرب اللي يحسسك انك بتتفرج على المولد مش على ماتش كوره

[Eng.Geo]

عندي ريسيفر بيفك الشفرات
وعندي أمتحانات زلت أهلي :)

[LanCeLoT]

ريسيفر متطور بيدخل فيه كابل نيتورك

بحيث انك عن طريق اشتراك في احد السيرفرات

بتاخد بيانات تدخلها فيه بيفتحلك تقريبا معظم القنوات المشفرة على معظم الاقمار

وفكرته ببساطة ان الجهاز بيدخل على النت وبياخد الشفرة من صاحب السيرفر بشكل مستمر

يعني لو الشفرة بتتغير كل حتى 10 دقايق مفيش اي مشاكل

والميزة انك بتشوف الصورة على التليفزيون يعني قمة الوضوح ولو السيرفر كويس بيبقى اكنك مشترك رسمي

يعني مفيش اي تقطيع + قمة الوضوح

حاليا معظم السيرفرت فاتحه النايل سات كله + معظم الهوت بيرد + اقمار تانية زي الاسترا وغيرها

الاشتراكات بتتراوح من 60 جنيه لغاية 120 او 150 جنيه كل 3 شهور حسب عدد الاقمار وجودة السيرفر

وفيه سيرفرات ممتازة من 90 جنيه كل 3 شهور

غير ان فيه سيرفرات مجانية ممتازة عن تجربة

يعني الجزيرة كلها مفتوحة كاملة مجانا

وطبعا علشان تستفيد من كل ده محتاج رسيفر زي الدريم بوكس او ريسيفر فيه مدخل لان وانوعهم كتييير جدا

متشكر على ردك المفصل
بس كمل جميلك و قوللي ازا ي اشترك في السيرفرات دي

[Eng.Geo]

مبروك يا رجالة
الماتشات كلها هتتذاع عادي علي قنوات الجزيرة المفتوحة
:)
FilGoal | ط§ط®ط¨ط§ط± |ظ…طµط¯ط±: ط§طھط¬ط§ظ‡ ظپظٹ ط§ظ„ط¬ط²ظٹط±ط© ظ„ط¨ط« ظƒط£ط³ ط§ظ„ط¹ط§ظ„ظ… ط¹ظ„ظ‰ ط§ظ„ظ‚ظ†ظˆط§طھ ط§ظ„ظ…ظپطھظˆطط©

[FLASH_SMILE]

انا قرأت ان الجزيره هاتزيع على المفتوح
ولو مازعتش الشيرنج موجود وببلاش
وانا اصلا مش متابع كوره فا مش فارقه