موقف و حادثة غريبة

[tmz9111]

وقع هذا الموقف من دقائق و أول ما دخلت البيت كتبته و أنا عائد مع أصدقائى للمنزل و جدت سيارة لانسر جديدة تتخطانى بسرعة كبيرة جدا و نحن الساعة الخامسة فجرا ثم بعد ذلك أختل توازن السيارة يمين و شمال ثم أصدمت بالرصيف و بعد ذلك أصدمت بالبنك المقابل للرصيف فتوجهت أنا و أصدقائى بسرعة خوفا من حدوث شئ لاصحابها ففوجئت بنزول ثلاثة أولاد منها لايتعدى عمر أكبرهم عن 15 سنة و يجرون فى نواحى متفرقة بسرعة كبيرة و سمعت أحد الاشخاص الواقفين أن هؤلاء الاشخاص لصوص و قاموا بسرقة السيارة فأنطلقت بالسيارة و حتى أمسك أحد الاشخاص و كنت هنا أمام خيارين الاول أن أخبط هذا الولد بالسيارة حتى أمسكه أو أن أقف بالسيارة أمامه ثم أنزل أنا و زملائى للامساك به و أخترت الحل الثانى خوفا على عدم تحكمى فى الخبطة مما قد تؤدى لوفاة الولد و لكن للأسف أستطاع الولد العبور للرصيف الثانى و دخل فى شارع مظلم من شوارع الجيزة و فشلنا فى الامساك به
المدهش فى الموضوع أننى تخيلت لو أنا مكان صاحب السيارة المسروقة ماذا سأفعل و هل أنا ما فعلته أتجاه اللص سليم أم لا
أسف على الاطالة و لكن كنت لازم أفضفض
كل واحد يخلى باله من عربيته و ربنا يسترها على الجميع

[Chicco]

كويس انك ما حاولتش تخبط الولد الحرامي ....الله أعلم إيه اللي كان ممكن يحصل .... موضوع سرقة العربيات ده زاد أوي ربنا يستر

[hazem_khidr]

طبعا غلط انك تصدم بني ادم حتي لو غلطان يس لو عرف ازاي تخبطه من غير ما يموت كنت عملت كده.
انا مره كنت داخل منطقه بالبيجو ال505 القديمه و لقيت الكل بيلف و يرجع و بيشاورو ان محشد يخش الشارع لان في اتنين سكرانين او مخدرين واقفين بمطواه و مش بيخلو اي عربيه تعدي !!!!!!!
و انا في العربيه اتصلت بالقسم و بلغت و دخلت الشارع و قافل الزجاج عليا و ماشي بسرعتي و واحد من دول واقف قدام في نص الطريق و عمال يشاور بالمطواه بتاعه اني ارجع !!!!
ما سألتش فيه و كملت و هو برضه مش بيتحرك روحت انا قبله بشويه خاطف يمين في شمال و خبطه بالرفرف الامامي الشمال وقعته علي الارض و ما وقفتش و بعدين الشرطه جت كانو هربو سألو الناس و عرفو اوصافهم و بعتو جابوهم.
الغريب ان العيال دي واقفه و الناس كتير في الشارع و الكل خايف يجي ناحيتهم حتي سواقين الميكروباص كانو خايفين و لما بيدخلوا الشارع دا بيلفو و يرجعو!!!!

[3mr Farrag]

انا لسه داحل من بره حالا....
و برضوا حاصلي موقف غريب و انا راجع....
كان في لانوس و انا ماشي في امان الله بس معتقدش اني زنقت عليه...
و لقيته عمال يعمل كلااكسات و جه قدامي بشويه و اعد يهبل بالعربيه و يحود الدريكسيون يمين في شمال....
انا قلت شكله اهبل و شاربله اي زفت علي الصبح....
رحت مكبر ديماغي....و هو مبسوط اوي و عمال يجي جمبي و عايز يزنق و يشد ....مش عارف بقي نيته ايه.....
انا كان ممكن اقفل ديماغي معاه بس لو قفلت مش هسيبه بصراحه غير ما البسه.....
و اعد يلف ورايا كل ما ادخل شارع .....و راح مزنق عليا و انا رحت داخل عليه سنه و كان ممكن يلبس في عربيه راكنه.....
انا لو كنت قفلت جامد معاه كان هيضرب و هيتلع عينه لأني معايا 5 صحابي....و هما اعتقد كانوا 3
بس انا مش بحب المشاكل و كمان ما كنش فيه ديماغ علي الصبح
بصراحه حاجه زفت شرب البلاوي ديه

[eng_mkhalaf]

عيال صغيرة وسرقوا لأنسر - امال الكبار يسرقوا أية - ربنا يستر

[hazem_khidr]

يسرقوا شيري يا هندسه :):):)

[tmz9111]

عيال صغيرة وسرقوا لأنسر - امال الكبار يسرقوا أية - ربنا يستر

وفين فى الجيزة و شارع عمومى سبحان الله

[sokasoon]

تفكير جيد وكويس انك جريت وراه وحاولت تمسكو حد تانى كان مشى وكأنو ماشافش حاجة

وربنا يعوض على صاحب العربية

[tmz9111]

تفكير جيد وكويس انك جريت وراه وحاولت تمسكو حد تانى كان مشى وكأنو ماشافش حاجة

وربنا يعوض على صاحب العربية

مالواحد بيحط نفسه مكان صاحب العربية و ربنا يسترها مع الجميع

[analyzer]

ولسه الى جاى اشد بكتير من كده

[khalid_adel]

هو لو انا مكانك مكنتش طبعا خبطو كان اخري ازنق عليه او احاول اوقفه لكن اني اذي نفسي في حاجه معرفهاش لا طبعا
اما لو الموضوع لحد اعرفه او يخصني طبعا كنت خبطه بس بالعقل يعني كنت حاجي عليه وافرمل جامد عليه كده كده العربيه بتنزل من قدام سنه وحيتخبط من تحت ويقع على الكبوت وحكون وقفت على كده مش حاكمل عليه وادوسه (يعني اول ماخلاص تقرب منه اوي فرمل جامد وانت تلاقيه عالكبوت)
وطبعا ربنا يحفظنا من المواقف دي (سلم يارب)

[tmz9111]

هو لو انا مكانك مكنتش طبعا خبطو كان اخري ازنق عليه او احاول اوقفه لكن اني اذي نفسي في حاجه معرفهاش لا طبعا
اما لو الموضوع لحد اعرفه او يخصني طبعا كنت خبطه بس بالعقل يعني كنت حاجي عليه وافرمل جامد عليه كده كده العربيه بتنزل من قدام سنه وحيتخبط من تحت ويقع على الكبوت وحكون وقفت على كده مش حاكمل عليه وادوسه (يعني اول ماخلاص تقرب منه اوي فرمل جامد وانت تلاقيه عالكبوت)
وطبعا ربنا يحفظنا من المواقف دي (سلم يارب)

تفكير سليم
ربنا يحفظ الجميع