حاجة تقرف

[A7MED_PHARMA]

انا اسف يا دكتور علي انعدام الذوق الي نزل عليا دا

" معلش الفسيولوجي والاناتومي بقا "

الف سلامة علي والدك و ربنا يقومه بالسلامة :)

ولا يهمك ياحبيبي
.........................نكمل الموضوع بقا.........................
المفروض أجيب براءة زمة(شهادة مخالفات) من محكمة زفتى
روحت المحكمة الساعة 9 النهاردة ..خرجت الساعة 9:30 ومعايا شهادة البيانات في إيدي
طبعا الموضوع كان متطلب(إني أتلحلح) مع العساكر والموظفين
نص ساعة بس..وطلعت من الدور الارضي للدور الخامس حوالي 4 مرات

المهم
روحت مرور ديرب نجم ...وتقريبا خلصت
الخزنة قفلت قبل ما أدفع الضريبة

بس الحمد لله
135 مخالفات على العربية
40 لزوم اللحلحة(وإلا كنت هاخد شهادة المخالفات يوم السبت)
10 لعامل رفع البصمة
121 طفاية حريق
95 جنيه شنطة ومثلث
187 شهادة تأمين لمدة 3 سنين
35 لوحات معدنية وملف ومظروف لحفظ الورق
20 لأمين الشرطة علشان أختار الرقم الجديد من الكشكول بنفسي
550 ضريبة تجديد(لسه هتندفع يوم السبت وأعلق اللوحات وأخد تصريح مؤقت)

وطبعا
قبلها بإسبوع ..رسوم تسجيل عقد شراء العربية بــ750 جنيه

دي كلها فلوس إندفعت..دخلت في حوالي الـــ الفين إلا شوية
دي كلها رسوم وضرايب وحاجات ملهاش لازمة

وفي الأخر..نمشي على طرق زي الزفت

[adel_2346]

[quote=a7med_pharma;3872725363]

95 جنيه شنطة ومثلث


الف سلامه على الوالد
بس فى استفسار صغير
ليه دفعت فلوس المثلث والشنطه لان انا لسه مرخص من 3 اسابيع و محدش جاب سيرتهم

[hossam_elwani]

السلام عليكم ورحمة الله

النهاردة كان يوم عالمي
إمبارح والدي كان تعبان ولفيت معاه بين الدكتور ومركز الأشعة والزحمة والحر و...و......
المهم
خلصت مشوار والدي عندي الدكتور ..ورجعت الصيدلية الساعة 12 بالليل
سهران في الصيدلية لحد الصبح علشان
مكنش ينفع أنام علشان أروح بدري أنقل العربية من مرور زفتى(الغربية) لمرور ديرب نجم(الشرقية)
روحت مرور ديرب نجم ..طلعت بصمة العربية
وروحت مرور زفتى علشان أطابق البصمة
بعد صراااااااااااع على الشباك بتاع الاستاذ(رمزي)
خلصت ورقة عن الاستاذ رمزي وروحت علشان أرفع البصمة من العربية مع العامل
رفعنا البصمة
وروحنا للمهندس..المهندس يقولي(يا ابني) البصمة بتاعت ديرب مش واضحة ..روح ديرب إعمل بصمة تانية
(((سبحان الله...مرور ديرب هوا إلي طالب مطابقة البصمة ...يعني المطلوب منك يابشمهندس يابتاع مرور زفتى ..إنك تحطلي بصمة العربية ..وتختم عليها وبس...علشان العربية هتسيب المرور بتاعكم ...مش هتجيلكم)))
لقيت نفسي بنفخ وبقول :"حسبي الله ونعم الوكيل"
لقيت المهندس جاي ورايا ووشه أحمر وبيقولي:إنت بتحسبن على مين ياابني"
قولتله:" أنا دكتور أحمد العلاوي..مش إبنك..يعني ماينفعش خاااالص انك تكلمني بالاسلوب ده..وبعدين انا بحسبن على الي كان السبب في العطلة إلي أنا فيها"
المهم
سيبته ومشيت
وروحت ظبطت العامل الي بيرفع البصمة
وتوهلي الورق بتاعي وسط الورق..والمهندس ختم عليه
المهم
كان المفروض أدفع 5 جنيه(مش عارف بتاعت ايه بالظبط) في الخزنة
الساعة بقت 1 الظهر...والجوووووووووو حرررررررررررررررررررررر
الموظف قالي إدفع في البريد(البريد في المرور)
روحت أدفع في البريد...قالولي :"هات تأشيرة من الظابط"(((مش عارف ليه بصراحة)))
أروح للبيه الظابط(رائد)أقوله :"لو سمحت حضرتك ..ممكن تأشيرة علشان أدفع في البريد
قفل الشباك في وشي من غير حتى مايرد عليا
قولت في نفسي:" اللهم لا راد لقضائك" ...روحت غلست وشي ..وصليت الظهر
ورجعت تاني
واحد واقف على الشباك بتاع الظابط...علشان برضوو ياخد تأشيرة علشان يدفع في الخزنة
الظابط قاله :"بكـــــــــره ياابني"
الراجل قاله:" حضرتك أنا جاي من المنيا(فعلا كان من المنيا)..ومش هلاقي حتة أبات فيها لحد بكره"
الظابط(الله يكرمه) راح واخد منه الورق
وقطعه
وقاله:"مش قولتلك بكره يا أطــــــرش"
وأنا واقف جمب الراجل ..جت عيني في عين الظابط
وبكل إزدراء بصيت له...ومشيت
سبحان الله
خرج ورايا وقالي إستنى ياإبني
ولاكأني سمعته ...ومشيت بعد لما أخدت مطابقة البصمة

....

وحسبي الله ونعم الوكيل

حسبى الله ونعم الوكيل كمان مره

الصنف ده من الضباط عايز ............
..................
..........................
واخيرا

"إذا دعتك قدرتك على ظلم الناس فتذكر قدرة الله عليك"

لقد خالفت القاعدة 9 بند أ من قواعد المنتدى
مما توجب عليه حصولك على انذار مع وقف اسبوع
يرجى مراعاة قواعد المنتدى
2:08am 8/6/2010
مشرف القسم 9ب

[aboelnagah]

............................
.........................
..........................
.....................

والراجل بتاع المينيا ده راجل محترم انا لو منه اقسم بالله كنت عملت فى الظابط ده البدع وتيجى زى ما تيجى


كان فى موقف حصل قدامى فى الكلية , كان فى ظابط امن كلام ملازم اول هو عبارة عن فيل قاعد طخين اوى معرفش ازاى ده ظابط

المهم كل شوية انا ابن اللواء فلان انا ابن اللواء فلان وهو عبارة عن يعاكس البنات وخلاص وياكل ويشرب

وكان فى فى الكلية فرد امن على البوابة بس كان مبسوط مديا كدا وكان من الفلاحين وكان جمسه ماشاء الله وكف ايده كبير المهم

جه الظابط ده نادى عليه فى مرة تعالى يابن كذا وشتمه بامه جامد

جه فرد الامن ده راح داخل عليه مكتبه طاخ طاخ طاخ فى وشه بالبونيات لحد عين الظابط دى ما ورمت

بعديها بيومين الظابط ده اتنقل وساب الكلية وفرد الامن ده و لا حصله حاجة

لقد خالفت القاعدة 9 بند أ من قواعد المنتدى
مما توجب عليه حصولك على انذار مع وقف اسبوع
يرجى مراعاة قواعد المنتدى
2:09am 8/6/2010
مشرف القسم 9ب

[SunSet]

السلام عليكم ورحمة الله

النهاردة كان يوم عالمي
إمبارح والدي كان تعبان ولفيت معاه بين الدكتور ومركز الأشعة والزحمة والحر و...و......
المهم
خلصت مشوار والدي عندي الدكتور ..ورجعت الصيدلية الساعة 12 بالليل
سهران في الصيدلية لحد الصبح علشان
مكنش ينفع أنام علشان أروح بدري أنقل العربية من مرور زفتى(الغربية) لمرور ديرب نجم(الشرقية)
روحت مرور ديرب نجم ..طلعت بصمة العربية
وروحت مرور زفتى علشان أطابق البصمة
بعد صراااااااااااع على الشباك بتاع الاستاذ(رمزي)
خلصت ورقة عن الاستاذ رمزي وروحت علشان أرفع البصمة من العربية مع العامل
رفعنا البصمة
وروحنا للمهندس..المهندس يقولي(يا ابني) البصمة بتاعت ديرب مش واضحة ..روح ديرب إعمل بصمة تانية
(((سبحان الله...مرور ديرب هوا إلي طالب مطابقة البصمة ...يعني المطلوب منك يابشمهندس يابتاع مرور زفتى ..إنك تحطلي بصمة العربية ..وتختم عليها وبس...علشان العربية هتسيب المرور بتاعكم ...مش هتجيلكم)))
لقيت نفسي بنفخ وبقول :"حسبي الله ونعم الوكيل"
لقيت المهندس جاي ورايا ووشه أحمر وبيقولي:إنت بتحسبن على مين ياابني"
قولتله:" أنا دكتور أحمد العلاوي..مش إبنك..يعني ماينفعش خاااالص انك تكلمني بالاسلوب ده..وبعدين انا بحسبن على الي كان السبب في العطلة إلي أنا فيها"
المهم
سيبته ومشيت
وروحت ظبطت العامل الي بيرفع البصمة
وتوهلي الورق بتاعي وسط الورق..والمهندس ختم عليه
المهم
كان المفروض أدفع 5 جنيه(مش عارف بتاعت ايه بالظبط) في الخزنة
الساعة بقت 1 الظهر...والجوووووووووو حرررررررررررررررررررررر
الموظف قالي إدفع في البريد(البريد في المرور)
روحت أدفع في البريد...قالولي :"هات تأشيرة من الظابط"(((مش عارف ليه بصراحة)))
أروح للبيه الظابط(رائد)أقوله :"لو سمحت حضرتك ..ممكن تأشيرة علشان أدفع في البريد
قفل الشباك في وشي من غير حتى مايرد عليا
قولت في نفسي:" اللهم لا راد لقضائك" ...روحت غلست وشي ..وصليت الظهر
ورجعت تاني
واحد واقف على الشباك بتاع الظابط...علشان برضوو ياخد تأشيرة علشان يدفع في الخزنة
الظابط قاله :"بكـــــــــره ياابني"
الراجل قاله:" حضرتك أنا جاي من المنيا(فعلا كان من المنيا)..ومش هلاقي حتة أبات فيها لحد بكره"
الظابط(الله يكرمه) راح واخد منه الورق
وقطعه
وقاله:"مش قولتلك بكره يا أطــــــرش"
وأنا واقف جمب الراجل ..جت عيني في عين الظابط
وبكل إزدراء بصيت له...ومشيت
سبحان الله
خرج ورايا وقالي إستنى ياإبني
ولاكأني سمعته ...ومشيت بعد لما أخدت مطابقة البصمة



....
وحسبي الله ونعم الوكيل

يبقى انت اكيد اكيد اكيد في مصر

[pro_samir]

ألف سلامة لوالدك

وبعدين انت زعلان لية !!! الأصل الواطي لازم يبان علي صاحبة

وطبيعي أي بني أدم كدة لازم يعمل لنفسة لازمة قدام البشر

أخر مرة احتكيت بشخصية من النوعية دي كنت في النيابة والموظف عمال يتمرقع كإن معاد الشغل خلص ويقولي الساعة بقت واحدة الا ربع كإنهم المفروض يخلصو الساعة 1 ! واخر ما زهقت دخلت لوكيل النيابة مضي علي الوصل بالأحمر ورجعت للموظف قعد يقولي بتحرجوني ومعرفش اية وفتح المكتب علشان يدور علي الرخص وخلصت الموضوع في نفس اليوم بعد ما دخلت من باب الموظفين طبعا وقعدت اتحرك انا ورا الرخصة بين المكاتب لأني مكنتش عارف اتعامل من الشبابيك اصلا علشان محدش بيرد ، وسألت واحد من الموظفين انتو مواعيدكم لكام طلعت لحد الساعة 2 أصلا ! مش عارف واحد زي دة بيستحل مرتبة ازاي أصلا !

[A7MED_PHARMA]

معلش يارجالة
الموضوع بتاعي كان مستفز لمشاعر الناس....لدرجة إنهم أخدوا وقف أسبوعين

واضح إني بقيت مُعدي في موضوع الوقف

""السجن للجدعان""

[hany_mohamed]

ألف سلامة يا دكتور على صحة الوالد وان شاء الله يكون بخير
أنا لما قرأت الموضوع أنا كنت فاكر أنك بتكتب الجزء الثانى بتاع حلم سويسرا
لما نهيت الموضوع عرفت أحنا فين
فى "سويسرا البلد" طبعا اللى جنب "كندا البحر"