هل شاشة التليفزيون العادي والكمبيوتر مضرة للعين

[w_abedelhakim]

انا سمعت ان شاشات التليفزيون العادي والشاشات العادية للكمبيوتر مش lcd بتاثر علي العين وعلي النظر وبالذات الاطفال نرجوا من المختصصين انهم يفيدونا في الموضوع ده لان صحة ولادنا غاليه علينا
وهما بيتفرجوا مدة طويلة عليهم

[A_H_M_A_D]

دي حاجه معروفة من زمان إن الشاشات العادية مضرة للنظر وخاصة للأطفال

أنا لما كنت باشتغل على شاشة الكمبيوتر القديمة كانت دايما عيني بتحرقني و بتحمر , و دلوقتي مستحيل أعد على شاشة عادية

[ahmedsamir5edr]

لأ .. مفيش أي ضرر من الشاشه ديه او ديه
دي كانت من معتقدات الطب الخاطيء

[ahmedsamir5edr]

http://www.nilemotors.net/Nile/75787-1.html

[otefa]

علي حد علمي أن سواء دي او دي بتأثر جامد وبتعمل استيجماتزيم في العين .....والله أعلم

[A_H_M_A_D]

http://www.nilemotors.net/nile/75787-1.html

دكتور شريف قال إننا لو قاعدين قدام شاشة قطرها 20 بوصة لازم يبقى على بعد متر ونص

طبعا ده مستحيل مع شاشة الكمبيوتر , يبقى الموضوع مش خرافة لإن فيه ضرر من شاشات ال crt

وحضرتك ممكن تعمل بحث عن CRT monitor eye starin

[AirForces]

انا هقول رأيى من ناحية تخصصى كمهندس الشاشات العادية اللى هى بتعمل بنظام cathod ray tube الإلكترونات اللى طالعة منها بتكون طالعة بسرعة عالية جدا فأكيد لو انت مش بعيد عنها بالقدر الكافى هتأثر على عينك

[ahmedsamir5edr]

دكتور شريف قال إننا لو قاعدين قدام شاشة قطرها 20 بوصة لازم يبقى على بعد متر ونص

طبعا ده مستحيل مع شاشة الكمبيوتر , يبقى الموضوع مش خرافة لإن فيه ضرر من شاشات ال crt

وحضرتك ممكن تعمل بحث عن CRT monitor eye starin

الدكتور شريف كاتب ان دي بتسبب جفاف فقط للعين
مش ضعف أو حاجه
و طبعا الجفاف ده حاجه عينك بتصلحها ان معدل الرمش بيكون أكتر قدام الكمبيوتر عن لو مثلا في الشارع او بتقرأ في كتاب

أما لو حضرتك بتتكلم عن Eye strain مش starin علي حد علمي
فده معناه شد عضلي في عضلات العين الداخليه و ممكن تتجنبه باتباع قاعده ال 20 زي ما سبق و قال أستاذنا الدكتور شريف

و أكيد حضرتك قدامك نموذج لحد بيقعد يوميا ما لا يقل عن 10 - 12 ساعه قدام الكمبيوتر و نظره 6/6

مش كده ولا ايه ؟؟

[otefa]

وهو جفاف العين بسيط ياجماعة........ده حاجة مؤذية جدا للعين أكتر من ضعف النظر نفسه علي حد علمي.

[amr.elsayed]

طيب هل فى حل وقائى للموضوع دة لان انا بفضل امام شاشة الكمبيوتر فترات طويلة جدا سواء فى الشغل او فى نايل موتورز
وانا اللى اعرفه ان فى نظارات بيكون فيها طبقة anti reflection فهل النظارات دى مفيدة فعلا وبتحمى العين ؟
وهل لو نظرك مش ضعيف ممكن يتعمل نظارة مخصوص؟؟

[ahmedsamir5edr]

طيب هل فى حل وقائى للموضوع دة لان انا بفضل امام شاشة الكمبيوتر فترات طويلة جدا سواء فى الشغل او فى نايل موتورز
وانا اللى اعرفه ان فى نظارات بيكون فيها طبقة anti reflection فهل النظارات دى مفيدة فعلا وبتحمى العين ؟
وهل لو نظرك مش ضعيف ممكن يتعمل نظارة مخصوص؟؟

راجع مواضيع الدكتور شريف في العياده

فيها الأجابات ديه

[A_H_M_A_D]

و أكيد حضرتك قدامك نموذج لحد بيقعد يوميا ما لا يقل عن 10 - 12 ساعه قدام الكمبيوتر و نظره 6/6

مش كده ولا ايه ؟؟

الحقيقة أنا قدام نموذج نفسي , لإني كنت بعاني جدا من شاشات ال crt

[ahmedsamir5edr]

الحقيقة أنا قدام نموذج نفسي , لإني كنت بعاني جدا من شاشات ال crt

حضرتك كنت بتعاني من ايه ؟؟

لو من جفاف العين بسببها . ممكن جداا

انما ضعف نظر .. أقدر أقولك مستحيل