للي ميعرفش أيه هو الأيموز هو ستايل ونمط حياة يلجأ أليه الشباب لأسباب أجتماعية ونفسية تختلف من شخص للآخر وهو نمط شاذ عن مجتمعنا ويتميز الستايل دة بالشعر الناعم الطويل اللي يغطي عين واحدة والشباب بيلبس حلقان وأساور وبيحط كحل حوالين عينيهم وكذلك البنات واللبس ضيق قدر الأمكان والأيمو يتميز بنحافة الجسم وخاصة القدمين ( يشبه السرعوف الى حد كبير ) موطنه الأصلي ( الولايات المتحدة الأمريكية ) ويتغذى على القمامة في أغلب مراحل حياته الى أن يكبر ويتحول الى ( أيموز كبير ) .
كلمة أيموز مشتقة من أيموشن وتعني العاطفة وهي ظاهرة ( مهببة ) بدأت تنتشر أنتشار كبير في مصر والعالم العربي وأن كان أغلب الشباب والبنات بيعتبروها ستايل لبس فقط وهو مجرد شكل ( روش ) ولكن مع الأيام يبدأ الشكل دة يستحوذ عليهم الى أن يتمكن منهم تماماً ليتحولوا الى ما يشبه الجماعات الملقبة ب ( عبدة الشيطان ) .
الشذوذ الجنسي ... الحزن ... الأكتئاب .... التعذيب الجسدي .... المخدرات .... العزلة عن المجتمع .
كلها صفات تجمع أصحاب هذا النمط الشاذ والفاسد من الحياة ( رأيي الشخصي ) وللأسف الظاهر مستفحلة في بلدنا لدرجة أني أكتشفت وجود بعض البنات الأيموز في شارعنا دة حتى بنت الجيران طلعت أيموز وأنا مكنتش عارف ومكنتش أتخيل أن الظاهرة تنتشر بالسرعة دي كأنتشار النار في الهشيم .
المهم أنا حاولت أكون حيادي قدر الأمكان لأني كاتب الموضوع وأكيد أنكم شفتم واحد ةأو واحد من العيال دول ماشيين جنبكم في الشارع .. المهم مستنى أشوف آرائكم وهنتناقش كلنا ونشوف أيه الحل وياترى هتعمل أية لو أكتشفت أن أخوك أو أختك عجبهم الستايل دة وعاوزين يجربوه ؟
منظر مأخوذ لشلة أيموز أصلي لسة طالعين من باسكت اللللل ولا بلاش
عدسة تصوير حمادة أيموز .




Comment