- game over -

[أبو إياد]

- game over -
[frame="2 50"]
متشكرين ع الفترة اللي أتعرفت فيها عليك
ماطلعتش بأي حاجه لكنى اتخدعت فيك
ممكن واحد صاحبي يشتمني وأعديهاله
لكن لما يجرح ويقلب فيا مش هسيبهاله
إنسي طبعي القديم معاك عشان ده كله راح
باتقرص كل مره وابقي مصر ع السماح
اللعبة خلصت والمحاولات خلاص جيم أوفر
صداقه مغربله مخرمه زى اخرام البلوفر
ممكن أكون طيب لكن لما بغضب بكهرب
وأنت فاهم إن أنا فاهم صدقني أحسنلك تهرب
أول مره اقفل مع واحد صاحبي وماندمش
أول مره اقطع علاقتي بواحد ومازعلش
أسلوب النقد الهادم والرغى الكثير أسلوبك
أسلوب التجريح في الغير عشان تدارى بيه عيوبك
الناس كلها غلط وأنت يا حبيبي اللي صح
أنت بتغلط براحتك ومحدش معاك يكح

كل اللي ناوي تقوله أنا لما باجى اسمعه
بحس انك منافق وان كلامك متذوق وبس
أسلوبك في التعامل عمر ما كان ليه حدود
أنا من حقي أتكلم وأحكى واشتكى واخرج م القيود

هقولك تانى الحكمة اللي قولتهالك ع الشات
احتمال تفيدك على مدار السنوات
لما يكون كلام من غير حدود أسلوبك فيه برود
يبقى ما تتوقعش أن اللي قدامك هيحط حدود
مش كل الناس طيبه وهبله زى ما أنت فاهم
فلسفتك في الحياة احرقها دى ماتسواش دراهم
ازاى واحد بيقدر انه يخنق نفسه بنفسه
ازاى كنت مصاحبنى وقناع الصداقة لابسه
أنا فعلا فاشل في الدراسة زى مانت قلت
أنا مش ضامن ارجع صاحبك وتهبل زى ما هبلت
أنت من الناس اللي كان ليها عندي أهميه
لو مش كده يبقى من الأول ماعملش الاغنيه
شوف يا ابنى الصداقة اللي بينا خلاص انتهت
ماكانتش صح من الأول أصلا إنها ابتدت
مش هقولك افتكرني بحاجه حلوه لا انسانى
ما تفكرش إن صداقتي ليك ممكن هترجع تانى

كل اللي ناوي تقوله أنا لما باجى اسمعه
بحس انك منافق وان كلامك متذوق وبس
أسلوبك في التعامل عمر ما كان ليه حدود
أنا من حقي أتكلم وأحكى واشتكى واخرج م القيود
[/frame]

[kh_talaat]

اية دة هو الجزء التاني من ألبوم ابو الليف لحق ينزل

[أبو إياد]

اية دة هو الجزء التاني من ألبوم ابو الليف لحق ينزل :pointiy2[2]:

دى اقدم من ابولوبيف

[ahmed-moga]

كلامك جاي علي الوجيعه وكله صح ياأبو اياد فعلا في الزمن ده مبقاش فيه صاحب بجد 90% من الناس بقوا مصلحجيه وانتهازيه

كل واحد عايز يطلع منك بأي مصلحه والسلام مش المهم انت عنده ايه المهم هيطلع منك بأيه انا لسه حصلي

كام موقف من كام واحد عاملين فيها اعز صحاب ليه وفي الأخر طلعوا مصلحجيه ربنا يبعدنا عن الناس ديه

اختصار الكلام اعرف اللي عامل صحبك وعلم عليه وفي النهايه اعمله دليت

[أبو إياد]

عادى يا ابو حميد كلنا هدا الرجل

خد بقا اللينك بتاعها اهو

Game_Over.mp3

[O.M.S]

كلامك جاي علي الوجيعه وكله صح ياأبو اياد فعلا في الزمن ده مبقاش فيه صاحب بجد 90% من الناس بقوا مصلحجيه وانتهازيه

كل واحد عايز يطلع منك بأي مصلحه والسلام مش المهم انت عنده ايه المهم هيطلع منك بأيه انا لسه حصلي

كام موقف من كام واحد عاملين فيها اعز صحاب ليه وفي الأخر طلعوا مصلحجيه ربنا يبعدنا عن الناس ديه

اختصار الكلام اعرف اللي عامل صحبك وعلم عليه وفي النهايه اعمله دليت

عندك حق كلمة صاحب دي مبقاش ينفع تتقال علي 90 % من الناس اللي الواحد كان فاكرهم اصحابه بجد ... كلو بيشوف مصلحته فين
وساعت ما مصلحته بتتعارض معاك يبيعك
انا لسه خسران واحد من اصحابي عشان كنت واقع في مشكله واتصلت بيه قالي انا هاحلهالك وبدل ما يحلها طينها اكتر عشان خاف علي نفسه