جددت الرخصة فى ساعة

[aif]

والله يا جماعة انا كمان عملت اربع رخص قبل كدة فى مرور الوايلى 2 زيرو و2 تجديد وكل مرة الموضوع كان بياخد بالكتير ساعة ونص

انا بارخص في الوايلي بسهولة وفي وقت معقول يمكن ساعة ونص او ساعتين
كلمة السر ....
روح بدري وبلاش يوم السبت ..... وخلي ورقك مظبوط وكامل ومترب .... وفتح مخك شويتين ......ح تلاقي الدنيا ماشية كويس

أهلا بالجيران

الوايلي مرور كويس في التسيير

و مرور زبالة في القيادة

يظهر ان الموضوع مالهوش معايير ثابته
لسة واحد زميل عامل موضوع ان مرور الوايلي اقذر مرور في المجموعة الشمسية
.....
يعني كدة الوايلي حلو .... ولا الوايلي وحش .... ولا الوايل الوايل على رأي عبد الحليم حافظ
..
..
يمكن العيب فينا احنا واحنا مش واخدين بالنا

[أحمد كمال]

الوايلي اتنكس من ساعة ما غريب النجار مشي

[aif]

الوايلي اتنكس من ساعة ما غريب النجار مشي

الراجل ده كان محترم لأقصى حد ... انا كنت اعرفه كويس ... وهو غاوي كورة ودايما بيلعب مع جاري في الزهور
تصدق انه اصلا كان امين شرطة وذاكر وخد ليسانس وبقى ظابط .... يعني راجل مكافح ومجتهد
بصراحة هو من اكتر الظباط اللي اتعاملت معاهم احتراما ونزاهة

[ahmedhilmy]

الموضوع ده بيفرق من مرور للتاني تقريبا نفس الوضع في مرور المعادي و لكن اسوأ مرور قابلته في حياتي مروي فيصل قطعة من جهنم