لا حول ولا قوة الا بالله-ندمان!!!!

[Ayman-Ahmed]

السلام عليكم ورحمة الله وبركاته:

من فترة لفترة بحب اتفرج على كليبات يو تيوب-مصراوى-جوجل.والنهاردة اتفرجت على الفيديو ده وقررت داخليا ونويت ان شاء الله ابطل تدخين او على اد ما اقدر اقلل منها.ولو حد يقدر يساعد بدعاء يسهل ده او لو عنده تجربة مع تبطيل التدخين فيا ريت يفيدنا بيها.

اللهم عافنا واعف عنا.

4shared.com - online file sharing and storage - download ظ„ظ† طھطµط¯ظ‚ ظ…ط§ ط³طھط±ط§ظ‡ ط¨ط¹ظٹظ†ظƒ.flv

[FunnyMickey]

اللهم امين يارب

[ehab_10]

ربنا يديك على قد نيتك

[Eng_Mostafa_89]

ربنا يكرمك وتقدر تبعد عنها وتبطلها للابد
كان فى موضوع هنا من فترة بيتكلم على تبطيل التدخين
بس للاسف مش فاكر اسمة ولا مين اللى كان كاتبة

[powerofhelll]

ربنا يثبت عزيمتك و يقويك علي اخذ القرار

[fadyspot]

انا التدخين بالنسبالي مشكلته في السواقة عشان انا تقريبا مش بدخن غير في العربية، و اللي مزود المشكلة دي ان العربية اوتوماتيك يعني مفيش اي مجهود او لخمة.
بس بجد انا كمان نفسي ابطلها خالص .
ربنا يكرمنا جميعا .
على فكرة في حاجات كتير كيميائية تساعد على الاقلاع و لو مش حابب ممكن تجبلك كرة كاوتش زي اللي كانت في فيلم " مطب صناعي " بتاع احمد حلمي و طلع غلك كله فيها و ممكن برضه المقبض الرياضي ده (مش عارف اسمه الصراحة) و اهو منه تبقى بتقوي عضلاتك و بتقلع عن حاجة شغلة بالك .
ربنا يوفقك يا باشا .

[Ayman-Ahmed]

اللهم ما امين يا شباب و ربنا يكرمنا جميعا ونبعد عن كل ما يضرنا

[hobaz]

ربنا يكرمك يارب ويقوي عزيمتك ويبعدك عن كل سوء يارب......

[mahgary]

انا مبطل منذ 4 سنوات حتى الان وعلبة السجائر الاخيرة ما زالت فى باب الثلاجه حتى عندما افتح باب الثلاجه انظر له واقول لنفسى لا والف لا لانى شفت اعز الناس الى قلبى وهم على فراش المرض كنت اقول لهم هل عندما نخف من المرض سوف نرجع للسجائر كانو رفعوه ايديهم ويقول لالا
عندما نظرت لهذا الموقف قلت فى نفسى لا ايد ان اكون فى نفس الموقف بسبب السجائر فقرر التوقف عن التدخين ولاكن كيف انا كنت جربت اللبان بنكوتين ولكن قلت اجرب شى اخر فذهبت الى صيدلية ( ... ) وسالت هل يوجد لازقه للسجائر قال نعم انت كام علبه تدخن فى اليوم وبقالك اد ايه بتدخن فقلت له قال اذا الوسط ولانه تحسب على اساس انت مدخن شرس ام لا
المهم اخذت العلبه ووجت فيه 7 لسقات استخدمت 4 فقط والحمد لله مبطل من ساعته
دى تحربتى مع التدخين ارجو اكون افتك وربنا معاك نسيت اقلك انك (لازم تكون من داخلك عايز تبطل)

[Ayman-Ahmed]

انا مبطل منذ 4 سنوات حتى الان وعلبة السجائر الاخيرة ما زالت فى باب الثلاجه حتى عندما افتح باب الثلاجه انظر له واقول لنفسى لا والف لا لانى شفت اعز الناس الى قلبى وهم على فراش المرض كنت اقول لهم هل عندما نخف من المرض سوف نرجع للسجائر كانو رفعوه ايديهم ويقول لالا
عندما نظرت لهذا الموقف قلت فى نفسى لا ايد ان اكون فى نفس الموقف بسبب السجائر فقرر التوقف عن التدخين ولاكن كيف انا كنت جربت اللبان بنكوتين ولكن قلت اجرب شى اخر فذهبت الى صيدلية ( ... ) وسالت هل يوجد لازقه للسجائر قال نعم انت كام علبه تدخن فى اليوم وبقالك اد ايه بتدخن فقلت له قال اذا الوسط ولانه تحسب على اساس انت مدخن شرس ام لا
المهم اخذت العلبه ووجت فيه 7 لسقات استخدمت 4 فقط والحمد لله مبطل من ساعته
دى تحربتى مع التدخين ارجو اكون افتك وربنا معاك نسيت اقلك انك (لازم تكون من داخلك عايز تبطل)

الحمد لله وربنا يديمها عليك نعمة وعقبالنا يارب.طب ممكن تقولى نوع اللزقة ايه.ولا اروح اسال على احسن نوع؟

وانا والحمد لله نويت داخليا اننى ابطلها ويارب ان شاء الله اقدر اخلص من العادة ديه.والحمد لله معنديش مشاكل من غيرها فى نهار رمضان.

[zkralla]

فى دواء جديد اسمه شامبكس والناس بتشكر فيه قوى واحد صاحبى جابه وبيأخذه بقاله دلوقتى 10 ايام كنت معاه من كام يوم وقالى السيجاره حاسس انها دخان وملهاش لازمه وفى نفس الوقت مش حاسس بأى اعراض لما مش بشربها
الدواء ده الاول من نوعه بيعمل على مستقبلات النوكتين فى المخ فبخليك مش بحاجه للسيجاره وفى نفس الوقت بيمنع الاعراض الى بتحصل للمدخن نتيجه تبطيله التدخين
سعر العلبه 250 جنيه وبحتاج 6 علب ب 1500 جنيه لو جبتهم على بعض بيبقى اجمالى الكورس ب 1050 جنيه بخصم 450 جنيه
الدواء ليه اعراض جانبيه مش كتير بس بيمنع فى حاله ما كان للمدخن تاريخ مرضى مع امراض نفسيه زى اكتئاب او قلق
استنى كام يوم كده ونشوف عملى هل هيجيب نتيجه مع صاحبى ده ولو الموضوع نجح هاقولك وأنت حاول تعمل بحث فى جوجل على الدواء
وربنا يقويك

[ahmad--ezzat]

اقسم بالله انا بطلت من الفيديو دة التدخين نهائى الحمد لله......
YouTube - ‫طظƒظ… ط§ظ„طھط¯ط®ظٹظ† ظˆط§ظ„ظ…طط±ظ…ط§طھ -ط§ظ„ط´ظٹط® ظ…طظ…ط¯ طط³ظٹظ† ظٹط¹ظ‚ظˆط¨‬‎

[ahmad--ezzat]

فى دواء جديد اسمه شامبكس والناس بتشكر فيه قوى واحد صاحبى جابه وبيأخذه بقاله دلوقتى 10 ايام كنت معاه من كام يوم وقالى السيجاره حاسس انها دخان وملهاش لازمه وفى نفس الوقت مش حاسس بأى اعراض لما مش بشربها
الدواء ده الاول من نوعه بيعمل على مستقبلات النوكتين فى المخ فبخليك مش بحاجه للسيجاره وفى نفس الوقت بيمنع الاعراض الى بتحصل للمدخن نتيجه تبطيله التدخين
سعر العلبه 250 جنيه وبحتاج 6 علب ب 1500 جنيه لو جبتهم على بعض بيبقى اجمالى الكورس ب 1050 جنيه بخصم 450 جنيه
الدواء ليه اعراض جانبيه مش كتير بس بيمنع فى حاله ما كان للمدخن تاريخ مرضى مع امراض نفسيه زى اكتئاب او قلق
استنى كام يوم كده ونشوف عملى هل هيجيب نتيجه مع صاحبى ده ولو الموضوع نجح هاقولك وأنت حاول تعمل بحث فى جوجل على الدواء
وربنا يقويك

لا دواء ولا فلوس ولا اى كلام....الموضوع عايز قرار منك لربنا