عندما يحدث العكس

[أبو إياد]

امس
الساعه 11.30 م
امام جامعه 6 اكتوبر
وامام عينى شوفت الحادث
رغم بشاعته الا ان رد الفعل كان صدمه وعار على البشريه

الجميع انتبه الى صوت سارينه الشرطه العاليه والتى يزداد صوتها بسرعه رهيبه وعندما القى الناس نظرها اتجاه الصوت وجدنا اتنين ظباط راكبين الموتوسيكل بتاع الشرطه (طبعا معروف جدا)
وفجاءه
انقلب الموتوسيكل وطار احدهما بعيدا عن الموتسيكل والاخر طار الى الامام لكى يزحف امام الكوتسيكل المقلوب الى ان يحشر بين الموتسيكل وبين الرصيف لتتهشم راسه ويسبح فى بركه دماء تنهال من راسه وادنه ولفظ انفاسه الاخيره والله اعلم
والاخر رغم انه كان غارق فى دمائه الا انه بفضل الله كان واعى لما حوله

تجمهر الشعب حول الحادث ولنجد ان الكثير اسرع فى الاتصال بالاسعاف والبعض اتصل برجال الشرطه وفى خلال 7 دقائق جاءت سيارتين اسعاف وسياره شرطه وانتهى الموضوع

ــــــــــــــــــــــــــــــــــــــــــــــــــ ــــــ



فى بدايه الموضوع انا قولت رد الفعل كان صدمه وعار على البشريه
بس هل القضاء والقدر يجوز فيه الشماته ؟
ده اللى شوفته من قله كانوا موجودين
البعض كان يحسبن ويقول من افعالهم والاخر يردد بسبب افترائهم على خلق الله وان ده عقاب الله عليهم
ده غير طبعا التجمهر الرهيب والعربيات اللى بداءت تقفل الطريق

بجد ربنا يعافينا ويرحمنا برحمته



لّا إِلَهَ إِلاَّ أَنتَ سُبْحَانَكَ إِنِّي كُنتُ مِنَ الظَّالِمِينَ

[ahmad--ezzat]

اللهم احفظنا يارب

[elassar2010]

ربنا يرحمهم

[mostafabakry]

من خلال الرواية يتضح ان اللي كان سايق الموتوسيكل مكنش لابس خوزة لحماية رأسه و دي في حد ذاتها مصيبة كبيرة لما يكون هو بياخد مخالفات لكل انسان راكب موتوسيكل و مش لابس خوزة علي راسه تحمية و هو نفسه مخالف للقانون يعني مش عارف اقول ايه
طبعا دا ما بيحصلش الا في ام الدنيا مصر


عموما ربنا يرحمهم و يصبر اهاليهم علي هذا البلاء

و ربنا يسترها معانا جميعا و يحفظنا من كل شر الطريق

[bmya]

طبعا في موقف زي ده اعتقد الواحد ميقدرش يشمت ابدااااااااا
دول مصريين زينا برده مش يهود

ده على كده بقه اللبنانيون لما دبحوا المصري وقعدو يصوره ويتفرجوا عليه عادي كده كان لهم حق يعملوا كده اهو ده واحد غريب عنهم

لكن دول مصريين زينا وبعدين ده واحد مصاب وبيموت ميجزوش عليه غير الرحمه لو مات
وبعدين هي الناس عرفت منين يعني انه من اعمالهم والكلام ده
هو يعني كل ظباط الشرطه وحشين
ولا هو كل واحد بيعمل حادثه يبقى من اعماله السيئه يعني

اكتر حاجه اكرها الشماته في انساان

[FunnyMickey]

لا يجوز الشماته في القضاء والقدر
مين عارف
ميمكن دول بالذات كانوا كويسين
هوا كل ظباط الشرطه مرتشين
وكل الامناء زباله
ليه رمي الناس بالباطل
وحتي لو كانوا كده

ماهم خدوا جزاءهم اهو
هوا فيه موته ابشع من كده
خلاص بقي
ده حتي بيقولوا اذكروا محاسن موتاكم يعني

[Dojuar]

ربنا يرحمهم

ومش شرط بشاعة الموت او كونهم ظباط يكون مبرر للشماتة

[Abo_Lina]

غياب العدالة تؤدي للإحتقان بين الأفراد و الطبقات
مع الإعتراض التام على الشماتة في حادث بشع كهذا و رحم الله المتوفين

[أبو إياد]

بعد الحادث بدقائق وبالتحديد بعد وصول سياره الشرطه للمساعده تخيلت لو كان الحادث ده حادث تصادم مع سياره من الماره
كان ايه الوضع ؟ وكان ايه رد الفعل ؟ وكان ايه اللى هايحصل للمواطن ده حتى لو مكانش غلطان ؟؟؟؟؟؟؟؟؟؟؟

[TeXo]

ربنا يرحم اللي مات منهم و يصبر أهله و يقوم الأخر بالسلامه لو كان مصاب

و الله العظيم لما قريت الموضوع ماكنتش عارف ارد من كتر ما حسيت بالحزن من كلام حضرتك ان كان في قله من الناس واقفه بتتفرج عليهم سايحين في دمهم و شمتانين كمان ... ربنا يهديهم

مشكله فعلا التعميم ووضع احكام مسبقه .. مين يعلم ممكن اللي اتوفى ده احسن عند ربنا من اللي كانو واقفين ..

ربنا يرحم المتوفي و يصبر أهله و يهدي الشمتانين فيه

[أبو صلاح]

اللهم لا شماته

طبعا لايجوز اي شماته

[A7MED_PHARMA]

..................................................
والله ياأبو إياد
أنا لسه طارح الفكرة دي من كام يوم في موضوع(حاجة تقرف)
والنتيجة زي منا توقعت تقريبا..الناس هتشمت
والناس معزورة ومحدش يلومها
...
بس فعلا لو كانت الحادثة دي بين سيارة شرطة وسيارة مواطن عادي

المواطن كان هيتنفخ..ختى لو مالوش يد في الموضوع أو مش مذنب في الحادثة


..وربنا يرحم أمواتنا..

[ahmedfouad]

ده واحد غريب عنهم
وبعدين هي الناس عرفت منين يعني انه من اعمالهم والكلام ده
هو يعني كل ظباط الشرطه وحشين
ولا هو كل واحد بيعمل حادثه يبقى من اعماله السيئه يعني

اكتر حاجه اكرها الشماته في انساان

+111

[magomago]

ربنا يعافينا ويرحمنا برحمته



لّا إِلَهَ إِلاَّ أَنتَ سُبْحَانَكَ إِنِّي كُنتُ مِنَ الظَّالِمِينَ

[أبو إياد]

محدش بيفكر فيهم عاملين زى القطيع اللى بينفذ الاوامر