بإي ذنب قتل خالد (ضحية جديده للتعذيب بالاسكندرية ) و السبب رفض التفتيش !

[factorialx]

[shr71=http://sphotos.ak.fbcdn.net/hphotos-ak-ash1/hs321.ash1/28204_129271077102919_129237763772917_237701_14675 49_n.jpg]المرحوم خالد محمد سعيد[/shr71]

خالد محمد سعيد (الشهيد بإذن الله) 28 سنه صاحب شركة تجارة و إستيراد

كان قاعد في سايبر في وقت متأخر مخبرين دخلوا السايبر و فتشوا الناس

خالد رفض التفتيش
النتيجه ضرب و سحل حتى أوصلوه لبير سلم عماره
أغمى عليه من كتر الضرب و اشباه البشر من المخبرين دولا فاكرينه بيمثل آموا فضلوا يخبطوا راسوا في ترابزين السلم حتى حدثت كسور بالجمجمه أدت لوفاته في الحال ثم إقتادوه لقسم شرطة سيدي جابر ميت و لما اشباه البشر الوحوش الكاسره أيقنوا أنه ميت رجعوا تاني العماره و قالوا ده كان ضارب كيميا و طلبوا الإسعاف بس المسعفين كانو عليهم شهود سمعوهم و هما بيقولوا إن خالد مات من الضرب

أخوه ( حامل للجنسية الأمريكيه ) قدم تقرير للسفاره الامريكية
لو تشوفوا صورته و هو ميت و كمية التعذيب اللي على وشه إيه الإجرام ده إيه الهمجيه دي دا حتى فس سنان متكسره من كتر الضرب
إيه اللي بيحصل في البلد عمالين نقول على اللبنانيين همج عشان موتوا مصري ما إحنا بلدنا و متهانين فيها عايزين إيه من البلاد التانية

نعمل إيه مع صنف المخبيرين دولا اللي ما عندهومش دين و لا إنسانية و لا ضمير

المخبريين دولا لو متعدموش يبقى على مصر السلام
إعدام إعدام إعدام مش 3 سنين سجن

آه يا بلد

[factorialx]

صفحة (شهيد الطوارئ) على الفيس بوك قاربت 4000 عضو في ساعة واحدة

http://www.shorouknews.com/.......Data.aspx?id=245396

الخبر فيه صورة بشعه بشعه للمرحوم

صفحة الفيس بووك

http://www.facebook.com/pages/ana-asmy-khald-mhmd-syd/129237763772917

[م.محمد علاء]

أخوه معاه الجنسيه الأمريكيه؟؟؟؟!!!!!!!!!!
طيب والله كويس.....
عشان من ساعة ما الموضوع إترفع على الفيس بوك وانا دمي محرووووووق من البلطجه والظلم والفساد اللي مالي كل مكاااان و كل مركز وكل مسئوول....
لألألألألألأ. وخايفييين على فلوس الشعب الغلبان قوى..و عايزييين يشيلوا الدعم...
و احد قصير إزعه...والتانى طويل و أهبل...
ده ناس ظالمه......
الناس دي إيه؟؟؟؟؟؟
يعني المخبر ده حييجي يوم القيامه يتسأل على اللى قتله من غير ذنب...
حيرد يقول إيه؟؟؟؟إياكش يكون فاكر إن الباشا حيدخله واسطه الجنه...
حسبي الله ونعم الوكيل
حسبي الله ونعم الوكيل
حسبي الله ونعم الوكيل
حسبي الله ونعم الوكيل
حسبي الله ونعم الوكيل
حسبي الله ونعم الوكيل

[AhmedGen2]

أفتكر مش من حق المخبر انه يفتش لازم أمر من النيابة ، على الأقل المخبرين دول يكونوا مصحوبين بقيادة ظابط ولديهم أوامر بتفتيش المكان خاصة ، مش لوحدهم كدة هيدخلوا يفتشوا السايبر أكيد صدر ليهم تعليمات.

اللى اعطاهم الجرأة لمد الإيد والضرب هو قانون الطوارىء اللى بيعطى الحق لأى كلب منهم يعمل اللى هو عايزه فى أى واحد حظه الأسود انه حامل للجنسية المصرية ، دة لو كان ليه معارف ولا معاه باسبور أمريكانى مكنش حد لمسه.

[factorialx]

خالد سعيد شاب مصري زي ملايين الشباب المصري البسيط ، بيدخل علي الانترنت وبيتفسح مع صحابه وبيعيش زي ما احنا عايشين كل يوم ، خالد واحد مننا احنا ، نظام حياته زي نظام حياتنا ، لم يكن مجرم او بتاع مشاكل ، شاب مصري عادي جدا

فجأة خالد ألقي به القدر في يد هؤلاء المجرمين القتلة ..... 20 دقيقة فقط ... انتهت بسحل وقتل خالد لأنه رفض انهم يفتشوه بالطريقة المهينة دي وانهم يسبوا امه وابوه بالالفاظ الجارحة دي

خالد مات .. عارفين ليه .... عشان في ناس كتير بيحصل معاهم زي اللي بيحصل مع خالد وبيسكتوا خايفين ، عشان في ناس كتير قبل خالد اتقتلت ومحدش طالب بالقصاص ليهم ومحدش دور علي حقهم ، وفي ناس كتير اتقتلت قبل كدا بنفس الطريقة ومحدش حس بيهم

دلوقتي الفضيحة بانت والجريمة مكتملة الأركان ، دلوقتي كل واحد فينا ممكن يبقي خالد ، محدش فينا في امان ، محدش فينا ممكن يتخيل ان دا بعيد عنه ، دا قريب وقريب جدا ، خالد هو واحد مننا ، انا وانت .... لازم نصحي كفاية خلاص ، الجريمة يجب الا تمر

عشان نحمي نفسنا وولادنا واخواتنا واهلنا ان دا ما يحصلش ليهم ، لازم نقف وقفة بجد ، تخلي المجرمين تخاف ، احنا 80 مليون مصري وهما قلة بتسيطر علينا ، لازم نقولهم اننا مش هنخاف ، بعد النهاردة احنا مش خايفين ، وهما اللي لازم يخافوا مننا ، لأننا هنطالب بحقوقنا ومش هنسيب اي مجرم يفلت من العقاب
دم المصريين مش رخيص ، دم خالد في رقبة كل مصري ، لينا تار مش هيسقط مع المجرمين

عشان دم خالد وعشان حياتنا واماننا وكرامتنا

مش هنسكت
بعلو الصوت هنتكلم
وان شاء الله نموت
هنتكلم

[adfarouk]

لا حول و لا قوة إلا بالله

[Ahmed Nouh]

لا حول ولا قوه الا بالله

ربنا يخرجنا منها على خير , وربنا يرحمك يا خالد

[O.M.S]

اااااااااااااااااااايييييييييييييييييييييييييييييي يييه اللي بيحصل ده
انا شوفت الصور وكنت هاتجنن
دول مش بشر اللي يعملو كده في بني ادم
دول همج
ادي اللي بنخده من قانون الزفت
حسبي الله ونعم الوكيل

[factorialx]

هم يبكي و هم يضحك
بكره جلسة مناقشه تقرير حقوق الإنسان عن مصر
في مجلس حقوق الإنسان في جنيف

[mostafabakry]

طيب بذمتكم ايه الفرق بين اللي احنا فيه دلوقتي و بين الفترة اللي كانت فيها البلد محتلة

عالأقل ايام الإحتلال كان الشعب عارف مين عدوه بالتحديد و بيحاربه لكناحنا دلوقتي مش عارفين تحارب مين و لا مين اذا كان وصلنا لدرجة اننا بقينا اعداء لبعض في الشارع و في المواصلات و في طوابير الحكومة و في المستشفيات و في البيت كمان


لا حول و لا قوة الا بالله

الله يلعن اللي كان السبب في كل اللي بيحصل دا و ينتقم منه شر انتقام زي ما خلا الناس بتاكل في بعضها زي الكلاب المسعورة

[thedeveloper87]

بإي ذنب قتل خالد

ذنبه إنه مصري

[ahmed-moga]

حسبي الله ونعم الوكيل .......حسبي الله ونعم الوكيل ..... حسبي الله ونعم الوكيل

لاحول ولاقوة الا بالله العلي العظيم

إنا لله و إنا اليه راجعون ربنا يصبر اهله ويلهمهم الصبر والسلوان

انا شوفت صوره قاسيه جدا ليه بعد وفاته وأكيد الظلمه سابوه لحد مابدأ جسده بالتحلل وده باين جدا من الصوره

يارب خلصنا من الظلمه والبلطجيه دول يارب اهلكهك كما اهلكت قبلهم من الظالمين يارب ارنا فيهم

يوما اسودا واشف قلوب من ظلموهم حسبي الله ونعم الوكيل ......حسبي الله ونعم الوكيل

[factorialx]

يا جماعه مش ضرب الرأس في ترابزين حديد حتى الموت
قتل مع سبق الإصرار و الترصد

جريمة مكتملة الاركان يبقى إعدام

حسسونا إن فيه قانون و عقاب و عشان يبقوا عبره لاي واحد ينتهك حرمة المواطنين

[zkralla]

حسبنا الله ونعم الوكيل
طيب بيشرب مخدرات وكميابيتاجر فى المخدرات زعيم تجار مخدرات مصر وسارق البلد ونهابها واكبر حرامى طيب مجرم حتى قاتل 1000 واحد
هفترض أن كل الى قلته ده صحيح والشاب الغلبان ده فيه كل العبر ديه
هل من حق الشرطه انها تعمل فيه الى اتعمل
ما بالك أنه كان قاعد على النت بيكتب كلمتين ولا بيكلم حد ولا اعتدى حتى على نمله ماشيه
لا حول ولا قوه الا بالله

[factorialx]

أقسم بالله ده لو حصل في بلد يتحترم نفسها و مواطينها كانت الدنيا إتقلبت

حسبي الله و نعم الوكيل في كل من كان ليه سبب