مساعده في مشروع التخرج

[HeMa_LanCeR]

طبعا انا قولت اعمل الموضوع علشان استفيد بخبراتكم
انا عندي مناقشه مشروع الاسبوع القادم بأذن الله
والمشروع بيتكلم عن التجاره الالكترونيه
والحمد لله تم عمل المشروع بالكامل وناقص بس اروح اعمل منه كذا نسخه كتاب (حوالي5)
بس للأسف حتي الأن مش عارف اجيب مقدمه اشكر فيها الدكاتره اللي هناقش معاهم
وعموما علي رأسهم دكتور ودكتور مساعد والمدرس المساعد المشرف علي الموضوع
يعني دول اهم 3 عندي
فا لو حد عنده مقدمه حلوه كده تظبطني معاهم يبقي تمام
وشكرا جزيلا :)

[FunnyMickey]

السيد مدير المدرسه
هييييييييييييييييييييييييييييييييييييييييه

هههههههههه
لا بجد بقي


الحمد لله الذي جعل لنا من العلم نورا نهدي به و بعد...
نتقدم بمشروعنا هذا الى زملائنا الطلاب والى كل من يجمعنا بهم رباط العلم من مستمعين و قراء و مدرسين فهذا البحث يشمل .....

وانقش هنا موضوع البحث وبيتكلم عن ايه وارغي شويه

الذي نأمل ان يعجبكم
وها نحن نضع بين ايديكم هذا المشروع الذي نرجو ان يكون في المستوى و نامل اننا على الاقل لم نقصر و لم نهمل تبيان جواهر عناصر البحث

نرجو من الاساتذه الكرام ان لا تبخلوا علينا بملاحظاتكم و اقتراحاتكم البناءة لنصوب اخطاءنا و نتفادى زلاتنا و نتلافى العيوب التي يمكن اننا ولا شك وقعنا فيها

شفت انتا ولا شك دي يعني احنا من غيرك ولا نسوي ياباشا

بعدها بقي تقول
واني لاتوجه بالشكر والعرفان والتقدير للسيد تييييييت 1
والسيد الدكتور تييييييييييييت 2
والمدرس المساعد تييييييييييييييييييت 3

علي ما قاموا به من مجهود مضني طوال مده اعداد المشروع
وانا لنأمل ان يكلل الله مجهوداتهم بنجاح المشروع

وعداله السماء تنزل علي استاد بالرمو بقي والكلام الحلو ده

و الله نسأل ان يديم نعمته علينا و ان يحفظ وطننا من كل كيد و من كل شر و ان يهدينا سواء السبيل
و نسال الله عز و جل ان يوفقنا و يجعل النجاح حليفنا ....
من اعداد اعضاء لجنه البحث

مسروقه من عالنت طبعا

[HeMa_LanCeR]

والله الواحد من غير يا أستاذ عبد المعطي مش عارف كنت هعمل ايه :)

[FunnyMickey]

لا اوعي
واستني بقي اما باقي الاعضاء يدخلوا بقي

انتا عاوزلك ياعم تشوفلك واحد سكرتير مدير مصلحه حكوميه
حيروقلك المسائل يابومبو

[HeMa_LanCeR]

ههههههههههههههههههه
والله انا ممكن اعمل مقدمه مالهاش حل
بس انا محتاج افكار علشان اقدر اظبط العناصر :)

[FunnyMickey]

طيب سؤال
هوا انتا المفروض الدكتور اللي حيناقش هوا ده اهم واحد
ولا كلهم مع بعض
يعني مين اللي بيقول المشروع اه
ومين اللي بيقول المشروع لا
وكمان قول موضوع المشروع عشان الواحد يعرف يفتكس

[Ahmed Nouh]

ههههههههههههههههههه
والله انا ممكن اعمل مقدمه مالهاش حل
بس انا محتاج افكار علشان اقدر اظبط العناصر :)

ادينى انت العناصر وانا اكتبلك مقدمه

المهم كاش ولا فى atm قريب :)

[HeMa_LanCeR]

بس يا كبير
اللي هيكون في المناقشه كالتالي
دكتوره ودي رئيسه الجامعه أصلا ودي صاحبه الدنيا كلها ودي تخصصها انها تسأل في المشروع نفسه
ودكتور تاني ده رئيس القسم بتاعنا وده بيهتم باللبس وطريقه الكلام والتنسيق
والتالت ده بقي المعيد (بس هو استاذ مساعد حاليا) اللي هو المسؤل عن المشروع بتاعنا وهو اللي جمع معانا المعلومات لحد ما عملنا الكتاب (صحيح متعرفش حد يعملي كتاب المشروع عايز اعمله جلد وطبعا دهبي والشغل الحلو ده)
والمشروع بيتكلم عن التجاره الالكترونيه

[HeMa_LanCeR]

ادينى انت العناصر وانا اكتبلك مقدمه

المهم كاش ولا فى atm قريب :)

ما انا لو عارف عناصر هكتب
وانا معايا fisa :D :D :D :D

[FunnyMickey]

جمبنا واحد عند الشغل هوا اللي بيعملنا الفواتير
وياما عملت مجلدات ميكي عنده

هههههههههههه

انزل رمسيس واكلمهولك يجيلي الشغل
سهله متقلقش
وقوله عاللي انتا عاوز تعمله بالظبط ويعملهولك

[HeMa_LanCeR]

جمبنا واحد عند الشغل هوا اللي بيعملنا الفواتير
وياما عملت مجلدات ميكي عنده

هههههههههههه

انزل رمسيس واكلمهولك يجيلي الشغل
سهله متقلقش
وقوله عاللي انتا عاوز تعمله بالظبط ويعملهولك

تسلم يا حبي انا الحمد لله لقيت واحد تمام
اصل بعيد عندك كان في شارع محمد علي بيقولي 150 جنيه للكتاب خلاني قولتله جمله بس للأسف لو قولتها هنا هتوقف 10 سنين
والمكتبه دي قالي الكتاب هيتكلف 25 جنيه

[FunnyMickey]

طب قولي الجمله عالخاص وانا اقولها هنا وانتا تتوقف 5 وانا 5
ناخد تخفيض
ونبقي نا وانتا زي الواد اللي في توقيعي ده
زي شيبوب صاحب عنتر
انتي تقلعيلي عين وانا اقلعلك عين
ونعيش موقوفين احنا الاتنين
ههههههههههههههه