إختيار المدارس و الأمثلة خاصة باسكندرية

[Islam_galal]

السلام عليكم

موضوع المدارس شغل تفكيري و قت طويل و قلت أكتب نبذة مختصرة عنه لمن سيبدأ المشوار يمكن أسهل عليه الطريق

المدارس نوعان:

1- حكومي:
أ- تجريبي (الميزانية السنوية الكلية من 500 جم في السنة إلي 2000 حم تقريبا)
ب- تجريبي مميز (الميزانية السنوية الكلية من 2000 إلي 4000 جم سنويا ) - مثال: مدرسة زهران
ج - معاهد قومية (من 2000 إلي 4000 جم سنويا ) - مثال : مدرسة النصر و فيكتوريا و سان مارك

ب - خاص:
من 5000 إلي 12,000 جم سنويا - مثال: سيدي جابر و المصرية الإنجليزية و الفيوتشر (المستقبل) و بريليانس (النبوغ)



التعليم نوعين رئيسيين:

1 - محلي (ناشيونال) :

أ - عربي (أسعارها أقل قليلا من الأسعار عالية)
ب - لغات (أسعارها هي المذكورة عاليه)

2- دولي (إنترناشيونال) (تبدأ الأسعار من 10,000 و حتي 50,000 جم سنويا):

أ - دبلومة إنجليزية IG
ب - دبلومة أمريكية
ج - دبلومة ألمانية

ملحوظات:

- المصروفات المذكورة هي الميزانية الكلية و تشمل المصروفات الدراسية و الكتب و المواصلات (Bus) و الكتب و خلافه.
- التعليم الدولي له مناهج مختلفة و من اسمها هي مناهج دولية بمعني لا يوجد بها لغة عربية و لا دين و يتم تصحيح الاختبارات بالخارج
- أحد عناصر إختيار المدارس من وجهة نظري هي الفصل (separation) بين الأولاد و البنات و هو ما لا يتوافر في معظم المدارس الخاصة
- فرق الأسعار يعني في الغالب رفاهية أكثر للطفل و لا يعني دائما تعليم أفضل


في انتظار أي أسئلة أو تصحيح للمعلومات

[hany_mohamed]

يعنى يا باشا بعد ما دخت السبع دوخات علشان الاقى مدرسة مناسبة لبنتى السنة اللى فاتت
ودلوقتى اشوفك عامل الموضوع ده الان.
شكرا يا باشا
عاوزين بس تنبية على موضوع مواعيد وسن التقديم علشان فيه ناس كتير مش عارفة

[Islam_galal]

كنت زيك يا هاني باشا

بالنسبة لمدارس الحكومية (التجريبية و التجريبية المميزة و المعاهد القومية) فتخضع لشروط أهممها:
- السن عند أول أكتوبر أربع سنوات فيما فوق لدخول أولي حضانة (kg1)
- التقديم من خلال التنسيق و يبدأ تقريبا خلال شهر يونيه منكل عام عن طريق سحب الملف و اتباع التعليمات الموجودة به
- بالنسبة للمدارس الخاصة يبدأ التقديم إليها مباشرة من أجازة نصف العام و دائما توجد مقابلة للطفل و لوالديه
- السن للمدارس الخاصة يبدأ من ثلاث سنوات و نصف في أول أكتوبر لدخول kg1

[sh_masry]

متأسف لدخولى الموضوع بتعليق خارج الموضوع , بس انا سمعت ان فيه مدرسه بالأسكندريه تم احراقها اليوم بسبب غضب الأهالى من الموضوع اللى حصل فى الساعه ... هل الكلام ده صحيح ؟؟ و بيقولوا ان اسمها مدرسه الرمل !!!