بتشتري حليب ( لبن ) ايه ؟؟؟؟

[AHMED12345678]

اكثر من 10 سنين ( نيدو و coast ) .

اللبن الحليب مهما حصل مش مضمون ( و برده البودرة ) و مش بشربه الا لما اروح الارياف عندنا .

Coast بصراحة لا يعلى عليه و حاليا مبعرفش اشرب شاى الا بلبن بودرة انما حليب لالالالا .

اهلا يا زميل
الناس مش فاهمة الى زينا
انا عندى 33 سنه ومشربش النسكافية او الشاى الا بنيدو
بحب نيدو موت لدرجة انى ساعات بسفة سادة

[أبو آسر]

اهلا يا زميل
الناس مش فاهمة الى زينا
انا عندى 33 سنه ومشربش النسكافية او الشاى الا بنيدو
بحب نيدو موت لدرجة انى ساعات بسفة سادة

ههههههههههههه
أنا سني قريب من سنك ولسة مخلص حالا كوباية شاي بلبن نيدو وأنا من النوع اللي مش بطيق اللبن ومستحيل أشرب أي لبن من الألبان السايبة إلا نيدو الوحيد اللي بقدر أتفاعل معاه

[elgohary10]

البان مزارع دينا وبص على تاريخ الصلاحيه

[A_H_M_A_D]

لبن جهينه ده مش لبن اصلا ، وهم نفسهم معترفين بكده ، لو قريت اللي مكتوب على علبته هاتلاقيهم كاتبين ٥٠ ٪ بودره وده باعترافهم عشان كده لا يمكن اشتريه ولو ببلاش
الانواع الكويسه دينا طبعا احسن حاجه ، بعده لامار والمراعي ، غير كده مابشتريش

[mohammedabdallh]

انا فى ىقريه فبشترى من الفلاحين طاظه كل يوم الصبح
او المراعى او بيتى

[moody_687]

انا بتجيلي فلاحة ف الشغل ومعاها ازايز بلاستيك فيها لبن فلاحى وبشتري منها وبيطلع بعد غاليه قشطة كتيرة فبحس بطعم اللبن فيه بعكس العلب والبودرة بس والله انا مبقتش عارف هو كده صحى اللبن الفلاحى ده ولا لا

[M7amD_7amDy]

عمرى ماحبيت اللبن المعلب ابدااا ولا بطيق طعمه ولا ريحته حتى .. وبشرب اللبن السايب

وجربت اشرب مزارع دينا ولقيت طعمه زى السايب وممكن اشربه عادى

ويمكن هو أحسن حاجة معلبة فى السوق وتقريبا فى اجماع على كده من مشاركات الأعضاء

[A.Saad]

انا بتجيلي فلاحة ف الشغل ومعاها ازايز بلاستيك فيها لبن فلاحى وبشتري منها وبيطلع بعد غاليه قشطة كتيرة فبحس بطعم اللبن فيه بعكس العلب والبودرة بس والله انا مبقتش عارف هو كده صحى اللبن الفلاحى ده ولا لا

اضمن سلامة الازايز
يعنى مش مثلا ازايز مياه مستعملة تجيبها
وممكن تديها جركن مخصوص ليك وبس
وتغليه كويس فى البيت
الغلى بيكون
اثناء وضعه على النار تقلبه وتشيل اى شوائب
اول ما يبتدى يغلى وطى عليه وسيبه يغلى
وتحرك الاناء بحيث يكون طرف فقط على النار ويستمر فى الغلى شوية وتحركه لطرف تانى
ولو عايز ممكن تقوم واضع الاناء فى الحوض فى مياه بارده
كدة عمليه بسترة

[aminibrahim]

بدون ما شوف المشاركات
وبعد تجربة كل انواع اللبان

مزارع دينا

[محمد عز]

فى الخليج فيه نوعين من الألبان بتنتجه الشركات

نوع اسمه طويل الاجل وده بيبقى فى علب كرتون زى اللى فى مصر وكتوب عليه انه متصنع من حليب بودرة وبيقعد فترة طويلة 6 شهور فى حال عدم الفتح وتستهلكه فى اسبوعين لو فتحت العلبه ويبقى فى التلاجة

النوع التانى وهو قصير الامد اللى هوا الفريش وصلاحيته من 3 أيام ل 5 أيام ولازم يبقى مبرد على طول

فى مصر مافيش لبن فريش من الشركات غير على استحياء اللى هوا مزارع دينا

اما باقى علب الكرتون فاعرف انها طويل الامد مضاف اليها مواد حافظة

النصيحة الدهبية اشترى الفريش اللى صلاحيته من 3 ل 5 ايام لانه افضل شىء

وربنا يرحم المصريين برحمته

لان عدم النضافة والاستسهال وعدم الاتقان والاستهانة بمتطلبات الصحة اصبح من الصفات اللاصيقة لشعبنا الحبيب

[Ahmed.Ali]

معلومه صغيره المراعي هو بيتي و بيتي هو المراعي

[أبو آسر]

لاكتيل ولبنيتا صلاحيتهم أسبوعين على ما أظن وأعتقد ده دليل على إنهم أفضل من جهينة وباقي الأنواع التانية اللي بتقعد 6 شهور
مزارع دينا كنت بجيبه للأولاد علطول بس أحيانا كان لازم يتشرب في نفس اليوم اللي بيتفتح فيه ولو اتساب لتاني يوم كان أحيانا طعمه وريحته بتتغير فعلشان كده بطلت أجيبه وبقيت أجيب لاكتيل أو لبنيتا

[walidzakzok]

لبنيتا عبارة عن بودرة سيراميك لايصلح نهائي طعمه زفت

[D . a .\ AYMAN]

لاكتيل ولبنيتا صلاحيتهم أسبوعين على ما أظن وأعتقد ده دليل على إنهم أفضل من جهينة وباقي الأنواع التانية اللي بتقعد 6 شهور
مزارع دينا كنت بجيبه للأولاد علطول بس أحيانا كان لازم يتشرب في نفس اليوم اللي بيتفتح فيه ولو اتساب لتاني يوم كان أحيانا طعمه وريحته بتتغير فعلشان كده بطلت أجيبه وبقيت أجيب لاكتيل أو لبنيتا

لبنيتا ولاكتيل العلبة بتاعتهم بلاستيك مش الكرتون ... عشان كدة صلاحيتهم إسبوعين فقط ... وكمان لما بيتفتحوا مش بيكملوا يوم على بعضه وتلاقي ريحتهم اتغيرت


وبالمناسبة بقى أنا برضه لما جبت مزارع دينا كذا مرة مجرد ما افتح الزجاجة مش بتكمل يوم بداخل الثلاجة وأبص ألاقي ريحتها اتغيرت ... وكذا مرة أرمي الزجاجة كلها بسبب رحتها الوحشة برغم إنها لسة بتكون مفتوحة ... عشان كدة بطلت أجيبه برضه

إذا كان اللبن اللى بيكون طالع من الجاموسة ممكن يقعد في التلاجة بدون غلي خمس أيام مثلا أو إسبوع حتى بدون ما يجراله حاجة ... إشمعنى يعني مزراع دينا مش بيقعد يوم مجرد ما يتفتح ... حسيت إنه برضه مش طبيعي

وجهينة طبعا بقى بيحط لبن بودرة بنسبة 50 % ... وبرضه بطلت أجيبه

أفضل حاجة حاليا بالنسبة لى لامار ... طعمه حلو ومافيهوش لبن بودرة (حسب المكتوب عليه) ... وفي الآخر كله محصل بعضه

[أبو آسر]

لبنيتا ولاكتيل العلبة بتاعتهم بلاستيك مش الكرتون ... عشان كدة صلاحيتهم إسبوعين فقط ... وكمان لما بيتفتحوا مش بيكملوا يوم على بعضه وتلاقي ريحتهم اتغيرت


وبالمناسبة بقى أنا برضه لما جبت مزارع دينا كذا مرة مجرد ما افتح الزجاجة مش بتكمل يوم بداخل الثلاجة وأبص ألاقي ريحتها اتغيرت ... وكذا مرة أرمي الزجاجة كلها بسبب رحتها الوحشة برغم إنها لسة بتكون مفتوحة ... عشان كدة بطلت أجيبه برضه

إذا كان اللبن اللى بيكون طالع من الجاموسة ممكن يقعد في التلاجة بدون غلي خمس أيام مثلا أو إسبوع حتى بدون ما يجراله حاجة ... إشمعنى يعني مزراع دينا مش بيقعد يوم مجرد ما يتفتح ... حسيت إنه برضه مش طبيعي

وجهينة طبعا بقى بيحط لبن بودرة بنسبة 50 % ... وبرضه بطلت أجيبه

أفضل حاجة حاليا بالنسبة لى لامار ... طعمه حلو ومافيهوش لبن بودرة (حسب المكتوب عليه) ... وفي الآخر كله محصل بعضه

كده احنا نبطل نشتري لبن أحسن بأه !
بس معتقدش إن في علاقة بين تاريخ الصلاحية وبين العلبة ، يعني مثلا عندك لبن بيتي بيتحط في علبة بلاستيك وصلاحيته 6 شهور برده على ما أعتقد لكن دايما تلاقي أصحاب السوبر ماركتس بيحطوا لبن لاكتيل ولبنيتا في التلاجة وبيتي وجهينة وخلافه برة عادي